الهام واللي كان الحلقة الاخيرة

 القلم 

                ★الحلقة التاسعة★

من تاليفي، ، 

محمد منصور. ** منص **

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

وتحمل حجر كبير وتتجه به ناحيه ساهر وهي لاتعلم انها ستقتل أبنها وتنادي علي ورد وتقول

ورد قومي وشوفي أبنك وهو بيموت قدام عينيكي

فتستيقظ ورد من نومها وتنظر الي جولنار وهي مفزوعه وتنظر للحجر اللي في يدها وتقول

هاتعملي ايه يا مجنونه

جولنار بكل شر الدنيا.

هاحرمك من حسان زي ما انا اتحرمت من ساهر

وترمي الحجر من يدها ناحيه راس ساهر ولكن ساهر. كان استيقظ علي صوت جولنار وهي تنادي علي ورد وتحرك بعيدا متفاديا الحجر ويتالم من الحركه اللي فعلها بشكل مفاجئي واثرت علي جرحه. واستيقظت وعد علي صوت ما يحدث فتمسك جولنار بحجر اخر فتنهض ورد مسرعا وتقف امام جولنار وهي تمسك يدها

اللي عايزا تقتلي ده أبنك ساهر

فتنظر جولنار لها وتنظر الي ساهر ثم تقول

كدابه. ابني أكيد مات من سنيين طويله. انتي بتقولي كدة عشان ارحمه لكن لا. حسان لازم يموت زي ساهر ما مات.

وتدفع جولنار ورد بعيد عنها وتسقط ورد علي الارض وتتجه جولنار بالحجر ناحيه ساهر فتقول ورد

ورب السماوات والارض ده ساهر أبنك 

فتنظر لها جولنار وترمي الحجر من ايديها علي الارض وتقول

ورد أنتي أقسمتي والقسم بتاعك لو كدب هاتنزل عليكي لعنه ربنا وغضبه. 

ورد

بس قسمي مش كدب انا ماقدرش اقسم بربي كدب. انا عالجت ساهر وربيته وكبرته لغايه ما اصبح شاب 

ساهر باستغراب 

دي امي

ورد

أمك يا ساهر

فتتجه جولنار ناحيه ساهر وتاخذة في حضنها وهي تبكي بحرقه وتقول

ساهر. عايزاك تسامحني لاني كنت زمان ما نفعش اكون ام لكن فراقك عني وحرماني منك خلاني اعرف يعني ايه ام تتحرم من ابنها الوحيد. وفضلت طول سنيني في السجن ندامه. علي اني فرضت فيك بسهوله 

ساهر وهو في حاله ذهول ممزوجه بالوجع 

أنا مش فاهم حاجه. انتي امي ولا أمي هي ورد 

فتنظر له ورد وتقول

امك هي الاميرة جولنار. وابوك الامير عدنان

ساهر

ولما انا ابن، ،،،

فتقاطعه ورد وتقول 

بلاش تسال أي سؤال يسبب لك وجع انت مش هاتستحمله كفايه انك تعبان 

فتنظر جولنار لورد وتقول

بس من حقه يعرف كل اللي دار مني زمان والمعروف اللي عملتي مع ابني مش هاردة ليكي الا بمعروف ينسيكي اللي عملته فيكي زمان 

وتبدا جولنار في قص ما حدث وما دار وأزاي انها كانت ناويه تخلص من ساهر وتبدله بحسان وتنهي جولنار الحكايه وينظر لها ساهر ويقول وهو حزين

وجع ضربه السيف اهون كتير من اللي سمعته دلوقتي منك ولو اعرف اني كنت هاسمع منك الكلام ده كنت خليت الحجر ينزل علي دماغي واموت وارتاح

جولنار وهي تبكي 

ساهر سامحني

ساهر

باي صفه بتطلبي مني السماح

جولنار

بصفتي أمك

ساهر

أنا امي ورد

وينظر الي ورد فتنظر له ورد وتبكي وتقول

حتي بعد مادعيت عليك واتمنيت الارض تبلعك بدل حسان

ساهر

ولو دبحتيني بخنجرك هاتفضلي أمي

جولنار

معاك حق. هي اللي تستاهل تكون امك مش انا

وفي هذة اللحظه يسمع كل من في الكهف صوت صراخ شديد فينظروا ناحيه الصوت فيجدوا ليل يمسك براهشان ويرتفع بها عن الارض وهو يقول لورد

