الهام واللي كان الحلقة الاخيرة

 وبعد ما اتقابلنا انكتب الفراق  

             ‏ ★الحلقه السادسة★

من تاليفي
محمد منصور. ** منص **

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                             ‏

فيفتح احدي الادراج الموجوده في المطبخ ويخرج حبل ويبص ناحيه شيرين بكل حقد وكرهه الدنيا ويلف الحبل حولين ايده بكل الحرقة الموجود في الدنيا ويبص ناحية شيرين مره تانية ويروح ناحيتها من الخلف ويستعد للف الحبل حولين رقبتها ويشنقها زي دنيا. وهو مش في وعية تماما فيسمع صوت كريم من عند باب الفيلا يقول وهو يبص علي الحبل الذي يمسكه سليمان

سليمان. انت ناوي علي اية 

فتبص شيرين الي سليمان فيرمي سليمان الحبل مسرعا قبل ان تراه شيرين ويزقة برجلة تحت الركنه اللي قاعدة عليها شيرين وتبص شيرين ل كريم وتقول 

ناوي علي اية يعني اية 

كريم وهو يدخل يقول بمنتهي السرعة وحسن التصرف 

ماعرفش ناوي يقعد معاكي ولا يخرج معايا عشان المشوار اللي رايحينو سوي 

شيرين

مشوار ايه

وتبص ل سليمان وتقول 

انت كنت خارج يا سليمان

سليمان وهو بيجمع اعصابه ويتمالك نفسه من جديد يقول

اه. اه. كنت خارج انا وكريم 

فتقف شيرين وهي تقول 

كدة. طيب استاذن انا بقي وها بقي اجي لك تاني

وتخرج شيرين من الفيلا ويغلق كريم الباب خلفها ويتجه ناحيه الشباك الموجود بجانب باب الفيلا ويبص علي شيرين منتظر انها تخرج ولكن شيرين كانت تقف علي باب الفيلا عشان تسمع ما يقولون فينظر كريم الي سليمان ويشاور له اشاره تخبره بان شيرين تقف علي الباب ويقول

فيها الخير شيرين انها تيجي وتسال عليك 

سليمان وهو ينظر علي الباب والخيال بتاع شيرين اللي باين من تحت عقب الباب و يقول

اة. فيها الخير ماهي اللي فاضلة لي من ريحة دنيا. وبصراحة شيرين حلوة وانا مش هاقدر استحمل اكمل بقيت حياتي من غير ست. ممكن اتجوزها 

فيبص له كريم ويضحك باستهزاء وتسمع شيرين كلام سليمان فتضحك وتنصرف من امام باب الفيلا وكريم لا يزال يبص عليها من الشباك وهي توقف تاكسي وتنصرف فيقول لكريم

مشيت بنت ال، ،،، ولا بلاش. انما ممكن تقولي بقي انت كنت ناوي تعمل اية. 

سليمان وهو بيرمي جسمة علي الركنة

كنت ناوي اقتلها واخد حق دنيا 

كريم

هو انت حاسس ان شيرين هي اللي قتلت دنيا

سليمان بثقة 

انا مش حاسس انا متأكد 

كريم

وفين دليلك

سليمان

ورق التحاليل والاشعة مين ممكن يسرقو من دولاب الاوضة اللي كانت بتنام فيها دنيا غير شيرين ورقة الانتحار اللي لقينها في ايد دنيا مين ممكن تقطعها من الاجندة غير شيرين. مين ممكن يخش الفيلا ودنيا تفتح لها من جوة ومن غير اي قلق ولا شك انها ممكن تغدر بيها غير شيرين. 

كريم

عشان كده كنت عايز تخنقها

سليمان

كان نفسي اخنقها واخليها تحس باللي حستة دنيا قبل ماتموت، ، لكن الحمد لله انت جيت في الوقت المناسب والا كنت زماني دخلت السجن في واحدة زي دي 

كريم

بس ازاي واحده تعمل كده في اختها الكبيره 

سليمان

اهو ده اللي نفسي اعرفه هي بتكره دنيا ليه كده اكيد في حاجه مش طبيعيه ما فيش واحده عاقلة تقتل اختها 

ثم يسكت للحظات وكانه افتكر شي ثم قال لكريم

كريم انا افتكرت حاجة. مرة دنيا قالت لي انا ابوها كان بيدلعها اكتر من شيرين. عشان الملجاة والتبني وحاجة زي كدة 

كريم باستغراب

ملجاة اية. وتبني مين. انا مش فاهم منك حاجة

سليمان

ولا انا فاهم دنيا كانت تقصد اية لانها كانت ديما ما ترضاش تحكي. كتير في الموضوع دة كريم انا عايزك في مشوار 

كريم

هنروح فين

سليمان وهو يستعد للخروج من الفيلا

هاقول لك واحنا في الطريق،،،،،،،

وبعدها بساعة. ومن داخل شقه شيرين كانت شيرين تجلس امام الشاشه الموجوده في الصاله تشاهد فيلم اجنبي فيرن جرس الباب فتذهب وتفتح الباب فتجد سليمان امامها فتقول له

لا ده انا كده بحلم اشوف القمر. مرتين في نفس الليلة 

سليمان ضاحكا يقول

لو انا قمر اومال انتي ايه

شيرين بدلع وهي بتبص في عيونة

انا النداهه. اللي انادي عليه وابص في عيونة يجي لغايه عندي وهو راكع علي رجليه. 

