الهام واللي كان الحلقة الاخيرة

 المملكة السوداء 2 
الشيطان يعود

                     ★الحلقة الخامسة★ 

من تاليفي، ، 
محمد منصور. ** منص **

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                            ‏

وياخذ عماد والده القسيس جورج ويتجه الي شقته ويفتح باب الشقه ويدخلوا جميعا الي الشقه مسرعين ويفتح عماد باب حجره ماري ويدخل القسيس جورج فيجد ماري ترتدي حجاب وتصلي فنظر لها باستغراب شديد وينظر لعماد ويقول

ايه اللي بتعمله ماري ده

عماد

ماعرفش انا كنت نايم ومعايا يارا لقينا الباب بيخبط قومنا فتحنا لقينا ماري لابسه الحجاب ودخلت اوضتها وقعدت تصلي وكل ما نقول لها بتعملي ايه يا ماري تقول انا مش ماري انا فاطمه

جورج

فاطمه. لا الموضوع كده بقي خطير

عماد

لازم تتصرف 

ويتجه القسيس ناحيه ماري ويحاول ان يضع يده عليها فتنظر له نظره غاضبه وتقول

ابعد عني انا ما حدش يحط ايده عليه الا لو كان مسلم

فيجلس امامها القسيس جورج ويقول

ماري انا جدك جورج

 

فتنظر له ولا ترد فيقول جورج

ماري انتي مسيحيه اقعلي الحجاب ده

ويضع يده علي الحجاب فتمسك ماري يده بقوه وتضع يده في فمها وتاكل صباع من يده فيصرخ القسيس جورج ويسحب يده من فمها بكل سرعه ويتالم وماري تاكل في صباع القسيس جورج بمنتهي الوحشيه فتصرخ يارا لهول المنظر وعماد يتجه ناحيه والده ليطمئن عليه وماري تقول له بصوت مخيف

الكتاب او الموت

وتخرج يد محروقه من فم ماري وتختفي وتسقط ماري فاقده الوعي والقسيس ينظر لها خائفا ويقول

باسم الرب

عماد

كتاب ايه

القسيس جورج 

الكتاب اللي عند راغب لازم يكون تحت ايدينا علاج بنتك ماري في الكتاب ده 

وينظر القسيس لماري، ،،،،،

وفي صباح اليوم التالي يذهب القسيس جورج الي الكنيسه ويدخل فيقابله احدي خدام الكنيسه ويقول له

الحق يا بونا

القسيس جورج

خير يا جرجس

جرجس

الشيخ مرسي هنا من الصبح بدري ومستني في اوضتك 

القسيس جورج باستغراب

وعايز ايه الشيخ مرسي ،،،،،،

ومن داخل حجره القسيس جورج يقف الشيخ مرسي امامه ويقول

انا عايز ابقي مسيحي

فيصدم القسيس جورج وبشده ويقول

انت بتقول ايه يا شيخ مرسي

مرسي

بقول عايز اكون مسيحي

جورج

ازاي بس ده انت كبير عيلتكم يا شيخ مرسي وحاجه زي دي لو حصلت اهلك ممكن يولعه في الكنيسه

مرسي

ما حدش من اهلي لي دخل باللي انا عايز اعمله انا حر

جورج

انت فعلا حر انك تختار الدين اللي انت عايزه بس انا مش هاقدر اساعدك

مرسي وتحول وجه الي وجه لوسيفر 

لا هتساعدني ومن النهارده انا من خدام الكنيسه 

القسيس جورج وهو مرعوبا ويبتعد خائفا يقول

باسم الرب،،،،،،

ومن داخل بيت الحاج فوزي يجلس فوزي مع حامد وراغب وراغب يقول له

لازم تصدقني وتساعدني انا لوحدي مش هاقدر عليه

الحاج فوزي

انا عمري ما هاحط ايدي في ايدك تاني بعد اللي انت عملته

حامد

ليه بس كده يا ابويا البلد دي باللي هو بيعمله ده ها تقلب حرب بين المسلمين والمسيحين واحنا لو سكتنا علي كده نبقي بنساعد لوسيفر ده في انه يحرق البلد

