القلم وولاد تعلب
لعشاق الاثارة وحكايات ما وراء الطبيعه
عمر بيتسرق ولعنه بترجع للحياة وناس غير الناس واخين مع بعض ضد بعض. كل دي احداث واكتر مستنايكم في القلم وولاد تعلب
★الحلقه الاولي★
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
انتهت احداث الجزء الاول علي ان ورد حرقت القلم وأفتكرت هي وكل الموجودين ان الشر انتهي باحتراق القلم ولكن رماد القلم ابتلعته الارض وتجمع القلم من جديد وأنتظر كثيرا ليخرج من تحت الارض ويمارس شرة وحكم علي القلم بانه لا يخرج الا لاخر حفيد من احفاد حسان الحفيد العقيم اللي كتب عليه الحرمان من نعمه الاطفال.وبموت والد أخر حفيد يقدر القلم يخرج من تحت الارض. ومر 2000 عام واصبحت الارض غير الارض والناس غير الناس والارض الذي ابتعلت رماد القلم أصبحت مدافن في قريه صغيرة في صعيد مصر تدعي كفر تعلب وهذة المدافن خاصه بعائله تعلب عبد الحميد تعلب حفيد تعلب السوهاجي وهو الرجل اللي سميا الكفر نسبه لاسمه. وتعلب هذا رجل علي المعاش وكان موظف في الارشيف وعندة شاب في الثلاثينات وشبيه لحسان ابن ورد لانه اخر حفيد لحسان وهذا الشاب يدعي يونس وهو مؤلف مغمور صاحب موهبه كبيرة يتمني النجاح والشهرة وانه يكون معه فلوس يريح بيها أبوة ويصرف بيها علي اخته اللي بيحبها جدا. وبيعتبرها زي بنته واخته تدعي نرجس وهي صحفيه تحت التمرين علي قد حالها في جريدة و موقع الكتروني يدعي اخبار العصر وعندها طموح. ان تكون في يوم من الايام صاحبه جريدة كبيرة. وتزوجت نرجس من زميل لها في الجريدة لكنه مات بعد زواجهم بشهرين بسبب ازمه قلبيه وحملت نرجس وبدأ أبنها يكبر في احشائها. ودارت بهم الايام والليالي الي أن جاء يوم تعب في جدا تعلب عبد الحميد ونقل الي المستشفي وهو في حاله خطرة ومات تعلب وحزن يونس واخته نرجس واستعدت العائله لدفن تعلب وفتحت المدافن واستعد القلم للخروج من تحت الارض ليفتح ابواب الجحيم في وش يونس ونرجس ودفن تعلب وخرج القلم من المدافن في صورة تراب وظل يدور في المقابر الي أن أتجه ناحيه شحاته. نحيفه وعجوزة بتستني اللي يجود بي أهل الخير ولف القلم حول منها وتحولت المراة من شحاته الي هانم ترتدي اغلي الملابس وتقف أمام منها سيارة ليموزين برجال وسواق وتركب الشحاته السيارة واحدي رجالها يقول لها
أتفضلي يا دليله هانم
ومن الناحيه الاخري للسيارة يركب شحات عجوز كان في المقابر وفعل القلم به ما فعله بدليله واصبح باشا وسمي يعقوب وانطلقت السيارة بهم. وبدأت قصتنا مع خروج القلم وبدأ الجحيم يحيط بيونس ونرجس فهل يقدر القلم انه يتحكم في الأخين ويصبح ملك الانس والجن ولا يهربا الاخين من شر القلم. أيه اللي مستني ولاد تعلب. ده اللي احنا هانعرفه ،،،،،،
بعد رجوع يونس ونرجس من المدافن واستقبال عزاء الناس. دخلا الاثنين الي شقتهم البسيطه المكونه من صاله وحجرتين ويجلس يونس علي الكنبه الذي كان يجلس عليها والدة وهو حزين ويبكي وتجلس نرجس بجانبه وتضع راسها علي كتفه وهي الاخري تبكي وحزينه وتقول
الله يرحمك يا بابا. كان حنين علينا قوي
فينظر لها يونس ويقول
الله يرحمه.
