الهام واللي كان الحلقة الاخيرة

جاري البحث

                   ★الحلقة الثالثة★

كتابة واقتباس 
محمد منصور. * منص*

 وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

 ‏

بسم الله توكلت علي الله. وهو رب العرش العظيم

★وهنا يسمعوا صوت احدي فريق البحث الجنائي بيقول باعلي صوت

اقف مكانك والا هضربك بالنار

سونج بص لمصدر الصوت وقال 

الصوت جاي من اوضة اماي

وراحو كلهم بسرعه ناحية باب الاوضة وفتحوها علشان يلاقو بنت بتنط من شباك الاوضة الي الشارع وللعلم شقة سونج في الدور الاول علوي. والبنت اللي نطت من الشباك كان في ايديها حاجة استغربوا كلهم وقالت المحققة اوماي. لفريق البحث اللي معها واللي كانو مصوبين اسلحتهم ناحية الهاربة. 

اوعي حد يضرب نار. عايزها عايشة

وكان سونج وكيم واقفين في الشباك وبيبصوا للبنت اللي بتجري وظهرها ليهم و بتركيز شديد وفي نفس الوقت كانت اوماي بتقول في جهاز اللاسلكي الخاص بيها

الي كل دوريات الشرطة القريبة من حي ميونغدونغ. برجاء القبض علي بنت ترتدي فستان احمر قصير وشعرها قصير

وانتهت اوماي من التبليغ عن الفتاة الهاربة وبصت لسونج وقالت

قدرت تتعرف علي البنت من ظرها

بص لها سونج وبص ل كيم وقال

البنت فيها شبه من اماي 

انصدمت اوماي فقال كيم 

بس اكيد مش هي اماي. ممكن تكون واحدة شبيهة ليها

سونج وهو محتار

ممكن

اوماي

سيد سونج لو تسمح لي بكلمة علي انفراد

اتحرك سونج وراح مع اوماي ل ركن من اركان الاوضة وقالت له اوماي

في اي مشكلة بينك وبين بنتك

سونج سكت ومش عارف يقول اية فقالت اوماي

سيد سونج انا المحققة الخاصة بفك لغز قضية اختفاء بنتك مش من مصلحتك انك تخبي عليه اي معلومة لو تبان لك انها صغيرة

سونج

بعد موت مراتي اهملت ابنتي بشكل كبير

اوماي

بنت في سن المراهقة ماتت امها والاب اهملها في اكتر سن خطر وبتكون البنت في اشد الاحتياج الي حنان الاب والام

سونج

كنت غلط لكن ليا ظروفي

اوماي

كدة ملف القضية اصبح في معلومة جديدة ممكن تغير من مسار فك لغز اختفاء بنتك

سونج

بمعني

اوماي

انت دلوقتي قولت ان البنت الهاربة فيها شبه من بنتك يبقي لية ما تكنش بنتك هي اللي تعمدت انها تمثل انها مختفية علشان تخليك تهتم بيها

سونج باندهاش شديد

لا. مستحيل اماي تفكر بالطريقة دي.  

اوماي

دة احتمال اصبح موجود لغاية ما يتم القبض علي البنت الهاربة ووقتها نقدر نحدد هي ولا مش هي. واسفه لو بنتك وراء كل اللي بيحصل دة. هيكون السجن مصيرها 

سونج

انا عارف بنتي كويس ومستحيل تلجاة لاسلوب سخيف زي دة علشان تخليني اهتم بيها

اوماي

سيد سونج. انت بالفعل والد اماي لكن ما تعرفش اي حاجة عنها مع الاسف.

