الهام واللي كان الحلقة الاخيرة

 

 مشوار هاجر 

                ★الحلقة التاسعة★

    

من تاليفي.

محمد منصور. منص 

                    ‏ ‏ ‏

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

،،،،،وليلا ومع دقات الساعه ال 10 م. تفتح باب زنزانه الشيخ صالح. اللي كان محجوز في زنزانة لوحدة. ويدخل رجل ملثم اثناء ما كان الشيخ صالح ساجدا بيصلي لله ويخرج الرجل من جيب بنطلونه حبل غليظ ويقترب من الشيخ صالح بخطوات حذرة وقبل ما يلف الحبل حوالين رقبة الشيخ صالح ينزل الشيخ صالح علي جنبه اليمين وهو مبتسم. لانه مات ساجدا فينصدم الرجل ويخرج مسرعا من الزنزانة، ،،،،،،

ومن داخل مكتب المامور رياض يقف هذا الرجل قدام رياض ويقول له

والله يا باشا دة اللي حصل

رياض مسرعا وهو يقف ويخرج من مكتبة ويقول

تعالي معايا نشوف ،،،،،،

ومن داخل الزنزانة يقف رياض قدام جثة الشيخ صالح بعد ما قاس له النبض وتاكد انه مات فاخرج الموبيل الخاص به وطلب نفس الرقم الدولي ورد الخواجة اللي كلمه قبل كدة وقال

فين صورة موت الشيخ فهد

رياض

الشيخ فهد مات موته طبيعية

الخواجة بعصبية

انت بتقول اية

رياض

بقول انه مات موتة طبيعية

الخواجة

نصيحة يا رياض بلاش حد من الكيان يعرف بالكلام دة 

رياض

هو الكيان مش كان عايز الشيخ فهد يموت وخلاص. واهو مات

الخواجة

الكيان عايزة ميت مقتول. مش ميت موتة طبيعية. احنا ما ندفعش كل الفلوس دي علشان نوصل له وهو يموت موتة طبيعية 

رياض

واية الحكمة

الخواجة بعصبية

مش شغلك رياض. احنا دافعين لك اللي انت عايزة علشان يموت مقتول. 

رياض

لا. من حقي افهم اية الغرض من كدة

الخواجة

الغرض يا رياض ان الشيخ فهد يكون عبرة لاي حد يقف في وش الكيان وهو كان في فلسطين اكبر عدو للكيان وياما قتل ناس كتير من ظباط الجيش بتاعنا. وهرب بنات واولاد المقاومة الفلسطينية. وكان ديما فاتح لهم انفاق يهربو منها ويجيبو سلاح يحاربونا بي. علشان كدة لازم يكون عبرة. لاي حد يقف قدام الكيان. وبعدين احنا بندفع ليك وللي زيك كتير علشان تنفذوا اللي بيطلب منكم. وتعرفونا مكان اعدائنا. وانت خد كتير من الكيان

رياض

طيب لما الخبر ينتشر وموت الشيخ دة يفتح علية ابواب كتير واسئلة ملهاش اول من اخر

الخواجة بخبث

رياض انت راجل الناس كلها بتحبك وياما خدمت بلدك مصر والناس عندكم طيببن وموت الشيخ هايعمل قلق شويتين وهاينسوا صدقني انت قوي بينا وماحدش هايقدر عليك. قدامك واحد دقيقة وتبعت لي صورة الشيخ فهد وهو مقتول. يا كدة ياما تموت انت وتنزل صورتك بدل منه 

وينهي الخواجة المكالمه فيبص رياض لجثة الشيخ صالح ويقول للرجل 

لف الحبل حوالين رقبتة

الرجل باستغراب

لية يا باشا ماهو مات وخلاص

رياض بحزم

اعمل اللي بقول لك علية وانت ساكت 

فيخرج الرجل الحبل من جيبة ويخنق الشيخ صالح لدرجة ان الحبل علم في رقبة الشيخ صالح فقال رياض

