جاري البحث
★الحلقة الخامسة★
كتابة واقتباس
محمد منصور. * منص*
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
والصبح بدري كان التيلفزيون والمراسلين والمواقع الاخبارية بيتابعوا باهتمام شديد عملية اخراج عربية اماي من البحيرة وفعلا قدر الونش يخرج بالعربية وسط قلق سونج واخو كيم واوماي وبمجرد ما خرجت العربية من البحيرة جري ناحيتها سونج باقصي سرعه علشان يشوف بنته جوة منها ولو جوة منها اكيد هتكون ميته. وفتح باب العربية اللي كان عليه طحالب كتير تمنع الروية وبص جوة العربية ولقي العربية فاضية ما بقاش عارف يفرح ان بقي احتمال ان بنته خرجت من العربية وقدرت تفلت من الغرق في البحيرة. ولا ممكن تكون غرقت وجثتها في قاع البحيرة وبدات اوماي وفريق البحث بتاعها ترفع البصمات اللي علي العربية وطلبت في اللاسكلي الخاص بيها
عايزا غطاسين حالا عند البحيرة. ويقوموا بالبحث في اعماق البحيرة عن اي اثر ل اماي
وانهت الرساله وبصت ناحية سونج اللي كان منهار ورجليها مش قادرة تشيلة وقعد علي الارض وكيم قعد جنب منه وقال له
اماي كانت بتعرف تعوم يعني صعب تموت غرقانه
سونج
لو وقعت في البحيرة وهي في وعيها انا متاكد انها هتطلع عايشة من المية. لكن الخوف انها تكون وقعت في البحيرة وهي مش في وعيها
اوماي
انا عايزاك تطمئن انا طلبت غطاسين علشان يبحثوا عن اماي في قاع البحيرة. واتمني ان الباقي يبقي خير
سونج
انا كمان اتمني كدة،،،،،،،
وبعدها بساعتين تقف اوماي قدام بعض الصحفيين وتقول لهم
دة التقرير الرسمي لفريق البحث الجنائي. المكلف بحل لغز اختفاء المراهقة اماي سونج. قدرت التحريات تثبت بما لا يدع مجال للشك ان اماي سونج تم اختطفاها. بعد ما تم اخراج عربيتها من قاع البحيرة وهي مش بداخلها. وكمان بعد ماقامو الغطاسين بالبحث عن اماي في قاع البحيرة وماقدرناش نوصل لاي اثر ليها. ولازال جاري البحث. ومع غياب اماي عن والدها لليوم السادس. نطلب من اي حد يريد المساعده انه يكون مع فريق البحث الجنائي اللي هيقوم بتمشيط الغابة. اللي تقدر مساحتها ل 40 ك. م. مربع. بمكن نوصل لاي دليل يوصلنا لحل لغز اختفاء المراهقة اماي. اتمني ان اي حد يقدر يساعدنا في تمشيط الغابة يكون موجود بكرة في تمام الساعه 7. ص. وشكرا ليكم.،،،،،،
وفعلا تاني يوم يبدا البحث في الغابة حوالي 100 رجل وفتاة يمشطون الغابة مع سونج وكيم وانتهي اول يوم في البحث ولما يتم العثور علي اي شئ. ،،،،،،،
رجع سونج لبيته وقعد قدام الشاشة وشغل احدي القنوات الاخبارية اللي كانت بتتكلم عن اختفاء اماي وابتسم لما شاف صاحب اماي المفضل اللي كان معها في مرحلة الاعدادية اللي اسمه جي هون في احدي اللقاءات التيلفزيونية بيقول للمذيعة
اماي هي الصديقة المقربة لي وديما كنت بتواصل معها وكنت اول المتطوعين للبحث عنها.
