القلم
★الحلقة العاشرة★
الاخيرة
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
اعملو متابعة لصفحة حكايات منص ومي وتابعوا هناك كل القصص الجديدة
ومن داخل قصر الملك غيور يجلس كاهل مع عدنان ومعهم ورد ووعد وجولنار وتقول ورد
عشان كدة احنا كنا مسافرين لقريه سام
جولنار
ياريت يا ولدي تمدنا بالجنود والذهب عشان رحلتنا لقريه سام
كاهل
مستغرب امرك يا جولنار انت ازاي واقفه بجانب ورد
جولنار
اللي عملته ورد مع ابني يستاهل اني اكون في صفها مش ضدها
كاهل
وانا كمان هاكون في صفها وهاساعدها لغايه ما توصل لابنها وتخلصه من اللي صابه، ،،،،،
ومن امام بيت مهجور يجلس غيور شارد حزين كل اللي بيفكر في القلم فيظهر له كهنان ويقول بخبث الشياطين
مالك يا غيور ليه قاعد حزين
فينظر له غيور ويقول
أنت تعرفني. طيب لو تعرفني ما تعرفش فين حسان اللي معه القلم
كهنان
حسان كلها يومين بالتمام ويوصل لقريه سام
غيور وهو يقف مسرعا يقول
قريه سام.
ويركب غيور حصانه وينطلق به مسرعا الي قريه سام فينظر له كهنان ويقول
روح لمصيرك الاخير. ،،،،،،،
ومن امام بوابه مملكه غيور يستعد موكب به حوالي 1000 جندي وطعام وبه عدنان وورد ووعد وجولنار وساهر وراهشان كلهم متجهين الي قريه سام الي مكان المعركه الاخيرة لارجاع حسان ويتحرك الموكب وويودعهم الملك كاهل وبعد ما ينصرف الموكب يدخل الملك كاهل الي قصر غيور ليستعد هو الاخر لينصرف ومعه الجنود بعد ان جعل المملكه عبارة عن حطام واثناء ما هو في القصر يدخل كهنان الي مجلسه ويقف أمامه خائفه ويقول
مولاي الملك كاهل
فينظر له كاهل ويقول
في ايه يا كهنان
كهنان
حسان هنا في القصر وجاي عشان يقتلك يا مولاي
كاهل بغضب
حسان ابن ورد عايز يقتلني انا
كهنان
ايوه يا مولاي.
كاهل
وليه عايز يقتلني.
كهنان
عشان يكون ملك بلاد فارس
كاهل ضاحكا
الصعلوك حسان فاكر انه ممكن يكون ملك علي بلاد فارس.
فيسمع صوت حسان يقول
حسان مش صعلوك حسان هايكون ملك كل الملوك
ويمسك كاهل بطنه بشدة ويتالم ويصرخ ويشق قميصه من شدة الوجع وينظر فيجد راس حسان تخرج من جسمه ثم يد حسان باقي جسمه والقلم في يد حسان يقطع به لحم كاهل ويكسر عظامه . ويخرج حسان من جسم كاهل وينظر كاهل ويتالم ولكنه لا يتكلم حتي تخرج روحه ويموت. كاهل علي يد حسان. وينظر حسان الي كهنان فيقول له كهنان
مولاي حسان
حسان
كهنان يالا بينا علي قريه سام.،،،،
ومن علي الجمال الذاهبه الي قريه سام تجلس راهشان وتنظر الي ساهر وتقول له
انا مش عارفه اشكرك ازاي انت انقذت حياتي من أيد الجان
ساهر بنظرة أعجاب
ما فيش بيني وبينك شكرا. أنا حاسس من ساعه ما شوفتك اني اعرفك من زمان. كنت ديما بشوفك يوم ما يكتمل القمر ويبقي بدر
راهشان بكسوف
أنت بتحرجني بكلامك ده.
ساهر ضاحكا.
