أحية دة بيتكلم
★الحلقة الخامسة★
والاخيرة
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن داخل شقه فيصل يجلس فيصل وامامه كلا من سامح وسرحان وفيصل يقول
انا هافهمك كل حاجه لاني انا السبب في كل اللي بيحصل ده
سامح بلهفه
ياريت بسرعه يا فيصل بيه عايز ألحق اختي من ايد اللي خطفوها
فيصل
من 15 سنه ماتت رشا مراتي في حادثه وادمرت انا نفسيا لاني كنت بحبها جدا وكتير فكرت في اني انتحر عشان احصل رشا وارتاح لكني كنت برجع علي اخر لحظه واخاف من الموت لغايه ماقبلت تاجر تحف وتماثيل نادره اسمه سليم وبقي صديقي وصاحبي وعرف حكايتي وقد ايه موت رشا قصر فيا فقال لي، ،،،،،
ونرجع بالذكريات الي جلسه فيصل مع سليم في مكتب سليم وسليم يقول لفيصل
انا في ايدي احضر لك روح رشا مراتك وندخلها جوه جسم واحده تانيه وتفضل عايشه معاك بروحها
فيصل باستغراب
انت بتقول ايه. هو في حاجه زي كده
سليم
جرب ومش هاتخسر
ويفتح سليم باب من الابواب الخفيه ويخرج تمثال الرجل العجوز الذي كان عند فيصل في الشقه ويقول سليم وهو يضع يده علي التمثال
ده تمثال الروح اللي نحته عالم روحاني من المغرب واللي عن طريقه تقدر تحضر اي روح انت عايزه وتخش الروح دي جوه اي جسم وتعيش
فيصل وهو ينظر للتمثال ويقول باستغراب شديد
معقوله الكلام ده
سليم
لو حابب تجرب انا تحت امرك
فيصل
وايه المقابل
سليم
الروح هتختار حته من جسمك تكون ليها وملكها
فيصل
يعني ايه الكلام ده
سليم
يعني عشان روح رشا تحضر لازم تقدم شي غالي عليك وبمجرد من يتم وتوافق تحضر روح رشا وتعيش معاك اللي فاضل من حياتك
فيصل
يعني دلوقتي لو انا قولت لك انا عايز روح رشا مراتي تحضر لازم عشان تحضر تخده حته من جسمي
سليم
ايوه
فيصل
وانا موافق بس روح رشا تحضر الاول وساعتها خده اللي انتو عايزينه
سليم
تمام. بس خلي بالك روح رشا لم تحضر مش هاتقدر ترجع واللي هتختاره الروح من جسمك هيكون ملكها مش ملكك
فيصل
وانا موافق
ويطفي سليم كل انوار المكتب ويبدا في بدا مراسم تحضير روح رشا وتحرك التمثال وبدا يلف خلف نفسه بمنتهي السرعه ويخرج منه اشياء غريبه تشبه السراب والضباب الي ان تخرج من التمثال روح رشا فينظر فيصل الي روح رشا ويقول فرحا
رشا حبيبتي
ويحاول الاقتراب منها ولكن سليم يمنعه ويقول
ماتقدرش تقرب منها الا لما الروح تمتلك حته من جسمك
فيصل وهو ينظر لرشا فرحا
وانا موافق شوف الروح عايزا ايه
فينظر سليم الي التمثال فينظر التمثال ناحيه عيون فيصل فينظر سليم الي فيصل ويقوم بنزع عيونه ويصرخ فيصل وتدخل روح رشا في جسم غير جسمها، ،،،،،،،،
ونرجع الي وقتنا الحالي وفيصل يتحسس عيونه ويقول لسامح
ومن ساعتها وانا اعمي وعاشت معايا روح رشا في جسم غير جسمها وكان ديما التمثال يكلمني وماحدش مصدقني
وهو اللي قال لي ان سليم ده هو اللي حضر الروح الخبيثه دي لكن الروح قررت تتمرد عليه وتهرب من سيطرته عليها وخليته ينسي السلسه اللي حضر بيها الروح حوالين رقبه التمثال وعشان كده لعب سليم لعبه وسخه علي الباشا اللي مراته وبنته ماته بسبب حادثه دبرها سليم ليهم عشان يخلي الباشا يتعشم في التمثال انه هايرجع بي الزمن ويمنع الحادثه اللي حصلت لعيلته وكان ديما سليم بيحسس الباشا انه هو السبب في موتهم بسبب لعبه لعيبها مع الروح لكن الباشا كان بيتاجر في المخدرات وقبل ما يوصل للتمثال اتقبض عليه واتسجن 10 سنين وطلع من السجن وبدا يسعي وراء التمثال
سامح
طيب وليه سليم ماجاءش هنا وخد التمثال اللي في الروح اللي هو حضرها
فيصل