الحاج فوزي

يعني انت عايزني يا حامد اصدق راغب اللي قتل ابني 

ثم ينظر الي راغب ويقول

وبعدين تعالي هنا لما هو عايز يخلص منك ليه سلط علينا كلابه عشان يحوشك من ايدي ليه ما سابنيش اخلص عليك 

راغب

ماعرفش ليه هو عمل كده بس كل اللي اعرفه اني عمري ما هكون معه وبطل عند البلد هاتتحرق

فوزي

يعني انت عايزنا نعمل ايه ما انت بتقول التعويذه اللي كانت في الكتاب خلاص راحت تقدر تقولي ها نوقفه ازاي

حامد 

نفكر واكيد هانوصل لحل

وفي هذه اللحظه يحضر طاهر ابن الشيخ مرسي ويقف امام باب بيت الحاج فوزي ومعه رجال كثيره من عائله الشيخ مرسي ويحضر عماد ابن القسيس جورج ومعه المسيحين الموجودين في البلد ويقف الاثنين امام بيت الحاج فوزي ويقول طاهر بصوت عالي

اخرج يا راغب احنا عارفين انك هنا

فيسمع راغب وفوزي وحامد صوت التجمع اللي في الخارج فيخرجوا الي بالكونه البيت وينظروا الي اهل البلد ويقول راغب

وفيها ايه لما تعرفوا اني هنا هو انا هربان منكم

عماد 

ايوه بتتهرب مننا وبتنكر ان الكتاب معاك وانا مش هامشي من هنا الا لما اخد الكتاب 

طاهر ينظر لعماد ويقول

بتقول ايه انت الكتاب ده انا اللي هاخده ولو انت فاكر ان عم الشيخ راغب هيعالج مسيحيه ويسيب المسلم اللي زيه تبقي غلطان

عماد

بلاش النغمه دي يا طاهر احنا من زمان عايشين مع بعض في البلد وعمرها ماكان فيها مسيحي ومسلم

طاهر

لا بقي فيها طالما الموضوع يخص حياه ابويا

الشيخ راغب

والله عيب عليكم انا لو معايا كتاب في الشفا لبنتك يا عماد مش ها خابي ونفس الحال ليك يا طاهر كل الحكايه انه بيتلعب بيكم وظهر في بلدنا ساحر من نسل الشيطان واسمه لوسيفر هو اللي بيلعب بيكم فوقو بقي

طاهر

انا كل الكلام ده ما يفرقش معايا انا عايز الكتاب اللي ينجي ابويا

في هذه اللحظه يحضر صخر في صوره جرجس خادم الكنيسه ويقول لعماد

يا سي عماد ابونا بيقول لك الشيخ راغب بعت له الكتاب وبنتك ماري بقت بخير ورجعت زي الاول

فينظر له الشيخ راغب باستغراب شديد وينظر له طاهر ويقول للشيخ راغب بغضب

عملتها يا راغب تبدي المسيحي علي المسلم وربنا لنجيب عليها وطيها وزي ما بانينا الكنيسه دي هانهدها 

راغب

يا طاهر ده كدب انا اصلا ما عنديش كتاب

ولكن عماد يقف امام طاهر ويقول

اياك تقرب من الكنيسه

طاهر لعماد بغضب شديد وهو يدفعه بعيد عنه 

اوعي من وشي 

ولكن هذه الدفعه كانت الشراره لبدايه معركه بين عماد ومن معه وطاهر ومن معه وصوت الشيخ راغب وهو يقول لهم

ايه اللي بتعملو ده هاتموتوا بعض

وينزل الشيخ راغب ومن خلفه الحاج فوزي وحامد ويحاولو فض هذه المعركه ولكن بلا فائده وفي هذه اللحظه كانت كلاب لوسيفر تهجم علي كل من يسقط من رجال البلد وتسحبهم الي قصر لوسيفر، ،،،،

وفي هذه اللحظه كان صخر يلف البلد بمنتهي السرعه ويقول لرجال الشيخ راغب

الحاج فوزي جمع رجالته وهايقتل الشيخ راغب 

فيجري رجال الشيخ راغب ومعهم اسلحتهم لكي ينقذوا الشيخ راغب ويذهب الي رجال الحاج فوزي ويقول

