بيت عوج
★الحلقة السادسة★
كتابه واقتباس
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وفي اللحظة دي كان صفوت رمي تلت اقراص بروفين في فناجين القهوة فاستغرب رامي وقال
انت رميت اية في القهوة يا استاذ صفوت
صفوت وهو بيبص للتلت فناجين
هاتعرف حالا.
وفجاة تحول لون القرص في الفنجان اللي قدام عيسي من الابيض الي الاسود انصدم عيسي وصفوت بص لرامي وقال
انت اللي بتحط السم لعيسي. طيب لية
عيسي بتاثر شديد
انت يا رامي اللي عايز تقتلني. دة انت كاتم اسراري وذراعي اليمين وكنت بثق فيك وبعتبرك زي ابني
رامي باستغراب
سم اية. وانا هاقتلك لية دة انا عايش في خيرك.
صفوت
كل الكلام دة مالهوش لزوم. قولي لية عايز تقتل عيسي
رامي بعصبية شديدة
تاني هاتقولي اقتل. طيب والله العظ،،،،،،،،،،
صفوت وهو يقاطعة
اسكت ما تحلفش. الفنجان اللي قدام عيسي في جرعة من سم ال HS. اللي مركبة عيسي بايدة وانا لقيت بصماتك في المعمل
فتدخل فاتن الي الاوضة وهي في أيدها الشال الاسود وتقول
ومش بس كدة دة كمان الشال بتاع الشبح كان في دولابة
بص رامي لفاتن وقال باستغراب
شبح اية. والشال دة مش بتاعي اصلا. انا لقيتة
فاتن وهي بتقرب منه
بجد. وانا بقي عبيطة وهاصدق. انت عارف انا كل اللي مجنني انت ازاي ضحكت علينا ووهمتنا ان في شبح وبيدخل في حيطة ويختفي.
رامي
والله العظيم انا ماعملتش حاجة. دة كله كذب
صفوت
لسة مصمم تنكر. عموما في القسم هاتقول كل حاجة. بعد ما يتقبض عليك بتهمة الشروع في قتل عيسي
رامي بانكار
انا. اقتل مستحيل اعمل كدة
ويقرب رامي من فاتن ويقول بصوت واطي
فاتن انتي ازاي تصدقي اني ممكن اقتل دة انتي اكتر واحدة عرفاني في الدنيا دي
فاتن بصوت واطي
لية خبيت علية ان ابويا مات مسموم
اتصدم رامي اكتر وقال
عم عبد الحق. مات مسموم طيب ازاي
فاتن
هاتعمل نفسك مش فاهم حاجة انا شوفت المفكرة اللي كانت في دولابك،
رامي
مفكرة اية
فاتن بغل
لية يا رامي خبيت علية ان ابويا مات مسموم. و بسبب اللي انت خبيتة علية انا هاوديك في داهية
في اللحظة دي وقف عيسي قدام فاتن ورامي وبص لهم وقال
ما تسمعوني بتقولو اية. ولا في اسرار ما بينكم
فاتن بثبات
لو في سر ما بينا هاعرفك. مش هاتكسف اخبي
عيسي وهو بيقرب منها
متاكدة
فاتن وهي بتبص في عينية
الا متاكدة.
في هذة اللحظة سمعوا صفوت بيقول
خلاص البوليس جاي في الطريق عشان ياخد رامي
رامي برجاء
بوليس اية بس انا والله ما عملت حاجة. حرام عليكم انا برئ والله
صفوت
وفر كلامك دة للتحقيق.،،،،،،،
ومن جنينة القصر يجلس منتصر وحسنية مع رجل يدعي مراد وهو الشخص اللي واخد شيك بدون رصيد علي منتصر وكان بيقول له منتصر
انا اتصرفت لك في جزء من المبلغ واديتهو لك. وانتي اديتني مهلة وفاضل علي نهاية المهلة دي اسبوع اية بقي اللي جد. يخليك تيجي لي النهاردة وتطلب فلوسك
مراد
في تيلفون جالي من ساعة من واحد اسمة عبد الحق وبيحذرني منك وقال لي انك مسافر كمان 3 ايام ومش هاتدفع حاجة
منتصر باستغراب. وهو بيبص لحسنية
عبد الحق.
