القلم وولاد تعلب
★الحلقة الثانية★
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
فتخرج دليله القلم الملعون وتعطي لنرجس وتقول
خدي أمضي
فتمسك نرجس القلم وينظر لها القلم ويبدا يلتف حول يدها ونرجس تكتب اول حرف من حروف اسمها وفجاة تدخل قطة مسرعا الي الشقه وتتجه ناحيه امراة تحمل فنجان من القهوة وتتجه به ناحيه دليله لتقدمه لها وتفزع هذة المراة عندما تتجه القطه ناحيتها ويطير فنجان القهوة من يدها و يسقط علي العقد فتنظر القطه لدليله والعقد وتقفز القطة من الشباك بسرعه رهيبه فتنظر دليله للمراة وهي تبرق لها وعيونها غاضبا فتخاف المراة وتقول
اسفه الفنجان وقع من أيدي غصب عني
فترد نرجس قائلا
ولا يهمك يا خالتي أم احمد
وبعد أن التف القلم حول يد نرجس يرجع القلم كما كان واخذت دليله القلم من يد نرجس بشدة وهي تقول
غبيه غبيه.
وتنهض دليله ونرجس تنهض خلف منها وتحاول ان تهديها وتقول لها
حصل خير يا مدام دليله
فتنظر لها دليله وتقول بعصبيه
غبيه غبيه
وتخرج من الشقه وهي في حاله من الغضب الشديد ونرجس وكل الحاضرين ينظروا لها بدهشه ما بعدها دهشه، ،،،
ومن داخل عزاء الرجال لا يزال يونس يقف في اول الصوان وينظر لدليله وهي تنظر له وتبتسم أبتسامه باردة وينتهي الصوان ويتجمع الناس امام يونس لكي يسلموا عليه ويخرج الناس من الصوان جميعا فينظر يونس ناحيه الكرسي اللي كان عليه دليله فلايجد لها اي اثر فيصدم ويفزع والخوف يعرف الطريق لقلبه ويصعد الي شقته. فتقابله نرجس وتحكي له ما حصل ومادار بينها وبين دليله
فيقول يونس
اللي بيحصل دة غريب لتاني مرة اللي اسمها دليله دي تكون معاكي ومعايا في نفس الوقت
وفجاة يقطع النور عن شقه يونس فتفزع نرجس وترتمي في حضن يونس خائفه ثم يسمعا الاثنين صوت طرقات علي الباب فينظر يونس الي نرجس ونرجس تنظر ليونس ويخرج يونس الموبيل الخاص به ويشغل الكشاف ويتجه ناحيه الباب ويفتح الباب ويرجع النور ويجد امام منه كتاب علي الارض مكتوب علي غلافه
(قصه يعقوب اليهودي )
بقلم
يونس عبد الحميد تعلب
فينظر يونس للكتاب باستغراب ويبلع ريقه من شدة الخوف ويمد يدة ويمسك الكتاب ويغلق باب الشقه خلف منه ويدخل وتتجه نرجس ناحيته وتنظر للكتاب وتقول
كتاب ايه دة
فيعطيها يونس الكتاب فتنظر نرجس للغلاف وتقرا اسم يونس علي الغلاف فتقول بدهشه
أيه ده انت امتي كتبت الكتاب ده
يونس وهو يجلس علي الكنبه يقول
انا ما كتبتش حاجه
نرجس وهي تجلس بجانبه تقول
اومال اسمك جه علي الكتاب ازاي
يونس
ماعرفش من ساعه موت ابونا واحنا بيحصل لنا حاجات غريبه
نرجس
ولما انت ما كتبتش الكتاب دة اسمك جه عليه ازاي
يونس بعصبيه
ماعرفش ماعرفش
نرجس
طيب اهدئه وخلينا نفكر ونشوف ايه اللي جوة الكتاب ده
يونس وهو يمسك منها الكتاب خائفا
لا. أوعي تفتحي الكتاب دة أنا خايف من اللي جواة باين عليه كتاب مقصود بي شر
