بيت عوج
★الحلقة الخامسة★
كتابه واقتباس
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★خلص صفوت المكالمة وبص لعيسي وعيسي قال له
في اية يا صفوت. محمد عرف مين صاحب الزرار دة
صفوت
البصمة اللي كانت علي الزرار هي البصمة الخامسة اللي كنا بندور علي صاحبها
عيسي
وعرفتو مين هو
صفوت
البصمة طلعت بتاعت عبد الحق
استغرب عيسي قوي وقال
انت اكيد بهزر
صفوت
هو دة كلام في هزار.
عيسي
طيب ازاي ويعني اية عبد الحق لسة عايش
صفوت باستغراب
مش عارف. الموضوع دة خطير
عيسي
دة لو فعلا عايش يبقي هو اللي كان بيحط لي السم عشان ينتقم مني
صفوت
طيب بيدخل ويخرج ازاي من غير ما حد يشوفه ولا يحس بي.
عيسي
دة كدة يبقي شبح
صفوت
او في حد في القصر بيساعده علي الدخول والخروج بمنتهي السهوله. بس مين دة
عيسي
هو احنا وصلنا لاجابة اول سؤال لما نفتح علي نفسينا باب تاني لسؤال جديد
صفوت
اجابة السؤال التاني هي شكلها نفس اجابه السؤال الاول. عبد الحق لو عايش يبقي هو فعلا اللي عايز يقتلك وخصوصا بعد اللي انت عملتة في
عيسي
بس عبد الحق ماكنش يعرف اني بحط له السم في الاكل
صفوت
اكيد عرف
عيسي
ازاي. انا اللي كنت بحضر الاكل بايدي وماكنش بيشوفني يبقي عرف ازاي
صفوت وهو بيقف.
اجابة السؤال دة عند عبد الحق نفسه. بس احنا نوصل له
عيسي بنظرة كلها اصرار
معاك حق. نوصل له. وانا بقي هاعرف اوصل له ازاي،،،،،،،
ومن داخل اوضة نوم حسنية تقعد حسنية قدام منتصر وهي تقول بعصبية
اهدئة يعني أية. بقي بنت الكلب دي تصورنا واحنا في المعمل بنسرق ازازة السم وتقولي اهدئي،
منتصر
ما انتي لازم تهدي عشان تفكري كويس هاتعملي اية في المصيبة دي
حسنية بعصبية شديدة
مافيش تفكري اسمعها نفكر سوي انا سرقت السم من المعمل عشان ابيعه واجيب لك فلوس تسد بيها الشيك اللي عليك. ولا نسيت ان كلها اسبوع وتتحبس
منتصر
انا ماقولتكيش تسرقي انا طلبت منك تكلمي عيسي تاخدي منه الفلوس سلف
حسنية باستهزاء
سلف. هو عيسي كان هايرضي يديني فلوس تاني بعد كل اللي خدة منه. ليك.
منتصر بضيق
خلاص بقي بلاش صداع. وانسي بقي الحوار ده وفاتن عمرها ما هاتفكر تقرب مننا طول ما احنا معانا الفيديو بتاعها مع رامي
حسنية
فاتن ناوية علي الشر دي حتي قالت لي ان عيسي بيتحط له سم
منتصر باستغراب
سم
حسنية
اة. وهددني وقالت تخيلي بقي لو شاف الفيديو ده صفوت صاحب عيسي او عيسي نفسه هايبقي احنا اللي بنحط السم لعيسي وعايزينه يموت
منتصر
يثبتة لو يعرفوا. احنا خدنا الازازة اة. لكن بعنها تاني يوم للراجل ابو شال اسود. اللي كان متخفي يعني مش احنا اللي بنسم عيسي.
حسنية
تفتكر انهم هيصدقونا لو عيسي حصل له حاجة. اكيد احنا اللي هانلبسها
منتصر بخوف
انتي هتقلقيني لية بقي.
حسنية
لازم تقلق عشان عيسي لو مات وفاتن شهدت علينا هايتلف حبل المشنقة حوالين رقبتنا،،،،،،،،،
ومن جوه اوضة نوَم عيسي كان عيسي يقعد مع فاتن ويقول لها.