مايقدرش
سامح
ليه مايقدرش
فيصل
لانه لو شاف التمثال تاني هايموت
سامح
مش فاهم
فيصل
الروح عشان تحضر خلت سليم حياته تمن ظهورها في حاله ماهي تقدر تهرب منه وفعلا هي قدرت و هربت منه وخليته بايده يتخلي عن السلسه اللي يقدر يتحكم فيها عن طريقها
سامح
وليه الروح هربت منه طالما هو اللي حضرها
فيصل
عشان يتولد المخلوق اللي جوه التمثال ده وتعيش الروح جوه منها وماحدش يقدر عليها وتتحكم في اي انسان ويكون طوع ليها عشان كده لازم السلسه ترجع تاني حوالين رقبه التمثال وتفضل هي والمخلوق اللي تابعها محبوسين او تتحرق السلسه وساعتها هاتحرم من رشا
سرحان
عارف لولا اني لسه مصتبحتش كنت قولت ان الحشيش اللي بشربه حمضان
سامح
طيب اختي ذنبها ايه في الحوار ده كله
فيصل
ذنبها ان سرحان اخوها سرق الموبيل بتاع جنزير والموبيل كان عليه الفيديو اللي ظهر في التمثال
فينظر سامح الي سرحان بمنتهي الغضب فيقول سرحان
وانا كنت اعرف منين ان الموبيل هايجي من وراء كل المشاكل دي انا كنت جاي ليك ولقيت حادثه في الشارع وجنب التاكسي المقلوب موبيل شكله حلو وباين عليه انه غالي روحت واخده
سامح
طول عمرك فالح
ثم ينظر سامح الي فيصل ويقول
طيب دلوقتي يا فيصل بيه انا اقدر انقذ اختي ازاي
فيصل
ماتخفش علي اختك الروح هاتحميها من اي اذي وانا هاديك عنوان الباشا وهاتروح له وتعمل اللي هاقول لك عليه بالظبط،،،،،
ومن داخل قصر الباشا وسليم كل مايقترب من عيون سميره يده تتوقف وتتشل فيبتعد عنها وهو ينظر لها باستغراب فيقول له الباشا
ايه يا سليم مش قادر تخلع عينيها ليه
سليم وهو ينظر له
كل ماقرب منها الروح بتشل أيدي وتمنعني من اني اخلع عينيها
الباشا
طيب وبعدين الوقت بيعدي وهي بتتحول لتمثال وساعتها عيونها هاتكون من حجر ومش هانقدر نشوف السلسه
سليم
مش عارف في ايه اللي بيحصل ده غريب
الباشا
يعني ايه مش هاقدر ارجع مراتي وبنتي
في هذه اللحظه يسمعوا صوت خبط علي الباب فينظر سليم الي الباشا ويقول سليم
انت مستني حد
الباشا
ابدا
فينهض الباشا ويذهب ناحيه الباب وينظر من عين السحريه فيجد سامح واقفا ومعه سرحان فيفتح الباشا وينظر لهم ويقول
انتو مين
سامح
انا سامح وده سرحان اخوات سميره اللي انتوا خطفتوها
الباشا
اه. انتوا عرفتوا عنواني ازاي
سامح
من التمثال
فيقف سليم امام سامح وينظر له ويقول
انت التمثال اتكلم معاك
سامح
ده صاحبي الانتيم ده حتي كمان قال لي انك انت السبب في موت مرات الباشا وبنته
فينظر الباشا الي سليم غاضبا ويقول سليم وهو ينظر الي الباشا
اوعي تصدقه ده كداب
سامح
لا. انا مش كداب مش انت اللي حضرت الروح الخبيثه دي واللي بسببها قررت انك تدخل الباشا وعيلته في لعبه وسخه عشان تقدر ترجع الروح اللي هربت منك
الباشا
انت ياسليم وراء كل اللي حصل ده
سليم
لا لا لا. ده كداب
سامح
لا مش كداب وانا هاثبت لك يا باشا
ثم ينظر سامح الي سرحان فيمسك سرحان سليم بقوه وسليم يحاول الافلات منه وهو يقول
اوعي سيبني
ولكن سرحان يتمكن منه تماما وبكل قوه حتي يذهب به ناحيه. سميره ويمسك راسه ويقرب عيون سليم من رقبه سميره فيصرخ سليم ويحاول الافلات من سرحان ولكن الدم ينزل من عيون سليم بلارحمه حتي تظهر سلسه الروح حول رقبه سميره ويتحول سليم الي تمثال من حجر بطريقه مخيفه وينزع سامح السلسه عن رقبه سميره وينظر الي السلسه ويحاول الباشا خطف السلسه من يد سامح ولكن سامح يبعدها عنه ويقول
لا يا باشا السلسه دي لازم ترجع مطرحها
فيخرج الباشا مسدسه ويصوبه ناحيه سامح ويقول له.