انتي فعلا قمر في يوم تمامه
فيحمر وجه راهشان وتزداد جمال علي جمال وساهر ينظر لها ويتمناها حبيبته وهي تنظر له وتتمنا حبيبها ويظلو في الطريق الي قريه سام الي ان يحل الظلام وتقف القافله في مكان ما في الصحراء وتنزل راهشان من علي الجمل وتذهب ناحيه بحيرة وتجلس امام ماء البحيرة وتنظر للماء وترفع عبايتها قليلا وتضع رجليها في البحيرة فيراها من بعيد ساهر وكل من في القافله نام فيظهر له غراب ويقول
حلوة راهشان
فينظر ساهر لغراب ويفزع ويقول
أعوذ بالله انت مين وظهرت لي ازاي
غراب
انا ملك الحب والغرام بظهر لكل انسي الحب بيتمكن من قلبه وأنت بتحب يا أنسي يا غلبان
ساهر وهو ينظر لراهشان
الا بحب. ده انا دايب في حلاوة عينيها وجمالها
غراب
طيب مستني أيه
ساهر وهو ينظر لغراب
تقصد ايه
غراب وهو يلف حوالين دماغه دخان كثيف يقول
قوم أشرب من جمالها واتمتع بيها
فيدق قلب ساهر بشدة وينزل من فوق الجمل ويتجه ناحيه راهشان الذي كان يجلس بجانبها غراب ويلف نفس الدخان الكثيف حول راسها وتنظر راهشان الي ساهر وتتجه ناحيته وياخذها في حضنه وتنادي ورد علي ساهر لكي تطمئن عليه ولكن غراب يقف امامها فيبان بالنسبه لورد صحراء ورغم انه تنظر لساهر وهو في حضن راهشان ولكنها لا تراهم بسبب سحر غراب وينظر غراب الي ساهر وراهشان وهم يقعوا في الخطئيه ويفعلوا اول ذنب لهم فيظهر كهنان ويقف امام غراب ويقول
سيدي غراب
غراب بغضب
ايه اللي جابك هنا يا كهنان انت دلوقتي المفروض تكون مع حسان في رحلته لقريه سام
كهنان
اللي جابني اني شوفت ساهر مع راهشان والغريب ان انت اللي خليتهم يرتكبوا اول ذنب وبكدة ماحدش فيهم هايقدر علي حسان والقلم هايفضل متحكم في حسان وهو اللي هايحكم مملكه النار وهايحكم الارض كمان. ودة ماكنش اتفقنا مع ليل. سيدي غراب أنت معاهم ولا ضدهم
غراب ضاحكا
أنا عايز القلم. والقلم هاعرف ازاي اخدة من حسان
كهنان
ازاي تاخدة من حسان وانت خليت ساهر وراهشان يرتكبوا خطئيه الزنا
غراب
لما نروح قريه سام هناك هاتكون نهايه حسان وكل اللي راح لقريه سام هايموتو كمان
كهنان باستغراب
مش قادر أفهمك يا سيدي غراب
غراب
ماتستعجلش يا كهنان النهايه قربت والقلم هايكون ملكي زي ماكتير اتمنيت
كهنان باستغراب اكتر واكتر
سيدي غراب القلم كان ملكك فعلا وانت اللي ورثته لحسان
فينظر له غراب ويقول بعصبيه شديدة
كهنان كفايه أسئله وارجع لحسان وانقل لي اخبارة
فينطلق كهنان راجعه الي حسان وهو بيسأل نفسه. كذا سؤال وكلهم عن غراب ومايفعله، ،،،،،،
وبعد مرور كام يوم تصل ورد ومن معها الي قريه سام قريه الفقر والجوع القريه اللي مش بيعيش فيها الا شخص واحد وهو الشيخ داود وتمشي ورد في القريه. هي ومن معها وهم في حاله من الذهول وتقول وعد
غريبه القريه دي مافيهاش حد خالص
جولنار
صحيح فين أهل القريه دي
فيخرج لهم الشيخ داود وهو أخر شيخ في القريه ويقول وهو ينظر لهم بدهشه
انتو مين
ورد
احنا ناس أغراب وجائين هنا عشان ننقذ اول طفل واخر شيخ في قريه سام
الشيخ داود
هو انتم. ده انا مستنيكم من زمان
ورد
هو انت مين. وليه القريه فاضيه كدة
الشيخ داود
انا اول طفل في قريه سام واخر شيخ في قريه سام والقريه فاضيه كدة بسبب الملك الظالم حسان اللي قتل وحرق كل اهل القريه ومارحمش لعجوز ولا طفل ولا امراة الا انا الوحيد اللي فضلت عايش ومستني اليوم الاخير اللي في القلم اما يحكم أو يتحرق ونرتاح من شرة
عدنان
باين من كلامك أنك بتحكي علي احداث حصلت في الماضي ازاي ده كله يحصل وحسان لسه أبن 15 عام
الشيخ داود
هو مين اللي أبن 15 عام الملك حسان مات وهو عمرة 1000 عام. وهو اللي حرق ودمر القريه من زمان.