نرجس
بس احنا لازم نفتح الكتاب ونشوف ايه اللي مكتوب في
وتمد نرجس يدها وتاخذ الكتاب من يونس وهو يقول
بلاش تفتحي الكتاب دة انا خايف من اللي جواة
نرجس
متخافش
وتفتح نرجس الكتاب وتبدأ تقرا ما هو مكتوب وتقول
أنا يعقوب اليهودي اخر خادم من خدام قلم مملكه النار القلم اللي اتخلق عشان يكون في خدمه الانسان ولكنه طمع في روح البشر واتمني الملك والسلطان والقلم اختار أخر حفيد لحسان أبن ورد. عشان يكون خادم للقلم وبروح يونس القلم يحكم الانس والجان ويكون ملك جنه الشياطين. الروح ملك القلم والقلم ملك الروح وشبابك ملك ليا وطول ما أنت عجوز هتخاف من الموت لكنك مش هاتموت هاتعيش تسرق سنين غيرك وهاتكون خادم القلم الاخير زي ما أنت حفيد حسان الاخير. لانك عقيم واختك هاتموت قبل ماتكون ام. وهاتقتل أي ام قبل ما تكون أم الا. لو وهبتو روحكم للقلم هاتعيشوا وتتمتعه بكل اشكال الهنا. وطالما الكتاب بين أيديك فاعرف انك انت اللي كتبته بايدك وماحدش هايعرف يقراء باقي الكتاب غيرك انت يا يعقوب يا يهودي
وتسكت نرجس وتقلب في الكتاب ثم تقول
غريبه الصفحه الاولي بس هي اللي مكتوبه بالعربي
و بقيت الكتاب مكتوب بلغه غريبه مش مفهومه
وتنظر الي يونس وتصرخ وترجع للوارء وهي خائفا وتقول
يونس أيه اللي حصل لك دة
فينظر لها يونس ويقول
في ايه مالي
نرجس
انت بقيت راجل عجوز جدا
فينظر يونس ليدة فيجد جلد يده متكرمش فيصدم وينهض مسرعا ويتجه الي حجرة نومه ويقف امام مرايا التسريحه وينظر في المرايا فيجد نفسه رجل عجوز جدا ودقنه بيضاء يتخطي السبعين عام نفس الصورة اللي شافها في عيون الاسد. فيجلس علي السرير وهو حزين مهموم ويقول بعصبيه
ايه اللي عمل فيه كدة.
ويمسك أزازة برفان كانت علي الكمودينو بجانبه ويرميها في مرايا التسريحة بمنتهي الغضب فتدخل نرجس عليه وتحاول تهدئه وتقول
اهدئه يا يونس ماينفعش اللي انت بتعمله ده
فينظر لها يونس ويقول
أنتي السبب انتي اللي فتحتي الكتاب وخليتيني كدة
ويمسك نرجس من ذراعها بمنتهي العنف ويقول
قولت لك بلاش انا خايف من الكتاب دة
نرجس وهي تتالم
طيب اهدئه وسيب دراعي بيوجعني
وتبعد دراعها عن يدة فيسقط يونس علي الارض من شدة ضعفه ويحاول النهوض ولكن العجز اصاب كل خلايا جسمه فتتجه نرجس ناحيته مسرعا وتساعدة علي النهوض وهي تقول
حقك عليه والله ماكنش قصدي
يونس والدموع تنزل من عيونه
انا مش قادر اقف علي رجلي بقيت عجوز. عجوز. عجوز
فتاخذة نرجس في حضنها وهي تبكي علي حاله فينظر يونس لنرجس ويقول
كل الكلام اللي في الكتاب دة شكله يقصدني أنا. وأنتي
نرجس بصدمه
انت بتقول أيه يعني انا هاموت قبل ما اكون ام وهاقتل أي ام قبل ما تبقي ام
يونس
أهدئي. ماحدش يعلم الغيب الا الله. انا بس كل اللي شغالني ان اللي اسمه يعقوب. ده قاله لي أني اخر حفيد لحسان. مين حسان دة وايه حكايه القلم دة.
