جاري البحث
★الحلقة الثانية★
كتابة واقتباس
محمد منصور. * منص*
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
هتلاقو باقي احداث القصة علي صفحة حكايات منص ومي دوسو علي الرابط واعملو متابعه للصفحة
وفعلا قام سونج وجاب رقم مدرسة البيانو من علي الكمبيوتر واتصل بها وسالها
صباح الخير مدام هي وو
هي وو
صباح الخير استاذ سونج
سونج
اسف اني بتصل في ميعاد زي دة. لكن بنتي اماي كانت معاكي امباراح في درس بيانو وما رجتعش لغاية دلوقتي
هي وو باستغراب
استاذ سونج اماي بطلت تحضر دروس البيانو الخاص بي من 6 شهور
هنا اتصدم سونج ووقع الموبيل من ايدة ورجله ما بقتش قادرة تشيلة وبدا يقول لنفسه
ازاي دة حصل وكل شهر كانت اماي بتاخد مني حق درس البيانو. بنتي كانت بتضحك عليه. طيب لية تعمل كدة.
وبص ناحية صورة ميشا وفي نفس الوقت كانت مدرسة البيانو بتقول في الموبيل
الو. استاذ سونج. انت كويس استاذ سونج رد عليه
لكن سونج كان واقف قدام صورة ميشا وبيعيط وبيكلم الصورة وبيقول
كنت شايلة البيت دة كله علي اكتافك. اتهد البيت بعد موتك. بنتنا قدرت تخرج عن الطريق اللي رسمنا ليها
هنا يتخيل طيف ميشا وهي واقفة قدام منه وبتقول
انت لسة موجودة وتقدر تبني اي شئ اتهد.
سونج وهو بيبكي
ازاي اعمل كدة من غيرك. ان بعدك بموت بالبطئ ميشا
ميشا
لازم تقدر علشان خاطر بنتا اماي. ذنبها اية تتحرم من الام والاب في وقت واحد
سونج
مش قادر اقدم حب لاي حد بعدك
ميشا
بس دي بنتك ومحتاجة حبك
سونج بانهيار شديد
انتي كنت الحب
ميشا
واماي مني ومحتاجة لحبك
سونج
اماي هي فين اماي
ميشا
لازم توصل لها وتكون ليها حبيب واب وصديق
سونج
اماي كانت بتكذب عليه
ميشا
اماي ما كانتش بتشوفك علشان تكذب عليك. انت بقيت بعيد اوي
وقع سونج علي الارض وبدا يعيط بحرقة. وقال
زي ما انتي بقيتي بعيدة. لية سيبتيني
ميشا
انا معاك وديما جنب منك
سونج وهو بيضرب ايدة في الارض
معايا ومش قادر المسك. معايا ومش قادر اجري جنب منك زي زمان. معايا ازاي وانت تحت الارض
وبدا يضرب الارض بايدة وبمنتهي القوة نزلت لغاية عنده ميشا وحس انها مسكت ايدة بص في عيونها فقالت
دور عليه في. اماي. هتلاقيني وديما هتشوفني
بص لها وقال
اماي مش ميشا
ميشا
بس اماي مني ومنك. ومعاك بلاش تضيعها منك
واستعدت ميشا علشان تمشي فقال لها سونج بصوت حزين
رايحة فين
ميشا
راجعه مكان ما جيت.
سونج وهو بيمشي ورها
انا محتاج لك
ميشا
اماي محتاجة ليك اكتر. انا مجرد طيف لكنها هي الواقع والدنيا بلاش تحرمها منك
واختفت ميشا وسونج قالت
ميشا ما تروحيش مني. ميشا.
وبدأ ينهار تاني لكن عيونه وقعت علي صورة اماي وهي في حضنه وبيلعب معها وفعلا شاف فيها ميشا فقام من علي الارض وراح ناحية الموبيل بتاعه وحط الموبيل علي ودانه وسمع صوت مدرسة البيانو بتقول
الو استاذ سونج طمني عليك
سونج باصرار رهيب
سيدة. هي وو. عايز اعرف منك مين كان اقرب صديق او صديقة لبنتي
هي وو
بنتك كانت انطوائية وملهاش اي اصدقاء
سونج
بنتي ما كنتش انطوائية
هي وو
ممكن قبل موت ميشا. لكن بعد موت ميشا اصبحت انطوائية بشكل ملحوظ
سونج
شكرا سيدة هي وو.
