الهام واللي كان الحلقة الاخيرة

 المملكة السوداء 2
الشيطان يعود 

                    ★الحلقة السادسة★

                            والاخيره 

من تاليفي، ،  
محمد منصور. ** منص **

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                               ‏

وبعد مرور كام يوم بدا لوسيفر في اكتساب شعبيه كبيره بين اهل البلد بسرعه رهييه واتخذ بيت صغير علي اطراف البلد كان يملكه رجل بسيط يدعي عبد الحميد سافر الي القاهره لانه اصبح موظف هناك واخذ معه زوجته واولاده وادعي لوسيفر انه اشتراه منه ولكن هذا لم يحدث وكل يوم يمر الشيخ راغب ينظر لي لوسيفر وهو يقف مع فلان ويتكلم مع فلان ومعظم اهل البلد يرسلو له طعام لانه شاب يعيش لوحده ويتكلم لوسيفر في الدين وكانه شيخ متمكن ويتكلم في الدين المسيحي وكانه قسيس ويحل المشاكل بين اهل البلد وبعضهم والشيخ راغب كبير البلد اصبح مهمش تماما ومهما يتكلم ويحذر اهل البلد من ان هذا الشاب هو لوسيفر الذي كان السبب في المجزره الذي حصلت في البلد لا يصدقه احد فقد سيطر عليهم لوسيفر نفسيا وبشكل محكم، ،،،،

وفي احدي الايام مرض الشيخ مرسي بشده واصبح طريح الفراش فذهب له الشيخ راغب ليطمئن عليه فنظر له الشيخ مرسي ويقول

باين كده خلاص وصلت للنهايه يا راغب

راغب

ماتقولش كده يا مرسي ان شاء الله هاتقوم وتخف وتبقي كويس

مرسي بصعوبه

مش باين لها قومه 

راغب

يا اخي تفائلو بالخير تجدو

مرسي

الحمد لله علي كل اللي يجيبوا ربنا

في هذه اللحظه يدخل طاهر ومعه لوسيفر فينظر راغب الي لوسيفر ويقول طاهر

ياحاج. امام جه عشان يطمئن عليك 

وطبعا طاهر يقصد بامام لوسيفر لانه يسمي نفسه امام.

فينظر لوسيفر لراغب وهو يبتسم ابتسامه خبيثه ويجلس علي السرير بجانب الشيخ مرسي ويقول له

الف سلامه يا عم الحاج مرسي انا اول ما عرفت جيبت لك جري 

راغب وهو ينظر له بغضب يسمع مرسي يقول

فيك الخير يا امام 

لوسيفر 

لا لا صوتك مش عاجبني انا دلوقتي هاديك خلطه من اعشاب جايه من عند سيدنا النبي هاتخليك زي الحصان

مع جلسه علاج بالقران وهاتحس بالفرق

ثم يميل علي راغب ويقول

ما حدش سامع صوتك يعني

راغب ينظر له ولا يرد عليه ثم ينظر الي مرسي ويقول

استاذن انا بقي يا مرسي والحمد لله اني اطمنئت عليك

لوسيفر وهو يمنع الشيخ راغب من الانصراف يقول

والله ابدا لما تحضر جلسه العلاج بالقران معانا عشان لو في حد مريض تعرف تعالجه ازاي

طاهر

خلاص طالما امام قال تقعد تبقي تقعد

راغب بتحدي

وانا قولت اني ماشي دلوقتي

لوسيفر

لو مشيت هايفوتك حاجه هاتندم لو ماشوفتهاش

راغب باستغراب 

حاجه ايه دي 

لوسيفر

انك تشوف الشيخ مرسي بعد جلسه العلاج بالقران هايبقي عامل ازاي

مرسي

خلاص بقي ياراغب اقعد عشان خاطري

فيجلس راغب ويخرج لوسيفر اعشاب شكلها غريب ولونها اسود ويضعها في فم الشيخ مرسي ويشربه بعدها ماء ثم يضع يده علي راسه ويتمتم بلغه غريبه وكانها تعويذه ما وطاهر ووالده مرسي يسمعوها قران ولكنه ليس قران والوحيد الذي يسمع هذه التعويذه راغب فيقول له وهو خائفا علي مرسي صديقه