طبعا سونج عارف ان دة مجرد كذبة. وكسب للشهرة علي حساب قضية اختفاء بنته ولي واحدة تانية هو نفسه ما يعرفهاش واقفة بتقول
قبل الحادثة بيوم كنت مع اماي في احدي السينمات. اماي هي الصديقة المفضلة لي. اتمني رجوعها
وغيره وغيرة كله كذب في كذب. كله عايز دلوقتي يبين قد اية هو كان قريب من اماي. زهق سونج وققل الشاشة وبص لسقف الاوضة. وسمع صوت ميشا. وهي بتقول
اتمني انك تكون مرتاح دلوقتي بعد ما كنت السبب في ضياع بنتنا
اتفزع سونج وبص يمين وشمال بيدور عن ميشا وكان بيقول
انتي فين ميشا
ميشا
انا قدامك لكنك عمرك ما هتشوفني. لاني غضبانه عليك
سونج وهو بيبص قدام منه علي السراب قال
ارحميني ميشا. وكفاية عليه بنتي اللي مش عارف اوصل لها ومش عارف هي عايشة ولا ميته
ميشا
لو قلبك لسة معترف ببنتك وبيحس بيها هتعرف هي عايشة ولا ميته
سونج
طيب انتي فين ولية المرة دي سامع صوتك ومش قادر اشوفك.
ميشا
علشان المرة دي انا مش قادرة اسامحك زي كل مرة
سونج ودموعه بدات تهرب منه
اول مرة تبقي قاسية عليه ميشا
ميشا
زي ما قدرت تاسي علي بنتي
سونج بعصبية
انا مش قاسي ميشا. انتي عارفة مين سونج
ميشا
سونج خلي بنتي تضيع. خلي بنتي تبقي مدمنة مخدرات. مش مسمحاك يا سونج
سونج اللي بدا ينهار من كتر العياط
ميشا. ارجوكي كفاية
ميشا
عيط كمان وكمان يمكن دموعك تغفر لك اللي كنت السبب في
سونج
انا بعترف اني غلط. واني اب ماعرفش اي شي عن بنته الا اسمها. لكن دة حصل غصب عني
ميشا
كل اللي هتقوله مش هيكفر ذنبك سونج. اللي حصل ل اماي في رقبتك
سونج
ميشا جبتي القسوة دي كلها منين
ميشا
من اللي شوفته وعرفته عن اماي
سونج
غلطة واكيد هقدر اصلحها
ميشا
مش لو اماي لسة عايشة
سونج
عايشة انا حاسس انها عايشة
ميشا
اتمني يا سونج
سونج وهو زي الطفل الصغير
برضو مش هتخليني اشوفك
ميشا
لما احس اني قادرة. اسامحك. سلام سونج
سونج وهو بيقف وبيقول والدموع بتزيد
ميشا ارجوكي بلاش اتحرم منك ومن اماي
لكن ميشا ما ردتش وفضل سونج ينادي عليها اكتر من مرة علشان يفتح عيونه علي موبيلة اللي كان بيرن مسح دموعه وبدا يمتلك اعصابه وبص في الموبيل لقي كيم اخوه. رد وقال
الو كيم
كيم
سونج دخلت علي الفيس النهاردة
سونج باهتمام
في عليه علي الفيس
كيم
ادخل حالا علي الفيس هتلاقي بث مباشر لشاب اسمه نميجا بيقول انه عارف مكان اماي. اكتب بس في شريط البحث. نميجا يحل لغز اختفاء اماي
قام سونج بسرعه من مكانه وفتح اللاب بتاعه وكتب في شريط البحث اللي قاله كيم وظهر البث المباشر ل نميجا اللي كان بيقول وهو بيدخن سيجارة بها مخدر
