المملكة السوداء
★الحلقة الرابعة★
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ويرفع الملثم الوشاح عن وجهه فيصدم جعفر لانه رأي بنت الحطاب وتدعي. قمر فقال لها باستغراب شديد
أنتي. طيب أزاي
قمر
أيوه أنا. وهاقول لك كل حاجة بس في الاول لازم تعرفه أن الملكه جميله برئيه يعقوب وقع بينك وبينها
جعفر
مش ممكن أنا شايفها بعنيه وسامعها بوداني وهي بتتفق مع يعقوب عليه
جميله
كدب كل اللي شوفته كدب كنت تحت تاثير سحره
جعفر
مش قادر أصدقك
ولكن قمر تشاور لهم بالسكوت وتتجه ناحيه شباك اوضة النوم وتمد يدها مسرعا خارج الشباك وتمسك غراب يعقوب الذي كان يتجسس عليهم وتنظر الي الغراب في عيونة والغراب يحاول الافلات منها ولكنه لا يستطيع
وتمسك رأسه وتمسك عينه اليمين وتخرجها من مكانها ثم تغلق يدها وتفتحها وتخرج تراب من يدها وتضع التراب في عين الغراب ثم ترجع العين الي مكانها وتترك الغراب يطير الي خارج القصر فيقول لها جعفر
أيه اللي أنتي عملتي ده
قمر
الغراب ده هو اللي بينقل كل حاجه ليعقوب وكان لازم قبل
مابدا كلام معاكم أحرم يعقوب من عينيه اللي حطتها في
راس الغراب
الملكه جميله
ولما هو الغراب تبع يعقوب خلتيي يطير ليه تاني
قمر
علشان الغراب لو مارجعش ليعقوب يعقوب هايشك في
الامر وأنا مش عايزا يشك في أي حاجه فكان لازم أسيب
الغراب يطير ويرجع له ولكن مش هايشوف غير اللي أنا
عايزا يشوفه
فينظر لها جعفر ثم يسقط علي الارض من شده الالم لان الدود تحرك في مخه فتذهب قمر ناحيته وتضع يدها علي رأسه وتظل تمشي بيدها علي رأسه ببطئ حتي تشعر بحركه الدود تحت يدها فتنظر الي جعفر وتقول له
أنا هاحاول أشفيك بس أنت لازم تستحمل لاني هافتح رأسك بخنجري وأخرج الدود من دماغك بس المهم أوعي رأسك تتحرك مهما حسيت بالم
فينظر لها جعفر ويقول
أنا أستحمل أي حاجه بس ارفعي عني الاذي والمرض
فتخرج قمر خنجر من ملابسها وتقول
بسم الله الشافي
وتفتح بالخنجر جرح في رأس جعفر وجعفر يصرخ ولكنه
لايتحرك كما طلبت منه وتمشي بالخنجر في رأس جعفر
ثم تغرز أصابعها في رأس جعفر الصامت رغم الالم وجميله تنظر الي ما يحدث ومن داخلها تتوجع علي وجع
جعفر ثم تخرج قمر الدود من رأس جعفر وتضع
الدود في زجاجه وتضع تراب علي الجرح الموجود في رأس جعفر فيقف نزيف الدم ويلتم الجرح ويفقد جعفر
الوعي فتحمله قمر والملكه جميله ويضعوا علي السرير وتذهب قمر ناحيه الزجاجه الذي بها الدود وتنظر الي الدود وتقول
الدود الميت أخبث أنواع الدود
الملكه جميله
أنتي مين وبتعرفي الحاجات دي كلها ازاي
قمر
بكره هاتعرفي كل حاجه المهم دلوقتي أنا محتاجه نار علشان أفك لعنه الدود الميت وأعرف يعقوب زرع اللعنة أزاي وفين ،،،،،،،،،
وتمر الليله وفي صباح اليوم التالي يستيقظ جعفر من الغيبوبه فيجد نفسه علي سرير الملكه جميله والملكه جميله تجلس أمامه ومعها قمر فينظر لهم جعفر ويقول بصعوبه
أيه اللي حصل
قمر
حمد لله علي سلامتك
جعفر
أنتي خرجتي الدود اللي في دماغي. ولا لا
قمر
أيوه والمرض اللي في جسمك راح وأنت بخير والحمد لله
الملكه جميله
الشكر ليكي بعد ربنا أنتي أنقذتي حياتي وحياته مش ناويه تعرفيني أنتي مين
جعفر
دي. قمر بنت الحطاب اللي أغتصبوها وخلفت التؤام الملعون وماتت ومش عارف أزاي ماتت وأزاي هي قدامي دلوقتي
فتضحك قمر وتقول
سيدي جعفر أللي ماتت كانت مرات مساعد يعقوب اللي قطع لسانه في البيت المهجور قدامك هي بقت أنا وأنا بقيت هي علشان أهرب من الموت علي أيد يعقوب ورجاله
جعفر باستغراب شديد يقول
أزاي أنا مش فاهم حاجه
قمر
