الهام واللي كان الحلقة الاخيرة

 من جوة قير 

لعشاق الرعب. قصة كاملة. +18

كتابه واقتباس

محمد منصور. منص 

وقبل ما نبدأ القصة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

ازيكم عاملين اية يارب ديما تكونوا بخير . انا جاي لكم بحكاية كاملة مرة واحدة وهي حكاية من جوة قبر. او . رجمان. ودي قصة سمعتها عند احمد يونس لعشاق الرعب وعشاق احمد يونس بالتحديد وحبيت احكيها للي ما سمعش عنها قبل كدة وارشحه القصة دي يبقي يسهر في ليلة ويسمعها. يلا نبدأ الحكاية بطلها واحد تربي اسمه زكريا ابن الحج بسيوني تربي مشهور في المنصورة لكن سنة كبر وبقي زكريا هو الكل في الكل بقي يعرف ازاي يحضر الجبانه اللي هي العين اللي بيندفن فيها الميتين وبدات حكاية زكريا في نفس الليلة اللي اندفن فيها ابن الحج مصليحي واسمه شهاب ووقت ما كان زكريا سهران في الترب بيشرب شاي سمع صوت جاي من الجبانه بيقول. افتح. افتح. خاف اوي زكريا وبص للجبانه وهو مرعوب والصوت عمال بتكرر. ويقول افتح افتح. قام زكريا من مكانه وراح ناحية الجبانه وحط ودانه علي باب الجبانه من برة وقال

مين مين

وسمع نفس الصوت بيقول

افتح افتح.

اتاكد وقتها ان الصوت جاي من جبانه شهاب اللي لسة مدفون من كام ساعه اتصدم وقال لنفسه

معقوله يكونو غلطوا ودفنوا حي. 

ماكدبش زكريا خبر وخد بعضة وجري علي ابوة وقال له علي اللي سمعه قاله ابوه

الترب يا زكريا مليانه اسرار. ومش كل اللي بتسمعه فيها يبقي حقيقة. بلاش تسهر في الترب تاني لوقت متاخر واوعي تفتح العين لاي سبب الا لو صاحب العين عندهم ميت وطلبوا منك تفتحها. الترب اسرار ولكل واحد مات سرة اللي اندفن بي. او تنبش تربه علي ميت

خد زكريا الكلمتين وما اقتنعش اوي وقال لنفسه ابويا راجل كبير وبيفكر بعقلية زمان. اكيد شهاب الدكتور شخص حالته غلط ودفنوا حي. 

وسكت شوية ورجع قال.  

ولا ممكن يكون بيتكلم صح هو برضو اقدم مني في الشغلانه واكيد هو صح. انا احسن حاجة اعملها اخش انام

ونام زكريا في سريرة وعديت الليلة وطلع النهار والفضول خلي زكريا قبل حتي مايفطر يروح عند جبانه شهاب ويخبط علي باب الجبانه تلت مرات لو حد رد كان عنده استعداد يفتح الجبانه وينقذ شهاب لكن ماحدش رد وهنا حس زكريا انه كان غلطان وبيتهايلو. مشي من عند الجبانه. وشاف شغله الطبيعي بتاع كل يوم وبالليل وفي نفس الميعاد يسمع زكريا نفس الصوت جاي من جبانه شهاب وببقول 

افتح افتح 

قام زكريا وراح ناحية باب الجبانه وقال

انت شهاب

لكن الصوت عمال يقول

افتح افتح

زكريا مسك باب الجبانه وهنا سمع صوت ابوه في ودانه بيقول 

الترب يا زكريا مليانه اسرار. ومش كل اللي بتسمعه فيها يبقي حقيقة. بلاش تسهر في الترب تاني لوقت متاخر واوعي تفتح العين لاي سبب الا لو صاحب العين عندهم ميت وطلبوا منك تفتحها. الترب اسرار ولكل واحد مات سرة اللي اندفن بي. او تنبش تربه علي ميت

لكن زكريا صمم يشوف في اية وقال

معلش يا با مش هسمع كلامك المرة دي. حاسس ان شهاب في ورطة ومحتاجني

وفتح زكريا باب الجبانه وهنا لقي شهاب وهو جوة كفنه واقف علي رجلية برق زكريا من الرعب وقال

انت.  

