روح من جهنم
★الحلقة الرابعة★
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبعدها بيومين بالظبط تنام سمر في احدي المستشفيات وهي مصابة باصابات بالغة بسبب ضرب عبد العاطي لها وباتفاق بينها وبينة وقبل ما تخش سمر المستشفي عملت محضر ضرب وتعدي في مروان وطبعا المحضر كان معه كام شاهد زور كدة علشان يتم تشوية سمعة مروان واتنفذ المخطط باحكام وبدأت التحقيقات مع مروان وفي نفس الوقت كان عصام عند امة نعمة ومعه ابنه فخبط الباب وقام عصام وفتح ولقي عبد العاطي في وشة وبيقول له
ازيك يا ابن نعمة
وعصام بص له باستغراب شديد وقال
انت جاي هنا عايز اية
عبد العاطي وهو بيبعدة عن طريقة وبيدخل الشقة بالعافية وبيقول
جاي اشرب معاك شاي.
ويقعد عبد العاطي علي الكنبة ويبص لعصام ونعمة اللي باصين لي باستغراب شديد ويقول عبد العاطي
ما تعملي لنا شاي يا نعمة ولا ما فيش
فتبص نعمة لعصام وهي خايفة ويقول لها عصام
روحي اعملي شاي يا ما
نعمة
واسيبك معه لوحدك
عصام
هايعمل اية يعني. لو عايز يقتلني. يقتلني
ويبص عصام لعبد العاطي وعبد العاطي بيضحك نفس الضحكة الخبيثة ونعمة تبص له وعصام يقول
روحي اعملي الشاي يا ما. ما تخافيش علية
وتروح نعمة تعمل الشاي ويقعد عصام قدام عبد العاطي بالظبط ويبص له في عينية ويقول
خلاص نويت تريحني من منظر الدم اللي لسة في ايدي
عبد العاطي
دة انت عارف بقي انا جاي لية
عصام
الا عارف. ومستنيك بقالي كتير
عبد العاطي
ومش خايف
عصام
من بعد موت ابنك وانا مستني اللحظة دي وصليت كتير واستغفرت ربنا يمكن يرحمني. بس هازعل لو موت بايدك وانت ما خدش جزاتك
عبد العاطي
انا فعلا هاقتلك ومش هاخد فيك دقيقة ومراتك اللي يسترها بتساعدني بنفسيها بعد ما عرفت انك اتجوزت عليها
عصام بدهشة
انا اتجوزت عليها
عبد العاطي
ما تستغربش انا اللي فهمتها كدة علشان تساعدني وتبعد مروان عن طريقي وبصراحة سمر واطية جدا وباعتك بسرعة اوي
ويخرج عبد العاطي سكينة من جلبابة ويبص عصام للسكينة ويضحك ويقف المشهد عند هذا الحد فيقول سيف لعصام
انت مالك فرحان اوي كدة انك هاتموت
عصام
تقدر تعمل حاجة وتلحقني من ايدة
سيف
طبعا اقدر
عصام
طيب وريني
ويهجم سيف علي عبد العاطي مستخدم جسم عصام اللي هو لسة محبوس جوة منه ويمسك السكينة من ايد عبد العاطي ويضربها في صدرة فيقع عبد العاطي وهو سايح في دمة فيقول سيف
شايف قدرت علية ازاي
عصام
لتاني مرة بتختار غلط يا غلبان
سيف
اية الغلط في اللي انا عملتة
عصام
مش عايز تفهم هاتفضل غبي. وعلي كل حال اللي انت عملتة مش هو اللي حصل
ويرجع المشهد كما كان ويضرب عبد العاطي. عصام بالسكينة في صدرة واخترقت السكينة اللحم ودخلت في القلب مباشرة وكرر عبد العاطي طعن عصام بمنتهي الغل واكتر من مرة وتخرج نعمة وتصرخ لما تشوف منظر ابنها وهو مرمي علي الارض غرقان في دمة وصرخت نعمة وعبد العاطي بيخرج من البيت وفجاة، ،،،،،،،،
يلاقي سيف نفسه في المشرحة وقدام منه عصام قاعد وبيقول له بصوت مخيف
هاتجيب حقي ولا اخليك تتمني الموت وما طولوهوش،
اتفزع سيف ورجع لوراء وخرج جري من المشرحة وهو خايف جدا ورجع فيلتة وهو بينهج ومش عارف اية اللي بيحصل له دة وفجاة لقي اوضة النوم بتاعتة بتولع خاف اوي ومع انه بعيد عنها لكنة بمجرد ما بيبص للنار جسمة كلة بيتحرق بطريقة مرعبة وجري وخرج من الفيلا وهو مش عارف يروح فين وفضل قاعد قدام بوابة الفيلا لغاية ماعدت علية الست العجوزة اللي شافها قبل كدة وجري ناحيتها وقال لها
انتي كنتي محتاجة فلوس علشان عملية ابنك صح
بصيت له الست العجوزة وقالت
وانت يا غلبان معاك فلوس
سيف وهو بيخرج دفتر الشيكات وبيقول لها
مستعد ادفع لك المبلغ اللي انتي عايزا بس تفهميني اية اللي بيحصل لي دة ولية انا
الست العجوزة
دور علي الحقيقة والروح ترحمك
سيف
تقصدي روح عصام
الست العجوزة
انت ظلمت عصام بس ولا ظلمت حد تاني
سيف باستغراب
انتي تقصدي اية انا مش فاهم حاجة
الست العجوزة
