الهام واللي كان الحلقة الاخيرة

 روح من جهنم 

                  ★الحلقة الثالثة★

من تاليفي

محمد منصور. منص 

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                         ‏

ومن قدام بيت عصام تقف عربية اسعاف وعربية بوليس وناس كتير واقفين حوالين العربيتين بيتفرجو علي اللي بيحصل واثنين مسعفين شيالين حامد علي نقالة والملاية اللي علية غرقانة دم والناس في المنطقة فرحانة انهم خلصو من حامد وشرة وبعد ما مشيت عربية الاسعاف نزل عصام من البيت وفي ايدة الكلبشات وكل الناس فرحانة بي ولا كانه بطل من ابطال حرب اكتوبر وركب البوكس وامة بتعيط علية ومراتة بتضحك وفرحانة بي وبتبوس الايد اللي قتلت وستات بتقول

عملها ابن نعمة.

وست تانية بتقول

طول عمرة راجل ابن راجل

وراجل كبير بيقول لعصام

ما تخفش علي مراتك دي في رقبتنا وكلنا في خدمتها 

وعصام بيبص لهم وهو مخنوق منهم ومخنوق من نفسه ومشي البوكس وعصام جوة منه، ،،،،،،،،

ومن داخل مكتب الظابط مروان يقف عصام وهو في ايدة الكلبشات ومروان يبص له ويقول

لية عملت كدة

عصام وهو عينية في الارض

ماستحملتش اشوفة بيضرب مراتي. وقولت له يمشي ويخرج من الشقة وهو ما رضيش وفضل يستفز فيه 

مروان

تروح قتلة

عصام

ماقدرتش اعمل حاجة الا كدة

فيقف مروان ويقف قدام عصام ويقول

عارف انا امباراح كنت بساعدك لية

عصام

لية

مروان

علشان عرفت من المخبرين بتوعي ان في تلت كلاب كانو بينهشوا في لحمك وانت في ايدك سكينة وقلبك ما طوعكش تضرب بيهم كلب منهم وتدافع عن نفسك قولت انت اللي زيك ما بقوش موجودين وتستاهل اني اكون في صفك لكن النهاردة تقتل بني ادم

عصام بعصبية

اللي زي حامد دة مش بني ادم دة حيوان مايعرفوش الرحمة بيمشوا بين الناس بالشر روح حضرتك شوف الفرحة اللي في عيون الناس بعد ما حامد مات. انما انا ماضربتش الكلاب علشان اتعلمت من ابويا ان لو الكلب عضني ما عضوش لكن حامد دة خنزير ويستاهل القتل ولو الحكومة من الاول خليت اي بلطجي يقع تحت ايدها عبرة ما كناش لقينا بلطجية كتير زي دلوقتي حامد واللي زية تربية الحكومة والحكومة ما بتعرفش تربي

مروان 

مش كل الحكومة تحب اللي زي حامد يكون بين الناس

عصام

انا بعترف انا في ناس محترمة ونفسها تخلص علي البلطجية بس قليل زي حضرتك كدة

مروان

عصام. انت عارف انك هاتطلع برائة من القضية دي

عصام

انا مش بتاع قانون ولا بفهم في

مروان

طيب لازم تعرف انك كنت في حالة دفاع شرعي عن النفس وهاتطلع من القضية برائة

عصام

يبقي ياريت بقي نقفل الباب دة خالص وانا بتنازل عن المحضر اللي رفعتة بخصوص عين ابني وطلع عبد العاطي من الحجز

مروان باستغراب 

انت بتقول اية

عصام

خلاص يا مروان باشا. انا عايز اقفل باب الشر

مروان

وتفتكر لما عبد العاطي يخرج من السجن هايسيبك

عصام

انا جاهز لاي حاجة. وياريت حضرتك تقفل المحضر بتاع القضية دي حق ابني جه بموت حامد ملهوش لزوم حبس عبد العاطي 

فيبص مروان لعصام ويسكت، ،،،،،،،،،

وبعدها بيوم ومن داخل بيت عبد العاطي يجلس عبد العاطي في وسط البيت وحوالين منه الكلاب بتوع حامد ابنه ويدخل الي البيت مروان وعبد العاطي يبص له بهدوء مخيف ويقف قدام منه مروان ويقول 

ما عملتش لية عزاء لابنك

عبد العاطي

ما عنديش حد مات

مروان

عبد العاطي لو ناوي تمس شعرة من عصام انسي عصام في حمايتي وكفاية انه اتنازل عن المحضر و

فيقاطعة عبد العاطي ويقول

بقول لك اية يا باشا كتر الكلام بيجيب صداع وانت قولت عصام في حمايتك يبقي خلاص ملهوش لزوم اي تهديد

مروان بابتسامة رزينة

كدة تمام. يبقي خلي بالك

عبد العاطي بابتسامة خبيثة

خلي بالك انت منه

ويمشي مروان وعبد العاطي بيبص له ويضحك، ،،،،،،،،

وبعدها بفترة وبعد خروج عصام من الحجز ومن داخل شقتة يجلس عصام علي الكنبة وسمر بتاكلة بايدها وبتقول

كل يا اسد واشبع كدة. 

