الهام واللي كان الحلقة الاخيرة

  روح من جهنم 
 ‏لعشاق الرعب

ودورت العربية تاني ووصلت للمشرحة ودخلتها ووقفت قدام تلاجة الميتين. وفضلت ادور علي الدرج اللي في جثة عصام ووصلت لعصام وفتحت الثلاجة وخرجت عصام منها وشيلت من علي وشة الملاية ولقيت عصام مبتسم ووشة علية الرضا فرفعت الملايا اكتر واكتر وبصيت لمكان الطعنة بتاعت السكينة اللي اخترقت اللحم واصابت القلب مباشرة وبدات أشرح الجثة. لكن اللي حصل بعد المشهد دة كان جحيم. عيشته انا. انا مين هقول لكم  

 ‏

                          ‏★الحلقة الاولي★

من تاليفي.

محمد منصور. منص 

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                          ‏

انا سيف منتصر الزيني عندي 50 س. دكتور في الطب الشرعي لكن دكتور مرتشي الجثة من دي تخش لي المشرحة والملايين تتحول علي حسابي في البنك واكتب تقرير زي صاحب الفلوس مايحب وبالطريقة اللي تخدمة في القضية بتاعته واللي تخلي يطلع من اي مصيبة. وهو سليم وفضلت كدة سنين كتير وبقي عندي بدل الفيلا تلاتة وبدل العربية اثنين وعمري مافكرت اتجوز فرحان بالفلوس اللي عمال اجمعها وكلها من الحرام وفضلت عايش لوحدي اروح شغلي وارجع علي فيلتي ماعرفش حد من عيلتي ولا حد يعرف عني حاجة عايش حياتي كدة مملة صح بس عجباني ورغم انها عيشة تقصر العمر لكن انا عمري كان طويل ويومي طويل. لغاية ماجة يوم ودقت الساعه 7.ص صحيت من نومي ولبست هدومي وخرجت من الفيلا وقفلت الباب ورايا وركبت عربيتي وروحت شغلي وبعد حوالي اربع ساعات جت لي جثة لشاب مضروب بسكينة في صدرة وبعد مالجثة دخلت المشرحة والدنيا بقيت هادية لقيت راجل صعيدي علية الهيبة راجل طوله يعدي المترين بحاجات بسيطة وضخم الجثة واسمة عبد العاطي وقف قدامي وقال

انا المعلم عبد العاطي وجاي لك في مصلحة ب5 مليون 

بص له الطماع اللي جوايا وقولت

اهلا وسهلا 

عبد العاطي

انا سالت وعرفت عنك كل خير. وعايزك تكتب ان الجثة اللي لسة داخلة لك من شوية دي ماتت منتحرة

سيف

بس كدة اعتبرة حصل. الخمسة مليون يخشوا حسابي في البنك وانا اكتب لك في التقرير اللي انت عايزه 

فضحك عبد العاطي وقال

وعلي النعمة انت برنس. 

قولت له

هاتحط الفلوس في حساب باسم، ،،،،،،،

لقيت عبد العاطي قطع كلامي وقال 

 باسم هانم محمد خالد السيد 

فصحكت وقولت

دة انت عارف عني كل حاجة بقي

عبد العاطي

مش بقول لك سال عنك وعارف ان الحساب دة معمول باسم حد مش موجود بس اتعمل علشان الفلوس الشمال ومعمول لك توكيل مزور علشان تسحب فلوس زي ما انت عايز من الحساب دة وعمر ما حد يقول لك من اين لك هذا 

سيف

لا. برافو عليك اللي دلك علية ماخباش عنك حاجة.

عبد العاطي 

طبعا. وعلي كل حال الفلوس دخلت حسابك

فتاتي رسالة علي موبيل سيف بتاكيد نقل الفلوس فبص سيف لعبد العاطي وقال

تمام

وسابني ومشي عبد العاطي وانا كتبت التقرير بتاع الجثة اللي دخلت وكتبت في التقرير انه انتحار من غير حتة ما اشرحها واشوف سبب الوفاة وحطيت الجثة في الثلاجة وبقي التقرير جاهز للعرض علي النيابة في الميعاد المخصص للقضية ودخل في حسابي فلوس تاني وبرضو حرام. لكني عادي بقي عندي لامبالاة. وروحت فيلتي لقيت ست غلبانة اول مرة اشوفها بتقول لي وهي بتعيط وظهرها محني 

 

