الهام واللي كان الحلقة الاخيرة

 اخويا الكبير 

             ‏ ★الحلقه الثالثة★

من تاليفي
محمد منصور. منص

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                            ‏ ‏

ومن المدافن كان أدهم يمشى فى جنازه ابنه وعلى أيده ابنه أسامه وهو فى كفنه وأدهم ينظر له و يبكى بحرقه ومن خلفه اخواته وعم شفيق وأهالي المنطقه ويوصل به أدهم الى المقبره ويفتح منصور المقبرة عند وصولهم وينزل أدهم ويضع اسامه في القبر وهو منهار تماما ويخرج من القبر بعد دقائق وهو لايزال يبكى ويرتمى فى حضن اخوه منصور ثم يرتمى فى حضن أخوه عوض ويقول ادهم وهو ينظر للسماء 

يارب الصبر الصبر أنا لله وانا اليه راجعون

ثم ينظر أدهم لعوض ومنصور ويقول

‏أنا عايز اقعد مع أبنى لوحدى عشان خاطرى مشو الناس دى كلها

فيتجه منصور وعوض ناحيه الناس الموجوده فى العزاء ويتلقو العزاء بدلا من ادهم وتنصرف الناس ويبقى أدهم وحيدا وينظر ناحيه قبر أبنه ويقول بحزن شديد وهو يبكي بحرقه اكثر ويقول 

 أنا بحبك قوى يا أسامه. وهاتوحشني وصعب جدا عليه فراقك بس اللى مافرحنى أن أنت أن شاء الله فى الجنه

 ‏

ثم ينظر ادهم الى السماء مرة اخري ويقول

‏يارب أبنى بين أيديك هايكون فى الجنه صح. هه صح

وينظر للقبر مره اخري ويبكى بحرقه فتقف خلف منه ريهام ومعها عم شفيق وتقول ريهام

‏مش يالا يا أدهم نروح

فينظر لها ادهم بغضب ويقول

‏أنت بتعملى أيه هنا

‏عم شفيق

‏وحد الله يا أدهم ده بردو اسامة كان زي أبنها 

أدهم

عمره ماكان زي ابنها ولا هى كانت زي أمه خليها تمشى ياعم شفيق أسامه مضايق من وقفتها على قبره

‏ريهام

أدهم يالا نروح ماينفعش اللي انت بتعمله ده 

أدهم 

عم شفيق خد بنتك وأمشى أسامه مضايق من وقفتها وبيقول لى بابا. هى دى اللى قتلتنى 

عم شفيق

أدهم يا أبني كله مكتوب 

أدهم

طبعا بس كل حاجه وليها سبب ولو هي كانت سمعت كلامي وماخرجتش من الشقه ماكنش مات

عم شفيق

أسامه أستغفر ربك. أسامه كان مكتوب له يموت في الساعه دي سواء بنتي نزلت من الشقه أو مانزلتش وعموما انا هاسيبك تهدئه وبعد كده تبقي تيجي تاخد مراتك 

أدهم باستهزاء 

مراتى. أنا مش متجوز

ريهام باستغراب 

أدهم انت بتقول أيه

‏ادهم منفعلا

‏أنتى طالق واللى في بطنك مش عايزه عشان منك أنتى ودلوقتى عايز أقعد مع أسامه أبنى لوحدى أمشى من هنا اسامه مش طايق يسمع صوتك

فتنظر له ريهام وهو يقول لها بعصبيه شديده

غوري بقي من هنا مش طايق أشوف وشك 

فتنصرف ريهام ومعها والدها فينظر ادهم لقبر أسامه مرة اخري ويقول

خلاص بقي بطل عياط هي مشيت خلاص ومش هانشوف وشها تاني ،،،،،،،

وبعد منتصف الليل ومن أمام ورشه مرسي يجلس أدهم مع منصور ويقول له ادهم

المهندس محمد اتصل بيا وهسافر بكره عشان اشتغل معه في موقع في الساحل الشمالي 

منصور

هتسافر أزاي بس مش لما تاخد عزاء أبنك

أدهم

انا مش طايق استني هنا من غير اسامه

منصور

ماينفعش اللي انت بتقوله ده

ادهم

منصور ده قرار نهائي وانا مش هارجع في

منصور

لا بقي انت كده بتهرب وده ماينفعش

ثم تقع عين منصور علي عوض الذي يخرج من البيت ويقول

واهو عوض جاي ونعرف رايه في الموضوع ده أيه 

ولكن تقف سياره سوداء امام عوض وينزل منها ثلاث رجال مسرعين ويدخلو عوض الي السياره بمنتهي العنف والقوه وعوض يحاول ان لا يدخل السياره ولكن الكثره تغلب الشجاعه وينهض منصور وهو يقول

ألحق اخوك يا ادهم ناس بتخطفه

فينهض ادهم مسرعا ويجري هو ومنصور ناحيه السياره ولكن السياره تنطلق مسرعا وبداخلها عوض وينظر ادهم الي رقم السياره ويحفظه ويقول منصور لي ادهم