حسنية
يا استاذ مراد. عبد الحق اللي كلمك دة كذاب
مراد
لا مش كذاب. دة قال لي انة جوزك ويعرف منتصر كويس وعارف انة حرامي ونصاب
حسنية باستغراب شديد
عبد الحق جوزي ميت. من سنة ونص
مراد
ميت ازاي وهو لسة مكلمني من ساعة
منتصر بعصبية
وعهد الله مات. وانا دفنة بايدي. انت عايز تجنني
مراد بعصبية شديدة
بقولك اية. انا عايز فلوسي النهاردة. والا الشيك اللي معايا هايتقدم للنيابة وهاحبسك بي
حسنية
طيب اهدئة يا استاذ مراد. ولازم تقدر ظروفنا.
مراد
انا استحملت كتير ومش هاستني يوم تاني اخر ابنك معايا النهاردة. وبكرة الصبح فلوسي تكون عندي والا ابنك هايبات من بكرة في التخشيبة
ويقف مراد ويتكرهم وينصرف وحسنية تبص لمنتصر وتقول
ادي اخرة مشيك الهوج
منتصر
مش وقتة يا ما. انا اللي مجنني دلوقتي مين عبد الحق دة اللي اتصل بي
حسنية
حاجة تحير صحيج. يكنش عبد الحق لسة عايش
منتصر. وهو بيبص علي ايدة
ازاي بس. انتو عايزين تجننوني. انا دفنة بايدية دول. دفنة بايدية دول
حسنية
يبقي الشبح بتاعه ظهر فعلا
منتصر باستهزاء
تاني هاتقولي شبح
حسنية
اومال مين بس
منتصر
انتي مش قولتي قبل كدة فاتن. تبقي لية ماتكنش فاتن
حسنية باقتناع
صدق صح. هي الوحيدة اللي ليها مصلحة من سجنك عشان تبعد عنها ويموت عيسي وتتجوز رامي
منتصر يكمل
يبقي هي مافيش غيرها
حسنية بشر
بقي كدة. طيب ودين النبي لعلمها الادب وهاعرف عيسي كل حاجة بينها وبين رامي
منتصر
انتي كدة بتخربيها يا حسنية. علينا
حسنية
لا. هاتخرب علي دماغها هي بس ان شاء الله، ،،،،،،،،،،،
وبعديها بساعة تيجي قوة من القسم وتاخذ رامي وسط محاولات من رامي من انكار كل ما يقال ولكن بلافائدة. ويقف صفوت قدام عيسي في مدخل القصر ويقول
لغاية هنا. وانا عملت معاك باصلي. سلام
ويستعد صفوت للانصراف فيقول له عيسي وهو يمسك ايدة
هاتسبني وتمشي
صفوت
انا وعدك اني اعرف مين اللي عايز يسمك واحميك منه وخلاص اللي كان عايزك تموت اتقبض علية
عيسي
طيب ممكن تتغدي معايا ونتكلم
صفوت
مافيش كلام تاني ما بينا
عيسي
عشان خاطري اخر حاجة هاطلبها منك
بص له صفوت وماردش فقال له عيسي
محتاج اتكلم معاك. ومن حقي ادافع عن نفسي
صفوت
اي كلام هاتقوله مش هايخليني انسي اللي انت عملتة
عيسي
الكلام دة هايخليك تنسي. وتسامحني كمان