سليمان

وانا جاي وراكع علي رجليه وبقول لك ممكن تقبلي عزومتي علي العشا في المكان اللي انتي عايزا

شيرين وهي تقترب منه تقول

عشا بس

سليمان

ممكن بعد العشا نحلي

فتضحك شيرين وتقول باغراء شديد

هاغير هدومي وهارجع لك

وتتجه شيرين الي اوضتها وتخش الاوضة وتقفل الباب وراها فيبص سليمان ناحيه كريم الذي كان يختبئ

علي السلم ويشاور له فيدخل كريم الي الشقه بحذر شديد

ويختبئ في المطبخ وتخرج شيرين من اوضة النوم بعد ما غيرت هدومها وقالت لسليمان

انا جاهزه

فياخذها سليمان ويخرج بها من الشقة ويخرج كريم من المطبخ ويدخل الي اوضة نوم شيرين ويدور في دولابها عن اي اوراق ممكن تفيد سليمان ولكنه لم يجد اي ورقه مفيده وذهب الي أوضة عفاف وفضل يدور في كل مكان في الاوضة عن اي ورقه ممكن انها تفيده ولكنه لم يجد شي فيجد في الصاله علي الركنه اللاب توب الخاص بشيرين فيفتح اللاب توب فيجد كلمه سر فيخرج فلاشه من جيبه عليها برنامج هكر يفك اي كلمة سر وبالفعل يفتح الجهاز ويدخل علي الملفات الموجوده في الجهاز ويفتح الملفات المخفيه فيجد صور لدنيا وهي تلعب من والدها وشيرين تجلس في الصوره تبكي وصور اخري شيرين لوحدها ودنيا تلعب ووالدها يصورها وبين الملفات المخفيه ملف لتبني طفله من ملجاه وكان اسمها خلود فيستغرب كريم ويقول

خلود مين دي 

فياخذ كريم عنوان الملجا واسمه. ويغلق الكمبيوتر ويخرج من الشقة مسرعا،،،،،،،، 

و بعد منتصف الليل كان سليمان يقف مع شيرين امام الفيلا وحالته مش طبيعيه وكان سليمان بيضحك ويضحك بدون سبب فتسنده شيرين وتدخل به الفيلا وتغلق الباب خلفها وتصعد بسليمان الي اوضة النوم وتدخل الاوضة وتقفل الباب وراء منها وتحط سليمان علي السرير وهي بتضحك بمكر وتقول 

جاي تلعب عليه انا دور العاشق لما تحب تلعب العب مع حد قدك ،،،،،،،،،،،،،،

وتمر الليلة وتشرق الشمس ويصحي سليمان من النوم فيجد نفسه شبه عاري وبجانبه يجد شيرين نائمه شبه عاريه فينظر لشيرين وهو يفتح عيونه بصعوبه حتي يتاكد انها بجانبه بالفعل فينهض ويجلس علي السرير وهو متعجب وفي حاله استغراب ازاي جت شيرين لي اوضة نومه وهي عريانة كدة تقريبا وافتكر انه وهو في المطعم اخذ كوبيه عصير من أيد شيرين وبعديها مبقاش فاكر اي حاجة فيمسك شيرين اللي كانت نايمة من شعرها ويقول لها بمنتهي الحده والعصبيه

انتي يا زباله يا واطيه كنتي حاطه لي ايه في العصير

شيرين وهي تحاول فتح عيونها بصعوبه

في ايه

سليمان وهو ينهض من علي السرير ويجرها من شعرها الي ارض الاوضة وهو يقول بنرفزة 

في ايه ايه يا بنت الكلب انتي يا نجسه تنامي علي سريري

السرير اللي نامت عليه دنيا انتي ما تنميش عليه ابدا 

ويظل يجرها من شعرها ويرميها خارج الاوضة ويقفل الباب في وشها وهو في منتهي الغضب وشيرين تصرخ وتقول وهي خارج الاوضة 

دنيا مين دي. انا احلي من دنيا انا ما فيش راجل يعرفني الا لما يتمناني. وزي ماجيت لغايه عندي بالكدب المره اللي جايه ها تيجي لغايه عندي وتقولي اتجوزيني وبكره افكرك 

