روح من جهنم
★الحلقة الثانية★
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
سيف وهو مش فاهم حاجة لقي نفسه رجع تاني لنفس المنظر والكلاب بتنهش لحم عصام وفجاة وقف عبد العاطي قدام باب البيت وندهة بعلو صوتة علي الكلاب وفعلا الكلاب بعدوا عن عصام وبصو لعبد العاطي اللي قال لهم
خشو جوا
ودخلو التلت كلاب الي البيت وعبد العاطي راح ومد ايدة وقوم عصام وقال له بصوت مخيف
انا مقدر اللي انت في بس احسن لك تنسي وتعيش حياتك وتبعد وانا هاعوضك باللي انت عايزة. واللي يرضيك اكراما ليك ولمراتك
ويضحك عبد العاطي بخبث فيبص له عصام وهو بينفض هدومة من التراب وبيمسح الدم اللي نازل من جسمة بايدة وبيقول
وهو اللي انت هاتدفعة هايرجع عين ابني تاني
عبد العاطي
هو دة اللي عندي ولو مش عجبك اخبط دماغك في الحيطة والمرة دي انا حوشتك علشان ماحبش كلابي تاكل لحم واحد خيخة زيك المرة الجاية مش عارف ممكن اعمل فيك اية
عصام
والله دي بجاحة انا شوفتش زيها قبل كدة ابنك اتسبب في عاهة لابني وعايزني اسكت
فيمسك عبد العاطي ذراع عصام بمنتهي العنف وقال
احسن لك تسكت
ودخل عبد العاطي البيت بتاعه وقفل الباب في وش عصام اللي واقف قليل الحيلة مش عارف يعمل اية واهل المنطقة كلهم باصين علي اللي بيحصل وكانهم اموات وجت ام عصام الست نعمة وصرخت اول ما شافت شكل ابنها وقالت
ابني. عمل فيك اية المفتري والبلطجي عبد العاطي
وبصيت ناحية البيت بقهر فقال لها عصام
مالوش لزوم الكلام مش هايجيب نتيجة
نعمة
يعني أية ها تسكت
عصام
لا. هاروح اقدم بلاغ تاني في القسم والمرة دي بقي انا خليت واحد صاحبي يصور كل اللي حصل وينزلة علي النت علشان عارف ان ماحدش من اهل المنطقة هايشهد معايا
وبص عصام ناحية شباك في شقة قريبة من بيت عبد العاطي وكان في واحد صاحبة واقف وراء الشباك وبيصور كل اللي حصل، ،،،،،،،،
وبعدها بكام ساعة ومن داخل مكتب ظابط معروف عنه الضمير الحي وانه ما بيخفش من حد ويدعي مروان يقف عصام وقدام منه حامد ووالدة عبد العاطي وكان مروان يقول لعبد العاطي وابنة
هو انتم اية عايشين في غابة تصفو عين ابنه وصعبان عليكم انه يدور علي حق ابنه. لا وكمان تسلطوا علية كلابكم ينهشوا لحمة
عبد العاطي
يا باشا الواد دة كذاب وانا قدمت لك شهادة تثبت ان ابني كان في ساعه،،،،،،،،
فيقاطعة مروان قائلا بعصبية
بلاش الكلام دة معايا انا. دة تضحك بي علي زميلي ياسر اللي بينك وبينة مصالح لكن انا لا. المخبرين بتوعي عرفوني كل حاجة وغير المخبرين العيال السوابق اللي هما عصافير عندي نقلو لي كل اللي حصل في الخناقة وحق الراجل الغلبان دة هايجي والفيديو بتاعه علي النت وانتم بتهينو في
ويبص مروان لعصام ويكمل قائلا
وابنك مش هايطلع من الحجز الا لما يتعرض علي النيابة
وينادي مروان علي العسكري ويقول
يا عادل
فيدخل العسكري فيبص له مروان ويقول
خد حامد علي التخشيبة
فيبص حامد لي ابوة عبد العاطي وهو يقول
اية يا با هاتسيبني انزل الحجز ولا اية
عبد العاطي لمروان
يا باشا اللي بيحصل دة ما يصحش دة انا المعلم عبد العاطي وكل البشوات في الدخلية يعرفوني ولو حد منهم عرف اللي حصل لابني،،،،،،