رجاله الشيخ راغب رايحين يقتلو الحاج فوزي في بيته

ويتجه رجال الحاج فوزي لانقاذ الحاج فوزي وبدات حرب بين اهالي البلد بشكل مرعب ومخيف وسقط ضحايا كثيره وكل من يسقط تسحبه الكلاب الي داخل قصر لوسيفر والارض امتلت دم والدم كله يجري ناحيه قصر لوسيفر الا ان تدخلت الشرطه واوقفت هذه المذبحه، ،،،،،،

ومن فوق اعلي مكان في قصر لوسيفر يقف لوسيفر ويتفرج علي ما يحدث بين اهالي البلد حتي تاتي الشرطه وتسيطر علي الوضع فينزل لوسيفر ويتجه ناحيه شجره موجوده في حديقه القصر والشجره لها فروع لونها احمر لون الدم والكلاب تضع امام هذه الشجره الرجال المصابه والجثث الذي وقعت في المشاجره بين اهل البلد ويقف صخر امام لوسيفر ويقول له

البلد بقت خراب

لوسيفر

الخراب قبل ما يكون في البلد فهو في عقل كل بني ادم 

ثم ينظر الي كلابه والرجال الموجوده امام الشجره ويقول

دول كل اللي وقعوا اثناء المشاجره

صخر يقول

كلهم مش ناوي بقي تعرفني انت هاتعمل بيهم ايه

لوسيفر

عشان تحكم بني ادم ويتقبل حكمك لازم تفكر زي ماهو بيفكر وتكون من جنسه وفيك نفس الطبع اللي في عشان كده انا غلط اول مره لما حربت بني الانسان وانا ساحر وبيا صفات الجن انما المره دي هاحاربهم وانا انسان زيهم وهايحبوني وانا باذيهم وبخرب حياتهم 

صخر

طيب وناوي علي ايه بالنسبه لراغب ال 48 ساعه اللي انت قولت عليهم عده 

لوسيفر 

راغب بالنسبه لي كائن ضعيف ما يستاهلش اني افكر في وادي له مكانه اكبر من اللي يستحقها كفايه انه هايعيش اللي باقي من حياته وهو ميت. ودلوقتي بقي عايزك تتفرج وتشوف وتسجل لحظه ولاده لوسيفر البني ادم علي ايد شجره الحياه

وينظر لوسيفر الي الشجره ويقرا تعويذه بلغه غريبه فتتحرك فروع هذه الشجره بشكل مخيف ومريب وتفتح فجوه ما في الشجره وتبدا فروع الشجره في الالتفلاف حول الرجال الموجودين امامها وتعتصرهم بشكل مخيف والدم ينزل علي الارض وكانه نهر وترتوي الشجره من دماء الرجال ويستمر هذا المنظر المرعب الي ان ترتوي الشجره تماما ويصبح لونها أحمر لون الدم فيتوقف لوسيفر عن قراءه التعويذه الغريبه ويذهب ناحيه الشجره ويضع يده علي الشجره فيتحول لوسيفر من رجل عجوز مشوهه الي شاب وسيم في الثلاثينات من عمره فيتعجب صخر مما يراه ويقول

انت عبقري يا لوسيفر العظيم

لوسيفر

جه الوقت اللي ارجع في ارضي وابقي ملك 

ويخرج من باب القصر ومعه صخر وينظر للقصر فينزل القصر تحت الارض وترجع الارض كما كانت، ،،،،،،

ويمر يوم ويرجع الشيخ راغب الي بيته بعد ما كان في قسم الشرطه بسبب المشاجره الذي حصلت بين اهل البلد وبعضهم ورجعت ماري الي طبيعتها ورجع الشيخ مرسي كما كان ويتعجب عندما لا يجد اي اثر لقصر لوسيفر ولا الاشجار الذي كانت موجوده حول القصر فيقول لنفسه