ودخل صفوت وهو عايز يعرف عيسي هايقول اية وقعدوا علي السفرة واتحط لهم الاكل وفاتن بتبص عليهم من بعيد وخصوصا علي صفوت لانها عايزا تعرف منه ابوها مات ازاي بعد اللي قرتة في المفكرة. بتاعت رامي وهي ان سبب موت ابوها هو البروفين وصفوت ووقفت حسنية قدام فاتن وقالت
عيسي خلص اكل ولا لسة
بصيت لها فاتن وماردتش فقالت حسنية وهي ماسكة الموبيل بتاعها ومشغلة فيديو فاتن مع رامي وبتقول
اصلي ناوية انزل بالحلو. عشان افتح نفسه
فاتن وهي بتبص للفيديو ببرود وتقول
كويس ان الفيديو لسة معاكي عشان تبعتي ليا اخلي للذكري
حسنية
انا فعلا هابعتة بس مش ليكي. هابعتة لعيسي علي الواتس ولما يشوفة عيسي اكيد هيخرب الدنيا عليكي
فاتن بتهديد
ساعتها الفيديو بتاعك هايطلع
حسنية ضاحكا
مابقاش لي لزمة خلاص بقي عرفنا مين اللي بيحط السم لعيسي. وهو عشيقك. يعني الحكومة هاتقول انك انتي متفقة مع رامي علي موت عيسي عشان تتجوزو ومش الحكومة بس اللي هاتحسبها كدة دة كمان عيسي
فاتن بعد مابان عليها القلق والخوف
وهاتكسبي اية لما تعملي كدة.
حسنية بجبروت
هاخربها عليكي وعلي دماغك زي ماخربتيها علي ابني
فاتن
طيب بلاش تبعتي الفيديو لعيسي وخلينا نتفاهم. وهاديكي اللي انتي عايزا
حسنية وهي بتبص للموبيل بتاعها وتستعد لي ارسال الفيديو
خلاص ماعدش ينفع
وقبل مادوس حسنية علي زر الارسال زقتها فاتن بسرعة وبقوة بايدها الشمال وفي نفس الوقت اخدت منها الموبيل بايدها اليمين ومن قوة الزقة وقعت حسنية علي الارض وحاولت ان تمسك باي شي ولكنها وقعت وفوق منها تحفة من تحف القصر اللي خبطت فيها وكان في التحفة دي سن حاد والسن دة دخل في رقبة حسنية اللي صرخت من شدة الوجع فبص لها عيسي وصفوت وقامو بسرعة راحو ناحيتها وصفوت بيقول
في اية
فاتن وهي واخدة حسنية في حضنها
اتكعبلت في السجادة. ووقعت حاولت الحقها ما عرفتش
فيبص صفوت لسن التحفة اللي داخل في رقبة حسنية اللي بتتالم بشدة فتقول فاتن بقلق
ما حد فيكم يشيل سن التحفة من رقبتها
بص صفوت لفاتن وقال
مش هاينفع لازم تروح المستشفي حالا. وهناك
هما يتصرفو
فتنظر فاتن لحسنية اللي كان مغمي عليها وتقول في سرها
شوفتي عملتي في نفسك اية. لو كنتي سمعتي كلامي واتفقنا كان زمان كل دة ماحصلش
في هذة اللحظة ينضم لهم منتصر وينظر ناحية امة المصابة ويقول
امي.
ويذهب ناحيتها وياخذ حسنية في حضنة ويبعد فاتن عنها وهو يقول
قتلتيها يا بنت الكلب
فاتن بعصبية
قتلت مين انت مجنون. دي اتكعبلت ووقعت
منتصر بغل
ورحمة ابوكي لو امي حصل لها حاجة لقتلك يا فاتن.