يا بية ابوس ايدك ابني تعبان قوي ومحتاج يعمل عملية

بصيت لها من فوق لتحت وسيبتها ومشيت وجريت ورايا وقالت

يا بية انا عارفة انك قاعد لوحدك وعلي قلبك فلوس كتير فيها اية لما تديني اللي اعمل بي عملية ابني وتكسب فيا ثواب

قولت لها بحدة

وبعدين بقي معايا فلوس ومش هاديكي انا حر

لقيتها ضحكت وعدلت ظهرها وبصيت لي وقالت

جه الدور عليك والروح هاتكون ليك قاضي وجلاد وخلي بالك اوعي تدخل السرداب والا هاتطلع منه ميت يا غلبان

وسابتني ومشيت وانا مش فاهم حاجة ولا عايز افهم ودخلت فيلتي ورميت جسمي علي الركنة بتاعتي وشغلت الشاشة واتفرجت علي فيلم وطلبت بيتزا دليفري من مطعم مشهور وجه بتاع الدليفري وخدت منه البيتزا وقعدت تاني علشان اكلها لكني سمعت صوت جاي من اوضة المكتب بتاعي استغربت اوي وقومت اشوف في اية وفتحت باب الاوضة لقيت سرداب طويل والاضاءة في خافتة وحد ماشي في نص السرداب دة وبيبص لي وبيقول

تعالي عايز اوريك حاجة

بصيت له باستغراب شديد وقلبي انقبض من الخوف وحاولت اقفل الباب لقيت الباب فعلا مقفول وانا جوة السرداب واللي واقف بعيد دة بيصرخ صرخة مخيفة وبيقول

تعالي شوف انت اذيتني ازاي 

سيف بخوف 

انا ماعرفكش علشان اذيك 

لكني لقيت صاحب الصوت اختفي وسابني لوحدي في السرداب وطفي النور اللي كان في السرداب والسرداب بقي ظلمة كحل وانا بصرخ وبقول

انت ياللي كنت بتتكلم معايا. روحت فين

لكن ماحدش رد بصيت ناحية الباب وحاولت افتح الباب اكتر من مرة لكني مش قادر قولت لنفسي

امشي في السرداب لاخرة يمكن اللاقي مخرج

وفعلا فضلت ماشي في السرداب وانا بحسس علي الحيطان خايف اخبط في حاجة ومشيت كتير وكتير وكتير لغاية مالقيت نفسي بفتح باب في وشي وبخرج لاوضة في شقة فيها ست بتعيط علي شاب مرمي علي ارض الاوضة ومضروب بالسكينة في قلبة بصيت لها واستغربت جدا لكن الاغرب اني عارف الست دي وعارف اسمها دي الست نعمة واللي واقع علي الارض وسايح في دمة اسمة عصام ازاي عرفت اساميهم وانا اول مرة اشوفهم وفضلت ابص للي بيحصل ودخل للاوضة ستات من اهل الشارع طلعو علي صوت صريخ نعمة ونعمة بتبص لهم وبتقول

عبد العاطي المفتري قتل ابني. عايزا حق ابني. عايزاكم تشهدوا معايا ضدة وتبطلو خوف منه. عايزا حق ابني

الغريب بقي في الموضوع اني. انا واقف وشايف وسامع اللي بيحصل وماحدش من الواقفين شايفني. وانا عمال اتفرج علي اللي بيحصل لقيت ايد اتحطت علي كتفي بصيت اشوف مين دة لقيتة عصام الميت بصيت له واتصدمت ووقعت علي الارض من الخضة وقال لي

عرفت بقي انت اذيتني ازاي

سيف 

انا مش فاهم حاجة. انت مين

عصام

ارجع لمكانك وشغلك وهتلاقيني عندك. ولو رجعت السرداب دة تاني خلي بالك علشان الروح مش هاتسيبك تخرج الا وانت ميت 

وصرخ عصام في وشي فوقعت علي الارض من الخوف وغمض عينية وانا مرعوب وحطيت ايدي قصاد وشي وفجاة الصرخة اختفت وفتحت عينية واحدة واحدة لقيت نفسي علي الارض في ريسنشن الفيلا قومت ونفض هدومي وانا مش مستوعب اللي بيحصل وخوفت اقعد في الفيلا وخرجت منها جري وقفلت الباب وراء مني وركبت عربيتي ومشيت بيها وانا مرعوب والخوف بيجري في دمي وبعدت عن الفيلا ودوست فرامل وقولت لنفسي