ثم يمد يدة ويمسح دموعها ويقول
مش كفايه عياط بقي. انتي ضغطتك بيعلي من أقل حاجه
فتنظر له وتمسح دموع يونس
مش لما تبطل انت عياط. الاول
يونس
ابطل ازاي بس والجبل اللي كنت بداري نفسي جوة منه وقع
نرجس
أحنا مع بعض وطول ما احنا مع بعض هانفضل سند لبعض
فيبوسها يونس في راسها ويقول
ربنا يحفظك ليا يا بنتي
فتبتسم نرجس وتقول
مش هاتبطل بقي بنتي دي. ده كل اللي بيني وبينك 6 سنيين بس
يونس
ولو بيني وبينك سنه واحدة. برضو بنتي وهاتفضلي بنتي ومش هارتاح الا لما اجوزك لراجل جدع يستاهلك
نرجس بحزن وقد تذكرت زوجها المتوفي
اتجوز تاني. مين يعرف يعوضني عن جوزي اسلام الله يرحمه. انا خلاص جربت حظي
وتضع يدها علي بطنها وتقول
وهاعيش عشان اربي أسلام الصغير. انت بقي اللي لازم تتجوز
يونس
لما الاقي واحدة زي نرجس ابقي اتجوز
ويبتسم وقلبه حزين وينهض وهو يقول لنرجس
يالا قومي عشان تنامي
نرجس
طيب تعالي اقرا لي قرأن زي ماكان بابا بيعمل
يونس
طيب قومي وهاقرا لك قران بس انا صوتي مش حلو زي بابا الله يرحمه
نرجس بنبرة حزن
ماحدش كان صوته حلو زي بابا
وتبكي نرجس مرة اخري فيمسك يونس يدها ويساعدها علي النهوض ويقول
خلاص بقي. كفايه ويالا قومي عشان تنامي
وتنهض نرجس مع يونس ويدخلا الاخين الي حجرة نرجس وتنام نرجس ويونس بجانبها يقرأ في المصحف وتنام نرجس ويخرج يونس من حجرته ويتجه ناحيه الثلاجه لانه جعان فيجد التلاجه خاليه فيقول لنفسه
موت يا والدي وخدت الخير معاك. انا لازم اشوف شغلانه كويسه اصرف منها علي اختي المعاش لوحدة مش هايفتح بيت
ويسمع صوت خبط علي الباب فينظر في ساعه يدة فيجد الساعه وقد تخطت الحاديه عشر فيندهش ويسال نفسه ويقول
ودة مين اللي جاي دلوقتي
ويخرج من المطبخ ويتجه ناحيه باب الشقه ويفتح الباب فيجد يعقوب اللي سخرة القلم لخدمته فقال له يونس اللي اول مرة يشوفه
انت مين
يعقوب
انا يعقوب صاحب ابوك الروح بالروح وعرفت انه مات عشان كدة جيت لك
يونس باستغراب
بس انا اعرف كل اصحاب ابويا وأول مرة اشوف حضرتك
يعقوب ببرود
وعشان أول مرة تشوفني تفضل سايبني واقف علي الباب كدة
يونس وهو يفسح له مجال للدخول
انا اسف. اتفضل
فيدخل يعقوب الي الشقه وينظر في الشقه بمنتهي التركيز والغريب أن عيونه كانت تري ما وراء الحوائط لدرجه ان يعقوب فضل ينظر ناحيه حجرة نرجس الذي كانت نايمه بدون غطاء فيلاحظ يونس نظرات يعقوب لحجرة نرجس فقال له يونس
في حاجه يا استاذ يعقوب
فينظر له يعقوب ويقول بنبرة تخوف
اختك جميله جدا بس ماينفعش تسيبها تنام من غير غطاء لانهم شايفنها
فينظر يونس ناحيه باب حجرة نرجس وهو يظن ان باب الحجرة مفتوح ولكن الباب مغلق فيتجه ناحيه الباب ويفتحه فيجد الغطاء مرفوع عن نرجس اخته فيغيطها مسرعا ويخرج ليعقوب وهو يقول
انت ازاي شوفت اختي والباب مقفول وعرفت ان،،،،،،
فيقاطعه يعقوب ويقول
عايزك تكتب لي كتاب عن قصه حياتي. ابوك كان قال لي انك مؤلف شاطر