وقفل سونج واتصل بالشرطة وتم الرد فقال سونج
بنتي من امباراح ما رجعتش. البيت
صوت يقول
الاسم والسن والعنوان
سونج
الاسم اماي سونج. والسن 16 سنه.
واداها سونج العنوان وتم حفظ البلاغ. وعدي يوم بالظبط وما حدش جه من الشرطة استغرب سونج فاتصل تاني وقدم نفس البلاغ. وبرضو ما حدش جه. وتالت ورابع. واخيرا اتصلت بي محققة تابعه للشرطة في كوريا تدعي
اوناي. فقالت اول ما رد سونج
انا المحققة اوناي المكلفة بالبحث في قضية اختفاء بنتك
سونج بعصبية
بعد تلت ايام اخيرا حد اهتم بقضية اختفاء بنتي
اوناي
سيد سونج سامحنا احنا دلوقتي في ايام السيول الصيفية والبلد كلها تحت حصار من الامطار والبرق والرعد التحرك والبحث الجنائي في مثل هذة الايام يعتير انتحار لفريق البحث.
سونج
وبنتي اللي ما عرفش عنها اي حاجة من تلت ايام
اوناي
القضية انا كلفت بفك لغزها وانا جاية لك في الطريق. بس لو ممكن تساعدني بانك تمليني قائمة باسماء اصحاب بنتك المفضلين
سكت سونج لانه ما يعرفش حد من اصحاب بنته فقالت اوناي مرة تانية
سيد سونج. انت معايا
سونج
معاكي.
اوناي
محتاجة اعرف اسماء وعناوين اصدقاء اماي
هنا يقع عيون سونج علي اللاب توب بتاع اماي واللي هي نسيته قبل خروجها من البيت فقال لها
اديني بالظبط ساعه. وهحضر لك قائمة بالاسماء
اوناي
انت ما تعرفش اصدقاء بنتك المقربين
سونج
اعرفهم بس مسجلهم علي اللاب الخاص بي وهو مش معايا دلوقتي.
اوناي
تمام. اتمني اول ما اوصل لك تكون حضرتك هذة القائمة
وخلصت المكالمة وراح سونج بسرعه ناحية لاب اماي وفتح اللاب ودخل علي الفيس وحاول يفتحة لكن اماي غيرت كلمة السر. راح حاول يفتح الانستجرام وبرضو نفس الكلام. حاول يجرب كلمة سر بتاريخ ميلاد اماي
ما وصلش لجديد تسرب لي الياس راح وفتح الجيميل الخاص بيها وحاول يفتحه برضو كلمة السر متغيرة كان واضح جدا ان اماي مخلية كل حسابتها تفتح كل مرة بعد هي ما تحط كلمة السر استغرب سونج وبدا يسال نفسه
لية بنته تعمل كدة اي حد عنده حسابات علي جهازة بيحفظ كلمة السر علشان يسهل الدخول كل مرة. هي لية ما تعملش كدة.
قفل اللاب وهو متعصب وبدا يفكر للحظات وافتكر فعلا انه هو اللي عمل لها الحسابات دي كلها بحساب ياهو بتاعه فتح اللاب تاني وعمل نسيان لكملة السر وطلب رمز تغير كلمة السر يكون عن طريق الياهو وفعلا بدا يدخل علي الياهو وياخد الرمز ويحطة في كل حساب وغير هو كلمة السر وفتحت الحسابات علشان يدخل ولاول مرة العالم السري الخاص ببنته الوحيدة ويبدأ يدور وسط الاصدقاء علي اكتر واحد او واحدة بتتكلم معه وفعلا لقي شاب اسمه جي هون قدر يجيب رقم موبيلة واتصل بي واول ما رد الشاب دة قال سونج
جي هون. انا سونج والد اماي
جي هون
اهلا بيك سيد سونج
سونج
اهلا بيك. ابنتي كانت ديما بتحكي لي عنك وعن انك انت صديقها المفضل. وهي من اليوم الخميس ما رجعتش البيت ما تعرفش ممكن تكون فين
جي هون
اماي بعد موت والدتها السيدة ميشا ما بقاش ليها اصدقاء واصبحت منعزلة وما بتكلمش حد من اصدقاء المدرسة الاعدادية
سونج
يعني اية بطلت تعرف اي صديق من اصدقاء مرحلة الاعدادية. انت لسة باعت لها رساله من اسبوع بتطلب منها تيجي معاك رحلة لصعود احدي الجبال وهي وفقت
جي هون
ما حصلش اني طلبت منها طلب زي دة
سونج وهو بيفتح اللاب بيقول
ازاي كذب. هوريك المحادثة اللي دارت بينكم حالا
وجاب المحادثة وورها ل جي هون. في مكالمة فيديو استغرب جي هون اوي وقال
دة مش حسابي انا بقالي سنتين ما رسالتش اماي. بعد ما طلبت مني كدة بنفسها
اتصدم سونج وقال
يعني اماي كانت بتراسل شخص تاني منتحل اسمك
جي هون
افتكر كدة.