لكنه سمع. اللي بيقول

ارفع الكفن من علي وشي خليني اتحرر

ورفع زكريا الكفن من علي وش شهاب لقي شهاب وشة ازرق ومخيف وش ميت مش حي وجسمة متلج اتصدم. لكن لقي صوت خارج من جوة شهاب وحد بيقول

 انا مش شهاب. انا الجني رجمان مسجون في جسم شهاب. ولو حررتني هكون مدين ليك بحياتي كلها وهحقق لك كل اللي نفسك في

اترعب زكريا وما غير اي تفكير جري ناحية باب الجبانه لكنه لقي باب الجبانه بيتقفل حاول يفتح باب الجبانه ما قدرش وسمع رجمان في الظلمة المخيفة بيقول

حررني او تموت معايا في المقبرة

زكريا بصعوبه من الخوف وهو مش شايف هو بيكلم مين. قال

احررك يعني اية. وافتح باب الجبانه دي. خليني اخرج

رجمان قال 

مافيش خروج الا واحنا الاثنين مع بعض. انا بسبب انسي زيك سخرني لهلاك شهاب. وغدر بيا ورمي علية طلاسم تحبسني بقيت حياتي في الجسم دة. وزي ما سجني انسي لازم يحررني انسي. دة العهد اللي بينا

زكريا قال

روح للي سجنك.

رجمان رد عليه

حررني علشان اروح له. وانتقم منه 

زكريا قال

انا مجرد تربي وماليش في شغل السحر.

وبعد كلام كتير عرف زكريا ان القضية شكلها خسرانه وزي ما فتح باب الجبانه لازم يفتح باب الحرية قدام رجمان علشان يسيبة يخرج من الجبانه وفعلا جاب زكريا قطة سوداء وقطع صباع شهاب الكبير وبدأ يخلي القطة تاكل الصباع دة بالعافية زي ما طلب منه رجمان وبدأ يقول طلاسم خاصة بعالم الجن. واتنقل رجمان من جسم شهاب لجسم القطة وبدات القطة تتكلم وتقول

بعد خروجي من جسم شهاب هحتاجك لمدة 40 ليلة. تجيب لي اكل. لغاية ما جسمي يتعافي من اللي حصل في واقدر اجيب لنفسي طعام

ومشي رجمان وزكريا مشي وكل واحد راح في طريق ورجع ليلتها زكريا لوالده وفكر كتير انه يحكي له لكن خاف يحكي ويقول علي اللي حصل ودخل نام وسط استغراب من ابوة وامه. وبعدها بساعه بالظبط يصحي زكريا علي عضة. في رجله من سنان القطة السوداء اللي دخل فيها رجمان اتوجع زكريا وبص لقي القطة بتشرب في الدم اللي نازل من رجله جاب زكريا قماشة وغطي رجله ومنع نزول الدم هنا رجمان بانت عيونه من خلال عيون القطة وقال

سيب الدم ينزل. انا جعان

زكريا 

انت مجنون اسيبك تشرب دمي

كبرت القطة اوي واتحولت لاسد صغير بس اسد اسود وقال رجمان بصوت مخيف

منعت دمك عني. ادور علي دم اللي انت من صلبه. بس المهم اروي عطشي

وخرج رجمان من اوضة زكريا قام زكريا بسرعه وجري ناحية اوضة والدة علشان يلاقي رجمان هيغرز انيابة في رقبه عم بسيوني ابوة زكريا. صرخ في زكريا وخلاه يبعد عن ابوة صحي عم بسيوني علي صرخة زكريا وبص لابنه وقال 

زكريا بتصرخ لية كدة

ما بقاش عارف يقول اية. يقول الحقيقة ويعرف ابوه باللي عملو وانه كسر كلامه وفتح المقبرة وكان السبب في خروج شيطان ولا يسكت ويشوف ازاي يقدر يتخلص من الشيطان دة بس هيقدر عليه ازاي لوحده. وهنا سمع صوت ابوه تاني بيقول