يونس بعصبيه
سيبك من اني مؤلف ولا مش مؤلف أنت مين وازا،،،،،،،
فيقاطعه يعقوب قائلا
وهاديك فلوس كتير
يونس بعصبيه
انا بكلمك في ايه وانت بتكلمني في ايه
فينهض يعقوب وبكل غموض يقول
اوعي تبص تحت رجليك يا أخر حفيد لحسان والا هاتموت. هاسيبك ترتاح وهارجع لك تاني عشان الكتاب
ويخرج يعقوب القلم الملعون ويضعه أمام يونس وهو يقول
القلم ده هديه مني ليك عشان تكتب بي الكتاب
فينظر يونس للقلم اللي كان شكله مغري جدا. ولكن خوف يونس جعله لا يمد يدة علي القلم. وينهض يعقوب ويونس يتجه ناحيته ويقف امامه وهو يقول
أنت ليه كدة غامض وكلامك بيخوفني
يعقوب وهو يطبطب علي كتفه وينظر في عيونه
نام وارتاح يا أخر حفيد لحسان. واللي في روحه مفتاح جنه الشياطين. نام وبلاش تحلم عشان حلمك هايكون كابوس مرة وهايكون حقيقه مرة
ويخرج يعقوب من الشقه ويونس مش فاهم ما يحدث والاسئله تدور في ذهنه كتير ويقول لنفسه
الراجل دة كلامه يخوف ليه كدة وأيه حكايه بلاش احلم عشان حلمي هايبقي كابوس وليه ما بصش تحت رجلي هايحصل ايه لما ابص تحت رجلي
وينظر يونس تحت رجليه وهو خائف وفجاة يكسر باب الشقه ويدخل عليه أسد كبير يهجم عليه ويغرز أنيابه في لحمه ويكسر عظامه بأسنانه ويونس يحاول الافلات من فك الاسد وينظر في عيون الاسد فيجد نفسه في صورة رجل عجوز ملتحي ودقنه كبيرة وبيضاء فيندهش ويصرخ يونس صرخه مخيفه وينهض مفزوعا فيجد نفسه في صاله شقته نايم علي الارض ويؤذن لصلاة الظهر وينهج يونس بشدة ويأخذ نفسه بصعوبه ويقول
أشهد أن لا اله الا الله ده كان كابوس فظيع
وينظر بجانبه فيجد ناب من أنياب الاسد اللي هجم عليه وعلي الناب دم وبجانب الناب القلم فيفزع ويبعتد عنهم خائفا. فيرن موبيله فيخرج الموبيل من جيبه وينظر في فيجد رقم غريب يتصل فيرد قائلا
السلالمو عليكم
فترد دليله
يونس معايا
يونس
ايوة انا يونس مين معايا
دليله
انا دليله
يونس باستغراب
دليله.مين
دليله
دليله صاحبه شركه انتاج سينمائي. وقريت ليك كتاب عن قصه حياة واحد أسمه يعقوب اليهودي وعجبني الكتاب وقررت أن اعمل قصه يعقوب دي فليم
يونس وهو مش فاهم حاجه
كتاب ايه انا مكتبتش حاجه
دليله
مستنياك النهاردة الساعه 8 في العنوان اللي هابعته ليك علي الواتس
فتغلق دليله الخط ويونس يقول
الو. الو.
ثم يسمع رنه الرساله فيفتح الرساله ويجد العنوان. وتخرج نرجس من حجرتها وتجد يونس علي الارض وبملابسه فتندهش وتقول
انت قاعد علي الارض ليه كدة. ولابس ورايح فين
فينهض يونس واقفا وهو يقول
لا مش رايح في حته. ده انا بس كنت بصلي
فتتجه ناحيته نرجس وتقول
يونس في واحدة لسه قافله معايا حالا اسمها دليله وقالت لي انها صاحبه جورنال اخبار العالم. وانها عايزاني اكون رئيس مجلس الادارة بتاعت الجورنال. تخيل انا هابقي رئيسه مجلس ادارة
فينظر لها يونس ويقول باستغراب
أزاي كلمتك دليله دي وهي لسه قافله معايا
نرجس بدهشه
انت بتقول ايه.