انت بتقرا عليه ايه يا كافر

طاهر

مالك يا عم الشيخ راغب بتكفر امام ليه ما بيقراء قران وصوته جميل جدا

راغب 

فوق يا طاهر الكافر ده ما بيقراش قران ده بيقرا تعويذه بلغه غريبه بيعالج ابوك بالسحر الاسود

ويحاول راغب ان يبعد لوسيفر عن مرسي ولكن لوسيفر ينظر له نظره مخيفه وتبدا يد لوسيفر الذي تمسك بدماغ مرسي في اخراج دم اسود ويدخل هذا الدم في جسم مرسي ثم ينتهي لوسيفر من هذه التعويذه فيستعيد الشيخ مرسي عافيته وينهض من علي السرير وهو كله صحه وينظر له راغب ويقول

استغفر الله العظيم اللي بيحصل ده كفر

مرسي

من امتي العلاج بالقران كان كفر

راغب بعصبيه 

ماكنش بيعالجك بقران كان بيقراء عليك تعويذه صدقني يا مرسي

وينظر الي طاهر ويقول

صدقني يا طاهر اللي قدامك ده ساحر كافر واسمه لوسيفر صدقوني بقي 

طاهر

اصدقك وكتب وداني اللي ما سمعتش غير قران

راغب

ايوه صدقني عشان انا اللي شايفه علي حقيقته ده شيطان 

لوسيفر

الله يسامحك يا شيخ راغب

ثم ينظر الي مرسي وطاهر ويقول

انا مش هاينفع اقعد هنا طول ما الشيخ راغب بيهزقني

مرسي

لا. وعهد الله ما انت ماشي الا لما نتغدي سوي ولو كان راغب مش عاجبه الكلام يمشي هو

راغب بحسره علي مع سمعه من صاحب عمره يقول

كده الله يخليك اخرتها بتطردني من بيتك يا مرسي

ويخرج الشيخ راغب من بيت الشيخ مرسي وهو حزين علي حاله واتجه الي بيت الحاج فوزي وخبط علي باب البيت ففتح له احدي رجال الحاج فوزي فدخل وانضم لجلسه الحاج فوزي وحامد ونظر لحامد وقال له

الحق اهل بلدك يا حامد يا ابني انت متعلم وهاتقتدر بعلمك تتغلب علي اي شر

حامد 

في ايه يا عم راغب

فبدا راغب يحكي له ما حصل في بيت الشيخ مرسي فانصعق حامد عندما سمع هذه القصه وقال

وازاي طاهر وعم مرسي يصدقه ان شويه اعشاب مع قراءه القران تشفي واحد تعبان وكان يعتبر بيموت ده لو العمليه كده كان كل واحد لي حد بيموت يقراء عليه قران عشان يخف وما يموتش

الحاج فوزي

ده بقي الجهل بعينه

حامد

وانا بصراحه شايف ان اللي اسمه امام ده انتشر بين الناس بسرعه وكسب حبهم وعطفهم

راغب

يعني انت مصدقني ان امام ده هو لوسيفر 

حامد

طبعا يا عم راغب انا مصدقك بس ما فيش حاجه في ايديه اعملها الناس بتحبه جدا وبعد المجزره اللي حصلت في البلد والرجاله اللي ماتوا واختفت جثثهم واهاليهم ما يسألوش عليهم عشان يدفنوهم ده لو دل يدل علي ان الساحر لوسيفر ده اتمكن منهم تماما واي ساحر بيتمني انه يقابل جاهل عشان يصدقه واحنا في البلد عندنا ما فيش اكتر من الجهله

راغب

صح كل كلامك صح بس دلوقتي ها نسيب البلد تغرق في بحر لوسيفر ويتحولو من مؤمنين وموحدين بالله لي اتباع ساحر كافر 