وتخبط علي الباب بمنتهي العنف وتقول

هات هدومي

فيمسك سليمان هدومها ويفتح الباب ويرميهم في وشها،،،،

فتلبس شيرين هدومها وهي تقول

انا هاربيك من جديد يا سليمان لو ماخليتكش تيجي راكع لغاية عندي ميقاش انا شيرين عبود 

وتخرج شيرين من الفيلا وهي غاضبه ويقف تاكسي وينزل منه كريم ويتعجب عندما يجد شيرين خارجا من فيلا سليمان في التوقيت دة ويدخل الي الفيلا ويصعد لحجره سليمان ويعرف منه اللي حصل وكان سليمان قرفان من نفسه جدا لانه فعل شي يغضب ربنا فقال له كريم

طيب اهدئة بس 

سليمان بعصبية

دي شيطانة. وانا لازم اربيها. انا اعمل كدة ومع دي. انا اكون لحد تاني غير دنيا ومين الزبالة دي. انا المس واحدة في الحرام. بنت الكلب بنت الكلب 

كريم

سليمان حاول تمسك اعصابك مش كدة

سليمان

اعوذ بالله من الشيطان الرجيم اعوذ بالله من الشيطان الرجيم.  

كريم وهو يخرج ورقة فيها عنوان الملجاة ويديها لسليمان

اللي بص للورقة وقال

ايو الورقة دي

كريم

هو انت نسيت احنا كنا فين امبارح وبندور علي اية 

سليمان

فاكر طبعا.

كريم 

الورقة دي فيها عنوان لملجاة اتبني منة عبود عبد الحي بنت اسمها خلود 

سليمان باستغراب

خلود مين

كريم

دة اللي لازم نروح الملجاة ونعرفة ولولا اني اتسحلت امبارح في شغلي كنت زماني روحت وعرفت كل حاجة .،،،،،،،،

ومن داخل مكتب مديرة الملجاة يجلس سليمان وكريم مع المديره ويقول سليمان

من حوالي 30 سنه في حد اسمه عبود عبد الحي عبود جه اتبني طفله من الملجا ده واسمها خلود 

مديره الملجا وهي تتذكر الاسم وكانها تعرفه تقول

عبود ده جوز عفاف 

سليمان

أيوه هو جوز عفاف انتي تعرفيهم

مديره الملجا

أنا قريبه عفاف من البلد وصاحبتها وعفاف كانت ما بتخلفش وعبود كان نفسه في بنت فعفاف جات لي وقالت لي اشوف لها بنت وفعلا كان عندنا بنت عندها سنة تقريبا لقينها قدام الملجا واتسمت خلود شافها عبود وقرر انه يتبنها وخلص الاجرات وبقيت بنته لكن بعد كدة عرفت ان عبود سماها شيرين

فيبص سليمان لكريم مصدومين وتكمل مديرة الملجاة 

 لكن بعديها بسنة تقريبا ربنا اراد ان عفاف تحمل وجابت بنت وسموها دنيا وعفاف استحرمت تتخلي عن شيرين رغم ان عبود ماكنش عايز يكمل تربيتها. واحتراما لرغبة عفاف ربي عبود شيرين لكنة طبعا حب دنيا اكتر ماهي بنتة من صلبة ودة كان مخلية عفاف تحاول توزن بين حبها لبنتها بالتبني وحبها لبنتها اللي من دمها

سليمان وهو مصدوم مما يسمعه

يعني شيرين لقيطة 

كريم

عشان كده شيرين عمرها ما حبيت دنيا.

سليمان

بس ازاي الاوراق بتقول ان دنيا هي الكبيرة وشيرين الصغيرة

مديرة الملجاة

عبود رفض ان شيرين تكون هي الكبيرة وخلي دنيا هي الكبيرة باعتبار انها اول خلفة لي. و طلع شهادة ميلاد ليها بتاريخ ميلاد قبل شيرين بسنتين. 

سليمان

وشيرين عرفت ان دنيا مش اختها

مديرة الملجاة

عرفت من امها عفاف اللي ما حبتش تخبي عليها موضوع زي دة. 