ايه اللي حصل ده اخونا ينخطف قدامنا كده

أدهم

مين دول وخطفوا عوض ليه، ،،،،،

وبعدها بساعه ومن داخل قصر ماجد وبالتحديد من داخل غرفه في الجراج يجلس عوض علي كرسي وهو متكتف ومكمم الفم ويحاول افلات يده من الحبل المربوط به ولكن بلا فائده ويفتح باب هذه الحجره ويدخل ماجد ومن خلفه مروان ومعهم مليكه ويقفو الثلاثه امام عوض وينظر عوض اليهم باستغراب وماجد ينظر الي ذقنه ويقول

مش ده رجب العسال اللي كانت عندي واللي كان في الفيديو من غير دقن

مروان

هو يا باشا واكيد الدقن دي عيره 

ويذهب مروان ناحيه دقن عوض ويشدها ولكنها لا تطلع في يده ويتألم عوض من شد مروان لدقنه وينظر عوض لمروان بغضب شديد وتقترب مليكه من عوض وهي في حاله من الذهول وتنظر في عيون عوض بشده وتقول 

ده مش رجب

فينظر ماجد الي مروان ويقول

يا فرحتي بيك هو ده اللي أنت جايبه 

مروان

اعمل ايه بس يا باشا ماهو شبه بالظبط أنا اول ما شوفت صورته علي الفيس قولت هو بس مغير شكله وأقعد انكش وراء منه لغايه ماجيبت عنوانه من رقم تيلفونه 

ماجد

واهو ما طلعش هو يا فالح 

وفي هذه اللحظه يرن موبيل ماجد فيخرج الموبيل من جيبه وينظر الي الرقم باستغراب ثم يفتح فيسمع صوت رجب يقول

حضرت الفلوس ولا أذيع

فيقول رجب بغضب

هو انت

رجب بحنيه يقول 

ايوه انا أيه ماوحشتكش. 

ثم يتغير صوت رجب للحده ويقول

أخلص فين فلوسي

ماجد

فلوسك

رجب

أيوه فلوسي عندك مانع 

ماجد وهو ينظر الي مليكه بغضب شديد 

لا. ماهي الواطيه خليتك تركب علي كتفي وتدلدل رجليك

رجب

بص يا باشا أنا مابحبش الرغي الكتير فلوسي تحضر النهارده الساعه 5 عند مزلقان القطر وأي غدر هاتزعل مني

وياريت تمشي الواد اللي شبهي عندك أنا مش عبيط عشان تمسكني بسهوله كده

ويغلق الخط وسط أستغراب من رجب ويقول لنفسه 

وده عرف منين أن في حد هنا شبهه 

ثم ينظر لمروان ويقول لنفسه

لو بتلعب من ورايا يا مروان هاحرقك أنت وعيالك

مروان وهو يلاحظ نظر ماجد له فيقول

ماجد باشا أنت بتبص لي ليه كده

ولكن ماجد لا يرد عليه فيكرر مروان السؤال فيرد عليه ماجد قائلا

لا مافيش حاجه

مروان

طيب ودلوقتي هانعمل أيه في اللي اسمه عوض ده

ماجد

الواد ده شاف طريق القصر وانت جاي بي

مروان

لا طبعا يا باشا كان في غيبوبه

ماجد

زي ما جيت بي أرجع بي 

ثم ينظر ماجد الي عوض ويذهب ناحيته ويمسكه من شعره بعنف ويقول بلغه التهديد

أسمعني كويس يالا أنت ماشوفتناش ولو فكرت أنك تبلغ هاخلص عليك،،،،

من داخل مديرية أمن القاهره وفي احدي المكاتب يجلس ظابط مباحث في الثلاثينات من عمره يدعي ضياء وشهرته بين أصدقاء التعلب وامامه يقف أخين واحد منهم في الخمسينات من عمره ويدعي كمال والاخر في الاربعينات من عمره ويدعي عادل فينظر لهم ضياء بحيره ثم ينظر الي شنطه سوداء أمامه ويضع يده فوق الشنطه ويقول

شنطه الفلوس دي بتاعت مين فيكم

فيقول كمال وعادل في نفس واحد

بتاعتي انا يا باشا

فينظر كمال الي عادل ويقول

حرام عليك تسرق فلوسي وفلوس عيالي

عادل

انا بردو اللي حرامي ولا انت اللي عايز تسرقهم مني

كمال بحزن شديد،

انا بردو أنت أيه يا اخي ما عندكش دم تشوفني نازل من بيتي ومعايا الفلوس تهجم عليه وتقول حرامي سرقني

عادل بضيق شديد

يا اخي أتقي الله انا بردو ولا انت اللي طلعت بيتي وسرقت شنطه الفلوس بتاعتي

كمال

انا أه كنت عندك في البيت عشان باخد شنطتي اللي انا كنت سايبها عندك امانه

كل هذا الحوار يدور بين الاخين وضياء ينظر لهم والحيره تزيد الي ان قرر ان يلعب لعبه توضح مين صاحب الشنطه فامسك الشنطه وقال للأ خين