حامد

قولي في ايدك ايه تعمله وانا معاك

راغب

انا جاي لك انت عشان انا عاجز قدامه

حامد

ما تقولش كده يا عم راغب انت اقوي منه بايمناك بالله 

راغب

ونعمه بالله بس انا لوحدي ومش قادر اعمل حاجه

حامد

انا معاك وابويا معاك وان شاء الله ها نقدر عليه واول حاجه لازم نعملها اننا نثبت للشيخ مرسي انه ماخفش وانه مريض وده كله وهم 

                               ‏

ويخرج الشيخ راغب من بيت الحاج فوزي وهو ماشي في البلد يسمع اهل البلد وهم يتكلموا عن امام وعلاجه للشيخ مرسي وقد ايه الشاب ده بتاع ربنا فيضحك الشيخ راغب ضحكه الوجع علي حالهم،،،

ومن داخل مستشفي يقف حامد امام الشيخ مرسي ومعه الشيخ راغب ويقول حامد وفي يده اشعه وتحاليل تخص الشيخ مرسي

ادي الاشعه والتحاليل بتاعتك بثبت انك لسه عيان بنفس المرض وانك عايش في وهم انك خفيت ازاي تصدق ان في حد غير ربنا يقدر يشفيك

الشيخ مرسي بكبر

الاشعه والتحاليل دي كدب انا كويس وبمشي علي رجلي وصحتي بومب هاعوز ايه تاني وكل ده بفضل امام 

راغب

تعوز انك تدعي ربنا انه هو اللي يشفيك مش ساحر كافر زي ده وانت لو واقف دلوقتي علي رجليك فده بفضل ونعمه من ربنا 

مرسي

ونعمه بالله انا ماقولتش حاجه بس بردو الفضل يرجع لي امام بعد ربنا

راغب بعصبيه 

حرام عليك فوق وشوف انت بتقول ايه ما فيش فضل بعد فضل ربنا

مرسي

بقول لكم ايه انا ماشي وسايب هلكم

ويخرج مرسي من المستشفي وينظر له راغب وحامد ويقول راغب

حسبي الله ونعمه الوكيل ايه اللي حصل للناس رموا نفسيهم في حضن الشيطان ليه ،،،،،

ويرجع الشيخ راغب الي بيته والحزن باين علي ملامحه ويجلس في حجره نومه ويفكر اللي بيحصل ولوسيفر اللي بدا يتحكم في الناس ياتري هايوصل بيهم لغايه فين ويسال نفسه ازاي اهل البلد يكدبوني وانا اللي عمري ماكدبت عليهم ازاي يخلص من لوسيفر وينجي اهل البلد ونام علي سريره ونظر لسقف الحجره وهو يفكر ويفكر حتي غلبه النوم وفي المنام وكان راغب جالس بيبكي فجاء له والده ووضع يده علي كتفه وقال

مالك يا راغب قاعد حزين ليه

فينظر له راغب وهو يبكي ويقول

صعبان عليه حال اهلي وناسي

والد راغب

وهم مش صعبان عليهم حالهم

راغب 

هما غلابه وصعبانين عليه اي حد ممكن يضحك عليهم 

والد راغب

غلط يا راغب الانسان خليفه الله في ارضه ما ينفعش اي حد يضحك عليه بكلامه الناعم وبحنيه كدب ربنا ميزنا بالعقل والا بقي يبقي ايه الفرق بينا وبين الحيوانات 

