اخويا الكبير
★الحلقه الخامسة★
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبعدها بكام ساعة ومن داخل حجره في سكن خاص بالعمال في الساحل الشمالي يجلس أدهم علي سريره وفي يده الموبيل الخاص به وينظر الي صوره اسامه ويبكي ويقول
هونت عليك تسيبني يا اسامه. بس انا مش زعلان منك
ومن داخل الحجره يقف المشرف الخاص بالموقع والرئيس المباشر لي ادهم ويدعي معتز ومعه المهندس محمد وينظروا لي ادهم الذي كان يكلم صوره اسامه ومش واخد باله من انهم يقفون ينظروا عليه ويقول معتز للمهندس محمد
صدقتني يا هندسه لما قولت لك انه اعصابه تعبانه ومن ساعه ما جه من مصر وبيفضل طول الليل علي الحاله دي ويروح الشغل مش شايف قدامه لدرجه انه كان في يوم واقف علي الصنيه بيقطع خشب ايده كانت هاتنقطع
المهندس محمد
يعني انت شايف أيه يا معتز
معتز
أنا شايف انه يرجع مكان ما جه لغايه مايقدر يعدي الفتره الاولي من موت ابنه وساعتها يرجع الشغل تاني لكن لو فضل شغال كده وهو مش مركز هايبقي في خطر عليه
المهندس محمد
خلاص يا معتز. ادي له حساب الكام يوم اللي اشتغلهم ومشي
ويخرج المهندس محمد ومعتز من الحجره وتاتي صوره لي أدهم علي الموبيل الخاص به فيفتح ادهم الصوره فيجد صوره ابنه المولود ارسلها له عم شفيق والد ريهام وتحت منها كلمتين. ( ريهام حصل لها حادثه وبقيت عاميه وابنك أسامه محتاجك لك )
فيصدم ادهم ويتصل بعم شفيق فيخبره عم شفيق بكل ما حصل فينهض ادهم مسرعا من علي سريره وحضر شنطته وخرج من الحجره مسرعا وفي نيته العوده الي القاهره، ،،،،
ومن داخل شقه عوض وقبل أذان الفجر بساعه تقريبا يفتح باب الشقه ثلاثه رجال من الملثمين ويدخلو الي الشقه ومن خلفهم يدخل المعلم جنش ويفتح الثلاث رجال حجرات الشقه الي ان يصلوا الي الحجره الذي ينام فيها عوض فيدخل جنش الي الحجره ويخرج مسدس من جيبه به كاتم للصوت ويضع المسدس في رقبه عوض النام ويقول بصوت خافت مخيف
انت. أصحي
فيستيقظ عوض ويفتح عيونه بصعوبه وينظر الي جنش ويقول خائفا
أنت مين
جنش
أنا اللي جاي اخلص عليك لو ماقولت ليش فين شنطه المخدرات اللي سرقها مني اخوك
عوض باستغراب
اخويا مين منصور ولا أدهم
فيضغط جنش علي رقبه عوض بالمسدس ويقول
انت هاتستهبل يا روح امك انا عايز الشنطه اللي سابها معاك رجب العسال
عوض باستغراب اكثر
رجب العسال ،، مين رجب العسال ده
جنش بغضب شديد
لا بقي باين عليك مش هاتجيبها لبر بس انا هنا مش هاعرف اخد راحتي معاك
ثم ينظر جنش الي رجاله ويقول
هاتوا يارجاله بس من غير شوشره
ويهجموا علي عوض ويكتموا نفسه وعوض يقاومهم بكل قوته ويخرجوا به من حجرته وعند خرجوهم من باب الشقه يخرج منصور من حجره جده الذي ينام فيها ويراي عوض وهو مكمم الفم ورجال جنش يحملو فخاف من المنظر ودخل الي حجره جده مسرعا واغلق الباب خلف منه وهو يقول
ايه اللي انا شوفته ده. عوض اتخطف تاني وبعدين بقي في الشغلانه دي طيب والعمل مش معقوله أسيبهم يخطفوا وانا اقعد ساكت لازم أتصرف
ويخرج منصور من الحجره مسرعا ويتجه الي باب الشقه ويخرج من الشقه وينزل علي السلم مسرعا ويقف عند باب البيت فيجد سياره جنش النص نقل تنطلق وبها عوض فجري وراء السياره وقفز بداخل الصندوق دون ان يشعر به احد ونام علي ظهره واختبي تحت غطاء السياره ثم قال لنفسه
وبعدين بقي أعمل انا ايه دلوقتي. انا لوحدي مش هاعرف اعمل حاجه لازم ادهم يكون معايا
ويخرج الموبيل الخاص به ويتصل بأدهم فيرد أدهم عليه ويقول
ايوه يا منصور
منصور
أدهم انا عايزك ضروري عوض أخونا أتخطف تاني
أدهم وهو في الموصلات
انا جاي في الطريق يا منصور بس مش عشان عوض عشان أبني اللي لسه مولود ومحتاجني أكون جنبه
منصور
طيب وعوض
ادهم
لي رب يحمي
منصور
الظاهر اني غلط لما أتصلت بيك انا هاتصرف وانقذ عوض اخويا حتي لو فيها موتي
أدهم
أعقل أنت لوحدك مش هاتعرف تعمله حاجه وخصوصا أنهم باين عليهم ناس مفتريه