سونج
انت جاهز تقول الكلام دة في محضر شرطة رسمي
جي هون
انا وكل اصدقاء اماي في مرحلة الاعدادية اصبحنا لا نكلمها. اسف ليك علي انك مش لاقي بنتك اتمني انها ترجع لك في اقرب وقت. سلام
وانهي جي هون المكالمة وبدا سونج يفكر اكتر واكتر لكنه ما خدش كلام جي هون محل ثقة وبدأ يتصل باصدقاء بنته في مرحلة الاعدادية وكلهم قالو نفس الكلام لكن الغريب والمريب ان رغم كدة كانت في رسايل بين اماي وبينهم طول الفترة اللي فاتت. معقول يكونوا كلهم كذابين ولا بنته هي اللي كذابة. ووقت ما كان بيفكر لقي باب الشقة بيخبط قام فتح ولقي كيم اللي اول ما شافة قال
عرفت من شريط الاخبار ان قضية اختفاء بنتك تم تكليفها ل المحققة اوناي
سونج وهو بيمشي جوة الشقة راجع للكرسي بتاعه قال
فعلا وهي اتصلت بيا وجاية في الطريق. وطلبت مني قايمة باسامي اصدقاء اماي
كيم
وانت هتحضر القايمة دي ازاي وانت ما تعرفش حد منهم
سونج
عرفت اوصل لكل اصدقاء اماي للمرحلة الاعدادية وكلمت معظهم لكنهم ما يعرفوش عنها حاجة من سنتين رغم انهم كانو بيرسلوها علي الماسنجر من فترات قريبة وقبل اختفائها باسبوع
كيم باستغراب شديد
ازاي دة. اكيد في حاجة غلط
سونج
في غموض مخيف. وجريمة بشعه شكلها حصلت لبنتي
كيم
اماي بخير. انا متاكد
سونج بصوت حزين
اتمني انها تكون لسة عايشة
وهنا يسمعوا صوت خبط علي الباب فيقوم يفتح كيم وتدخل امراة في الاربعينات من عمرها جميلة جدا ممشوقة القوام ترتدي زي الشرطة. وهي المحققة اوناي. ومعها فريق من البحث الجنائي ووقفت قدام كيم وسونج وقالت
انا المحققة اوناي. كلفت بالتحقيق في قضية اختفاء اماي مين فيكم سونج والد اماي
سونج
انا سونج
اوناي
انا عايزاك تطمئن بنتك في خلال ايام هتكون في احضانك
سونج
اتمني فعلا اني اشوفها تاني
اوناي
تسمح لفريق البحث الجنائي فرفع البصمات من الشقة
سونج
طبعا
واديت اوناي الاشارة لفريق البحث وبدأو يبنتشروا في كل اركان الشقة. وهنا اوناي بصت ل سونج وقالت
حضرت لي قائمة باسامي اصدقاء بنتك المقربين
سونج
كنت بجهزها
اوناي
تمام هبعت لك حساب الجيميل الخاص بي اتمني تبعت عليه كل الاسماء. و. ممكن اعرف منك لو في اتصل بيك علشان يطلب مبلغ مقابل رجوع بنتك
سونج
ماحصلش
وهنا يسمعوا صوت احدي فريق البحث الجنائي بيقول باعلي صوت
اقف مكانك والا هضربك بالنار
سونج بص لمصدر الصوت وقال
الصوت جاي من اوضة اماي
وراحو كلهم بسرعه ناحية باب الاوضة وفتحوها علشان يلاقو، ،،،،،،،،،،،،،
مش هقول. علقو والجو دة. اكتب تقيمك للحلقة من واحد ل عشرة. حلوة الصيغة دي.
عشرة علي عشرة
ردحذف١٠
ردحذفجميله
ردحذف