راغب

معاك حق يا والدي بس نعمل ايه في اللي لاغي عقله

والد راغب

علي كل دور لو عايز مساعده دور وهتلاقي اللي يساعدك في نفس المكان

ويمشي والده ويتركه وراغب ينادي عليه ويقول

القي فين المساعده والدي ما تسبنيش وتمشي

ولكن والده لا يرد عليه وراغب يكررها اكثر من مره ويقول

فين المساعده فين فين

ويستيقظ من نومه ويجلس وينظر امامه فلايجد والده فيقول

يا ده كان حلم يا تري ابويا يقصد ايه بنفس المكان ومساعده ايه اللي هلاقيها

ثم يسكت قليلا ويفكر ايه هو نفس المكان ثم قال لنفسه

يمكن ابويا يقصد الاوضه اللي في البدروم مش هاخسر حاجه هانزل ودور تاني 

وينزل الشيخ راغب الي البدروم ويبدا البحث في كل الحجره اللي في البدروم عن اي كتاب او ورقه او دليل يمكن يكون فيها الخلاص من لوسيفر ولكنه لم يجد الا ورقه بيضاء ملقاه بجانب حائط من حوائط الحجره فذهب ناحيه هذه الورقه وحاول ان يرفعها من علي الارض ولكنه لم يستطيع فتعجب بشده الشيخ راغب ورقه مش قادر يشيلها من مكانها فنزل علي ركبته للورقه وهو يحاول ان يرفعها وفجاه تجرح الورقه صباعه اليمين فيصاب ويتالم وتنزل نقطه دم من صباعه فوق هذه الورقه فتتحول الورقه من ورقه بيضاء الي كتاب لونه ابيض بياض يخطف العين ويسر القلب فامسك الشيخ راغب بالكتاب وفتح اول صفحاته فوجد والده كاتب له في مقدمه الكتاب

الي ابني العزيز راغب لو حصل واحتجت للكتاب ده احب اعرفك انك الوحيد اللي هاتوصل له وممكن تحتاجه وممكن لا. الكتاب ده كتبه جدك الكبير وحط صور ممكن تحتاجها وهو غير كتاب التعويذه وده ما حدش ها يقدر يوصل له ولا يفتحه غير واحد من عائله راغب لم الدم ينزل علي الورقه البيضاء الكتاب ده موجود في مراحل وخطه لوسيفر للوصول لحكم الارض وده هايكون موضح من خلال الصور خد بالك لو احتجت الكتاب ده يبقي لوسيفر فلت من التعويذه اللي بتفك سحره ولعنته وساعتها عشان تخلص الناس من شر لوسيفر لازم تفهم الصور دي بترمز لي ايه وتحل رموزها بقلب 

وانتهي الكلام عند هذا الحد فقلب اول صفحه فوجد صوره لي لوسيفر وهو يخرج من تحت الارض وصوره اخري لناس بتموت وصوره اخري لكلاب بتسحب الميتين وتضعهم امام شجره الحياه الذي لجا لها لوسيفر وصوره اخري وهو يصلي في مسجد. امام وصوره اخري لي لوسيفر وهو يشفي مرضي وبعدها صوره اخري لوسيفر يقف امام مرايا شاب ولكنه يظهر علي صورته المخيفه وصوره اخري لحجر اسود ومعه ماء تنزل علي راس لوسيفر و يحرق لوسيفر وهو ينظر للحجر وانتهي الكتاب عند هذا الحد وفهم الشيخ راغب من الكتاب اربع صور لكنه لم يفهم اخر صورتين فاخذ الكتاب في يده وخرج مسرعا من بيته، ،،،،،،،

ويمر اسبوع واي مريض مصاب بمرض خطير يكون علاج هذا المرض الوحيد هي جلسه مع لوسيفر وينتهي المرض بتعويذه لوسيفر ولكن الواضح للناس انه علاج بالقران وكل هذا يسعي له لوسيفر لكي يتحكم في اهل البلد تماما الا ان وصل للبلاد المجاوره شهره لوسيفر الذي تتابعه كل وسائل الاعلام واصبحت شهرته لا حدود لها وكل هذا والشيخ راغب يحاول منعه ولكنه لا يستطيع وتقريبا كل من هو مريض يلجا لي لوسيفر وجلسه العلاج بالقران الوهميه وهذا اغضب الشيخ راغب جدا لان الانسان ترك طريق الله وبدا يعتمد علي ساحر كافر في شفائه ولكن كل ما كان يتكلم في هذا الموضوع يصبح مجنون اصبحنا في زمن يصدق الكاذب ويكذب الصادق وانتقل لوسيفر للعيش في القاهره بعد ما استولي علي معظم اراضي بلد قريه راغب . وكان يعيش في قصر كبير يليق بي اكبر كافر يعالج بالقران ويالها من ايام كم من كاذب يكذب بالقران وكم خائن يخون بالقران وكم من منفاق وهو حافظ للقران 

