جاري البحث
★الحلقة الرابعة★
كتابة واقتباس
محمد منصور. * منص*
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وفتح سونج اللاب تاني وبدأ يدور علي اي تفصيلة يمكن يقدر يثبت لنفسه قبل ما يثبت لغيرة ان بنته ما هربتش وبدأ يقرأء كل محادثات بنته وكل التعليقات علي كل البوستات وهنا لفت نظرة تعليق غريب من حد اسمه نميجا باين من صورته انه من الشباب مدمني المخدرات وكان كاتب
★اماي النهاردة بعد نص الليل. لايف خاص جدا. بيكي وليكي. استنيني في تطبيق الكاست اخر اختراع ليا★
بدأ يدور علي تطبيق الكاست دة علي جهاز اماي وقدر يوصل له وفتح التطبيق علشان يشوف كل ما هو شاذ من عادات تخص عابدة الشيطان. شاف سونج شباب لبسين اسود في اسود في تسجيل فيديو وبيرقصوا علي موسيقي صاخبة مخيفة قفل الفيديو دة وفتح فيديو تاني
لقي شاب بيخرم ودانه بنفسه ورغم الدم اللي نازل منه لكن ضحكتة كانت عاليه. ودة يدل علي انه تحت تاثير المخدر وقفل الفيديو وفتح فيديو تاني لبنتين كل واحدة منهم بتضرب التانية بالقلم وبمنتهي القوة والعنف وبرضو رغم قوة الضربة كانو الاثنين بيضحكوا اي فيديو بيعرض في هذا التطبيق هو فيديو لشباب تحت تاثير المخدر بدا سونج يسال نفسه
ازاي اماي تكون جوة عالم اسود زي دة.
ولقي في منتصف الشاشة كاميرا داس عليها بدأ تسجيل فيديو بص للتسجيل باستغراب شديد وهنا لقي نفسه جوة غرفة انضمت ليها هيسو سون. برق سونج وركز مع الاسم وافتكر دة الاسم اللي كانت اماي بتحول له فلوس. لكن هيسو سون واضح انها لما شافت سونج. في الفيديو خرجت من الغرفة بسرعه استغرب سونج وانهي الفيديو وهنا ظهر له ملف خاص بكل تسجيلات الفيديو اللي قامت بيها اماي بص للملف بتوتر شديد وخاف من اللي ممكن يشوفه لما يفتح ملف زي دة. وازاي يقدر يشوف بنته الوحيدة وهي متخدرة وبتسجل فيديو لكنه اتشجع وداس علي الملف وظهر 100 فيديو قامت اماي بتسجيلهم داس علي تشغيل الكل وفتح اول فيديو ل اماي وكانت قاعدة في اوضتها وباصة للكاميرا وساكتة وفي بوقها سيجارة حشيش اتصدم من المنظر لكن كان واضح ان اماي بتسجل الفيديو وهي مضايقة واتبعت لها اول رساله من حساب مجهول وكتب علي الشاشة
★عايزك ترقصي لي وحدي ★
اتغيرت ملامح اماي واضيقت وداست علي الحساب دة وعملت له بلوك وفضلت باصة للشاشة وساكتة وهنا اتبعت رساله من هيسو سون. وانكتب علي الشاشة
★انا اعرفك كويس. انتي في المدرسة الثانوية الحديثة★
هنا رديت اماي وقالت
★انتي معايا في المدرسة ★
هيسو
★لا. ★
اماي
★اومال تعرفيني منين★
هيسو
★جيتي ليا مطعم البيتزا اللي انا شغاله في ★
اماي
★انتي عاملة هناك ★
هيسو
★انا اللي نزلت لك طلب البيتزا الخاص بيكي وكنتي وقتها قاعدة لوحدك في المطعم ★
اماي
★من بعد موت امي وانا بفضل الوحدة★
هيسو
★انا كمان زيك وعلشان كدة اخترت تطبيق كاست★
وانهي سونج الفيديو وشغل فيديو تاني ولقي بنته في ايدها ماكينة بترسم بيها وشم في منطقة البطن والوشم بيترسم بمادة حارقة للجسم ورغم كدة كانت مبسوطة ومش حاسة باي وجع وهيسو كتبت لها
★صدقتي ان نميجا عنده مخدر اعلي بكتير من الحشيش ويخليكي ما تحسيش باي وجع ★
اماي
★المخدر دة اختراع عظيم يضاف ل نميجا ملك الاخترعات. انا فعلا مش حاسة باي وجع ★