مش عايز تزعلي مني انا غلط في حقك
فاتن باستغراب
انت بعت لي عشان كدة بقي
عيسي
لا وكمان قولت لصفوت يسيبني لوحدي معاكي عشان عايز اتكلم معاكي
فاتن بضيق
هاتتكلم تقول اية تاني مش كفاية اللي قلتة
عيسي بعد ما يتنهد
انا عارف انك زعلانة وزعلانة اوي كمان. ازاي اشك فيكي وافكر انك ممكن تسميني
فاتن وهي بتبص في عيونة ومش مرتاحة لكلامة وهو يكمل ويقول
بس انتي لو مكاني وعرفتي ان في حد من اللي عايش معاكي في القصر بيحط لك سم كل يوم وعلي مدار 29 يوم. اكيد اعصابك هاتبوظ وممكن تعملي اي حاجة عشان توصلي للي عايز يقتلك. وخصوصا لو كان شبح
فاتن باستغراب
شبح اية. انا مش فاهمها حاجة
فيقف عيسي ويلف حوالين فاتن وهو يقول
لا فاهمة وعرفه انا بتكلم علي أية. وبتكلم عن مين
فاتن
مين.
عيسي
عبد الحق ابوكي
فاتن باستغراب شديد
ماله عبد الحق ابويا
عيسي
هو اللي عايز يقتلني
فتستغرب فاتن بشدة وتقول
باب مات. ازاي هايقتلك
عيسي
هو مات اة. لكن الشبح بتاعه موجود
ويقف عيسي فجاة ورا فاتن ويلف ايدة حوالين رقبتها من الخلف ويقول بعصبية
ابوكي بيلعب علية. وعامل نفسه ميت وهو بيقتلني بالبطئ،
فتختنق فاتن وتقول بصعوبة
انت اتجننت رسمي. بابا مات وانت جيت عزيت في بنفسك
عيسي وهو لسة خانقها
مات. واللاقي بصمتة في المعمل مات وهو اللي كان واقف قدام باب اوضي.
ويخنق فاتن اكتر واكتر وهو يقول
فين عبد الحق يا فاتن. مستخبي فين
فاتن وهي تحاول الخلاص من ايدة
ماعرفش. سيب رقبتي هاموت
عيسي
زي ما عبد الحق عايز يقتلني انا كمان هاقتلك لو ماقولتيش هو فين. انتي بنته واكيد عارفه انه حي وعايز يقتلني. واكيد انتي متفقة معه علية
في هذة اللحظة يقف ورا منه الراجل ابو شال اسود ووشة متخفي ويقول
هاتموت يا عيسي زي ما انا موت
فيبص عيسي للرجل ويقول
انت تاني
ويسيب رقبة فاتن ويهجم علي الرجل ولكنة لقي نفسه بيهجم شبح بجد لدرجة ان عيسي جسمة عدي من جسم الراجل وفاتن بتبص للي بيحصل مش مصدقه عينيها وفي اللحظة دي يدخل صفوت الي الاوضة وهو يقول
هه قالت حاجة
فيلاقي صفوت الشبح وهو داخل في احدي حوائط الاوضة وهو بيقول
هاتموت زي ما مت
ودخل الشبح في الحيطة واختفي وسط استغراب من التلاتة وعيسي بص لصفوت اللي كان رايح ناحية الحيطة اللي دخل فيها الشبح وقال بفزع
شوفت يا صفوت اللي انا شوفتة
صفوت وهو هايتجنن وبيحسس علي الحيطة بايدية الاثنين وبيقول
اللي كان هنا دة شبح بجد. ولا اية
عيسي وهو لسه بيبص للحيطه ويقول
شبح.
اية بس دة احنا في 2020
ويضرب عيسي فاتن بالقلم وبمنتهي العنف ويقول
انطقي يا بنت عبد الحق. انتي وابوكي ناوين علي اية
فاتن وهي بتعيط وبتبص له وماسكة خدها
انت خلاص اتجننت. بتضربني يا عيسي ورحمة ابويا ما هاسيبك الا لما تدفع حق القلم دة وهاتدفعة غالي اوي
وتخرج فاتن من الاوضة بسرعه وهي ناوية علي الشر وبص صفوت لعيسي وقال له
اية اللي انت عملتة دة.