كفايه رغي بقي 

فيسكت الاخين وينظروا لضياء فيقول لهم

انتو الاتنين أمسكوا الشنطه دي واقفو علي جنب هناك

ويمسك الاخين الشنطه ويقفوا في ركن من اركان الحجره ويسمع ضياء صوت خبط علي الباب فيقول

ادخل

فيدخل عسكري ويؤدي التحيه لضياء ويقول

واحد اسمه ماجد الدسوقي عايزك يا فندم

ضياء

خلي يدخل

فيخرج العسكري ويدخل ماجد فينهض ضياء من علي مكتبه ويستقبل ماجد بالحضن وهو يقول

عمي ماجد واحشني والله

ماجد

لو كنت واحشك كنت سائلت 

ضياء 

غصب عني يا عمي مافيش وقت خالص

ماجد

ربنا يعينك،، عموما انا عايزك في موضوع مهم

ضياء

عينيه ليك خير

ماجد

عيل مالهوش لزمه خد مين فلوس غصب عني وعايز اعلمه الادب

ضياء 

مين ده اللي ياخد فلوس غصب عن ماجد الدسوقي

ماجد 

عيل كلب. و خسيس ومش هارتاح الا لما ارجع فلوسي وأعلمه الادب وماحدش هيساعدني في ده الا تعلب زيك بس في مشكله

ضياء 

مشكله ايه

ماجد

الواد اللي خد مني الفلوس ده من غير دقن

ويعطي ماجد صوره رجب لضياء فينظر ضياء في للصوره بتمعن ويكمل ماجد قائلا 

 وانا شوفت واحد شبه لكنه ملتحي تحس انهم تؤام

ويعطي ماجد صوره عوض الذي قام بتصويره قبل أن يخرج من الفيلا 

فينظر ضياء في صوره عوض ويقول 

باين عليهم تؤام 

ماجد

شكلهم كده لان الشبه رهيب. جدا. والواد اللي خد الفلوس مني. تحس انه بيعرف كل حاجه عني

ضياء

اسمه ايه الواد اللي خد منك الفلوس

ماجد

رجب العسال اللي هو من غير دقن 

ضياء وهو يكتب في ورقه امامه يقول 

والتاني ابوه دقن

ماجد

اسمه عوض مرسي

ضياء وهو ينظر ناحيه الاخين يقول بصوت عالي مخيف

سيب الشنطه يا حرامي

فيترك عادل الشنطه مسرعا بحركه لا اراديه فيضحك ضياء ويقول

وقعت يا حرامي الشنطه

عادل

انا مش حرامي دي فلوسي

ضياء بنرفزه شديده

اومال سيبت الشنطه ليه 

عادل

أصل،،، ،،،

ضياء مقاطعه له

أصلك حرامي ويوم ما تسرق تسرق اخوك ،، عارف انا قولتكم امسكوا انتو الاتنين الشنطه وسيبتكم واتكلمت مع عمي عشان صاحب الحق عمره ما يسيب حقه وده اللي حصل لما قولت سيب الشنطه يا حرامي بحركه لا اراديه انت اللي سيبت الشنطه عشان مش بتاعتك وفضلت في ايد صاحبها اللي هو صاحب الحق عم كمال

ثم ينادي علي العسكري فيدخل العسكري ويقول ضياء وهو ينظر لعادل 

خد الحرامي ده

فياخذ العسكري عادل ويخرج به من الحجره فيضحك ماجد ويقول

صدق من سماك تعلب

فيضحك ضياء ويقول

ولا تعلب ولا حاجه البركه في جحا انا اتعلمت الحيله دي منه 

وينظر في الورقه امامه ويقول

وبالنسبه بقي لي رجب العسال او عوض مرسي أعتبر اللي خد فلوسك منهم تحت رجليك، ،،،،،،،

وبعدها بساعه ومن داخل شقه عوض كان عوض يفرد طهره علي سريره وبجانبه يجلس كلا من جده كرم ومنصور اخوه وأدهم ويقول له منصور 

يعني نفهم من اللي انت حكيته أن في حد شبهك والراجل اللي خطفك كان فاكرك هو

عوض

ده اللي أنا فهمته من الكلام اللي أتقال قدامي

أدهم

انت مال صوتك غريب جدا

عوض

من اللي شوفته 

كرم بدهشه 

معقوله يكون لسه عايش

أدهم 

مين هو اللي لسه عايش يا جدي 

كرم

اخوه عوض التؤام

فينظر عوض ومنصور وأدهم الي جدهم باستغراب شديد ويقول منصور

احنا لينا أخ رابع

كرم

لا. عوض هو اللي لي اخ تؤام

منصور باستغراب

مش فاهم ما اخو عوض يبقي اخونا 

كرم 

منصور،، عوض مش اخوك أصلا

فينظر عوض الي منصور وادهم باستغراب اكثر واكثر، ،،،،،،،،

مش هقول. علقو والجو دة. اكتب تقيمك للحلقة من

 واحد ل عشرة. حلوة الصيغة دي.