اضغط اوي علي رقبة الشيخ

فيضغط الرجل بمنتهي الغل لغاية ما رياض قال

كفاية كدة. ارفع الحبل عن رقبته

فيرفع الرجل الحبل عن رقبة صالح فيصور رياض الشيخ صالح بعد ما اثار الحبل علمت في رقبتة وبان جدا انه مات مخنوق، ،،،،،،،،،،

ومن داخل الفيلا بتاعت ياسمين تجلس هاجر مع ياسمين وسمر وامين يقول مازحا

كل دة نوم. انتم اية مانمتوش بقالكم سنه

سمر مبتسمه 

انا لغاية دلوقتي مش مصدقة اني نمت دة كله 

ياسمين

لا. نمتي. وكنت كل ما بفتح عليكم الباب القيكم في سابع نومه. وبالذات هاجر

فتبص ياسمين لهاجر اللي كانت بتفكر في مصطفي وسرحانة وكانها معه فتقول سمر

هاجر. تاتة بتكلمك

فتنتبة هاجر للكلام وتبص ناحية سمر وهي تقول

اية في اية

امين بابتسامة خفيفة

في اية. دي صاحبتك مش معانا خالص

هاجر

اسفة. لو كنت سرحت.

امين

لا. الموضوع بسيط ومش محتاج اسفة دي خالص. انتي شوفتي بلاوي تخليكي مش بس تسرحي. لا تنسي انتي فين اصلا

هاجر

هاتصدقني يا عمي امين اني لغاية دلوقتي مش مصدقة اني طلعت عايشة وكمان لسة بنت بنوت بعد اللي كان هايعمله فيه صاحب كريم

امين

انا مش عارف ازاي راجل يسيب مراتة اللي هي عرضة وشرفة لواحد تاني.

سمر

علشان. ببساطة اللي زي كريم دة مش راجل 

هاجر

بلاش بالله عليكم نفتكر الشخص دة. ومن فضلك يا عمي امين كنت عايزك توصلني لمصطفي والشيخ صالح. انا ما بحسش بالامان اللي وسطيهم

سمر

وانتي مش حاسة بالامان هنا

هاجر

لا. مش كدة بس انتي عارفة مصطفي بالنسبة لي اية. وكفاية علية اوي اني اتحرمت من اني اشوفة او اسمع صوته يوم بحاله

ياسمين

ياااا. للدرجة دي بتحبي

فتحرج هاجر وتبتسم ابتسامه خفيفة فتقول سمر

مصطفي دة يبقي دنيتها

فتبص هاجر لسمر وتقول لها باحراج شديد

ممكن تبطلي كلامك دة

فتبتسم سمر. قائلا

حاضر هابطل. ودلوقتي انسي بقي انك تروحي في حتة النهاردة خالص فاهمة. بكرة الصبح هانبقي نروح انا وانتي هناك بالمرة اسلم علي الشيخ صالح والبنات

هاجر

يعني النهاردة كمان مش هاشوف مصطفي 

فيبتسم كل الحاضرين، ،،،،،،،،،،

واثناء نوم مصطفي علي سريرة وفي يدة الموبيل الخاص به يجي له اشعار علي فيس من احدي الصفحات اللي هو مشترك فيها وهي صفحة من الصفحات الخاصة بالمقاومة الفلسطينية واخبار السياسة وكان الاشعار مكتوب في

مقتل الشيخ فهد في زنزانتة الخاصة. والكيان يعلنها بوقاحة دة جزات اللي يساعد اعدئنا ويكون مع اللاجئين 

فلفت انتبائة الخبر وفتح الاشعار ليجد صورة لوالدة الشيخ صالح والكيان بيحتفل بمقتل الشيخ صالح او فهد فانصدم بشدة والمقاومة بتهدد الكيان بالرد علي مقتل الشيخ صالح فقام مصطفي من فوق السرير وهو مش مصدق الخبر ولا مصدق نفسه وخرج من الشقة مسرعا، ،،،،