لازم الاقي تفسير للي حصل دة. بس ابدأ منين 

وسندت دماغي علي الكرسي وبدأ يتعاد كلام عصام ليا وهو بيقول

ارجع لمكانك وشغلك وهتلاقيني عندك

واتكررت الجملة اكتر من مرة لغاية ماقال سيف لنفسه

مكاني وشغلي في المشرحة يبقي عصام هناك عندي

ودورت العربية تاني ووصلت للمشرحة ودخلتها ووقفت قدام تلاجة الميتين. وبدور علي الدرج اللي في جثة عصام ووصلت لعصام وفتحت الثلاجة وخرجت عصام منها وشيلت من علي وشة الملاية ولقيت عصام مبتسم ووشة علية الرضا فرفعت الملايا اكتر واكتر وبصيت لمكان الطعنة بتاعت السكينة اللي اخترقت اللحم واصابت القلب مباشرة وبدات أشرح الجثة وبعد ماخلصت روحت للتقرير اللي انا كتبة واللي مكتوب في أن عصام مات منتحر علشان ارضي صاحب شنطة الفلوس اللي واخدها منه وفضلت ابص للتقرير وانا مش عارف اعمل اية ضميري بينقح عليا وفي نفس الوقت مايهنش علية ارجع ملايين زي اللي خدتها وفضلت باصص للتقرير وابص لعصام اللي فجاة لقيتة قام من نومتة وقال

الفلوس مش هاتنفعك اوعي تساعد ظالم في ظلمة

 ها تبقي ظالم والظالم حسابة عند ربنا شديد

اتخضيت ورجعت لوراء وهو صرخ ولقيت نفسي المرة دي في السرداب وروح عصام بتسحبني لمكان انا عارفة مع اني عمري ما روحتة ووقفت في المكان دة وسمعت صوت عصام بيقول

عيش وشوف اللي انا شوفتة يمكن ترحمني وتجيب لي حقي من اللي ظلمني

وفي لحظة هدومي اتبدلت وبقيت عصام بكل تفاصيله ولقيت نفسي جوة شقة من اوضتين وصاله ومن هنا بدات حكاية جديدة حكاية تخص عصام اللي انا ظلمتة،،،،،،

من داخل شقة اوضين وصالة ينام عصام علي سريرة وانا سيف محبوس جوة جسمة وكاني في سجن وشايف كل اللي بيحصل وحاسس بي وعصام وهو نايم سمع صوت لخناقة في الشارع وصوت مراتة سمر بتصرخ وبتزعق وعصام رغم انه سامع الخناقة لكنة مش عايز يقوم لانه كتير زهق من خناقات مراتة وابوها عم خيري مع ابن عبد العاطي وهو البلطجي ابن البلطجي والمعلم عبد العاطي واسمة حامد واستمرت الخناقة لدقائق واتفتح باب الاوضة ودخلت سمر للاوضة وبدات تهز في جسم عصام وهي بتقول

عصام قوم الحق ابويا بيتخانق مع حامد

فتح عصام عينية وقال

سامع ومش هاقوم. اظن انا حر

سمر بنرفزة

والله. لو ابوك اللي بيتخانق كنت قولت كدة

عصام وهو بيقعد علي السرير

يا بنت الناس لا ابويا بتاع مشاكل ولا انا بتاع مشاكل ولا بحبها وابوكي كل يوم بيتخانق مع حامد علشان هما الاثنين شبة بعض وبينهم شغل وحورات في الشمال انا بقي ماليش فيها

سمر

انت جبان وبتخاف من حامد

عصام بعصبية

سمر انا مش جبان وانتي عارفة

وفي هذة اللحظة يسمعوا صوت صرخات النساء وست عمالة تقول

يا كبد امك يا ضنايا 

وواحدة تانية بتقول

الله يخرب بيتكم الواد عينة راحت

فجريت سمر ناحية شباك اوضة النوم وبصيت لقيت ابنها تامر اللي عندة 8 سنين. ماسك عينية وهي عمالة تجيب دم فضربت بايدها علي صدرها وصرخت وقالت

تامر ابني

وجريت ناحية باب الاوضة وعصام بيقول لها وهو ملهوف

تامر ماله

لكن سمر ما رديتش علية ونزلت بسرعة من الشقة وعصام لبس جلابية ونزل بسرعة وراها وهو مخضوض علي ابنة ونزل الشارع لقي سمر واخدة ابنها في حضنها وبتبص علي عينة اللي عمالة تجيب دم فجري عصام ناحية ابنه تامر وخدها من ايدها وبص للواد وصرخ في اللي واقفين وقال