بلغي حسان أن راهشان تحت ايدي لغايه مايسلم لي عرشي ويفك عني اللعنه

فتصرخ وعد وهي تنظر لبنتها وراهشان تنظر لها وتمد يدها تريد من يلحقها فينهض ساهر بصعوبه شديدة ويمد يدة لراهشان ويمسك يدها فيحاول ليل ابعاد يد ساهر عنها فتحترق يد ليل ويقول ليل

انسي بلا ذنوب

ويترك راهشان مسرعا ويخرج من الكهف فتنظر ورد لساهر وتقول لنفسها

أنت اللي تنفع تكون سيفي في الحرب اللي جايه واللي هارجع بيها ابني حسان

وعد

انتي ناويه علي ايه ياورد

ورد بحزم شديد

ناويه امنع حسان من انه يقتل اول طفل وأخر شيخ في قريه سام

وعد

مش فاهمه

ورد

لما اسافر وارجع هافهمك كل حاجه

وعد

انتي مش هتسافري لوحدك أنا معاكي وهاساعدك لغايه ما تقدري ترجعي حسان.

ورد

بس الحرب دي بتاعتي انا

وعد

بتاعتنا 

وتضع وعد يدها في يد ورد فتنظر لها ورد وتبتسم وتضع جولنار يدها علي يد ورد ووعد وتقول

وانا كمان معاكم في الحرب دي

فتنظر لها ورد باستغراب فتقول جولنار

انا بنت ملك وهاقدر أمدكم بالذهب والجنود اللي يقدروا يساعدونا وبكدة ارد شي من الدين اللي في رقبتي.

فتبتسم ورد وتقول وهي تنظر للسماء

يارب. كل من تمني لي الشر هما اللي دلوقتي بيساعدوني واكتر ناس حبيتهم هما اللي انكتب عليه محاربتهم. ، ،،،،،

ومن داخل القصر يقف عدنان وامامه حراس السجن ويقول لهم بغضب

ازاي جولنار تهرب من السجن ده انتو افضل حراس المملكه

فيقول احدي الحراس

هربها الحارس أيوب بعد ما اتعلق بيها واتمناها زوجه لي

عدنان

اخرجوا كل حراس القصر ودورا عليها في كل مكان في المملكه

وفي هذة اللحظة يدخل احدي خدام الامير ويقول

سيدي الامير. الملك كاهل يقترب من البلاد ومعه جيشه يتخطي ال200 الف جندي

عدنان مذعورا

بتقول ايه. وايه سبب الحمله دي

الخادم

ماحدش يعرف يا سيدي

عدنان

وفين الملك غيور

الخادم

خرج من أمس ومارجعش للقصر لغايه دلوقتي

عدنان

خرج. ولسه مارجعش

الخادم

وماحدش من الحراس يعرف الملك غيور راح فين. كل اللي شافه كان بيسمعه وهو بيقول القلم ملكي انا

عدنان باستغراب 

القلم.   

ثم ينظر للحارس ويقول 

والملك كاهل وجنودة قدامهم قد ايه ويصلوا الي المملكه

الخادم

يوم بالتمام

عدنان

طيب خلي الجنود تستعد وأعلن حاله الطؤاري في البلاد. وانا هاخرج عشان اشوف الملك غيور، ،،،،،،

وبعدها بيوم يصل كاهل الي المملكه ويحرق ويدمر كل ما فيها ويسقط الكثير من الابرياء ويتم أسر الامير عدنان اللي حاول كثيرا ايقاف هذة الحرب ولكن الدمار حل بالمملكه ووقف كاهل في وسط المملكه وهو ينظر الي عدنان المقيد من يدة وقدمه و يقف علي منصه الاعدام امام من تبقي من أهل المملكه ويقول كاهل