ويضع الشيخ داود يدة علي الارض فتظهر امام الجميع شاشه كبيرة وتعرض مشهد لحسان وهو يركب حصانه وسط جنودة ويقتل ويحرق كل من يقابله ودفن كل اهل القريه في مقبرة جماعيه وجاء لغايه الشيخ داود وحاول أن يقتله ولكن الشيخ داود وقف امامه ولم يهتز وحاربه بكل شجاعه لان الشيخ داود رجل بلا ذنوب ولذلك فهو اقوي من حسان ومن معه لانهم كانوا مذنبين وهرب حسان من امام الشيخ داود وهو يقول
هاقطع راسك يا داود ومسيري هارجع لك بقلم مملكه الجان وهاكون حسان بلا ذنوب و ابن ملك من الملوك. وهاخلص عليك. موعدنا في اليوم الاخير والقلم حكمه عليك بيصير . ،،،،،،،
ويرفع الشيخ داود يده عن الارض فترجع الارض كما كانت وكل من شاهد الفيديو مصدوم ويقول عدنان
يبقي كدة روح الملك حسان امتلكت القلم وخليت القلم يمتلك حسان ابن ورد ويبقي هو الملك حسان الظالم
الشيخ داود
اكيد الملك حسان. وهب روحه للقلم والقلم طمع في الروح وقرر يكون لي تابعين ومايكنش تابع لحد وملقاش اطهر من جسم حسان اللي ورث القلم من غراب
ورد
يعني القلم هو اللي اختار حسان من وهو طفل
الشيخ داود
القلم هو اللي كان بيتحكم في غراب ماكنش غراب اللي بيتحكم في. القلم اختار يكون ملك الجن والانس الروح الانسيه خليت القلم يطمع ويكون انسان في اسوء صور
الانسان
وفي هذة اللحظه يخرج حسان من تحت الارض زي الدود ويقف امام الشيخ داود ويخرج القلم من يدة ويستعد لغرز القلم في قلب الشيخ داود ولكن غيور يقف خلف حسان ويضع سيفه علي رقبه حسان ويقول
القلم ملكي مش ملكك يا حسان
فيلف له حسان مسرعا ويبدا بينهم صراع شديد وفجاة الدم يطير في الهواء ومع الدم تطير راس غيور قتل حسان غيور وارتكب الذنب الاعظم وفي هذه اللحظة تنظر وعد الي ورد التي كانت ايديها بتنزف وتقول وعد لورد
ايه اللي عمل في أيدك كدة
ورد
أيدي أتجرحت ثم تنظر الي غيور وتبكي وكل من حولها ينظر الي حسان الذي يستعد لقطع راس الشيخ داود وهنا يظهر ليل ويدخل في جسد راهشان وتتحول أيدين راهشان الي أفعتين كبيرتين وتلف راهشان الافعتين حول حسان بمنتهي السرعه والقوة ويتالم حسان وتعتصر الافعتين ضلوعه بمنتهي الوحشيه ويتالم حسان وبشدة والافعتين يكسروا كل ضلع من ضلوعه وبلا رحمه. ويرجع حسان لصورته الطبيعيه ويخرج القلم من يدة. ويحاول الافلات من الافعتين ولكنه لا يستطيع. ويموت حسان وليل يعتقد انه انتصر فتحرقه ورد بنظرة واحدة من عيونها. وهنا يظهر غراب وينظر لجثه حسان وينظر لراهشان الفاقدة للوعي ويقول وهو يهز في جثه حسان
ازاي راهشان تقدر عليك وهي ارتكبت خطيئه الزنا. قوم وعيش من تاني لازم تقطع راس الشيخ داوود عشان اتحكم في القلم
ورد
راهشان وقعت في خطيئه الزنا وهي تحت تاثير سحر اسود لعين والذنب لا تكتبه الملائكه الا اذا فعله انسان بكامل ارادته. وعشان كدة راهشان قتلت حسان يا جعفر
