الهام واللي كان الحلقة الاخيرة

  روح من جهنم 
                         ★الحلقة الخامسة★

من تاليفي
محمد منصور. منص

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                         ‏

وركب سيف عربيتة وبص لنفسه في مرايا العربية يشوف حصل اية للسانة وفجاة شاف في الكرسي الخلفي للعربية كفن اسود جوة منه انسان قاعد علي الكرسي فاتفزع سيف وحاول ينزل من العربية لكنة لقي كل ابواب العربية ما بتفتحش واللي جوة الكفن بيقول

    ‏

زي ما ظلمتني عايزك تجيب لي حقي من عصام وابوة

    ‏

سيف بخوف شديد

انت مين

    ‏

فيرفع هذا الشاب الكفن عن وشة ويظهر حامد فينصدم سيف ويفزع وفجاة يختفي الكفن بحامد ويبص سيف في كل حتة في العربية وميلقيش حامد ومع سرعة ضربات قلب سيف يبدأ يقول لنفسه

اية. بقي انا بحلم ولا دة كابوس وملهوش نهاية ولا اية اللي بيحصل لي. انا لازم اروح المشرحة يمكن هناك الاقي اجابة لكل الاسئلة دي

وانطلق سيف بالعربية وراح المشرحة وفتح باب المشرحة ودخل وراح ناحية الثلاجة وفتح الدرج اللي في جثة عصام وشال الملاية من علي وش عصام فلقي جثة حامد فخرج الجثة بسرعة وهو هايتجنن وشال الملايا من علي صدرة فلقي السكينة في نفس المكان اللي اطعن فيها عصام فبدأ يشرح في الجثة وهو مش مستوعب اية اللي بيحصل ولقي نفسه فجاة جوة شقة اول مرة يشوفها وعصام في ايدة سكينة وبيضرب حامد في قلبة بمنتهي الغل وبيبص لسمر اللي كانت في المشهد ويقول لها

أصلي يا قمر

سمر وهي بتضحك

اصلي يا عيون القمر

وتروح ناحية حامد وتمسكة من شعرة وهو بينزف بشدة وتقول له

علشان تعرف بس اني ورايا رجالة يا روح امك. وفلوسي اللي انت سرقتها مني هاترجع تاني

وسابتة سمر وخرجت من الاوضة هي وعصام وفضل سيف يبص لحامد وراح ناحيتة وهو بينزف وقال له

انت شايفني 

ولكن حامد لا يرد علية وفجاة يرجع سيف تاني للمشرحة ويلاقي نفسه قدام جثة حامد فيرجع جثة حامد للثلاجة ويخرج من المشرحة وهو بيحاول يفهم اية اللي بيحصل له ومين قتل مين ولو هو بيتهيق له اومال ازاي راح البنك ولقي ال 5 مليون بتوع عبد العاطي دخلو حسابة وفضل يفكر ويفكر في حل للغز اللي هو جوة منه. لا دة مش لغز دي متاهة دخل جوة منها ومش عارف ازاي يخرج وقعد علي كنبة حديد قدام المشرحة ولقي قط اسود واقف قدامة وعمال ينونو وبيبص له وجوة عيون القط دة شاف حامد وعصام بيقتلو عبد العاطي فمد ايدة ومسك القط دة والغريب ان القط ساب نفسه لسيف وسابة يشيلة وبص سيف في عيون القط باهتمام شديد وشاف عصام وحامد بعد ما قتلو عبد العاطي حطوا جوة عمود خرسانة واتصب علية خرسانة مسلح واتبني بيت من دورين وجوة العمود الخرسانة عبد العاطي اللي اختفي جوة العمود وخلصت المشاهد دي لقي سيف ايدة بتمسك راس القط وبيخلعها من جسمة وبدأ ياكل في القط وهو حي والدم نازل من بوق سيف بمنظر مرعب ومقزز وراس القط في ايد سيف الثانية بتبص له وبتضحك وماخلصش المشهد دة الا بصوت جاي من اول الممر وممرض بيقول

دكتور سيف بتعمل اية في القط

بص له سيف بشكل مرعب وجري خارج من المستشفي والقط في بوقة زي الاسد لما يصطاد فريسة ،،،،،،،،،،

وبعديها بساعة ومن داخل فيلا سيف يقف سيف تحت الدش وبيتف دم القط اللي في بوقة وكان سيف حالتة صعبة جدا واعصابة منهارة وبيبص لنفسه في مرايا الحمام وهو قرفان من نفسه وخرج من تحت الدش بعد ما لف جسمة بفوطة وخرج وقعد علي سريرة وهو بيقول