ثم يفكر لي لحظات ويقول
نرجس هاتي الكتاب ده بسرعه. لانه زي ما الكتاب عمل فيه كدة هو برضو اللي اكيد هايفك عني اللعنه دي
فتخرج نرجس مسرعا وتحضر الكتاب وتدخل الي الحجرة ويفتح يونس الكتاب ويقرأ في اللي قريته نرجس وبقيت الكلام باللغه الغريبه ويقول
ايه اللغه دي
نرجس
لغه مش مفهومه
يونس وهو ينظر للكلام اللي مش مفهوم
بس انا حاسس أني هاكتب الكلام دة بالقلم اللي خدة من يعقوب
نرجس باستغراب
يعني أيه هاتكتبه. مش قادرة افهمك
يونس بطريقه مخيفه
انا شايف نفسي قاعد في قصر وبكتب الكتاب ده. بقلم مملكه النار
نرجس خائفا
يونس انا بدات اخاف
يونس
متخافيش المهم دلوقتي. اني لازم اعرف وافهم اللغه دي واعرف اقراء الكتاب اللي انا هاكتبه بايدي
نرجس
وده هايحصل ازاي
فيفكر يونس لي لحظات ويغلق الكتاب ويقول
السر عند دليله ويعقوب اليهودي
نرجس
انت عايز تروح لدليله في العنوان اللي بعتته ليك
يونس
لازم اروح لها ،،،،،،،
ومن امام بوابه قصر دليله يقفا الاخين يونس ونرجس وبمجرد ما يتقدم يونس ناحيه البوابه تفتح بوابه القصر ويدخل الاخين الي القصر ويجدوا دليله في حديقه القصر في انتظارهم وتقول لهم
كويس انكم ماتاخروتش ليله كمان
يونس
أكيد انتي عارفه اننا جايين
دليله وهي تضع رجل علي رجل
لازم تيجوا عشان تمضوا العقود وتكونو ناس غير الناس
يونس بغضب
عقود أيه. أنا عايز اعرف منك ايه هي حكايه القلم والكتاب وأرجع ازاي زي ما كنت
دليله
أة. أنت جاي عشان كدة بقي. طيب وانا هاقدر أعمل لك أيه
نرجس
أنتي اكيد تعرفي تعملي كتير
دليله بمكر
أن ماعرفش غير أني منتجه وعايزة اعمل فيلم عن قصه حياة يعقوب اليهودي
نرجس
انتي منتجه ولا صاحبه جورنال
فتنظر دليله لنرجس وتقول
أنا كل حاجه انا الفلوس والصحه والشباب والنعمه والمرض والمتعه والشهوة والعيال. انا الدنيا بكل اللي في فيها
نرجس
كلامك يخوف
دليله
في حد يخاف من الدنيا أمضي العقد بتاعك ويونس يكتب. قصه يعقوب اليهودي وهاخليكم تتمتعوا بالدنيا
ثم تنظر خلف منها وتقول
مش كدة ولا أيه يا يعقوب
ويظهر يعقوب من بقعه سوداء في حديقه الفيلا وهو يضحك فينظرا له يونس ونرجس ويتعجب يونس بشدة فيعقوب أصبح شاب. في سن يونس فيهجم عليه يونس ويقول
أنت رجعت شباب ازاي. انت سرقت عمري
ويحاول يونس أن يمسك لايقه قميص يعقوب ولكن يعقوب يمسك أيدة بشدة ويقول له
بلاش أيدك تتمد يا والدي والا قطعتهالك
ويدفع يعقوب يونس فيسقط يونس علي الارض فتتجه ناحيته نرجس وتساعدة علي النهوض وتقول نرجس ليعقوب
ايدك لو اتمدت تاني علي اخوي،،،،،،
فتقاطعها دليله قائلا
بلاش تهديد انتو أضعف من انكم تهددوا الاقوي منكم احنا الشر اللي بيحكم العالم كله وانتم ولاحاجه بالنسبه لينا والقلم اللي وهبنا لي روحنا هو ملك جنه الشياطين اللي جاي تحبوا تكونو معانا هاتشوفو الدنيا بكل ما فيها من متع انما تكونو ضدنا هاتنفتح نار جهنم عليكم وتحرقكم
وتمد دليله يدها في الارض وتخرج القلم وعقدين وتقول