اية اللي عمل في ابني كدة

واحدة ست من اللي واقفين قالت 

ابنك كان واقف علي باب البيت بيتفرج علي الخناقة سعد بيضرب خرطوش من الفرد بتاعه علي خيري حماك جة البلي في عين ابنك

بص عصام لسمر وقال

ادي اخرة المشاكل

وخد ابنه وجري بي ناحية توك توك وقفه لي راجل من اهل المنطقة وقال له

خد ابنك بسرعة وروح بي مستشفي الرمد

وركبت سمر جنب عصام والتوك توك طلع بيهم بسرعة، ،،،،،

وتمر ساعات كتير ويرجع عصام الي شقتة وعلي كتفة ابنة تامر اللي حاطط شاش علي عينية. اللي اتصفت بسبب البلي اللي دخل فيها ومعه سمر مراتة وحط الواد علي السرير اللي كان نايم وخرجو من الاوضة وسمر بتقول له وهي بتعيط 

هاتسيب حق ابنك

بص لها وقال

ما انا عملت محضر قدامك في القسم عايزاني اعمل اية تاني

سمر

يا فرحتي بيك يا سبع البرمة. هو دة اخرك

عصام بعصبية

سمر انا مش ناقص

سمر

لا والله. ما بتعملش راجل الا علية انا. روح اتشطر علي اللي صفي عين ابنك 

عصام 

والله اللي اعرفة ان اللي صفي عين ابني كان قاصد ابوكي. اللي من ساعة ما رجع من ليبيا واشتغل مع حامد في الاجهزة المسروقة واحنا ما بنخلص من المشاكل

سمر باسلوب مستفز

ايوة هاتها في ابويا هو دة اللي تعرف تعملة انما انك تكون راجل زي بقيت الرجالة وتنزل دلوقتي تروح لحامد وتصفي عينة زي ما صفي عين ابنك ما تعرفش تخاف يا دكر

فيبص لها عصام ويقول بعصبية وهو يرفع ايدة ويستعد لضربها لكنة يمسك نفسة للاخر 

لمي نفسك يا بنت خيري. انا اة انسان صبور بس صبري لي حدود بلاش تستفيزيني

سمر

اسمع بقي يا عم الصبور لو ما نزلتش دلوقتي وجيبت حق ابنك من حامد. انا اللي اسمي مراة هانزل وهاجيب حق ابني

عصام بعصبية شديدة جدا 

اية احنا في غابة اللي يقدر ياخد حقة ياخدة بدراعة في حاجة اسمها حكومة وهي اللي تقدر تجيب حقنا من بلطجي زي حامد

وفي هذة اللحظة يسمعوا صوت خبط علي الباب فيروح عصام ويفتح الباب فيلاقي خيري حماة واقف قدامة وبيقول له بنرفزة شديدة 

عملت محضر ضدي انا وحامد

عصام

مش خناقك مع حامد كان هو السبب في اللي حصل لابني

خيري بتهديد 

اسمع ياض مشكلتك وحكايتك مع حامد ابن عبد العاطي انا برة الحوار دة فاهم ولا لا 

سمر وهي بتحاول تهدي والدها خيري وتقول له

تعالي بس ادخل يا با واهدئة كدة

خيري

انا مش هادخل بيت الخيخة جوزك اللي خايف يقول في المحضر ان حامد هو اللي صفي عين ابنة

عصام بعصبية

انا مش خيخة انا قولت انكم كنتو بتتخانقو بسلاح وبسبب الخناقة بتاعتكم عين ابني راحت

خيري

وانت فاكر ان الحكومة تعرف تعمل حاجة مع عبد العاطي او ابنة. طيب اللي انت ماتعرفهوش بقي ان عبد العاطي زور ورقة لابنة تثبت انه كان نايم محجوز في مستشفي الحميات ساعة ما ضرب النار حصل

انصدم عصام وقال

اية.

خيري

لا وكمان اللي هايروح يشهد معاك بكلام غير دة عبد العاطي هايخلي عبرة 

عصام

يعني اية حق ابني هايروح

خيري

هو كدة عبد العاطي بفلوسة وعلاقتة بيخلص كل حاجة 

سمر

ازي الحال بقي لسة مستني الحكومة تاخد لك حقك

فيبص لها عصام ويسكت مش عارف يرد يقول اية فقال خيري لسمر

ولا عرفتي تنقي. دة انتي قلبك جامد عنه.