فيقف مروان ويضرب بايدة علي مكتبة بعصبية شديدة ويقول
جري اية تحب تنزل معه التخشيبة
عبد العاطي
يا باشا الكلام اخد وعطاء احنا مش صغيرين. ولو عايز حد يشيل الليلة يبقي اعتبرني انا اللي صفيت عين الواد
فيبص مروان للعسكري عادل ويقول
خلاص يا عادل سيب حامد وخد المعلم عبد العاطي طالما اعترف علي نفسه
وبالفعل يمسك العسكري ذراع عبد العاطي وعبد العاطي يبص لمروان ويقول
انت كدة صح يعني. وماله هارد علي اللي اكبر منك وساعتها هاتعرف مين هو عبد العاطي
مروان وهو بيضحك
خدة يا عسكري واعمل له زفه تليق بي
فيبص عبد العاطي لابنه والعسكري بيسحبة ويقول
روح انت وابعت لي المحامي
ويبص عبد العاطي لعصام وهو بيضحك ضحكة مخيفة وحامد يبص لمروان ومروان يقول له
عايز تقول حاجة
حامد وهو بيبص للظابط بغل
لا يا باشا. تامرني بحاجة
مروان
خليك ديما تحت عيني علشان ما قلقش عليك
حامد بابتسامة خبيثة. وهو بيبص لعصام
من عيني يا باشا
ويخرج حامد من المكتب ويبص مروان لعصام ويقول
عايزك تروح وماتخفش من حد انا في ظهرك
عصام
ربنا يخليك يا باشا
ويخرج عصام من المكتب ،،،،،،
وبعدها بساعتين ومن داخل شقة عصام يفرد عصام ظهرة علي السرير وسمر قاعدة قدامة. وجنب عصام نعمة وبتقول سمر
يا فرحتي بيك بجد انا فرحانة اني مراتك نزلت الشارع وروحت لحامد وقل منك قدام الناس كلها. لا وكمان تخلي صاحبك يصورك فيديو علشان الفضيحة تبقي عالمية
عصام
اسمعي انا مش قادر وكلمة تاني هاسيب لك البيت وامشي
نعمة وهي بتبص لسمر
انت اللي تسيب البيت. برضو. ولا هي اللي تروح علي بيت ابوها اللي اول ما شاف الكلاب جري زي النسوان
سمر
خالتي بلاش غلط ابويا راجل وسيد الرجالة كمان. الدور والباقي علي الجبان اللي انا متجوزا
يقف عصام بعصبية وقبل ما يرد عليها يسمعو خبط علي باب الشقة فيبص لها عصام وهو علي اخرة منها وخرج من الاوضة وفتح باب الشقة لقي حامد قدام منه ومعه حماة خيري وبيقول له
انا جاي لغاية عندك ومعايا حماك وبقول لك روح بالذوق واتنازل عن المحضر
عصام
مش هاتنازل
وسابهم عصام ودخل الشقة ودخلو هما وراء وخيري بيقول لعصام
يا ابني خلاص احنا اتراضينا وبقينا زي الفل وحق ابنك هناخدة فلوس
عصام وهو بيبص لحماة
بس كدة. والفلوس هاترجع عين ابني اللي راحت
حامد
اومال انت عايز اية
عصام
تتسجن
حامد بعصبية
لا بقي. دة انت اتجننت يا روح امك
عصام
بلاش غلط
وفي هذة اللحظة تخرج سمر وهي رافعة الشبشب وجاهزة لضرب حامد ولكن حامد يزقها بعيد عنه ويقول حامد بسخرية
اهل المنطقة كلهم عارفين انك راجل البيت بس انا مش جوزك علشان ترفعي علية الشبشب يا مراة
عصام
بلاش تغلط وياريت تطلع برة
سمر وهي بتصرخ
هو دة اللي ربنا قدرك علية يا دكر. مراتك اضربت قدامك وانت بتقول له امشي
عصام بنرفزة
بس بقي. وبلاش الشيطان يتحكم فينا اكتر من كدة اخر الشر دة نار
ويبص عصام لخيري ويقول
عم خيري خد حامد وامشي من هنا. واللي بيني وبينة عين ابني اللي اتصفت ومش هارجع حق ابني الا بالقانون
سمر وهي بترفع فردة الشبشب التانية وبتستعد لضرب حامد ولكن نعمة تحوشها وهي تقول
خلاص يا سمر بقي جوزك واقف