لو معانا امضو هنا انما ضدنا اخرجوا من قصرنا
يونس بتحدي
انتو شياطين وربنا قادر يقوينا عليكم،،،،،
فتصرخ دليله. وفجاة يجد يونس ونرجس نفسهم في شقتهم فيفزعا الاثنين وينظروا لبعض باستغراب شديد وتقول نرجس وهي مفزوعا
أحنا مش قد اللي اسمها دليله دي
يونس وهو يجلس علي الكنبه
ولا قد يعقوب
نرجس وهي تجلس بجانبه
طيب وبعدين هاتفضل عجوز كدة
يونس وهو يتوجع يقول
أنا جعان قوي. وخايف اموت
فتنظر له نرجس وتقول
متخافش يا حبيب اختك. هاروح اجيب لك أكل قوام من تحت
وتخرج نرجس من الشقه وبمجرد خروجها يسمع يونس صوت خبط علي باب الشقه فينهض يونس ويقول
مين
فيسمع صوت شاب يقول
في زباله يا استاذ يونس
فيفتح يونس الباب وينظر للزبال وهو يقول
أدخل الزباله في المطبخ جوة
فيتعجب الزبال وهو يدخل الي الشقه وينظر ليونس ويقول
اومال فين الفنان بتاعنا الاستاذ يونس
فيقول يونس
أنا يونس
فيضحك الزبال وهو يلم الزباله من المطبخ ويقول
ازاي بس يا عم الحج باين عليك بتحب الهزار
فيتذكر يونس أنه اصبح رجل كبير في السن فيضحك يونس ويقول
ايوة فعلا انا بهزر. انا جدة وجاي عشان اقعد معاهم يومين
فيرفع الزبال الزباله ويستعد للخروج ولكن يونس ينظر ناحيته ويشعر باحساس غريب ويمسك راس الزبال وينظر له بشدة فيخاف الزبال ويقول
انت ماسك دماغي ليه كدة يا عم الحاج
فينظر له يونس بحدة اكثر واكثر فيصرخ الزبال ويصرخ ويصرخ ويظل الزبال يتقدم بالعمر امام يونس ويونس ينظر له بلا أي رحمه حتي اصبح الزبال عجوز وسقط جثة هامدة ويونس سرق كل سنيين عمرة لانه خايف انه يموت. وبمجرد ما مات الزبال رجع يونس لحالته الطبيعيه وقال
أيه اللي أنا عملته ده.
وينظر للزبال الراقد امامه علي الارض جثه هامدة، ،،،،،،
ومن امام احدي مطاعم الفول والطعميه تقف نرجس تشتري اكل لي اخوها فتسمع صوت صراخ أنثي فتنظر لمصدر الصوت فتجدها امراة بتولد يسندها جوزها وامها ويركبها سيارته للذهاب بها الي المستشفي فتنظر لها نرجس بغل شديد هي نفسها مش عارفه أيه سببه ويمد لها عامل من عمال المطعم يدة بالاكل وهو يقول
خدي الاكل يا ست نرجس
ولكن نرجس لا ترد عليه وتتركه وتنصرف مسرعا خلف سيارة المراة الحامل وعامل المطعم ينظر لها باستغراب، ،،،،،
ومن داخل احدي مستشفيات الصعيد تقف سيارة زوجه المراة الحامل ونرجس تقف عن بعد تراقب نزول المراة اللي هاتولد وتراقب الوضع الي ان دخلت المراة اللي بتولد الي احدي الحجرات منتظرة وصول الدكتور وذهب زوجها لاستعجال حضور الدكتور وهنا تدخل نرجس الي الحجرة فتجد ام امراة التي بتولد واقفه بجانب بنتها فتضربها نرجس علي دماغها باله حادة فتسقط الام فاقدة للوعي وتخرج نرجس كيس بلاستيك وتلبسه للمراة اللي بتولد في وجهها وتسحب الكيس بكل عنف وبمنتهي القسوة وتمنع دخول الاكسحين اليها وتصرخ المراة صرخات مكتومه حتي تلفظ انفاسها الاخيرة وتموت وتخرج نرجس من الحجرة مسرعا وهي تنظر ليدها وتقول وهي قرفانه من نفسيها
أنا ازاي عملت كدة ازاي. ،،،،،،،