ثم تتجه ورد ناحيه غراب وتظهر لها أظافر من حديد ونار وتمسك راس غراب وتغرز اظافرها في راس غراب وتقول بكل حدة.
اطلع يا جعفر يا خبيث من صورة غراب الراجل الطاهر
فيصرخ غراب ويتالم وبي أظافرة ينزع لحمه عن عضمه وتخرج من جسم غراب. روح جعفر الخبيثه فتنظر لها ورد فتحترق روح جعفر ويصرخ جعفر وترجع روحه لجسمه ويحترق وتحترق معه كل خليه في جسمه وبمنتهي العذاب يموت جعفر امام الجميع فتنظر وعد باستغراب لورد وتقول
أزاي جعفر عايش وانا قتلته بايديه
فتنظر لها ورد وتقول
انتي ضربتي بالخنجر في رقبته لكنه ما متش واستغل سحرة وسحر ايفان الخبيث وعاش بروحه الخبيثه في صورة غراب وبدأ يظهر لي كهنان. الرجل الطامع في السلطه والملك علي انه غراب ويطمعه في انه يكون ملك وكهنان صدقه واتفق مع كهنان علي انه يروح لملك الجان ليل ويعقد معه اتفاق بان راهشان تقتل حسان وفي نفس الوقت جعفر خلي ساهر يزني في راهشان عشان يخليهم يرتكبوا افظع خطيئه ويخلي الصراع يدور بينا كلنا وانا فاكرة اني هاقدر ارجع حسان عن طريق ساهر وليل يرجع القلم عن طريق راهشان. واحنا نمشي في الطريق ده ونحارب عشان نوصل لهدفنا. وهو بمجرد ما تنقطع راس الشيخ داود كان هايسيطر علي القلم ويكون ملك الجن والانس
عدنان
غريبه. و انتي يا ورد عرفتي ده كله ازاي
ورد
عم غراب جالي في الحلم وقال لي الدم دمك واللي يجري في عروقه يجري في عروقك والاتصال اللي كان بينكم زمان يرجع بالدم ياورد. وقعد افكر ايه معني الكلام ده لغايه ماربنا هداني لاني اول ما شوف حسان اجرحه في رجليه اللي اتعمل فيها السحر الاسود زمان واجرح نفسي واخلي دمه يجري في عروقي ودمي يجري في عروقه وفي عز ما انتم مشغولين جرحت رجليه بالخنجر بتاعي وجرحت نفسي وحطيت دمي علي دمه والدمين اختطلوا ببعض وجري دمه في عروقي وجري دمي في عروقه. وحصل بيني وبين حسان الاتصال. وعرفني القلم كل اللي دار من جعفر ومن ليل
وتضحك ورد وتمد يدها ناحيه حسان وتقول
والقلم انا اللي بتحكم في دلوقتي. زي زمان وكل اللي حصل من صراع ما حصلش. انا أتحكمت في عيونكم وعقولكم
عدنان باستغراب
يعني، ،،،،
فيقف حسان سليم لم يحدث له شي ويقف غيور سليم ولم تقطع راسه فيفزع عدنان وكل الحاضرين ويقول
الله. الله. تاني عملتيها يا ورد
ورد
كان لازم اجمع كل رؤؤس الشر واخلص منهم. عشان كدة عيشتهم في الوهم واتحكمت في عقولهم وعيونهم
عدنان
طيب والقلم
ورد
القلم هايتحرق في الحال. ده قلم ملعون
وتنظر للقلم فيحترق وتنهي شر القلم. وتذهب ورد ناحيه حسان وتاخذة بالحضن وتبكي وتقول
وحشتني يا ابن ورد
فيبكي حسان ويقول
وحشتيني يا امي
ويمسك يدها ويبوسها ويقول
شكلي وجعت قلبك يا أمي
ورد
ما تكلمش في اللي فات يا ابن ورد
فينضم لهم غيور ويقول
أبن غيور.