هات السلسه والا بموتك
سامح
عايز السلسه يبقي تسيب اختي واخويا يمشوا من هنا وانا هاديك السلسه
الباشا
ماحدش هايخرج من هنا الا لما اخد السلسه وارجع مراتي وبنتي
سامح
اللي راح مابيرجعش اعقل يا باشا
الباشا
هايرجع ولو دفعت فلوسي كلها لازم يرجعوا
سامح
استغفر ربك. وسيبني اخلص من السلسه دي واخلص الناس من شرها
الباشا
هات السلسه والا ضربتك بالنار
ويستعد الباشا لاطلاق النار علي سامح ولكن سرحان يخرج المطواه الخاصه به ويفتحها و يطير ناحيه الباشا فتخرج الرصاصه من مسدس الباشا وتاتي في كتف سرحان ولكن سرحان يسقط فوق الباشا ومطواه سرحان مغروزه في قلب الباشا فيتالم الباشا بشده ويسقط المسدس من يده ويموت وسامح يتجه ناحيه سرحان ويقول وهو خائفا عليه
سرحان انت كويس
سرحان بصعوبه والدم ينزف منه
انا كويس والحمد لله. شوفتني وانا بطير حركه صايعه عشان بس تعرف العيله اللي مافيهاش صايع حقها ضايع
فيضحك سامح وهو يحاول ايقاف نزيف سرحان ويطمئن علي سميره، ،،،،
وبعد ان ترجع سميره الي البيت وسرحان يحجز في المستشفي يرجع سامح الي شقه فيصل ومعه السلسه وكان فيصل يجلس ورشا علي قدمه وهي لاتزال تتحلل فيسمع فيصل صوت سامح فيقول فيصل بلهفه
سامح جيبت السلسه
سامح
السلسه معايا بس مش هاترجع للتمثال
فيصل
انت بتقول ايه
سامح
بقول ان الروح دي المفروض اننا مانستهاش منها تحقق لنا اي حلم دي وهم كبير واحنا المفروض منأمنش بيها
فيصل
والمخلوق اللي هايطلع من التمثال
سامح
فيصل بيه انت عايز السلسه ترجع حوالين التمثال عشان تفضل روح رشا عايشه معاك
فيصل
لا. انا،،،، ،
سامح مقاطعه له
بلاش تضحك عليه انا عارف انك بتحبها اوي بس خلاص ماتت ولازم تعيش وتصدق انها ماتت وتستغفر ربك انك اعترض علي قضاه ولجات لروح خبيثه واستانت منها انها تغير لك القدر اللي كتبه عليك ربنا
فيصل وهو متأثر بكلام سامح
سامح، ،،،،
سامح مقاطعه له
استغفر ربك واسمح لي اني احرق السلسه دي واحرق الروح الخبيثه اللي انت متعشم فيها كل خير
فيصل وهو يبكي
استغفر الله العظيم. سامحني يارب
فيرمي سامح السلسه علي الارض ويشعل فيها النار وتحترق السلسه ويحترق المخلوق الموجود بداخل التمثال وتتحول رشا الي تراب يطير في الهواء وتمر سنه ويموت فيصل بعد ان حج بيت الله وقبل ان يموت كتب الشقه باسم سامح وتزوج سامح من سماح وعاش الاثنين في شقه فيصل، ،،،،،،،،
النهايه
يارب تكون عجبتكم
جميله
ردحذفجميلة جدا
ردحذف