زكريا مالك

ماردش وخرج من الاوضة وراح وراء منه ابوه وحاول يعرف في اية. لكنه زي ما راح الاوضة مش عارف في اية خرج من الاوضة وهو مش عارف في اية. وبمجرد ما خرج ظهر رجمان في صورة القطة السوداء وبص ل زكريا وقال

شايف بغبائك كنت هتعمل فينا اية. هو انت فاكر انك لما تكشفني قدام ابوك انا هسيبك تعيش حياتك متهني

ما بقتش طايق صوته في وداني وقولت له

بقي هو دة جزاتي اني حررتك 

ضحك وقال بخباثة 

وهو انا بس اذيتك في. اية انا من الجن اللي بيعيش علي الدم وعضم الحيونات وعلشان اعيش لازم اشرب دم الكفيل بتاعي او دم اهله وانت الكفيل بتاعي

اتعصبت وقولت بعصبية

انا مش كفيلك وابعد عني احسن. انا طلبت اني احررك وانا حررتك واكتر من كدة مش هقدر اعمل لك

لكنه قرب مني وبدا يخرج من صورة القطة لصورته الحقيقة كان النص اللي فوق شكل خنزير احمر والنص التاني نص انسي وقال

اخر كلام. اوهب لي الدم اللي يخليني اعيش وانا اسيبك تعيش ولو رفضت اهلك هيدفعوا الثمن

خوفت من المنظر اللي انا شايفة ولقيت نفسي بقول له

خد الدم اللي انت عايزه مني انا. وابعد عن اهلي

وبدا يغرز انيابة في رقبتي ويسحب الدم كل يوم علي كدة لغاية ما بان علي جسمي الضعف ووشي بدا يصفر وكل ما اقف علي رجلي احس اني دايخ وهقع من طولي ابويا شاف حالتي منعني من الشغل وكان ياخدني يوديني المستشفي بس اروح المستشفي ويتفضح امري ما الدكاترة هتعرف اني بقي عندي فقر دم. ما اللي بيسحبة مني رجمان مش قليل. وفضلت اقول لا. لغاية ما وقعت من طولي وجري بيا ابويا علي المستشفي وهناك اتعلق لي كمية محاليل واكياس دم. تعوض اللي خسرته وكانت حالتي في المستشفي سيرة في بوق كل الدكاترة وخصوصا ان كل الاشعة والتحاليل اثبتت اني ما عنديش اي مرض يسبب فقر الدم لكن انا عارف وانتم عارفين اية سبب اللي عندي دة. وجة الوقت اللي متعود في يظهر رجمان ويطلب الجرعة بتاعته من الدم وظهر لي في صورة القطة السوداء وبص لي وانا كنت ببص له ومش قادر اتكلم ولا قادر اتحرك وهنا سمعت صوت صرخة امي اللي كانت قاعدة معايا في الاوضة علشان تخدمني لو عوزت حاجة بصيت ناحيتها ولقيت الدم نازل من رجليها ورجمان تحت الدم بيشرب اللي بينزل من امي ورغم ان امي بتحاول توقف الدم لكنها ماكنتش عارفة والدم بينزل والخبيث رجمان بيشرب ما قدرتش استحمل المنظر ومش قادر حتي اعمل حاجة وعيط بحرقة وقولت.

انا السبب انا السبب. سامحيني يا امي

وعديت الايام وبدات اتعافي وابقي كويس وصحتي رجعت تاني لكن في المقابل كانت صحة امي في النازل بسبب الدم اللي كانو بياخدوا منها رجمان واتحجزت امي في المستشفي واول ما قدرت امشي روحت للمقبرة اللي بدات من عندها حكايتي مع رجمان وقال له بتهديد 

انت تبعد عن امي خالص وتبعد عني انا كمان والا

لكن رجمان مداش فرصة ل زكريا يكمل كلامه وقاله

من غير تهديد انا مستعد اعمل لك اللي انت عايزه بس توفر لي جسم اعيش جوة منه ووقتها مش هحتاج نفس كمية الدم اللي باخدها وانا برة الجسم دة.