سمر بصوت عالي
جوز. هو دة جوز. العرة دة ساب مراتة تضرب وفين في بيتها وواقف كل اللي علية بلاش الشيطان يدخل بينا. خلي بقي واقف كدة وانا هاجيب حقي وحق ابني بنفسي
نعمة
يا بنتي عيب مش كدة
سمر وهي بتبعد نعمة من طريقها
اوعي من وشي
وتهجم سمر علي حامد وقبل ما يحوشها تنزل بالشبشب علي دماغة فيتنرفز حامد ويهجم علي سمر ويمسكها من شعرها ويبدأ يضرب فيها بالاقلام ورغم ان خيري بيحاول يحوشة وعصام بيحاول يمسك ايدة لكنة مش قادر وسمر بتصرخ فبص عصام للي بيحصل والشيطان اتملك منه ولقي نفسه جاب سكينة من المطبخ وغرزها في ظهر حامد فصرخت نعمة وهي بتشوف أبنها بيقتل وفضلت تبص للسكينة ودم حامد نازل منها ولف حامد وبص لعصام وعصام بيقول له
قولت لك امشي
وغرز السكينة كمان مرة بمنتهي الغل في صدر حامد وفضل يشيل السكينة ويغرزها في صدر حامد زيادة عن ال20 مرة وهو مش في واعية وسمر فرحانة باللي حصل وبتبص لعصام وبتقول
ايوة كدة تسلم ايدك جيبت حقي وحق ابنك. انت كدة راجلي
وعصام بيبص لها وهو مش مصدق نفسه وبيبص لحامد اللي واقع علي الارض سايح في دمه وعصام بيتوجع وبيتقطع من جوة ورمي السكينة من ايدة وبص لسمر وقال بحرقة
ارتحتي. ارتحتي
سمر بجحود
مالك يا راجل انشف كدة. هو اللي يستاهل وبعدين انت قتلتة دفاعا عن النفس بعد ما تهجم علينا في بيتنا
عصام
انتي اية مخلوقة من نار شيطانة فرحانة اني قتلت وبقيت مجرم
سمر
وفيها اية كدة اهل المنطقة كلها هايعملو ليك وليا الف حساب
عصام
واقول اية لربنا لما اقف قدامة ويسالني قتلت لية
سمر
قول كنت بدافع عن مراتي
وراحت سمر زي المجنونة وبصيت من شباك الصالة وقالت لكل المنطقة
حامد مات يا منطقة علي ايد جوزي ارجل راجل في الحتة
وزغرطدت وهي فرحانة والفرحة مش سيها ونعمة بصيت لعصام وهي وخدا في حضنها وبتحاول تهدي وهو عمال يترعش من الخوف ومش مصدق لسة انه عمل كدة وفجاة يقف سيف قدام عصام والمشهد كله يقف ماعدا سيف اللي كان عمال يلف حوالين عصام وبيقول
ما انت قتلت اهو وروح اتاذت بسببك
عصام
ما كنتش في وعيي كان الشيطان عميني
سيف
المهم انك قتلت زي ما انا قتلت الكلاب علشان ادافع عنك
عصام
لا. لا. لا. انت قتلت علشان تدافع عن نفسك انت كنت حاسس بنفس الوجع اللي انا كنت بحس بي
سيف
ما طلعش اي مبرر القتل قتل
عصام
صح. لكن ساعات الدم بيتولد منه حب وبيبقي حب مسموم
سيف
ازاي بقي افهم
عصام
لما تكون الروح من جهنم بيبقي اللي يرضيها اعمال اهل جهنم.
سيف بيهز دماغة باشارة منه انه مش فاهم فقال عصام
هافهمك مراتي سمر عيشت معها سنين كتير وعمرها ما حبتني زي ما حبتني بعد ما الدم جري في ارضية الشقة بتاعتنا. دم حامد اللي انا قتلتة وبدات سمر تكون بالحرف جارية تحت رجلي وانا الملك بتاعها ومش هي وبس دة كل اهل المنطقة
سيف وهو بيبص لسمر قال
تقصد تقول انها حبيتك جدا بعد اللي انت عملتة
عصام
بالظبط وعملت علشاني حاجات عمري ما اتخيلها وفي النهاية باعتني بارخص ثمن
سيف
ازاي بقي
عصام
هاحكي لك، ،،،،،،،،،،،،،،،،،
لو عجبتكم الحلقة ياريت تعرفوني رايكم بلايك او كومنت.
روعه
ردحذفتم
ردحذفرائعه جدا
ردحذف