فاتن بعصبية
انت فاكرني ها خاف منك
منتصر وهو بيبص لها
ادعي لها انها تقوم بالسلامة. عشان لو ماتت الخوف هايجري في دمك من اللي هاعمله فيكي
ويبص لعيسي. وصفوت ويقول بعصبية
حد يطلب الاسعاف
صفوت وهو يضع موبيلة في جيبة
انا اتصلت بالاسعاف وهي جاية حالا
عيسي وهو بيركع امام منتصر وينظر له في عيونة ويقول
لية افتكرت ان فاتن عايزا تقتل حسنية
منتصر وهو بيبص لفاتن وبعد كدة بص لعيسي
دة حوار قديم. يخصني انا ومراتك وامي
عيسي
اية هو
منتصر
مع انة مش وقتة بس هاعرفك واحرق قلب مراتك. واحرق قلبك انت كمان زي ماحرقت قلبي وخد مني حبيبتي
وبص منتصر لفاتن وقال
من سنة ونص، ،،،،،،،،،،،
ونرجع لشقة عبد الحق ومنتصر واقف قدام فاتن وامه قاعدة بتابع اللي بيحصل وفاتن كانت بتقول
هاتجوزة يعني هاتجوزة وانت مالكش حكم علية
منتصر بعصبية
نعم يا روح امك. انتي خطيبتي انا وكلها كام سنة وتبقي مراتي
فاتن
انت لاقي تاكل. عشان تتجوزني
منتصر
القبض بتاعك مع اللي بجيبة انا يعيشونا حلوين
فتضحك فاتن وتقول باستهزاء
اللي انت بتجيبة من النصب والسرقة. ولو ما نصبتش بتعيش عالة علي فلوس امك. اللي مدلعاك
منتصر
انتي لما تبقي مراتي ويبقي ناقصك حاجة ابقي اتكلمي
فاتن
بردو مش هاتجوزك يا منتصر
فيمسكها منتصر من ذراعها ويقول بمنتهي العصبية
اسمع يا بت انتي مراتي بمزاجك غصب عنك مراتي ودة اخر كلام عندي. ولو عيسي دة فكر ياخدك مني هازعلة علي اللي فاضل من عمرة
فاتن وهي تتوجع
من امتي الحب دة. ومن امتي انا بفرق معاك.
وتبص فاتن لحسنية
بس انا عارفة مين اللي سخنك علية كدة. كل دة عشان اختارني انا وسابك انتي
فتنظر لها حسنية بكيد وتبتسم فيقول منتصر
سيبك منها وخليكي معايا.
فتقرر فاتن استخدام المكر وتقول بدلع
منتصر يا حبيبي جوازي من عيسي دة جواز منفعة لينا كلنا. وهانكسب من وراء ملايين
طمع منتصر بدا يسيطر علية وساب ذراع فاتن وقال
تقصدي اية
فاتن
عيسي لو عاش هايعيش قد اية سنة اتنين تلاتة. ومسيرة هايموت وابقي انا الوريثة الوحيدة لي واتجوزك ونعيش سوي ونتمتع بفلوسه
فيبص منتصر لحسنية فتقول له
فكرة حلوة. وكلامك معلمين
فاتن
مش كدة. وانا هادلع علي عيسي وهاخلي يجيبكم تعيشوا معايا في القصر ونعيش كلنا في الهنا
منتصر
تمام. لكن لو غدرتي
فاتن
اعمل فيا اللي انت عايزة، ،،،،،،،
ونرجع للقصر وعيسي بيبص لفاتن باستحقار بعد اللي سمعة من منتصر وقال عيسي
طيب ما لغاية دلوقتي هي بتفذ اتفاقها وجيبتكم تعيشوا معايا. فين الغدر بقي
منتصر
غدرت بيا لما سيبتني وحبت رامي السكرتير بتاعك
فاتن بعصبية
كذاب
منتصر وهو بيخرج الموبيل بتاعه وشغل الفيديو اللي صورة لفاتن مع رامي وبيدي الموبيل لعيسي
اتفرج وقولي مين فينا اللي كذاب
بص عيسي للفيديو واتوجع وبص لفاتن وقال
اطلعي برة
فاتن
عيسي دة، ،،،،،،،،،،
عيسي بعصبية شديدة