قاله زكريا

دي مشكلتك انت وتحلها بعيد عني.

رجمان

حل مشكلتي هو حل لمشكلتك. موافق الصفقة تتم 

زكريا

صفقة اية

رجمان

اعيش جوة منك. وابعد عن اهلك او اعيش برة منك وافضل اتغذي علي دم اهلك

زكريا

وان قولت انك لا تعيش جوة مني ولا هتعيش علي دم اهلي

رجمان

مافيهاش لا. فيها انا اخترت. والاختيار بتاعك

وسابو رجمان ودخل القبر وهو بيقول

هستني ردك النهاردة بالليل

ومشي زكريا وهو مبقاش عارف يعمل اية لكنة قرر يروح لابوه ويحكي له علي الحكاية كلها. وفعلا وقف قدام ابوه ولسة هيتكلم شاف دم نازل من دماغ ابوة ورجمان في صورة القطة بيشرب من الدم دة. جري بسرعه زكريا وكتم الدم عن ابوه وبص لرجمان وقال

عيش جوة مني وابعد عن اهلي

ابتسم رجمان ابتسامه الشيطان وقال

النهاردة قبل الفجر. تكون في المقبرة ومعاك جثة عيل صغير مدفون من تلت ليالي  

وفعلا وبما ان زكريا عارف كل المدفونين في الترب قدر ينبش قبر طفل ميت من اربعين يوم وراح بي للقبر اللي عايش في رجمان وبدا رجمان يكسر عضم الطفل دة ويرمي تحت رجل زكريا ويقول

قول وريا الطلاسم دي

وبدأ رجمان يقول طلاسم كلها كفر واستدعاء لارواح ماتت وتحضير ملوك من الجن السفلي وكلام كتير وزكريا بيقول وراء وهو فاكر انه كدة بيحمي اهله وبعد ما انتهت شعائر الكفر طلب رجمان من زكريا انه يدوس برجلة في بطن الطفل الميت ماكنش عايز زكريا يعمل كدة لكنه عملها وغصب عنه داس زكريا برجلة في بطن الطفل الميت وحس باحشاء الطفل بتلف حوالين رجل زكريا. وبعدها حس بنار بتجري في عروق جسمة وحمل تقيل بقي في اخر سلسة ظهرة وهنا سمع رجمان بيقول

في الاول بس هتحس بتعب لكن بعد كدة هتتعود

ولفت الايام وزكريا جوة منه رجمان. ورجمان بياخد الدم اللي بيحتاجة من جسم زكريا. بس الغريب ان حاله ام زكريا ديما كانت في النازل ورغم انها متعلق لها تحاليل واكياس دم لكن دمها كان ديما في النازل استغرب زكريا وبدا يشك في رجمان وكانت وسيلة الاتصال بين الاثنين ان زكريا يقف في المرايا وساعتها هيشوف رجمان. وراح وقف قدام المرايا وقال

امي حالتها في النازل

رجمان

شوف مين بيشرب من دمها

زكريا

انت هتستعبط. ما فيش غيرك يعملها

رجمان

هو انا بس اللي مصاص دماء هنا.  

زكريا

تقصد اية

رجمان

انت كمان بقيت مصاص دماء. انت ناسي الطلاسم اللي جمعت بيني وبينك 

زكريا اتعصب وقال 

كذاب. وملعون. انا مستحيل اعمل كدة في امي 

ساعتها بص رجمان بطرف عينه ناحية مرايا تانية موجودة في الاوضة وانطفي نور الاوطة تماما. ووقتها شاف زكريا نفسه وهو ماشي علي حوائط المستشفي المحجوزة فيها امه بيمشي زي اي حيوان علي ايدية ورجلية ودخل من شباك الاوضة المحجوزة فيها امه وراح ناحيتها وبدأ يمص دمها لكن الغريب فعلا ان الجرح اللي بيسببه عضة زكريا او رجمان ما بيبقاش لي اي اثر علي الجلد بعد نهاية شفط الدم. صرخ زكريا والنور رجع تاني للاوضة وبص ل رجمان في المرايا وقاله بتحدي 