ومن داخل القسم يقف مصطفي ومعه معظم اهل الشارع وكان مصطفي ثائر جدا وقدام منه يقف الظابط النبطجي ويدعي زين ويقول له

اهدئة ماينفعش اللي انت عاملة دة

مصطفي بمنتهي العصبية

اهدئة اية. ان والدي اتقتل وهو في الحجز عندكم ازاي دة يحصل هو احنا فين انا مش في قسم ازاي محتجز عندكم يتقتل

زين

انا مقدر الظرف اللي انت في بس ما ينفعش الهرجله اللي انت عاملها في القسم دة.

في هذة اللحظة يدخل المامور رياض من باب القسم بصعوبة بسبب الناس اللي واقفة علي الباب ويقول لزين 

اية اللي بيحصل هنا دة يا حضرة الظابط

زين بعد ما يؤدئ التحية العسكرية يقول

الشيخ صالح مات في زنزانتة مقتول

رياض بعصبية

عرفت انه مات مقتول ازاي جريمة زي دي تحصل في القسم بتاعي. هي اية بقيت سايية

زين بخوف

يا فندم، ،،،،،،

رياض بعصبية اكتر

ما فيش يا فندم. راجل طيب زي الشيخ صالح يتقتل هنا وفي القسم بتاعي وانتم كنتو فين لما حصلت المصيية دي

زين 

احنا كنا برة في مامورية ضبط واحضار للمجرم عطوة الزناتي بتعليمات من سيدك يا فندم

رياض بعصبية اكتر واكتر وبيضرب بايدة علي المكتب

ودة مبرر يا حضرة الظابط. كون ان في مسجون عندي مات مقتول فدة اهمال مننا وكلنا لازم نتحاسب وانا اولكم

ومن النهاردة انت موقوف عن العمل ومتحول للتحقيق وتخلص اجراءات اخراج جثة الشيخ صالح من المشرحة وتسلمها لاهلة علشان يدفنو. وفي خلال 24 ساعه اللي عمل المصيية دي يكون قدامي وانا بنفسي هاخد حق الشيخ صالح

ثم يبص رياض لمصطفي ويقول له

مصطفي ياريت اهل الشارع يمشوا علشان نقدر نرجع حق الشيخ صالح. وقفة الناس دي ما هاتوصلنا للحقيقة انت بثق فيا ولا. لا

مصطفي

طبعا يا رياض باشا. دة مامور القسم بتاعنا وكلنا بنثق فيك

رياض

يبقي مشي الناس ولازم تصدقني اللي عمل كدة في الشيخ صالح هاجيبة وهايدفع الثمن غالي اوي، ،،،،،،،،،

ويخلص رياض اجرءات اخراج جثة الشيخ صالح ياسرع وقت ويدفن الشيخ صالح بعد صلاة الفجر وسط احزان كل من كان يعرفه ويرجع مصطفي الي شقتة بعد دفن والدة ليجد عمته اجلال بتصرخ وتلطم علي وشها وتقول

أنا السبب انا اللي عملت فيك كدة يا صالح انا اللي دخلتك القسم علشان تموت يا خويا. يا اللي كنت احن علية من نفسي

وتعيط بحرقة وهي بتحضن مصطفي وتقول

والله كان بيحبني اكتر من انا بحب نفسي وياريت طمر فيه. الا اني كنت السبب في موته

مصطفي

وحدي الله يا عمتي. واهدئي

اجلال

اهدئه اية. انا اللي كنت السبب في دخول اخويا السجن ومات جوة بسببي

مصطفي 

انتي موت والدي هايخيلكي ما تعرفيش بتقولي اية

اجلال

انا عارفة وواعية لكل كلمة بقولها

وتقف في وسط الشارع وتقول باعلي صوت عندها

انا اللي اديت مفتاح سكن البنات لشيطان اسمه كريم اللي ضحك علية وفهمني اني لما اعمل كدة هايتجوز بنتي ويسترها من الفضيحة. انا السبب. في ان الرجالة يدخلو السكن والبوليس يقبض علي البنات. علشان استر بنتي فضحت بنات ملهمش ذنب بنات الدنيا جت عليهم اوي وبدل ما احن انا عليهم زودت شقائهم وكنت جاحدة عليهم.