 الي ان جاء يوم وامام قصر الساحر لوسيفر تقف سياره فخمه جدا سياره موديل هذه السنه وينزل منها رجل في الثلاثينات من عمره وكان باين عليه من ملابسه انه عربي ثري جدا ويدخل الي القصر، ،،،،،

ومن داخل مكتب ضخم جدا يدل علي الثراء الفاحش يجلس لوسيفر علي كرسي يشبه العرش وقد اطلق لحيته وبجانبه يجلس صخر ابنه فيدخل هذا الثري العربي ويدعي ابن مازن وينظر لي لوسيفر ويقول

انا مش مصدق اني قدام افضل معالج بالقران شافته الدنيا الشيخ امام 

لوسيفر بمنتهي التعالي والغرور

ولا عمرك هاتشوف زي امام معالج بالقران

ابو مازن 

انا متاكد من ده انت الافضل وعشان كده انا جيت لك

اعرفك بنفسي، ،،،،

فيقاطعه لوسيفر

انا عارف عنك كل حاجه اسمك وسنك وانت جاي ليه كمان 

ابو مازن

معقول عارف

لوسيفر

سالت عليك وعرفت بموضوع والدك المريض ومابيفارقش سرير المرض من سنين صح كده يا ابو مازن 

ابو مازن

صح ولو تم شفائه علي ايدك هاديك دهب وفلوس كتير

لوسيفر 

شفائه مش هايتم الا علي ايدي 

ابو مازن

بس دلوقتي في مشكله ابي في السعوديه ولازم انت اللي تروح له 

لوسيفر

اروح له 

ابو مازن

انا مش عارف اشكرك ازاي يبقي اتفقنا بكره صباحا نسافر في طيارتي الخاصه

وينهض ابو مازن وهو يقول

استاذنك 

ويخرج ابو مازن منصرفا فينظر صخر الي والده لوسيفر ويقول

انت فعلا هتسافر السعوديه

لوسيفر 

وفيها ايه

صخر

بس انا شايف ان مكان طاهر زي ده ممكن تنكشف في

لوسيفر بتعالي اكثر

انت بتقول ايه انا لوسيفر وبقيت زي البني ادميين بالظبط اخش في اي بلد وبدون اي خوف

صخر

دي السعوديه يعني فيها الكعبه اطهر مكان علي الارض تفتكر ان ما فيهاش خطر عليك

لوسيفر

صخر اللي هايروح السعوديه هو امام وبعدين واحد زي ابو مازن ده يمتلك مليارات ويوم ما اشفي لي والده هامتلك فلوس كتير هتساعدني في حكم الارض ده انا كمان ناوي اصلي بالمسلمين هناك ، ،،،،،،

ومن داخل قصر ابو مازن بالسعوديه الذي كان بالقرب من الكعبه يجلس لوسيفر ومعه ابو مازن وصخر ابنه في حجره والد ابو مازن الذي كان راقد في سريره واتجه ناحيته وبدا لوسيفر يقرا عليه التعويذه بعد ان اعطائه الاعشاب حتي تم شفاء والد ابو مازن ووقف علي قدمه فدخل حامد ومعه الشيخ راغب الي الحجره وقال الشيخ راغب

اخيرا يا كافر الناس شافتك علي حقيقتك

فينظر لوسيفر الي الشيخ راغب بغضب شديد فيفتح سقف الحجره وينزل منها قفص من حديد مكتوب عليه الله وتحبس لوسيفر وصخر في القفص وكل ما يلمس لوسيفر او صخر الحديد تحترق يدهم لان الحديد كان عليه ماء زمزم مقروء عليه ايات بطلان السحر وقال لوسيفر