وعصام يبص لها وهو يقول لنفسه

سبحان الله بقيت اسد علشان مجرم ولما كنت طيب وفي حالي كنت عرة رحمتك يارب

وتلف سمر ايدها حوالين رقبة عصام وهي تقول بدلع

وحشتني

عصام

بجد

سمر

اية مش مصدق طيب تحب البس القميص بتاع ليلة الدخلة وارقص لك

عصام وهو بيقوم

لا. ماليش نفس

ويدخل الي اوضة ويسيب سمر لوحديها في الصالة، ،،،،،،،

وبعدها باسبوع يقف صبي من صبيان عبد العاطي واسمة غريب. قدام سمر اللي كانت ماشية في السوق وهي رافعة راسها لفوق وبتعالي غريب ويقول لها

ازيك يا بنت الغالي

سمر

اة. هو انت. نعم عايز اية

غريب 

عايز اقول لك انك صعبانة علية اوي

سمر

اشمعني

غريب 

اصلي عرفت ان عصام متجوز عليكي بت كدة من خان الخليلي

سمر بنرفزة

نعم. هو مين دة اللي متجوز عليه

غريب 

عصام مالك في اية هو مش بقي راجل والحريم بتترمي تحت رجلة

سمر

انت كذاب عصام ما يقدرش يبص لواحدة غيري

غريب

خلاص انا كذاب

ويستعد غريب للانصراف فتمنعه سمر وتقول له

استني بس.  

غريب

نعم

سمر

اية اللي يثبت انك صح

غريب

هاديكي عنونها وروحي واسالي بنفسك وانتي وخيالك

سمر باهتمام ونار الغيرة بتحرق قلبها

قول العنوان ، ،،،،،،،

وتروح سمر للعنوان وتسال بواب العمارة عن عصام ومراتة الجديدة واللي اسمها رانيا وبالفعل يؤكد البواب كلام غريب وان فعلا في حد اسمة عصام ورانيا متجوزين في البيت دة وان الشقة اللي قاعدين فيها شقة رانيا ورثها عن جوزها الاولاني وخرجت سمر صورة لعصام وقالت له

هو دة عصام اللي انت بتتكلم عنه

البواب

هو يا ستي 

سمر بغل شديد

بقي كدة ماشي يا ابن نعمة،،،،،،،،

وتروح للبيت بتاعها واول ما دخلت مدخل البيت لقيت عبد العاطي واقف قدامها في الظلمة اللي تحت السلم وبيقول لها 

صدقتي انه متجوز

سمر

انت عرفت ازاي

عبد العاطي

انا اللي جوزتة من رانيا 

سمر باستغراب

انت. ولية عملت كدة

عبد العاطي

علشان تساعديني اخلص منه واخد بتار ابني

سمر

انت مجنون يا راجل انت بقي تقولي انك انت وراء كل اللي حصل وعايزني اساعدك تخلص من جوزي

عبد العاطي

اة. هتساعديني جوزك ما بيحبكيش واول ما رانيا شاورت لي باصغر صباع عندها جري عليها جري زي ما يكون ما صدق

سمر بضيق 

ابن نعمة. العرة يتجوز علية انا. اتاري مش طايق يقرب مني

عبد العاطي

شوفتي بقي يبقي لازم يدفع الثمن

سمر

انت عايز اية بالظبط

عبد العاطي

اشرب من دمة

سمر بجحود 

طيب ما تشرب

عبد العاطي

الظابط اللي اسمه مروان دة واقف لي زي اللقمة في الزور ومش هاقدر اقرب منه طول ما مروان دة في القسم

سمر

يعني برضو عايز اية

عبد العاطي

تكوني السبب في فضيحة لمروان ويتشال من القسم وساعتها اقتل انا عصام

فتسكت سمر لدقائق وتفكر ثم تقول

ماشي

عبد العاطي يضحك في الظلمة ويبان جزء من وشة وكانة شيطان ويقول

يبقي اتفقنا، ،،،،،،،،،،،،

مش هقول. علقو والجو دة. اكتب تقيمك للحلقة من

 واحد ل عشرة. حلوة الصيغة دي.