فين بنتي جولنار 

عدنان 

بنتك هربت

فينظر كاهل الي الكاهن كهنان فيقول له كهنان

جولنار قتلوها وفي الغابه دفنوها 

عدنان 

مين دول اللي قتلوها انت كداب ومخادع

كاهل

اخرص. الكاهن كهنان سيدك وسيد كل من هو في المملكه 

وفي هذة اللحظه يقف غيور في وسط المملكه فينظر له عدنان ويقول

غيور اخويا كنت فين وليه غيبت عن المملكه شوفت اللي حصل لينا وانت بعيد عنا

فينظر غيور الي عدنان ويقول

انت مين. انا ما عرفكش لو انت تعرفني تعرف فين حسان القلم اللي معه ملكي انا

كاهل

جيب برجلك لغايه هنا يا غيور. لازم تموت زي ما اخوك هايموت 

كهنان

لا. يا مولاي غيور لازم يعيش عشان يوصلنا للمكان اللي دفنين فيه جثه الاميرة جولنار. انما عدنان موته او حياته مش هاتفرق معانا كتير

فينظر كاهل الي الرجل الذي يحمل السيف ويقول

يا سياف أقطع راس عدنان

ويرفع السياف سيفه ويستعد لقطع راس عدنان. وفي هذة اللحظة تظهر جولنار ومعها ورد ووعد ويقفوا امام الملك كاهل وتمنع جولنار قطع رأس عدنان ، ،،،،،،،

وفي أخر الليل وقبل شروق الشمس ومن تحت الارض ينام ليل علي الارض وهو يصرخ و يتالم ويحترق لانه يقرأ القران بلسانه بسبب لعنه حسان اللي القاها عليه وتشرق الشمس وتتوقف اللعنه وينتهي صراخ وألم ليل ويتوقف الحريق واثناء ماهو يلتقط انفاسه يقف أمامه كهنان ويقول له

الانسي حسان اتمكن منك يا غلبان 

فينظر ليل لي كهنان ويقول

عايز أيه مني يا كهنان 

كهنان 

عايز احررك من اللعنه اللي رماها عليك حسان

ليل

ومين دلوقتي يقدر علي حسان تبقي ملك مملكه النار وكلها يوم ويقتل كاهل وغيور ويبقي ملك الارض ويحكم بالحديد والنار

كهنان 

وانت هاتسيبه يعمل كدة

ليل

القلم بيحمي وكمان مقوي. الروح اللي يتحكم فيها القلم بتخلي أقوي من أي أنسي او جان 

كهنان 

القلم اللي كان في خدمه الجان يبقي في أيد انسان انت السبب يا ليل بانك وهبت القلم لي غراب خليت القلم يطمع في الروح ويطمع في الحكم كمان ووصل لروح بلاذنوب يحكم بيها. بس انت هاتسكت يا ملك الجان

ليل

وبأيدي أعمل أيه

كهنان

تخلص عليه

ليل

ازاي ده يحصل

كهنان

عندك اتنين من سنه ومولدين معه في نفس الليله وبلا أي ذنوب.  

ليل

تقصد ساهر وراهشان

كهنان

هي راهشان حبيبته اللي بيدور عليها نخلي يوصل لها وتخلص عليه وبخروج روحه يخرج القلم من جسمه ويبقي ملك لينا. ونكتب مصيرنا ومستقبلنا 

ليل باستغراب 

أنت ليه بتعمل ده كله مع انك المفروض تكون وزيرة 

كهنان

بس انا مش عايز اكون وزير انا عايز اكون ملك ولما يرجع لك القلم وتتحكم في اهل الجن والانس هاكون في عهدك ملك ملوك الارض 

ليل

بس لازم عشان اكون ملك الجن والانس حسان يرتكب الذنب الاعظم

كهنان

حسان هايقتل أبوة غيور في قريه سام وهناك هيقابل راهشان وتقتله

ليل

لو حصل اللي أنت بتقول عليه ده هاخليك ملك بلاد فارس

كهنان فرحا

هايحصل يا مولاي. ،،،،،،

ويخرج كهنان من تحت الارض ويتجه ناحيه رجل عجوز يجلس تحت شجرة ومن خلفه يقف كهنان ويقول

تم الاتفاق مع ليل يا سيدي غراب

فيلف غراب له ويضحك،،،،،،،

مش هقول. علقو والجو دة. اكتب تقيمك للحلقة من

 واحد ل عشرة. حلوة الصيغة دي.