يونس وهو يمد يدة يقول
وريني الموبيل بتاعك اشوف الرقم اللي اتصل بيكي
فتعطي نرجس الموبيل الي يونس وينظر يونس في الموبيل فيجد نفس العنوان اللي ارسل له ارسل لي نرجس ونفس الرقم اللي كلمه هو اللي كلم نرجس فيقول بدهشه ما بعدها دهشه
العنوان ده هو هو نفس العنوان اللي بعتته ليا دليله
نرجس
يعني أيه
يونس
مش عارف مين دليله دي وعايزا ايه مننا وازاي تكلمك وتكلمني في نفس الوقت
نرجس
لو مش مرتاح بلاش نروح لها
فلايرد يونس ويفكر في اجابه للأ سئله اللي بدور في راسه ويربط بين الاحداث وبعضيها ولا يقطع حبل افكارة الا صوت نرجس وهي تقول
يونس هاتروح لها
فينظر لها يونس ويقول بكل حزم
لا. ،،،،،،،
ويحل. الظلام وتدق الساعه الثامنه ويونس ونرجس لم يذهبوا الي دليله لانهم ياخذون عزاء والدهم واثناء ما كان يونس يقف في أول الصوان ياخذ العزاء تقف سيارة ليموزين احدث موديل و تنزل دليله وتتجه ناحيه الصوان وتقف إمام يونس وتمد يدها لها وسط نظارات أستغراب من كل الحاضرين وتقول له
ازيك يا يونس
فيمد يونس يدة لها ويسلم عليها وهو يقول
أنتي مين
دليله
أنا دليله اللي في بيني وبينك ميعاد دلوقتي
يونس بنظرة عدم اطمئنان
اه. اهلا وسهلا. معلش بقي ماقدرتش اجي عشان عزاء والدي
فتسحب دليله يدها من يدة بسرعه رهيبه وتقول
اللي مات مات المهم مستقبلك ولا أنت مش عايز تكون مشهور
وتدخل الي الصوان فينظر لها يونس باستغراب شديد جدا ممزوجا بالخوف ويقول
عزاء الستات فوق في الشقه
فتنظر له دليله وهي تجلس علي احدي الكراسي
بس أنا عايزا اقعد هنا عشان أفضل شيفاك
فيظل يونس ينظر لها ومش عارف يقول أيه وكل من في الصوان ينظرون لها مش مصدقين ما تفعله، ،،،،،
ومن داخل عزاء الحريم تجلس دليله بجانب نرجس وتقول لها
انا ما حبش أدي ميعاد لحد وما يجيش. وخصوصا اني أنا عايزا مصلحتك
نرجس
النهاردة عزاء بابا وكان لازم اكون هنا
فتضع دليله رجل علي رجل وتخرج عقد وتعطي لنرجس وهي تقول
بابا بابا. بكلمك في مستقبلك وانتي تكلميني علي اللي
مات.
فتنظر نرجس للعقد وتقول
هو ايه ده
دليله
ده عقد شغلك في الجورنال بتاعي وهاتكوني رئيسه التحرير ومع شغلك في الجورنال هاتصوري برنامج في القناة الفضائيه بتاعتي
فتنظر نرجس في العقد مرة اخري. وتفرح بشدة فرصه عمرها جيت لغايه عندها وتضع دليله صباعها علي خانه قيمه العقد والفلوس اللي هتاخدها نرجس وتقول دليله
حطي الرقم اللي عايزاه في العقد هنا
فتلمع عيون نرجس وتقول فرحا
أنا بحلم ولا ده حقيقه
دليله
مش حلم. وعايزاكي كدة تفرحي وتنسي
فتنظر لها نرجس وبدون أي تفكير قالت نرجس
أنا موافقه
فتخرج دليله القلم الملعون وتعطي لنرجس وتقول
خدي أمضي
فتمسك نرجس القلم وينظر لها القلم ويبدا يلتف حول يدها ونرجس تكتب اول حرف من حروف اسمها و،،،،،،،،،،،،
مش هقول. علقو والجو دة. اكتب تقيمك للحلقة من
واحد ل عشرة. حلوة الصيغة دي.
جميله
ردحذفجميلة خ
ردحذف