سمر

اسمع يا با. انا عايزا حق ابني تالت ومتلت.

خيري

ابوكي هايجيب لك الكلب اللي اسمة حامد متربط ومرمي تحت رجليكي

ويبص لعصام ويقول

وخلي الدكر بتاعك نايم هنا تحت السرير. بدل ما حاجة تيجي في

وتستعد سمر للخروج من باب البيت ولكن عصام يمسك ايدها ويقول لها

رايحة فين

سمر

هاجيب حق ابني

عصام وهو مبرق بشكل يخوف

ماحدش هايجيب حق ابني غيري

ودخل عصام للمطبخ ومسك سكينة ونزل من باب البيت ومعه حماه خيري وراح لبيت حامد وهو فعلا ناوي علي الشر ووقف قدام البيت ومعه خيري وقال عصام

انزل يا حامد لو راجل

بص له حامد من بلكونة البيت وقال ببرود

اية دة عصام. جوزها بيعرف يمسك سكينة

عصام بعصبية

انا جوزها 

حامد

اة جوزها. مش سمر هي اللي بعتاك تجيب حق ابنك

عصام وهو بيبص لخيري فخيري قال لحامد

عصام جاي لك بنفسه وهياخد حق ابنه منك ومن عيلتك كلها

حامد وهو بيضحك

وماله يا خيري نبقي نقدم له الواجب بتاعه

ويتفتح باب البيت ويخرج تلت كلاب بوليسية من الشرسين جدا ويهجموا علي خيري وعصام وتبدأ الكلاب تعض عصام بمنتهي العنف وعصام بيحاول الهروب منهم وخيري يجري هاربا ويقول لعصام

اضربهم بالسكينة اللي في ايدك

وبالفعل يضغط عصام بايدة علي مقبض السكينة ويستعد لضرب الكلاب ولكنة لايستطيع ويسيب السكينة والكلاب تنهش في لحمة بلا اي رحمة. فيقول سيف اللي روحة مسجونة في جسم عصام. لعصام

مستني اية ما تضربهم بالسكينة

عصام والكلاب بتنهش في لحمة

ما قدرش اقتل. انا انسان ابسط من كدة . وماستحملش روح تتعذب بسببي حتي لو بتاعت حيوان لو تقدر انت تلحقني منهم الحقني لاني لو موت انت كمان هاتموت 

سيف 

انا لازم الحقك علشان انا حاسس بكل الوجع اللي انت حاسس بي وكان الكلاب بتنهش لحمي اتا 

عصام

كل اللي انا هاحس بي انت كمان هاتحس بي. السكينة علي الارض خدها والحقني لو تقدر 

ومسك سيف السكينة بايد عصام وبدا يقتل في الكلاب بلا اي رحمة ووقف عصام علي رجلة واهل المنطقة كلها فرحانة باللي عمله فقال له سيف

شايف الناس فرحانة ازاي انك وقفت علي رجلك

عصام وهو بيبص للكلاب

علشان اقف علي رجلي في ارواح اتاذت وانا كنت السبب في اذيتها

سيف

انت زعلان علشان تلت كلاب ماتو

عصام

وهي الكلاب دي بالنسبة لك مش روح

سيف بانانية 

انا مش مهم عندي اي حاجة غير اني ابقي بخير

عصام

الخير اللي يتولد من الشر يبقي شر

سيف

انت عايز اية بدل ما تقولي كدة المفروض تشكرني اني لحقتك منهم

عصام

انت فاكر انك لحقتني انت غلطان انت كنت في امتحان يا غلبان وسقط في اول امتحان وباين عليك هاتكون 

روح من جهنم 

سيف

انت بتقول اية. واية روح من جهنم دي 

عصام 

بقول ان اللي انت عملتة دة مش هو اللي حصل لو غلط مرتين كمان هاتموت يا غلبان. ومسيرك هاتعرف يعني اية روح من جهنم 

سيف 

اومال انت سيبت الكلاب تنهش لحمك

عصام

علشان انا اخترت صح ربنا بعت ليا اللي يخلصني

سيف وهو مش فاهم حاجة لقي نفسه رجع تاني لنفس المنظر والكلاب بتنهش لحم عصام وفجاة، ،،،،،،،،،

مش هقول. علقو والجو دة. اكتب تقيمك للحلقة من

 واحد ل عشرة. حلوة الصيغة دي.