وسابته ومشيت وبدات تشوف شغلها مع باقي فريق البحث وسابت سونج والكلمتين اللي قالتهم لي يغلو حزين ومهموم واتغيرت ملامح وشه وراح له كيم وقاله

انت مش بخير

بص سونج ل كيم وقال

اللي كانت بتجري قدام مننا هي اماي صح

كيم

مستحيل تكون اماي. لان ببساطة لية تعمل كدة

سونج

علشان تخليني ارجع اهتم بيها

كيم

دة جنون. اماي ماوصلش بيها التفكير لدرجة انها تدعي اختفائها لمجرد بس اثارة اهتمامك

سونج

اومال تبقي مين البنت اللي كانت هنا

هنا يسمعوا صوت اوماي تقول

البنت قدرت تهرب برة الحي لكن مازال البحث جاري عنها. وانا وفريق البحث الجنائي خلصنا المطلوب مننا وهبقي معاك علي تواصل طوال اليوم لو في اي معلومة جديدة وصلت لها عرفني وانا كمان لو عرفت اي جديد هعرفك

وسابتهم اوماي ومشيت هي وفريق البحث وبص كيم ل سونج وقال

تعالي معايا نخرج نتغدي برة

بص له سونج الحزين وقال

سامحني يا كيم بس انا عايز ابقي لوحدي

كيم

مقدر اللي انت في. اسيبك دلوقتي وهبقي معاك علي اتصال

وفعلا مشي كيم وفضيت الشقة علي سونج اللي كان بيفكر في كل كلمة قالتها اوماي. وانه فعلا ما يعرفش حاجة عن اماي وهنا يقع عينه علي اللاب بتاع اماي وراح ناحية اللاب وفتحة وهو مصر يعرف اسرار حياة بنته بعد موت ميشا وبدأ يفتح كل الملفات علي جهاز اماي وكل الحسابات وكل التعليقات اللي علقتها علي حساب الفيس وانستجرام. ولاحظ علي الجيميل الخاص ب اماي تحويلات بنكية اتصدم وفتح هذا الملف لقي ان كل شهر من سنه تقريبا كانت اماي بتحط في حساب بنكي مبلغ 200 دولار. يعني في 12 شهر اصبح معها 2400 دولار. اتصدم سونج من الرصيد وقال لنفسه

ازاي قدرت اماي تحصل علي مبلغ زي دة مع ان مصروفها الشهري اللي بتاخده مني 100 دولار بس. مراهقة زي اماي تمتلك 2400 دولار. ازاي 

هتلاقو باقي احداث القصة علي صفحة حكايات منص ومي دوسو علي الرابط واعملو متابعه للصفحة

وبدأ يدور في صفحة الحساب البنكي السري لبنته ولقي ان اماي حولت قبل اختفائها باسبوع مبلغ 1000 دولار لحساب جيميل باسم. هيسو سون . قال سونج

مين. هيسو سون . دي. الاسم دة ما كنش وسط اسامي اصدقاء اماي 

عمل نسخ للاسم وبدأ يدور علي اي معلومة عنه لكن ملقاش اي حساب علي السوشيال ميديا بهذا الاسم استغرب وبدأ يفكر في مين دي. اللي اسمها هيسو. ولية بنته تحول لها مبلغ زي دة بدا يتصل بواحد بواحد من اصدقاء مرحلة الاعدادي ما حدش يعرف بنت بالاسم دة. بدات تتعقد لكن سونج ما يسأش وبدأ يدور تاني وسط حسابات بنته ولقي علي الفيس ان كل ما كانت بترفع بوست كانت بتعلق لها بنت باسم. ميهي يونج. بدأ يركز الاسم بيتكرر كتير وتقريبا علي كل بوست لبنته عمل بحث عن الاسم ظهرت صورة لبنت في الثلاثينات من عمرها واضح انها تعمل موديل قدر سونج يتواصل معها عن طريق الماسنجر ورديت وقالت

انا فعلا اعرفها ومتابعه ليها وبحب كل البوستات اللي بترفعها لكني عمري ما اتقابلت معها ولو مرة واحدة

سونج

انا دورت في محادثات الماسنجر وماقدرتش اوصل لاي محادثة بينك وبينها

ميهي

بسبب ظروف شغلي انا ما كنتش بفضي كتير علشان اكلم اي حد

سونج

يعني كل معرفتك ب اماي عن طريق البوستات الخاصة بيها

ميهي

بالظبط 

سونج

بتاسف لو ازعجتك

ميهي

اتمني انها ترجع تاني ليك وتكون بخير

سونج

انا كمان اتمني كدة

وانهي سونج المحادثة وضرب ايدة في المكتب اللي قدامه بينفذ عن غضبة وقال باعلي صوت عنده 