قبل اختفاء اماي باسبوع كنت معها في حفلة بث مباشر من عند البحيرة والحفلة نجحت بطريقة ما كنتش اتخيلها وانضم للبث المباشر حوالي 10000 شخص ودة رقم كبير جدا بالنسبة للتطبيق الخاص بي لكني فرحت جدا واديت وقتها ل اماي مكافاة 1000 دولار مقابل نجاح فكرتها. وطلبت منها نكرر الحفل مرة تانية ليلة الخميس الليلة اللي اختفت فيها. وبالفعل تم التحضير للحفل لكن للاسف اصيب والدي بطلق ناري بالخطاء ودخل بسببه المستشفي وسافرت ليلة الاربعاء ل الصين البلد اللي بيعمل فيها والدي وطلبت من صديقي يوجو اليوتوبر الشهير انه يقيم الحفل مع اماي بدل مني وفعلا وافق يوجو لكن اماي رفضت والغت الحفل دة اثار غضب يوجو ازاي اماي ترفض الظهور معه في حفلة وقرر الانتقام منها وراح لها عند البحيرة وخطفها. اماي عند يوجو. دة كل اللي عندي انتهي البث
وانهي نميجا البث فمسك سونج الموبيل بسرعه واتصل ب اوماي وقالت اوماي اول ما فتحت الخط
فريقي اخبرني بالبث المباشر ل نميجا وتابعته
سونج
واية رايك
اوماي
بعت اجيب يوجو لمكتبي وهيتم استجوابه
سونج
ممكن تسمحي لي احضر الاستجواب دة
اوماي
حضور الاستجواب خاص بفريق البح،،،،،،،،،،
سونج مقاطعه لها
عارف ان طلبي مش قانوني. دة طلب من اب قلبه بيتحرق علي ضياع بنته
سكتت اوماي للحظات وقالت
مافيش مشكلة تقدر تيجي مكتبي وتحضر التحقيق، ،،،،،
وبعدها بساعه بالظبط يجي لمكتب اوماي المدعو يوجو وكان شاب باين عليه انه مش طبيعي عنده قناة علي اليوتيوب قناة فاشلة عليها 200 متابع مش اكتر. طلبت اوماي من يوجو انه يقعد وقعد قدام منها وقدام سونج اللي كان بيبص له بتركيز شديد وقالت اوماي
افتكر انك شوفت الفيديو بتاع صديقك نميجا
يوجو
دة صحيح
اوماي
يعني بتعترف انك قومت باختطاف مراهقة وحجزها قصريا
يوجو
اماي عندي وانا مختطفهاش. دي قاعدة معايا بارادتها
سونج لسة بيبص ل يوجو بنفس التركيز الشديد. و اوماي بتقول
ازاي قاعدة معاك بارادتها وهي رفضت انها تطلع معاك في بث مباشر لحفل البحيرة.
يوجو
انا قدرت اقنعها تفضل عندي
اوماي
غصب عنها
يوجو
لا.
اوماي
طيب هي فين دلوقتي علشان محتاجة اسالها هي عندك غصب عنها ولا بارادتها
يوجو
وانا جاي علي هنا اماي رفضت اني اعرفكم هي فين
اوماي
والسبب
يوجو
سبب شخصي
سونج للمحققة اوماي
ممكن اسال يونج سؤال
بصيت اوماي ل سونج وسكتت لانها محرجة تقول لا. القانون بيمنع اللي بيحصل دة. لكن سونج قال
سؤال واحد
اوماي
سؤال واحد مش اكتر
ابتسم سونج وبص ل يوجو وقال
بنتي اقامت معاك علاقة
اوماي ويوجو اتصدموا من السؤال لكن يوجو قال
كل ليلة بقيم معها علاقة
ابتسم سونج استغربت اوماي وقالت
ممكن افهم اية لزمة السؤال دة ولية بتضحك
سونج طلع موبيلة ودخل علي حساب بنته وجاب تطبيق الكاست واول مقطع ليها لما عملت ل شاب بلوك لمجرد بس انه طلب منها انها ترقص له. اتفرجت اوماي علي المقطع وقالت
اية علاقة المقطع دة بسؤالي
سونج
العلاقة ان لو بنتي تقدر تقيم علاقة مع شخص ما تعرفهوش كل ليلة. كانت وفقت ترقص للي طلب منها كدة في التطبيق
اوماي
اية معني كلامك
سونج
معني كلامي
وقامت وقف ولف وراء يوجو وخنقة بكوعه بكل قوة وقال
ان يوجو دة كذاب.