سليمان

انا كده عرفت هي ليه كانت بتكره دنيا، ،،،،،،،

وبعدها بيومين ومن قدام بوابة فيلا. سليمان يقف دليفري لاحدي المطاعم المشهورة ويفتح لة سليمان بوابة الفيلا وياخذ منة الاكل ويحاسبة وعند اول الشارع تقف شيرين في الظلمة فيروح لها الدليفري ويقف قدام منها ويقول

حصل وخد الاكل

فتخرج شيرين رزمة من الفلوس وتحطها في ايد الدليفري وتقول له

هتاخد مني المبلغ دة يومين في الاسبوع طول ما بتحط لة في الاكل برشام الهلوسة اللي قولت لك علية واوعي تزود الجرعة علشان ما يحسش بحاجة 

الدليفري وهو بيبص للفلوس الكتير ويقول

من عينية يا ست الكل. انتي لو عايزاني كمان احط له سم احط له

شيرين

مش للدرجة دي. ويالا امشي انت

ويمشي الدليفري وتروح شيرين ناحية بوابة الفيلا وتفتح البوابة بمفتاحها الخاص اللي طلعت منه نسخة لما كانت عند سليمان اخر مرة وتمشي في جنينة الفيلا بمنتهي الارياحية بعد ماعرفت ان بواب الفيلا واخد اجازة اسبوع. واتجهت ناحية باب الفيلا الداخلي وفتحت الباب بالمفتاح ودخلت للفيلا علشان تلاقي سليمان بيضحك وفاقد للادراك تقريبا زية زي السكران فتبص لة وتضحك وتقول له وهي بتمشي ايدها علي بطنها مكان الرحم 

جاهز تخلي الرحم بتاعي في حتة منك. يكون نقطة ضعفك 

فيبص لها سليمان وهو عمال يضحك بشكل هستيري فتاخدة في حضنها ويحصل ما هي بتخطط له وقبل ما يفوق ترجع كل حاجة زي ما كانت وتحط سليمان علي السرير وهو نايم وبكامل هدومة ، ،،،،،،،،،

ويعدي شهرين وسليمان بيراقب شيرين بالنهار وهي تروح له بالليل يومين كل اسبوع وهو بيحاول يوصل لاي دليل يثبت بي انها هي اللي قتلت دنيا. لكن كل محاولاته بتنتهي بالفشل. وحس ان صعب يوصل لدليل يدين شيرين. واثناء هذة الفترة ومن داخل شقة شيرين كانت تجلس شيرين في اوضتها فيرن الموبيل الخاص بها وكان المتصل فؤاد فترد قائلا

الو

صوت فؤاد

صاحبك من ساعة ما راح الملجاة وعرف حقيقتك وهو عمال ينخور وراكي

فتضحك شيرين وتقول

طيب ما ينخور وأنا في الوقت المناسب هابعت له فيديو يخلي يصدق كل اللي هو شاكك في. وهاخلي ساعتها يحميني 

فؤاد

فيديو اية دة

شيرين 

بعدين هاقول لك. ،،،،،،،،،،،

وفي احدي الايام كان سليمان قاعد في حديقه فليته فيرن جرس الموبيل الخاص به فيرد سليمان ويقول

الو

فيسمع صوت منير اللي كلمة قبل كدة بيقول له

ايوه يا سليمان باشا

سليمان

مين معايا

منير 

مش مهم مين معاك المهم ان في عيل صغير ها يخبط علي باب فليتك دلوقتي وهايديك كارت ميموري عليه فيديو لما تشوفه هاتعرف مين اللي قتل دنيا 

وينهي منير المكالمة وسليمان يقول بتوتر 

الو الو الو

وبالفعل يسمع صوت خبط علي باب الفيلا ويذهب ناحيه باب الفيلا مسرعا فيجد الطفل فياخذ منه كارت الميموري ويضعه في موبيلة مسرعا فيجد مقطع فيديو لشيرين وهي بتخنق دنيا من الخلف وبتجرها علي الارض وبتروح بيها ناحية اوضة المكتب وبتعلقها من رقبتها في النجفه وينتهي الفيديو عن هذا الحد فتتحول ملامح سليمان الي

ملامح الغضب لو اعتبرنا ان للغضب ملامح ويقول بمنتهي العصبية 

يا بنت الكلب يا بنت الكلب انا كان قلبي حاسس ان انتي اللي عملتيها وحياه امك لخلص عليكي بايديه

ويخرج من الفيلا ويركب سيارته ويتجه ناحيه شقه شيرين ويصل الي شقه شيرين ويكسر باب الشقه برجلة ويدخل الي الشقة وينادي علي شيرين بعصبيه شديده

فترد عليه شيرين من اوضة النوم وهي تقول

تعالي يا حبيبي انا هنا

فيروح ناحيه اوضة النوم ويكسر الباب برجلة ويدخل الاوضة فيلاقي دكتور قاعد جنب منها بيقيس ليها الضغط وهي بتبص للدكتور وتقول

اهو هو ده يا دكتور جوزي رجل الاعمال المعروف سليمان الطيب ابو ابني

فيبص سليمان للدكتور ويقول

هو في ايه

الدكتور

مبروك المدام حامل في شهرين

فيصدم سليمان ويبص لشيرين اللي كانت بتضحك ضحكه كلها شر، ،،،،،،،،،،

مش هقول. علقو والجو دة. اكتب تقيمك للحلقة من

 واحد ل عشرة. حلوة الصيغة دي.