راح فين ده 

ويدخل الي بيته ويصعد الي حجره نومه وينام، ،،،،،

ويؤذن لصلاه الفجر وهذه اول مره من 40 سنه شخص غير الشيخ راغب هو اللي يؤذن لصلاه الفجر وصوت المؤذن كان جميل جدا فستيقظ الشيخ راغب من نومه واستغفر ربه وتوضا وذهب الي الجامع ودخل الجامع وجلس بجانب الشيخ مرسي فقال له الشيخ مرسي

اول مره تروح عليك نوما وتيجي متاخر

راغب

مش عارف ازاي بس انا كنت تعبان قوي من اللي حصل في اليومين اللي فاته انما قول لي مين صاحب الصوت الجميل اللي اذن ده

الشيخ مرسي وهو يشاور علي لوسيفر يقول

الشاب ده

فينظر راغب الي مكان ماشاور مرسي فيجد لوسيفر رغم تغير ملامحه الا ان الشيخ راغب عرف انه هو فاتجه الشيخ راغب بعصبيه شديده ويمسك لوسيفر من لاياقه القميص وقال

هي حصلت كمان تخش الجامع يا خبيث

لوسيفر

انت عرفت اني انا لوسيفر. باين عليك قلبك كله خير وخالي من الذنوب لان الوحيد اللي هايشوفني علي حقيقتي هو البني ادم الطاهر واللي قلبه متعلق بحب الله

يعني قليل اوي اللي هايصدقه اني لوسيفر انما الباقي هيكون معايا وضدك 

الشيخ راغب وهو يحاول اخراجه من الجامع يقول

قوم ما تنجسش بيت ربنا يا كافر

لوسيفر وهو يبعد ايد راغب عنه 

اتكلم باسلوب احسن من كده مع امام الجامع

في هذه يتجمع المصلين ويفصلو بين الشيخ راغب ولوسيفر ويقول مرسي

في ايه مالك يا راغب

راغب

الشيطان ده لازم يخرج من هنا حالا 

ويحاول راغب الوصول له ولكن اهل البلد يمنعوا فيقول لوسيفر وهو يبكي 

انا شيطان طيب ازاي اكون شيطان وادخل جامع وأذن 

مرسي 

حرام عليك يا راغب هو الواد ده عمل لك ايه عشان تطرده بره

لوسيفر

كل ده عشان انا أذنت مكانه النهارده

راغب

بطل كدب اطلع بره بيت ربنا يا نجس

لوسيفر بمسكنه

الله يسامحك يا شيخ راغب هو عشان الجامع بتاعكم وانا غريب عن البلد تعمل كده انا ماشي يا شيخ راغب وشكرا 

ويستعد لوسيفر للخروج من الجامع ولكن المصلين يمنعوا ومرسي يقول له

استني يا ابني الشيخ راغب ما يقصدش الا صحيح انت اسمك ايه

لوسيفر

انا امام

مرسي

عاشت الاسامي يا ابني خش يا ابني ده بيت ربنا وماحدش يقدر يحوش حد عن دخوله

راغب بعصبيه

انت بتقول ايه يا مرسي بقول لك ده شيطان ده لوسيفر سبب الخراب اللي حصل في البلد اليومين اللي فاتة 

مرسي

يا راغب بصراحه انت اعصابك تعبت اوي من بعد ما سناء ماتت ولازم تكون اهدئه من كده الراجل ضيف عندنا في بلدنا

راغب

يعني ايه يا مرسي انت شايفني مجنون

مرسي

انا شايف انك تهدئه شويه ومافيهاش حاجه لو امام صلي بينا النهارده ده صوته حلو جدا. 

ويتفق المصلين علي كلام الشيخ مرسي ويقولو بصوت واحد

ياريت يرضي يصلي بينا

لوسيفر

انا ما قدرش اقول لكم لا

وينظر لوسيفر للشيخ راغب ويقف امام القبله ويقيم الصلاه واهل البلد يتركوا الشيخ راغب واقفا ويتجهوا خلف منه ويقفوا وراء والشيخ راغب مصدوم مما يراه ويقول

باين عليها بتخرب لا بتخرب ايه دي خربت فعلا 

ويخرج من الجامع ولوسيفر يصلي بالمصلين، ،،،،،،

يارب تكون الحلقة عجبتكم. مستني رايكم. واستنوني بكرة باذن الله والحلقة الاخيرة