اتوجع يوجو وحاول انه يفلت من الخنقة واوماي قامت من وراء مكتبها وهي بتقول
سيد سونج اللي بتعملو دة مش قانوني
لكن سونج كان بيضغط بكل قوة علي رقبة يوجو وبيصرخ في وبيقول
قول الحقيقة
يوجو بصعوبه
انا فعلا كذاب وعمري ما شوفت اماي دي. انا لما عرفت حكايتها عن طريق السوشيال ميديا طلبت من نميجا بما انها عنده في تطبيق الكاست انه يطلع يقول كدة علشان ابقي من مجرد يوتيوبر فاشل ليوتيوبر مشهور. وكل متابعين القضية يهتموا بيا
سابه سونج واوماي بتشخط في وبتقول
انا اسفة اني وافقت تيجي تحضر معايا التحقيق كان لازم ارفض
سونج بعصبية
اليوم السادس لاختفاء بنتي وكل اللي بتعملي مجرد تحقيقات. وبنتي ما رجعتش. انا مش هستحمل وقت تاني يضيع في التحقيقات
اوماي
سيد سونج اسفة اقول لك انك مالكش مكان في مكتبي ولولا اني مقدرة حالتك النفسية كنت امرت بحبسك
بص لها سونج وخرج من المكتب وهو متعصب لكنه رجع لها تاني ووقف علي باب المكتب وقال
حل لغز اختفاء بنتي عند سيهو سون. البنت المجهوله اللي بتقولي انها ميته. بس انا هاعرف اجيبها ازاي،،،،،،،،،،،
وبالليل ومن جوة شقة سونج فضل سونج يدخل علي ملفات هنا وهنا ويوصل خيوط ببعضيها ويرجع تاني لصور
عربية اماي اللي طلعت من البحيرة ويقلب في كل الصور وهنا شاف جاكت جلد عليه شعار لاحدي النوادي ودة كان النادي اللي بيشجعه اخوه كيم. والشعار اللي علي الجاكت دة من تصميم كيم نفسه ارتبك ودخل علي ملف عليه صور ل كيم وهو لابس الجاكت دة وبدأ يقارن بين الجاكت اللي لبسة كيم والجاكت الموجود في ارضية عربية اماي ودخل علي ما سنجر اماي وبدا يجيب المحادثات اللي بينه وبين بنته اماي وكانت كلها محادثات تقليدية لغاية ما وصل لمحادثة مكتوب فيها من اماي
★والدي لو عرف اني ببات عندك ممكن يقتلني ويقتلك★
كيم رد
★انا بحاول اعوضك عن اللي هو حرمك منه ★
اماي
★حبيبي يا كيم. مش عارفة من غيرك كنت ممكن اعيش ازاي عمري اللي فاضل ★
كيم
★المهم هتيجي يوم الخميس ★
اماي
★اكيد مش دة ميعاد درس البيانو★
برق اوي سونج وكان الكهرباء. مسكتة وفتح سونج في موبيلة ملف خاص بمكالمات الفيديو اللي كان بيحب يسجلها وبدأ يدور وسط الملفات لغاية ما وصل للملف الخاص بالمكالمة اللي تمت بينه وبين اماي يوم الخميس قبل ما تختفي وبدأ يركز في كل تفاصيل الفيديو لما سال وقتها اماي انتي فين وقالت له انها بتاخد درس بيانو في شقة واحدة من اصدقائها وبرق اكتر واكتر لان عرف المكان اللي كانت بتكلمة منها وهو الدور التاني من الشقة الدوبلكس الخاصة ب كيم ما بقاش قادر سونج يصدق وقام ولبس هدومة وفتح احدي ادراج المطبخ وحط سكين حاد وسط هدومة وخرج وراح وركب عربيته واتحرك بيها قاصد بيت اخوة كيم، ،،،،،،،،،،،،،،
استنوني بكرة باذن الله والحلقة الاخيرة من. جاري البحث
تم
ردحذففظيعه
ردحذفروعه
ردحذف