دي تالت مرة تخدعني فيها. وبكدة انت حكمت علي نفسك بالنهاية

ضحك رجمان وقال

نهايتي دلوقتي معنها نهايتك. ولا نسيت الربط اللي تم بينا. نصيح،،،،،،،،،،

لكن قبل ما يكمل رجمان كان زكريا مكسر ازاز المرايا بايدة وخرج من الاوضة وراح علي ابوه وحكي له علي كل حاجة حصلت. وفضل رجمان ينفخ في ودانه لهيب ويقول

هتحرقنا احنا الاثنين بغبائك هتحرقنا

لكن زكريا كان ديما بين الجملة والتانية يقرأ اية الكرسي ويصرخ رجمان ويصرخ وزكريا بيحكي وبيحكي ووقتها ابوه بسيوني خده من ايده وراحو للشيخ عصام شيخ الجامع واللي معروف عنه التقي وعلاج السحر وابطال المس الشيطاني بالقران وحكي له بسيوني كل الحكاية. قرب عصام من زكريا وبص في عيون زكريا اوي. وقال بصوت حازم

اظهر وكلمني لو كنت راجل

وكان يقصد انه يستفز رجمان لكن رجمان ما ظهرش شرب الشيخ عصام شوية مية مقري عليها قران وبخ المية في وش زكريا وصرخ زكريا او علشان اكون دقيق صرخ رجمان وهنا ظهر رجمان في عيون زكريا وشافو عصام وقال 

ما كان من الاول

اتحول صوت زكريا لصوت رجمان وقال

اطلع منها انت والا هقتله

عصام

تعرف تقتل يا رجمان. مش دة اسمك برضو.

وبخ عصام مية تاني في وش زكريا وصرخ زكريا وقال رجمان

ابعد عني

وبدأ يكسر زكريا في عضم صوابعة بنفسه لدرجة ان زكريا حط ايدة في بوقة فقال عصام

باين عليك مش هتخرج بالذوق

وحط عصام ايدة في جيب عبايتة وخرج سلسلة مكتوب عليها اسماء قبيلة رجمان وحط السلسلة قدام عيون رجمان وقال

طبعا عارف الاسامي دي. كلهم كانو قبلك وقدرت عليهم باذن الله. وحرقتهم. وفيهم ملوك مش انت يا صعلوك يا خادم

رجمان

هطلع بس انا علشان اعيش لازم ادخل اي جسم انسي تاني

عصام

بس كدة سهلة

وبص عصام ل زكريا وقال

خدني للقبر اللي طلعته منه

وراحوا كلهم للقبر وبمجرد ما وصلو للقبر قال رجمان

فين الانسي اللي هدخل في جسمه

عصام

مالقتش غير جسم كلب ميت. يليق بيك

ومد عصام ايدة ومسك شوية من تراب القبر ورمي التراب علي وش زكريا وفي عيونه. ومسك دماغ زكريا اوي وبدأ يقرا القران وزكريا يصرخ ويصرخ ويصرخ لغاية ماخرج دم اسود من بين صوابع رجله الشمال والدم فضل يمشي علي الارض لغاية ما دخل جوة بطن الكلب الميت ورجمان بدأ يطلب الرحمة لكن عصام حرق جثة الكلب وجوة منها رجمان وبص ل بسيوني اللي كان ساند زكريا اللي وقع من طوله وقال عصام

ما تقلقش عليه هيبقي كويس خلاص. والحمد لله قدر ولطف.  

وتعدي الايام وزكريا يتعافي وامه تتعافي وتخرج من المستشفي وترجع ايامهم زي الاول. بعيد عن شر رجمان. واهو درس كبير اوي واتعلم منه زكريا. ان لكل قبر سر اتقفل بمجرد ما دخل القبر دة صاحب السر.   

يارب تكون القصة عجبتكم ولو حبيته فكرة اقتباس قصص احمد يونس عرفوني وانا ابقي اسرق لكم واحدة تاني. مستني رايكم في القصة. سلام