سيدي جعفر أنا ساحره بنت ساحر
فيتعجب ويصدم جعفر لما سمع هذا الكلام وينظر الي الملكه جميله فتقول قمر مكمله لكلامها
أبويا الحطاب كان ساحر كبير في بلد الملك نعمان ولكنه تاب ورجع الي الله وسيبنا بلد الملك نعمان
وقرر أنه يجي لبلد المللك مروان وأنا معه وأشتغل حطاب وكان يعقوب من تلاميذه وتعلم من والدي تحضير لعنه الدود الميت وجه يعقوب الي بلد الملكه جميله وهو طمعان في الحكم ولكن الملكه جميله طردته وراح لبلد الملك مروان وأستغل طمع الملك مروان والحرب اللي بينه وبين الملكه جميله وزرع لعنته في البلدين وأنا الوحيده في العالم القادره علي قلب اللعنه عليه وتكون سبب موته
جعفر
ولما أنتي هاتعرفي توقفي اللعنه كنت فين وأيه اللي خلاكي تستني لغايه مايموت ناس غلابه كتير وليه ظهرتي دلوقتي
قمر
أنا بعد موت أبويا هربت خوفت من يعقوب ليقتلني زي
ماقتل أبويا علشان يطمئن ان ما فيش حد ها يمنع لعنته
لكن لما الخراب زاد في البلدين وناس كتير بتموت بذنب ومن غير ذنب قولت لازم أخلص الناس من التؤام الملعون
أنا جيت متاخرا صحيح بس المهم أني جيت وبقولها تاني
أنا الوحيده اللي هاقدر أخلص الناس من يعقوب
الملكه جميله
أزاي
قمر
علشان تبدا حكايه التؤام الملعون لازم يزرع حبهم في قلب زوجين ميتين ومدفونين مع بعض في نفس القبر
ثم تنظر الي جعفر وتقول
سيدي جعفر علي حد علمي أن اللعنه بدأت من أسبوع قبل
بدايه اللعنه وظهور التؤام في البلدين مبن مات من أهل البلد وأدفنوا فين
جعفر
حانوتي البلد هو اللي يقدر يجاوب علي السؤال ده
قمر
أنا هاروح للحانوتي وأسئله وأنت والملكه جميله توصلوا
ليعقوب الملكه جميله تقولوا أنها موافقه علي طلبه وأنت
يا سيدي جعفر تطلب منه أنه يشفيك لغايه ماوصل للقبر
اللي أتزرع فيه اللعنه ولازم جعفر يفضل شايف أنكم ضد
بعض أوعي يشك ولو للحظه أنك عرفت الحقيقه ودلوقتي
يا سيدي جعفر أنا لازم أخلي جسمك هزيل علشان يصدق أنك مريض
وتضع يدها علي جسم جعفر فيصبح هزيل وكأن المرض تمكن منه وتنصرف قمر والملكه جميله تنظر الي
جعفر وتقول
تفتكر هاتنجح
جعفر
أن شاء الله تنجح أنا هامشي أنا كمان وبعد مأمشي أوصلي ليعقوب وأعملي اللي هي قالت عليه،،،،،،،
وبعدها بكام ساعه كانت قمر في بلد الملك مروان وتقف مع حانوتي البلد وتقول له
حاول تفتكر هما زوجين ماتوا مع بعض ودفنوهم اهل البلد في مقبره واحده
الحانوتي يقول بعد ما فكر للحظات
يا بنتي أنا حانوتي البلد وما فيش مقبره بتتفتح من غير
علمي ومافيش راجل ومراته ماتوا مع بعض وأندفنوا مع
بعض
قمر
شكرا ممكن أخش أقراء الفاتحه علي قبر أمي
الحانوتي
أنتي أمك مدفونه هنا
قمر
أيوه أنا بنت مريم الخياطه
الحانوتي
بس أنا اول مره أشوفيك
فتنظر له قمر في عيونه وتقول
شوفتني قبل كده
فيقول الحانوتي وهو تحت تاثير سحرها
أيوه شوفتك قبل كده
وتدخل الي المقابر وتتجول وسط المقابر ثم ترمي تراب من يدها علي الارض فتكشف لها الارض أثار أقدام من دخل المقابر حتي تجد أثار ديل يعقوب علي الارض وهو
يتجه ناحيه مقبره معينه فتتبع الأثر وتفتح المقبره الذي
فتحها يعقوب من قبل وتنزل الي المقبره فتجد جثه الزوجين فتنظر لهم وتتجه ناحيتهم وفجاه يخرج من تحت الارض ثعبان ضخم يلتف حول قمر ويعتصر ضلوعها وهي تتألم وبشده ثم تنظر ناحيه باب
المقبره الذي كان يغلق عليها ويشتد عصر الثعبان لضلوعها
ويزداد الم قمر وباب المقبره لايزال يغلق عليها
وقمر تحاول الهروب من الثعبان ولكنها تشم رائحه الموت فهل تموت قمر *****
استنوني بكرة باذن الله. والحلقة الاخيرة. سلام
تم
ردحذف