عيسي
انا لسة ماعملتش. وهي لسة ماشفتش مني حاجة هي وابوها.
ويكمل عيسي بعصبية اوي
عمالين علية عصابة وعايزين يجننوني. نسيت انا عملت عشانها اية. من شغالة في مصنع . لهانم. وعيشتها في قصر ما كنتش تحلم تعدي من قدامة
صفوت
واخرة العصبية دي اية انت بوظت كل حاجة وزمان كل اللي في قصر،،،،،،،،،،
يقاطعة عيسي بنفس العصبية
انا مابقاش يفرق معايا كل اللي في القصر. انا المهم عندي اني اعيش وماموتش بايد عبد الحق وبنته
صفوت
انت خلاص صدقت ان عبد الحق لسة عايش وعايز يقتلك وكمان فاتن بتساعده
عيسي
لانه مستحيل يكون ميت والشبح بتاعه عايز ينتقم مني
صفوت
هافرض ان كلامك صح وعبد الحق لسة عايش وبينتقم منك بمساعدة بنتة. لي ظهر بعد سنة ونص من موتة
اقتنع عيسي بكلام صفوت وقال
صدق كلامك صح. طيب الراجل اللي احنا شوفنا دة واختفي لما دخل في الحيطة.
صفوت
انا ماعنديش اي تفسير غير انك انت بيتلعب عليك لعبة وسخة. وفي حد قاصد انة يحطم اعصابك وبلاش بعصيبتك دي تخلي ينجح ويحقق اللي هو عايزة ويبوظ اعصابك فعلا. ويموتك
عيسي
انا مابقتش فاهم حاجة. وتعبت اوي دة الموت ارحم من اللي انا في.
صفوت
ماحدش هايموت غير اللي بيعمل فيك كدة. ودلوقتي بقي خلينا نفكر صح ونستني غلطة المجرم اللي هاتوقعة
عيسي
ولو ماغلطش.
صفوت
هايغلط. طول ما انت ماخدش الجرعة الاخيرة والوقت بيعدي لازم يتسرع وفي السرعة بتاعتة هايغلط ويكشف نفسه
ويبص صفوت في الساعة ويقول
الساعة دلوقتي 2 بعد الظهر يعني فاضل 10ساعات.
عيسي
خايف يكونو اخر عشر ساعات في حياتي ، ،،،،،،،
في اللحظة دي كانت حسنية واقفه قريب من اوضه عيسي وسمعت اللي دار وجريت بسرعة الي منتصر وقالت له اللي سمعتة فقال لها منتصر
الناس دي اكيد مجنونة عم عبد الحق انا دافنة بايدية دول ووقفت وخد عزاء
حسنية
اومال تفتكر مين اللي طلع لهم دة
منتصر
انا عارف وبعدين شبح اية اللي يطلع الساعة 2 الظهر
حسنية
اتنيل واسكت. يعني لو 2 بعد نص الليل كان هايبقي عادي لو طلع لهم.
منتصر
انا ماقصدش. بس الكلام مش راكب علي بعضة
حسنية
في حاجة مش مظبوطة في حد عايز يجنن عيسي وبعد كدة يموتة
منتصر
واللي عايز يعمل كدة. هايكسب اية
حسنية
هايكسب كل الملايين اللي عند عيسي ونطلع احنا من المولد بلا حمص
منتصر
وتفتكري مين يعمل كدة
حسنية بعد تفكير شيويه
اكيد الراجل ابو شال اسود اللي اشتري مننا ازازة السم ودفع فيها فلوس كتير
منتصر
ومين هو الراجل دة
حسنية
الراجل دة عايش وسطينا. وممكن يكون مش راجل اصلا
منتصر باستغراب
تقصدي اية
حسنية
لية ماتكنش فاتن لبست لبس راجل عشان توهمنا وتقتل هي عيسي وتورثة وتعمل نفسيها شبح عبد الحق
منتصر
فاتن. ،،،،،،،،،
ومن جوه اوضة رامي كان رامي يخلع شال اسود ويرمي في دولابة في اللحظة دي كانت فاتن واقفة وراء وبتبص له وهو بيحط الشال في الدولاب وهو نفس الشال اللي كان بيلبسة الشبح فلف رامي فلقي فاتن قدامة فقال لها بخضة
انتي دخلتي ازاي
فاتن
انت ناسي ان مفتاح اوضك معايا.