انا ازاي عملت كدة انا اية اللي بيحصل لي دة. هي النهاية قربت ولا اية يا سيف انا حاسس اني هابقي مجنون. لا لا هابقي اية بس انا فعلا بقيت مجنون وبشوف حاجات ما بتحصلش وكل حاجة حوالية كذب عصام هو المقتول لا. دة هو اللي قتل لا. دة عبد العاطي هو المقتول. لا. انا خلاص قربت اتجنن اية اللي بيحصل لي دة

ويصرخ صرخة كلها غضب ويقول

اية. اشمعني انا هو انا بس اللي مرتشي في البلد ما ناس كتير زيي وكل الحاسبات بتاعتهم بفلوس حرام. انا تعبت دة الموت ارحم من اللي انا في دة

ويسمع صوت الست العجوزة وهي تقول

روح لخضر. يمكن يفك عنك اللعنة ويخلي الروح ترحمك

فيبص سيف حوالين منه فيلاقي الاوضة فاضية فيقول

انتي فين وبتتكلمي ازاي وانا مش شايفك

الست العجوزة

روح للخضر وخلي ينجيك من روح جهنم

سيف

اوصل ازاي لخضر دة

الست العجوزة

الخضر عندك في المشرحة ميت

سيف

ميت وهيساعدني ازاي بس

الست العجوزة

ماتسالش كتير يا غلبان 

سيف

طيب شكلة اية الخضر دة

ولكن الست العجوزة تسكت وسيف يصرخ قائلا

ردي علية شكلة اية واعرفة ازاي

ولكن لاحياة لمن تنادي ولبس سيف هدومة بسرعة وخرج،،

ومن داخل المشرحة يقف سيف قدام تلاجة الجثث وهو في اية دفتر باسامي الجثث الموجودة في الثلاجة ويقرا اسامي كل الموجودين في المشرحة وميلقيش حد اسمة خضر فيدور تاني وتالت ورابع ويرمي الدفتر علي الارض ويلاقي حد خارج من باب المشرحة وبيزق ترولي علية ميت فيخرج سيف جري وراء منه وهو بيصرخ وبيقول 

استني عندك

وبيبص للدكاترة الموجودين في المستشفي والممرضين ويقول

امسكوا اوعي تخلو يهرب

فيبص كل الدكاترة لبعض وهما شايفين سيف بيجري 

وما فيش حاجة قدامة ويصرخ سيف فيهم تاني ويقول

انتو واقفين تتفرجوا علية امسكوا قبل ما يهرب

ويخرج سيف من المستشفي وهو بيجري وراء سراب وركب عربيتة بسرعة وفضل ماشي بالعربية وهو شايف الشخص اللي سرق الترولي وعلية الجثة لغاية ما وصل قصاد البيت اللي من دورين واللي جوة العمود الخرسانة بتاعه مدفون عبد العاطي ووقف سيف قدام العمود وسمع صوت همهمة مش مفهومة وحط ودنة علي العمود وسمع صوت بيقول

الحقني انا بموت

سيف باستغراب

انت مين

الصوت

انا خضر اللي في ايدي اني اخلصك

سيف

بس اللي شوفتة بيدفن في العمود دة واحد اسمة عبد العاطي 

الصوت

دة كذب انا خضر افتح لي وخليني الحقك من روح جهنم

وراح سيف بسرعة ناحية مطرقة كانت مرمية جنب البيت دة وبدا يكسر في العمود دة ويكسر ويكسر لغاية ملقي راجل مدي له ظهرة ولابس اسود في اسود فقال له سيف

انت فعلا هاتخلصني من اللي انا في

في هذة اللحظة يظهر عصام وحامد ويمسكوا سيف بمنتهي القوة فيبص لهم سيف وهو يقول بفزع 

انتو طيب ازاي

فيضحك عصام وحامد وهما بيبصوا لسيف فيقول سيف

الحقني يا سيدنا الخضر انا في عرضك

فلف الراجل اللي جوة العمود راسة من غير مايلف جسمة وقال

ومين قال لك اني الخضر انا سيف

ورجع سيف لوراء من الصدمة لانة شاف نفسه وكانة واقف قدام مرايا واللي جوا العمود خرج ولف حوالين سيف وسيف لقي نفسه جوة العمود الخرسانة وبيتصب علية المسلح وهو بيصرخ صرخات مكتومة وبيتلف حوالين منه قماش اسود واتقفل علي العمود والموت بدأ يبقي قريب جدا، ،،،،،،

             استنوني بكرة والحلقة الاخيرة من.

                      روح من جهنم 

                      ‏

مش هقول. علقو والجو دة. اكتب تقيمك للحلقة من

 واحد ل عشرة. حلوة الصيغة دي.