ايه ده يا ابو مازن ازاي تحبسوني كده

ابو مازن

كان لازم نقضي عليك يا كافر

لوسيفر 

انا الشيخ امام خرجوني من هنا

الشيخ راغب 

شيخ امام خلاص الكدبه خلصت كل حاجه بانت علي حقيقتها

لوسيفر 

انت بتقول ايه

الشيخ راغب

 الاوضه كلها كاميرات وصورتك صوت وصوره وكل من صدقك وامن بيك و بعلاجك بالتعويذه الخاصه بالسحر الاسود شايفك حالا صوت وصوره 

لوسيفر

كداب

الشيخ راغب

راغب عمره ما يكدب انت اللي خلصت علي نفسك بغرورك شجره الحياه خليتك بني ادم بسحر اسود ممكن تضحك علي اي حد وهو قدامك لكن لما يشوفك من خلال كاميره الوضع بيختلف

وينظر الشيخ راغب لحامد فيدوس حامد علي زر في ريموت الشاشه فيشتغل مقطع فيديو صوت وصوره لي لوسيفر. بشكله الحقيقي وهو يعالج والد ابو مازن بالسحر الاسود فيصدم لوسيفر ويقول بغضب شديد

انت يا بني ادم يا حقير تغلب لوسيفر ملك الارض،

حامد

الارض ملك الله بس وحده وانت زي ما طلعت من تحت الارض هاترجع تاني تحت الارض بس بعد ما نحرقك

لوسيفر

مش ها تقدر تحرقني من غير التعويذه اللي حرقت اخوك

حامد

مين قال اننا محتاجين تعويذه احنا محتاجين حجر اسود

لوسيفر

انتو مين قال لكم علي الحجر الاسود 

راغب

جدي الكبير رسم صور لمراحل عمرك وجت نهايتك ودلوقتي من فوق راسك هاتنزل عليك ميه زمزم وقدامك الحجر الاسود

ويفتح الشيخ راغب شباك الحجره وتظهر الكعبه امام عيون لوسيفر وصخر مع سماع صوت الاذان والمؤذن يقول

الله اكبر الله اكبر

يصرخ لوسيفر وبشده وتنزل عليه ماء زمزم من فوق راسه كانت موجوده في جركن ويحترق لوسيفر ومعه صخر حتي يتحول الي رماد فينظر له الشيخ راغب ويقول 

موت يا عدو الله

حامد 

الحمد لله خلصنا منه

الشيخ راغب

الحمد لله انا مش عارف اشكرك ازاي يا ابو مازن لولا انك صدقتنا وساعدتنا ماكنتش عارف هاخلص ازاي من الساحر ده اللي ملي الارض كفر

ابو مازن

شيخ راغب اشكر حامد صديق عمري من وانا في امريكا بدرس معه ولولا ان هو صدقك انا ما كنتش هاصدق كل الكلام ده

حامد

الحمد لله اننا فضحنا قدام الدنيا كلها ودلوقتي الناس اتاكدت انك كنت علي حق يا شيخ راغب

الشيخ راغب

مش مهم انا علي حق ولا علي باطل المهم الناس ما تصدقش اي حد يتكلم باسم الدين ويدخل في حياتهم ويمس ثوابت دينيه ما ينفعش اننا نمسها

حامد

معاك حق يا شيخ راغب مش كل من ربا دقنه شيخ ولا كل من حلق دقنه عاصي

ورجع الشيخ راغب وحامد الي بلده ووجدوا الشيخ مرسي قد مات فحزن عليه الشيخ راغب بشده ودعا الله ان يغفر له ويرحمه واتجمعت كل البلد حول الشيخ راغب واعتذروا له علي مابدر منهم ويظل الانسان هو خليفة الله في ارضه خلقة الله ليعصي ويتوب ويرجع لة.

اللهم اني استغفرك واتوب اليك 

                             النهاية

                             ‏

 يارب تكون عجبتكم.