منصور
مش مهم. المهم اني الحق أخويا عوض
أدهم
اسمع الكلام وسيبك من اللي انت ناوي تعمله
منصور
كنت زمان بسمع كلامك عشان انت اخويا الكبير لكن دلوقتي مش هاسمع اللي صوتي انا وبس
ادهم
يعني مش ناوي ترجع عن اللي في دماغك
منصور
مش هارجع يا ادهم
ادهم
حرام عليك انا مش حمل أن اتحرم من حد تاني بلاش تموت زي ما مات اسامة
منصور
كل اللي انت هاتقوله مالهوش لزوم انا دلوقتي في صندوق العربيه اللي خطفت عوض ومش هارجع البيت الا وعوض معايا
ادهم يقول لنفسه
هو انا كنت ناقصك يا منصور كفايه الهم اللي انا في
ثم يقول ادهم لمنصور
طيب انت فين دلوقتي،،،،،،
ومن داخل مخزن سلاح يجلس شبيه عوض رجب العسال ويضع رجل علي رجل فيفتح جنش باب المخزن ومعه رجاله وهم يحملون عوض مرسي فيصدم جنش عندما يراه رجب العسال يجلس أمام منه فيقول جنش بغضب
انت
رجب ببرود
واحشتك صح
جنش وهو يقترب منه يقول له
واحشتني أوي
ثم يخرج جنش مسدسه ويصوبه ناحيه رجب ويقول له
وكويس انك هنا عشان نصفي حسابتنا وحاجتي اللي عندك جه وقتها ترجع ليا
رجب
طيب نزل المسدس ده عشان رجب مايزعلش منك
جنش باستغراب
رجب مين اللي يزعل منك
فيفك عوض قيوده بسرعه رهيبه ويضرب رجال جنش المحيطين به بمنتهي العنف فينظر له جنش خائفا ويخلع عوض دقنه ويتجه ناحيه جنش. وجنش يصوب ناحيته مسدسه ويقول
وعامل لي فيها شيخ
فيقترب منه عوض وجنش يقول والمسدس موجه ناحيه عوض
أوعي تقرب مني لقتلك
عوض
لو راجل أقتل وأنا هاخليك تحصل صدام
جنش وقد صدم مما يسمعه ويقول
أنت تعرف صدام منين
عوض
انا أبنه هاشم اللي فلت من حادثه العربيه اللي انت وماجد الدسوقي دبرتوها لي ابويا بعد ماعرفته مكان الدهب اللي سرقه منكم
جنش
انت. ابن صدام. طيب ازاي ألمفروض تكون مت مع ابوك
هاشم
من حظكم الاسود اني عيشت عشان اخلص عليكم بايديه
لان دي كانت وصيه ابويه قبل مايموت ويسيب لي تسجيل بصوته في كل حاجه عنكم
جنش
أنت كان عندك سنتين ساعه ما حصلت الحادثه دي
فيضحك هاشم ويقول
اللي انت ماتعرفهوش وماعملتش حسابه انت وماجد أن مرات صدام. حميده كانت معانا في العربيه ساعه ما اتقلبت وطلعت انا وهي عايشين وهي اللي ربتني علي كرهكم وبقيت عايش بس علي حلم أني أخلص منكم وجه يومكم ونهايتك ومن بعديها نهايه ماجد الدسوقي
جنش
بتحلم يأ ابن صدام أنا مش هاموت
وتخرج رصاصه من مسدس جنش ناحيه هاشم ولكن هاشم يطير بعيد عن مسار الرصاصه ويهجم علي جنش ويمسك رأسه ويلفها بعنف فتنكسر رقبه جنش ويسقط جثه هامده وينظر هاشم الي شبيه الذي كان متنكر في صوره رجب العسال ويقول له
المكياج مخليك حته مني يا عصفور
عصفور
تلميذك يا ابن ابليس. قولي بقي ناوي علي ايه الخطوه الجايه
فيركب هاشم الدقن مره اخري ليصبح شبه عوض مرسي تماما ويقول
هانتصل بماجد وندي له العنوان اللي احنا حابسين في عوض واول ما يوصل هناك هاقتله واهرب ويلبسها عوض
علي انه هو هاشم. وارجع تاني لبيت عوض واعيش علي أساس اني عوض واتمتع بالفلوس اللي خدها من ماجد وفلوس المخدرات اللي خدها من جنش
عصفور
طيب ما كده عوض هياخد فيها اعدام
هاشم
يتعدم هو ولا اتعدم انا. طبعا هو وبعدين انت نسيت اني طلبت منه يحط ايده في ايدي وننتقم من اللي قتل ابونا وهو رفض وقعد يقول لي القتل حرام وانه راجل بيصلي وعارف ربنا وعمره ما يقتل أنسان خلاص خلي هو اللي يموت
عصفورر
عشان كده انت حبسته في شقتك القديمه ورجعت مكانه لبيته وعيشت معاهم علي أساس انك عوض
هاشم
طبعا. ما هو لازم حد يشيل قضيه قتل جنش وماجد لما اخلص عليه. واتمتع انا بالفلوس
عصفور
طيب وناوي تعمل أيه مع مليكه
هاشم
هاتجوزها طبعا. بعد ما تبقي الوريثه الوحيده لماجد
عصفور
أنت ايه دماغك دي سم
هاشم
اومال أيه يا ابني مش تربيه حميده أمك
ويضحك الاثنين ويقول هاشم
جه الدور عليك يا ماجد الكلب، ،،،،،،
استنوني بكرة باذن الله والحلقة الاخيرة
يارب تكون الحلقة عجبتكم.
تم
ردحذف