رامي وهو لايزال مخضوض
طيب وجيتي لية تاني مش خايفة من حسنية وابنها
فاتن
حوار حسنية ومنتصر خلص متخفش منهم.
ويلاحظ رامي خد فاتن المحمر من اثر القلم اللي اضربتة بيد عيسي فقال لها
مين اللي عمل فيكي كدة
فاتن
عيسي ضربني
رامي باستغراب
ضربك لية
فاتن
بعدين احكي لك
وتبص فاتن للشال وتقول لرامي
بتاع مين الشال دة
رامي بثبات
لقيتة واقع في جنينة القصر. عجبني روحت واخدة
فاتن
طيب مش تفرجني
فيخرج رامي الشال من الدولاب وتاخذة منه فاتن وهي بتبص له وتقول
تعرف ان الشال دة كان لابسة شبح. ظهر في اوضة نوم عيسي
فيضحك رامي وهو يقول
شبح.
فاتن وهي بتبص له وهو لسة بيضحك
اة شيح.
رامي
انتي باين عليكي تعبانة يا حبيبتي
فاتن وهي بتبص له وبدات تشك في
رامي انت كنت فين من شوية
رامي
كنت في الجنينة. براجع الاوراق اللي هايمضيها عيسي
فاتن
طيب اطلع لعيسي الاوضة بتاعتة عشان عايزك. وخد معاك الاوراق اللي هاتحتاج امضتة
رامي
من غير ما تقولي انا كنت طالع له عشان يشرب القهوة ويمضي علي الاوراق
فاتن وهي بتبص له ومش مرتاحة لي
طيب اطلع له وانا هاستناك هنا عشان عايزاك
رامي وهو بيقرب منها
اية واحشتك
فاتن بنظرة حادة
لا. دة انا عايزاك في موضوع تاني
رامي
خلاص ماشي هاروح وارجع لك علي طول
وخرج رامي من الاوضة. وبصيت علية فاتن واتاكدت انه بقي بعيد راحت بسرعة ناحية الدولاب وبدات تفتش كل حتة في الدولاب لغاية مالقيت مفكرة صغيرة فتحت المفكرة ولقيت مكتوب
*** النهاردة الخميس الموافق 2018/6/16 ودة ميعاد الجرعة الاخيرة لعبد الحق. وتم التصوير والفيديو موجود لو مش مصدقني ***
وقلبت الصفحة ولقيت مكتوب
*** النهاردة الخميس الموافق 2018/6/23 ودة الميعاد اللي مات في عبد الحق. والسبب مش سم عيسي السبب البروفين. وصفوت ***
ولقيت في باقي المفكرة رموز وارقام تخص التركيبات الكيمائية مافهمتش منها حاجة وقفلت المفكرة ورجعتها مطرحها وهي بتقول
اية البروفين وصفوت. ومعني اية الكلام دة. ابويا مات مقتول. طيب لية، ،،،،،،،،
ومن جوه اوضة نوم عيسي يقعد رامي قدام عيسي وصفوت وقدام منهم صنية عليها تلت فناجين قهوة وفي ايدة اوراق كان بيمضيها عيسي فيقول رامي،
ماتشرب القهوة قبل ما تبرد يا دكتور عيسي
فبص له صفوت وقال
عيسي ممنوع من القهوة
رامي
بس دي قهوة من الغالية كدة وكمان،،،،،،،
عيسي وهو بيبص لرامي ويقطع كلامة
مش عايز.
وفي الحظة دي كان صفوت رمي تلت اقراص بروفين في القهوة فاستغرب رامي وقال
انت رميت اية في القهوة يا استاذ صفوت
صفوت وهو بيبص للتلت فناجين
هاتعرف حالا.
وفجاة، ،،،،،،،،،،،،،،،،
مش هقول. علقو والجو دة. اكتب تقيمك للحلقة من
واحد ل عشرة. حلوة الصيغة دي.
روعه
ردحذفرووووووعة جدا
ردحذف١٠
ردحذفجميلة ومشوقة
ردحذف