فيبص لها مصطفي وهو مش مصدق اللي بيتقال وهي بتقول

أنا اللي خليت كريم يتمكن من هاجر ويتجوزها علشان ابعد هاجر عن مصطفي و اخلي مصطفي يتجوز بنتي. بنتي اللي كانت بين اليوم والتاني تروح تبات في حضن الشيطان اللي اسمه كريم.

مصطفي

بس يا عمتي كفاية فضايح بس

اجلال

مش هابس. لازم الناس كلها تعرف حقيقتي لازم انظف من وساختي علشان لما اقابل اخويا يوم الدين ما يبقاش غضبان علية. انا توبت ليك يارب. ويارب جمعني بخويا علي خير. انا عايزا اروح لاخويا. ادفنوني معه

وتعيط اجلال اكتر واكتر وتحفر في الارض بايدها وتقول تاني

ادفنوني معه 

فتنزل سماح للشارع وسط بصات الناس وغمز الستات عليها وتاخد امها وتطلع بيها لشقتهم ،،،،،،،،

وقبل اذان الظهر تقف عربية امين. قدام بيت الشيخ صالح اللي كان فيها هاجر وسمر وامين قدام صوان بينصب وقران بيقرأ فتبص هاجر وسمر للي بيحصل باستغراب شديد وتروح ناحية مصطفي اللي كان واقف وسط الصوان فتقول هاجر

مصطفي مين اللي مات

فيبص لها مصطفي وعيونه مليانة بالدموع ولا يرد فتقول هاجر كمان مرة

مصطفي انت ما بتردش علية لية

مصطفي بحزن شديد

الشيخ صالح اتقتل

فتصدم هاجر وسمر وتحزن هاجر وسمر بشدة وهما مش عارفين يقولو اية فيقول مصطفي

عارفة اتقتل لية علشان في يوم ساعد اللي شبهك

فتتالم هاجر ويتوجع قلبها وتقول

تقصد اية باللي شبهي

مصطفي

اللاجئين. كان مالنا بس ومالكم

هاجر ودموعها علي خدها 

مصطفي. انا هاجر استاهل منك كدة 

فيمسكها مصطفي من ذراعها بمنتهي العنف ويقول

امشي غوري من هنا مش عايز اشوف وشك تاني

هنا يتدخل امين ويقول له

مايصحش اللي انت بتعمله دة

مصطفي وهو بيهجم علي امين يقول بمنتهي الحدة 

اية وانت كنت المحامي بتاعها ولا أية

فيستعد امين للهجوم علي مصطفي ولكن هاجر تقف بينهم وتقول

بس يا عمي امين كفاية اللي هو في

وتبعد امين عن مصطفي وهي تقول

يالا بينا انا ماليش مكان هنا. بعد موت ابويا التاني الشيخ صالح 

وتبص لمصطفي بعيون باكية وقلب مجروح وتقول

انا مش هالوم عليك دلوقتي علشان الظروف اللي انت فيها لكن يا خسارة ماخدش من الشيخ صالح الا اسمه وبس

سمر

يالا يا هاجر

فتركب هاجر العربية مع سمر وتمشي العربية ومصطفي بيبص ناحية هاجر وهاجر بتتالم بشدة . ،،،،،،،،،،،،،

مش هقول. علقو والجو دة. اكتب تقيمك للحلقة من

 واحد ل عشرة. حلوة الصيغة دي.