برة. ومن دلوقتي القصر دة مالكيش في حاجة. انتي طالق
فتبص فاتن لصفوت وتبص لعيسي وتخرج من القصر وهي مش مصدقة اللي حصل. وبعد خروج فاتن بلحظات تيجي عربية الاسعاف وتاخد حسنية ويركب معها ابنها منتصر اللي كان قلقان عليها جدا. وتنطلق سيارة الاسعاف، ،،،،،،،،،،،
وقبل منتصف الليل بنص ساعة يجلس صفوت علي السرير في اوضة نومة وبجانبة تنام زوجتة ويفكر في اليوم الطويل اللي قضاة في قصر عيسي ولايخرجة من تفكيرة الا صوت رن جرس الفيلا فتستيقظ زوجتة من نومها وتدعي نجلاء وتقول
صفوت اية الصوت دة
صفوت
نامي يا حبيبتي دة جرس الفيلا بيرن هانزل اشوف مين
ويخرج صفوت من الاوضة ويتجة الي باب الفيلا ويفتح الباب فيجد امامة فاتن فيقول لها وهو خاف
انتي اتجننتي جاية برجلك لغاية هنا وفي الوقت دة
فاتن
ما انا بتصل بيك موبيلك مقفول
صفوت
فصل شحن. امشي يالا دلوقتي
فاتن
هامشي اروح فين انا جاية لك
صفوت
جاية دلوقتي لية
فتخرج فاتن المفكرة بتاعت رامي وتفتح الصفحة اللي فيها جملة
*** النهاردة الخميس الموافق 2018/6/23 ودة الميعاد اللي مات في عبد الحق. والسبب مش سم عيسي السبب البروفين. وصفوت ***
فيقرأ صفوت الجملة ويقول
انا ماليش دعوي بالكلام دة ولا اعرف عنه حاجة
فاتن
ازاي. المفكرة دي لقيتها عند رامي واللي فهمته منها ان ابويا مات مسموم. وبسببك انت
صفوت
الكلام دة مش حقيقي. لازم تصدقيني. عيسي هو اللي سم ابوكي هو قال لي كدة بنفسه
فاتن
ولما هو اللي سمه لية اسمك جه في مفكرة رامي
صفوت وهو عمال يبص للدور التاني من الفيلا خايف مراتة تشوفه وبيقول
ماعرفش ماعرفش. وامشي دلوقتي وبعدين نتكلم
فاتن
مافيهاش بعدين عايزا ارتاح واتاكد ابويا مات علي ايد مين فيكم.
صفوت بحدة
ابوكي مات بايد عيسي. انا برئ من دم ابوكي
وفي اللحظة دي يرن موبيل نجلاء مرات صفوت فتنظر نجلاء للموبيل فتلاقي رقم غريب فترد قائلا
الو مين معايا
ويرد المتصل قائلا
أنا عبد الحق.
نجلاء باستغراب
عبد الحق مين
عبد الحق
مش لازم تعرفي. بس اللي لازم تعرفي دلوقتي ان جوزك واقف دلوقتي مع فاتن اللي سمتة ومافيش لحظات وهايقع ميت ،،،،،،،،
وفعلا في نفس الوقت مسك صفوت صدرة وبدا يتالم وبقي يجيب دم من كل فتحة في جسمة وقال بصعوبة
في حد سمني بال HS مخلوط بحبوب البروفين
فاتن باستغراب
اتسميت. وانت عرفت ازاي
صفوت وهي لايزال يتوجع
دي اعراضة. اكيد انتي اللي سمتيني. ساعة ماكنت باكل مع عيس،،،،،،،،،،،،
ووقع صفوت جثة هامدة بسبب تعرضة للسكتة القلبية وصرخت فاتن من المنظر وعلي صوت صراخها اتلم عليها كل سكان الفيلا وقبضوا عليها وفي لحظة مقاومتها ليهم وقف قدامها الراجل صاحب الشال الاسود او الشبح، ،،،،،،،،،
ومن دلوقتي كل اللي فات حمادة وكل اللي جاي حمادة تاني خالص ،،،،،،
برافو عليك ياحمادة
ردحذف١٠
ردحذفتم
ردحذفروووعه فوق ااروعه كمان تحياتي
ردحذف