وانتهت اماي من رسم الوشم علي بطنها وكتبت ل هيسو
★اظن كدة بقي شبه الوشم اللي عندك بالظبط★
هيسو
★بالظبط ما تعرفيش انا فرحانه قد اية اني بقي في شي بينا مشترك وبداتي تبقي شبهي★
اماي
★انتي اللي بقيتي شبهي لما قصيتي شعرك زيي★
اتصدم سونج وخرج من الفيديو وفتح فيديو تاني ولقي اماي جوة احدي الغابات وقدام بحيرة صنيعية وقاعدة بتبص للبحيرة وبتكتب ل هيسو
★كان نفسي تكوني معايا في اكتر مكان يشبه الجنه في ارض يوسان ★
هيسو
★اوعدك اني هكون معاكي المرة الجاية ★
اماي
★ليلة كل خميس اتفق معاكي وانتي تقولي جايا
وما تجيش نفسي اشوفك ولو مرة هيسو ★
هيسو
★هنتقابل قريب يا اماي اوعدك بس اتمني وقتها انك تفضلي تحبيني ★
اماي
★هيسو لية بتقولي كدة. ★
هيسو
★هتعرفي وقتها لية انا قولت كدة ★
وانتهي الفيديو وشغل سونج فيديو تاني وتالت ورابع وخامس وكلها فيديوهات ل اماي وهي بتاذي جسمها وفي اماكن متعددة وكانت بتضحك ماهي تحت تاثير المخدر وفتح فيديو ودة كان ل اماي وهي في العربية بتاعتها مع نميجا وبتقول
انا دلوقتي واخدة نميجا ملك الاخترعات الاول لمرحلة الثانوي. لحلفة خاصة في الغابة عند البحيرة الصافية ومن هناك هعمل لكم بث مباشر
هنا ظهرت علي الشاشة رساله ل هيسو
★انتي ازاي تخرجي مع نميجا لوحدكم ★
استغربت اماي وكتبت
★قومت بدعوتك وانتي رفضي ★
هيسو
★وعلشان رفض تخرجي مع غيري ★
اماي
★هيسو. نميجا مجرد صديق ★
هيسو
★انا صديقتك الوحيدة واحسن لك الحفلة دي ما تمش★
اماي
★هيسو انتي صديقتي اة. لكن مش من حقك تفرضي عليه اعمل اية وماعملش اية ★
هيسو
★لو تمت الحفلة هقتلك اماي ★
اماي
★انتي مجنونه★
هيسو
★علاقتنا تفرض عليكي انك ما تعمليش اي علاقة تانية★
اماي باستغراب
★علاقة. اللي بيني وبينك هيسو مجرد صداقة مش علاقة ★
هيسو
★انا شبيهتك وانتي شبهتي وانا وانتي في علاقة ترفض فيها اني اي واحدة مننا ترتبط بحد تاني ★
اماي
★وانا ارفض علاقة زي دي ★
وعملت اماي بلوك ل هيسو وبصت للكاميرا وقالت
حفلتي مع نميجا هتم استنوا البث المباشر للحفلة
وانتهي الفيديو. وبدأ سونج يتوتر وملامح سبب اختفاء بنته بتترسم قدام منه وخيوط كلها بتتربط مع بعضيها وكتب اسم نميجا علي النت وقدر يوصل له واتصل بي وقال اول ما رد
انا والد اماي. وكنت محتاج اتكلم معاك بخصوص،،،،،،،
لكن المكالمة انتهت بص سونج للموبيل واتصل تاني ولقي رقمه اتعمل له بلوك بدأ يشك في نميجا ف اتصل بالمحققة اوماي ورديت اوماي وقال سونج
قدرت اوصل لمعلومات جديدة تخص لغز اختفاء بنتي
اوماي
تقدر تبعت اللي انت وصلت له عن طريق الجيميل الخاص بيا
سونج
افضل اني اقابلك واتكلم معاكي
اوماي
تقدر تشرفني في مكتبي بعد ساعه من دلوقتي، ،،،،،،،،
وفعلا تم اللقاء بين سونج واوماي وخلي سونج اوماي تشوف كل الفيديوهات اللي هو شافها فقالت اوماي
غريبة معلوماتي بتقول ان هيسو سون ميته
سونج
اللي كان بيتواصل مع بنتي حد منتحل شخصية هيسو سون
سكتت اوماي علشان تفكر وقالت
حاسة ان حل اللغز عند نميجا
سونج
انا كمان حاسس بكدة. دة عمل لي بلوك بمجرد بس ما قولت اسم اماي وبالاضافة لكدة الحفلة اللي ذكرتها اماي في اخر فيديو ليها قبل اختفائها باسبوع كانت مع نميجا
اوماي
انا هطلب احضار نميجا لمكتبي واستجوابه