وترجع نرجس الي شقتها مسرعا فتجد يونس يقف أمام جثه الزبال فتنظر نرجس للجثة وتصرخ فيقول يونس
ماتسرخيش هاتلمي الناس علينا
نرجس وهي تلف بعيد عن الجثة وتقف بجانب يونس وتقول
مين ده وقتلته ليه
يونس
ده كامل الزبال
نرجس وهي تنظر للجثه باستغراب
ده كامل. ازاي
يونس
ماعرفش. انا فتحت له الباب وقولت له يدخل ياخد الزباله من المطبخ وفضل يصرخ وانا باصص في عينيه وهو بيكبر في السن ويكبر لغايه ما وقع ميت وهو عجوز
نرجس
زي الكتاب ما قال كل ماتخاف من الموت هاتسرق اعمار الناس. وانا هاقتل أي ام قبل ماتولد ودة حصل أنا قتلت واحدة ست بتولد
يونس باستغراب
انتي كمان قتلتي يا نرجس انا وانتي بقالنا قتلين قتله
نرجس وهي تبكي وتنظر ليدها
واللي افظع من كدة. وانا بلف الكيس حوالين الست اللي بتولد عشان اخنقها قلبي كان قاسي زي الصخر ما صعبتش عليه لا هي ولا اللي في بطنها
فياخذها يونس في حضنه ويقول
طيب اهدئي. اللي أحنا في دة مش طبيعي وشئ اغرب من الخيال ولازم نفكر ازاي نخلص من اللعنه اللي حلت علينا دي
نرجس وهي منهارة
هنخلص منها ازاي. وانا كل اللي فاضل في حياتي اربع شهور
يونس
اربع شهور. ليه بتقولي كدة
نرجس
انا في شهري الخامس. وقبل ما اولد هاموت زي الكتاب ماقال
يونس
استغفري ربك. هو في مخلوق يعرف ميعاد موت مخلوق أوعي تصدقي الكتاب دة واللي في
نرجس
ماصدقش ازاي وكل اللي قاله الكتاب حصل
يونس
أكيد كل ده من تدبير القلم الملعون واللي تابعين لي
وفجاة يصدر صوت غضب شديد وتنشق الشقه الي نصفين والنار تخرج من النص ويونس يجري ناحيه نرجس ويحاول حمايتها من النار. ولكن النار تاخذ جثة الزبال وتختفي النار وترجع الشقه كما كانت ويسمعا الاخين صوت غليظ يقول
انا النهاردة معاكم وبكرة هاكون ضدكم. نامو بس اوعو تحلمو. لان حلمكم هايكون كابوس مرة وحقيقه مرة تانيه
امضو العقد تكسبوا العهد ويبقي عليكم الامان يا احفاد حسان
فيترعب الاخين ويونس لايزال ياخذ نرجس في حضنه ونرجس خائفا جدا فينظر لها يونس ويقول
متخافيش انا جنبك وعمري ما هاسيبك
نرجس
انا مش عارفه أيه اخرة اللي احنا في دة
يونس
اخرته خير يا بنتي. يالا عشان تنامي
فتنظر نرجس له وتاخذة بالحضن وبمنتهي الحب وتقول
أنا فعلا بنتك ومحتاجه جدا لحضنك
فيضحك يونس محاولا ان يهديها ويقول
بلاش الحضن الجامد ده. انا بقيت عضمه كبيرة
فتفك نرجس يدها مسرعا وتقول
حقك عليه. وجعتك
يونس
أنا وجعي فعلا بشوفه وانتي تعبانه او خايفه. ويالا. ميعاد نومك
ويدخل الاخين الي حجرة نرجس وتنام نرجس علي صوت يونس وهو يقراء لها القران ويخرج يونس من الحجرة فتستيقظ نرجس وتجلس علي السرير وتفكر في أبنها اللي في بطنها واللي هايموت لو ما وهبتش روحها للقلم وبدات تفكر في انها تمضي العقد وتكون من خدام القلم عشان تعيش هي وابنها فنهضت من علي السرير وارتدت ملابسها وفتحت باب حجرتها وجائت تخرج فوجدت،، ،،،،،،،،،
مش هقول. علقو والجو دة. اكتب تقيمك للحلقة من
واحد ل عشرة. حلوة الصيغة دي.
إرسال تعليق