فتنظر ورد لغيور وتقول
مولاي لسه فاضل خمس سنيبن
غيور
انتي هاترجعي معايا الي القصر ومن اليوم حسان ابن الملك غيور
وياخذة حسان في حضنه ويبكي وغيور يقول له
مافيش ملك بيبكي
وينظر ساهر لراهشان ويقول
راهشان تقبلي تكوني مراتي
فيقف عدنان امامه ويقول بحدة
ساهر راهشان تبقي اختك ازاي تتجوزها.
فيصدم ساهر ويقول
اختي لا. انا بعشقها وحصل بيني وبينها،،،،،،
ورد مقاطعه له
اللي حصل بينكم كان تحت تاثير السحر الاسود لكن راهشان اختك
ساهر
امي ورد. انا ابنك انتي واخو حسان
ورد
ساهر. الاميرة جولنار عرفت غلطها وتابت الي الله ماتكنش قاسي علي أمك
فتنظر جولنار لساهر وساهر ينظر لها وتبكي جولنار وتمد يدها لساهر فيجري ساهر ناحيتها ويرتمي في حضنها وهي تصرخ من الفرحه وتبكي بحرقه. ،،،،،،،،
ويرجع الجميع الي القصر الملكي ويبدا الملك غيور والامير عدنان في اعمار المملكه من جديد وبناء وتشيد ما هدم وتزوجت راهشان من حسان وعاشوا في سعادة ورجع الاختين الي بعضهم ورجعت وعد الي القصر الملكي ،،،،،،،
النهاية
ولو في العمر بقية. استنوا القلم 2. اللي رجع يظهر بعد 2000 سنه. لاخر احفاد حسان. في القاهرة. استنوني
مستني راي كل اللي شرفني بقراءة القصة. اللي بيقروا في السر. قولو ريكم وهتفضلو عايشين والله. متخافوش التعليق دة حاجة حلوة مش نوتي خالص. اشوفكم بكرة باذن الله وحكاية جديدة
ايه الابداع دا
ردحذفحلوة جدا جدا جدا
ردحذفتحفه جدا
ردحذفايه الجمال والرووووووووعة دي والله بس الواحد خايف ربنا يستر من الجزأ
ردحذفلا انا خايفة بجد بس ايه الجمال والرووووووووعة دي
ردحذفحلوه كتير كلها أحداث مشوقة وغريبة وغير متوقعة برافو عليك
ردحذفروعه
ردحذفاكثر من رائع جميله جدا مستنين الجزء الثاني بالتوفيق 🌷🌷🌷ديمآ
ردحذفجميله فعلا تحياتي لك
ردحذفحلوه جدا ولكن مخيفه معقوله توجد هكذا حكايات
ردحذفاكثر من رائعه واحداث شيقه جدا واحداث فوق الخيال.... ولسه عندي رأيي لازم الروايه دي تتعمل الف ليله وليله هاتكسر الدنيا
ردحذفجميله جدا جدا بس كانت مخيفه شويه
ردحذف