وبدات اوماي تطلب احضار نميجا. لكن تم ابلاغها ان نميجا ساب كوريا وعرف سونج المعلومة دي فقال ل اوماي
اظن كدة بهروب نميجا برة البلاد نقدر نقول انه وراء اختفاء اماي
اوماي
اظن كدة. بس لازم نوصل لدليل ادانه قوي ليتم القبض علي نميجا
سونج
وفي دليل اكتر من انه ساب كوريا
اوماي
نميجا علي حسب مصادرنا سافر قبل اختفاء بنتك بيوم
سونج
سهل ان المصادر يتم تضليلها
اوماي
ربما. بس اوعدك اني انا بنفسي هتابع ملف خروج نميجا من كوريا. تقدر دلوقتي تمشي ولو وصلت لاي معلومة جديدة عرفني علي طول ،،،،،،،
ورجع سونج لبيته وكان تعبان جدا وقعد قدام لاب اماي وهو حزين ومهموم وبيتفرج علي الفيديوهات اللي صورتها بنته والحالة النفسية اللي وصلت لها. واثناء ما كان بيتفرج علي الفيديوهات وخصوصا الفيديو الاخير ليها مع نميجا. تقع عينه علي يفطة في شارع لمقاطعه 63 يوسان. وافتكر كلام المحققة اوماي لما قالت
بنتك الكاميرات في حي بوسان صورتها وهي خارجة برة الحي عند مقاطعه 63.
بدأ يعيد الفيديو اكتر من مرة وشاف العربية وهي داخلة شمال يعني رايحة في اتجاة الغابة مش الحدود يعني اماي ما كنتش بتهرب. راح بسرعه للخريطة علي جوجل وبدأ يكتب مقاطعه 63 يوسان وجابت الخريطة المنطقة بالتفصيل وظهرت بحيرة صناعية وسط الغابة. البحيرة اللي بنته كانت بتحب تروح تقعد عندها. برق اكتر واكتر وبدأ التركيز يزيد وهو بيقارن بين الصورة اللي ظهرت للمكان بالتفصيل والفيديو اللي كانت بتصورة اماي جوة الغابة قدام البحيرة الصناعية خرج جري من البيت وركب عربيته وراح للعنوان وكانت الدنيا ظلمت طلع كشاف وبدأ يفحص كل ركن حوالين الغابة لغاية ماشاف مفاتيح عربية اماي مرمية قدام البحيرة بالظبط. اتصل با وماي مكالمة فيديو وقال
بنتي ما هربتش. بنتي وصلت لغاية الغابة بعربيتها والمفاتيح اية
وبدأ يصور اثار كاوتش العربية اللي معلم في الارض ورايح ناحية البحيرة. وكان بيقول
ودة اثار كاوتش عربية اماي ودة يدل علي ان العربية وقعت في البحيرة وباين انها وقعت في البحيرة بفعل فاعل يعني حد زقها وماخدش باله ان المفاتيح وقعت برة العربية. صدقتيني لما قولت بنتي مش مجرمه. انا كنت صح بنتي ضحية لغدر نميجا. اماي لو ماتت انا مش هرحم حد منكم
اوماي كانت في الوقت دة بتلبس هدومها ونازله جري علي السلم رايحة تركب عربيتها وكانت بتقول
سيد سونج ممكن تهدئة وتعرفني انت فين بالظبط
سونج وهو منهار
اماي لو ماتت مش هرحم حد.
وصرخ باعلي صوت عنده وسط الغابة وقال
اماي.
وبدأ يصرخ زي المجنون. وبالعافية قدرت اوماي تعرف مكانه، ،،،،،،،،،
والصبح بدري كان التيلفزيون والمراسلين والمواقع الاخبارية بيتابعوا باهتمام شديد عملية اخراج عربية اماي من البحيرة وفعلا قدر الونش يخرج بالعربية وسط قلق سونج واخو كيم واوماي وبمجرد ما خرجت العربية من البحيرة جري ناحيتها سونج باقصي سرعه علشان يشوف بنته جوة منها ولو جوة منها اكيد هتكون ميته. وفتح باب العربية اللي كان عليه طحالب كتير تمنع الروية وبص جوة العربية ولقي، ،،،،،،،،،،،،،،
لقي اية. اماي ميته ولا مش موجودة اصلا. اللي هيتوقع صح يبعت لي كارت شحن ب 100. 😂😂
طبعا مش موجودة وانت اللي حاتشحن الكارت دا ليا😜😜😜😜
ردحذفحلوه
ردحذفطبعا مش موجوده ههههه
ردحذفاكيد مش جوه العربيه
ردحذف