اماي. انا موافق انها تكون تمثلية سخيفة منك. لرجوع اهتمامي بيكي اظهري بقي. انا خلاص اعصابي تعبت. عدي اربع ايام علي اختفائك هستحمل لغاية امتي

وهنا تتصل بي المحققة اوماي في مكالمة فيديو فيرد بسرعه ولهفة ويقول

سيد سونج. بنتك تمتلك عربية

سونج

دي عربية مامتها ميشا وتم نقل الملكية باسم اماي.

اوماي

دة اللي انت تعرفو. لكن اللي احنا عرفنا. ان بنتك ليها رخصة قيادة تانية علي عربيه تانية وباسم اخر غير اسمها

ورفعت اوماي رخصة قيادة بصورة اماي لكن الرخصة باسم. هيسو سون. وقالت

تقدر تقولي سيد سونج اية اللي يخلي بنتك اماي تنتحل شخصية بنت ميته. ومش موته طبيعية دي ميته مقتوله

اتصدم سونج وبرق وقال

مستحيل اماي تعمل كدة

اوماي

والتحويلات البنكية اللي تمت بينها وبين حساب وهمي باسم هيسو سون. يعني اماي كانت بتبعت الفلوس ليها بشكل مشبوهه طريقة بيستخدمها رجال العصابات في غسيل الاموال

سونج

كلامك في اتهام خطير 

اوماي

سيد سونج يوسفني اقول لك ان بنتك من البحث الاول واضح جدا انها هريانه مش مختفية اختفاء قصري

 

سونج وهو هايتجنن

لية اماي تهرب

اوماي

علشان عملت حاجة وخايفة من العقاب

سونج بعصبية 

بنتي، ،،،،،،،،

قطعته اوماي وقالت

بنتك الكاميرات في حي بوسان صورتها وهي خارجة برة الحي عند مقاطعه 63. ودة كان بعد منتصف ليل الخميس ليلة اختفائها واتجهت ناحية الحدود عن طريق الغابات. يعني سابت كوريا كلها

سونج

لا. اماي ما تهربش وهتهرب من اية. اماي اتخطفت

اوماي بعصبية

كل الشواهد والادلة بتقول غير كدة بنتك هربانه من حاجة والمحتمل انها تكون ارتكبت جريمة وخايفة من السجن المشدد 

سونج

ارجوكي ما تقوليش كدة.  

اوماي

دي الحقيقة زي سونج. ولازم تتقبلها بنتك اصبحت في نظر القانون هاربة مش مختفية. واسفة كمان مرة قضية بنتك هتنتهي باننا نقبض عليها 

وانهت اوماي المكالمة وسونج هيتجنن وعمال بيقول

انا بنتي مش مجرمه مش مجرمه. بنتي اكيد في خطر 

وماحدش هينقذها غيري

وفتح سونج اللاب تاني وبدأ يدور علي اي تفصيلة يمكن يقدر يثبت لنفسه قبل ما يثبت لغيرة ان بنته ما هربتش وبدأ يقرأء كل محادثات بنته وكل التعليقات علي كل البوستات وهنا لفت نظرة تعليق غريب من حد اسمه نميجا باين من صورته انه من الشباب مدمني المخدرات وكان كاتب

★اماي النهاردة بعد نص الليل. لايف خاص جدا. بيكي وليكي. استنيني في تطبيق الكاست اخر اختراع ليا★

بدأ يدور علي تطبيق الكاست دة علي جهاز اماي وقدر يوصل له وفتح التطبيق علشان يشوف، ،،،،،،،،،،،،،

مش هقول. علقو والجو دة. اكتب تقيمك للحلقة من واحد ل عشرة. حلوة الصيغة دي.  

الحلقة الرابعة