دور علي الحقيقة وشوف مين تاني ظلمتة يمكن يكون مؤذي وعمل لك عمل سفلي وخلي ابن الشيطان قرينك. اوعي تبص للنار هاتتحرق وخلي بالك فاضل لك غلطة وتموت يا غلبان وتروح للي ظلمتهم وتلاقيهم ماسكين في رقبتك عايزين حقهم
وضحكت الست العجوزة ومشيت وهي بتقول
جاي تديني فلوس بعد ابني ما مات ياما قولت لك ابني تعبان وانت تقول لا. اجني اللي انت زرعتة يا غلبان. واوعي تاكل اكل معمول بالنار
وتكررها اكتر من مرة بشكل مرعب ومخيف وسيف يبص عليها وهو مستغرب ويقول لنفسه
في اية. اشمعني انا. اية الصح وروح مين اللي ظلمتها وبتنتقم مني كدة لازم افتكر اللي كان بس قبل اي حاجة ارجع لعبد العاطي فلوسة واشرح جثة عصام بالظبط واكتب تقرير يدين عبد العاطي انا شوفت كل حاجة ومستحيل اسكت يمكن لما ارجع الفلوس دي ارتاح، ،،،،،،،
وتمر الليلة وينام سيف في العربية ويطلع النهار ويبص في ساعتة يلاقيها ال 11 ص. فيقول وهو يهدل من هدومة
يااااااا. انا نمت دة كلة. مش مهم. المهم اني الحق البنك واروح واسحب فلوس عبد العاطي واوديها لي،،،،،،،
وبعدها بكام ساعة ومن داخل المنطقة اللي ساكن فيها عبد العاطي يدخل سيف بعربيتة الي المنطقة ويقف قدام بيت عبد العاطي وينزل من العربية ويخبط علي باب البيت فتفتح له سمر فيصدم ويبص لها باستغراب شديد فتقول له بحدة
نعم. يلزم خدمة
ولكن سيف ماردش ومصدوم من اللي شافة فتقول سمر كمان مرة
ايوة. دة اية اصلة دة. ما ترد يا اخينا عايز اية
سيف
انتي بتعملي اية في بيت عبد العاطي بعد ما قتل جوزك
فتضحك سمر ضحكة ترن في المنطقة كلها وتقول
نعم هو مين دة اللي قتل جوزي
سيف باستغراب
عبد العاطي
سمر
انت شارب اية يا استاذ.
سيف
مش انتي مرات عصام
سمر
ايوة مرات عصام
سيف
وعصام دة مات مقتول علي ايد عبد العاطي
سمر بعصبية
بعد الشر. ان شاء الله انت عصام جوزي عايش ومع ابوة عبد العاطي في الشغل
سيف وهو هايتجنن
انتي بتقولي اية.
سمر
بقول اللي انت سمعتة.
وفي هذة اللحظة تخرج نعمة من وراء سمر وتقول وهي بتبص لسيف
مين دة يا بت
سمر
انا عارفة يا خالتي اهي بلاوي بنصتبح بيها
سيف لنعمة
ست نعمة انا سيف الدكتور اللي بيشرح جثة ابنك عصام اللي مات مقتول
نعمة بعصبية
انت بتقول اية يا راجل يا ناقص ابني عصام عايش وفي الشغل مع ابوة
سيف
ابوة عبد العاطي
نعمة
ايوة.
سيف
يعني انتي ام عصام وعبد العاطي ابوة
نعمة بحدة
الله ما قولنا ايوة.
وتبص نعمة لسمر وتقول
بت هو الراجل دة مبرشم ولا اية
سمر
انا عارفة يا خالتي. ماتيجي نخش نشوف ورانا اية
وتدخل سمر مع نعمة ويغلقوا باب البيت وقبل ما الباب يتقفل يلمح سيف بطرف عينة التلت كلاب البوليسية اللي شافهم وهما بينهشوا لحم عصام واتقفل الباب وهو عمال يبص للبيت مش مصدق نفسه ويروح لناس قاعدة علي القهوة ويسالهم. عن عبد العاطي فيردو كلهم انه راجل طيب وابنه عصام اطيب منه فيركب سيف عربيتة وهو هايتجنن وخرج من المنطقة لكنة حس انة جعان جدا فدخل مطعم قريب وطلب نص فرخة بالخضار بتاعها وفضل يفكر في اللي حصل واللي شافة في رحلتة الغريبة وجة الجرسون ومعه النص فرخة والسلطات والخضار بتاعها وحطهم علي التربيزة ولقي نفسه بيمسك الشوكة بايدة الشمال والمعلقة كمان بايدة الشمال فستغرب جدا وحاول انه يمسك المعلقة باليمين لكنة ما عرفش وقطم حتة من الفرخة وحطة في بوقة لكنة اتوجع جدا وبدأت سنانة تعض لسانة وتف الفرخة من بوقة في منظر غريب خلي كل اللي في المطعم يبصو علية فقام من علي التربيزة اللي كان قاعد عليها بعد ماساب حساب الاكل
وركب عربيتة وبص لنفسه في مرايا العربية يشوف حصل اية للسانة وفجاة شاف في الكرسي الخلفي للعربية كفن اسود جوة منه انسان قاعد علي الكرسي فاتفزع سيف وحاول ينزل من العربية لكنة لقي كل ابواب العربية ما بتفتحش واللي جوة الكفن بيقول
زي ما ظلمتني عايزك تجيب لي حقي من عصام وابوة
سيف بخوف شديد
انت مين
فيرفع هذا الشاب الكفن عن وشة ويظهر، ،،،،،،،،،،،،،
ومن النهاردة كل اللي فات حمادة وكل اللي جاي حمادة تاني خالص
لو عجبتكم الحلقة ياريت تعرفوني رايكم بلايك او كومنت.
تم تم
ردحذفبالرغم أني ما فهمتش حاجه شوية لخبطه بس حلوه احداثها
ردحذف