رحلة الغريب
★الحلقة الثامنة★
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
فيصدما الاثنين رفعت وكاميليا ورفعت الاخر يدخل عليهم فيقف له رفعت ويبص له وكانه باصص في مرايا وقال
أنت مين
رفعت الاخر
انا رفعت اسماعيل
رفعت باستغراب شديد
اومال انا ابقي مين
رفعت الاخر
اكيد واحد نصاب
رفعت بعصبية
اخرس يا حيوان
فيضحك رفعت الاخر ويقول
انا مش هاسمح بحاجة تبوظ علية فرحتي النهاردة وخصوصا اني جاي احتفل بكاميليا وابني اللي في بطنها
فيبص رفعت لكاميليا باستغراب شديد وتقول كاميليا
انا حامل طيب ازاي
فيمسك رفعت الاخر ايد كاميليا ويمشيها علي بطنها ويقول
زي اي ست ما بتحمل. حاسة بحركة ابنك
فتفرح كاميليا وهي حاسة بطفل يتحرك في الرحم بتاعها وتبص لرفعت وهي مسحورة وتقول
انا فعلا حامل
وترتمي في حضن رفعت الاخر فيقول رفعت بعصبية وهو يحاول ابعاد كاميليا عن رفعت الاخر.
كاميليا انتي بتعملي اية
فتبص كاميليا لرفعت وتقول
انت مين انا اول مرة اشوفك
رفعت باستغراب
انا مين. انا رفعت جوزك
كاميليا
انا ماعرفش غير رفعت واحد
وتبص لرفعت الاخر وترتمي في حضنه مرة اخري فيبص رفعت لعديلة حماتة ويقول
شايفة بنتك يا حماتي بتعمل اية
فيبص رفعت الاخر في عيون عديلة فتقول عديلة لرفعت
انت ازاي دخلت هنا احنا ما نعرفكش
رفعت وهو هايتجنن
اية اللي حصل لكم
ويهجم علي رفعت الاخر وهو يقول
انت يا نصا،،،،،،،،
فيبص له رفعت الاخر فيسكت رفعت ويقول رفعت الاخر بصوت يشبة فحيح الثعابين
انسي اللي حصل دلوقتي وعيش بعيد عننا وسابني اتمتع بحياتي انا ومراتي وأبننا اللي جاي
فيهدأ رفعت ويتجة ناحية الباب وهو مسحور زية زي مراتة وحماتة ويخرج من الشقة ورفعت الاخر يحضن كاميليا وهو يضحك، ،،،،،،،
ويمر كام يوم ويرجع رفعت الي كليتة ويمارس حياتة الطبيعة بعد ما انتشر في الجرائد وقتها دكتور رفعت يعود للدنيا بعد ما اندفن حي ليومين واثناء ما كان دكتور رفعت في الكلية بيستعد علشان يدي محاضرة لطلابة لقي جيهان تقف امامه وتبص له فرحا وتقول
اخيرا قبلتك
رفعت باستغراب
انتي مين
جيهان
انا جيهان.
رفعت
جيهان مين
جيهان
انت ماتعرفنيش لكن انا اعرفك كويس اوي
رفعت
طيب واقدر اساعدك ازاي
جيهان
انا كنت مريضة بسرطان الدم وروحت لحضرتك العيادة علشان تكشف علية لكني لقيتك ميت
فيبتسم رفعت
كنت مدفون حي تقصدي. لان مافيش ميت بيرجع للدنيا
جيهان مبتسما باحراج
صح. طبعا خاني التعبير
رفعت
مش مهم وبعد مالقتيني ميت
جيهان مبتسما تكمل
روحت كشفت عن دكتور غنيم وقالي اني ماعنديش سرطان الدم ولا حاجة دة كان مجرد فقر دم لكن حاد شوية ونقل لي دم واداني علاج والحمد لله انا دلوقتي بقيت احسن
رفعت
طيب تمام انا بقي اية المطلوب مني
جيهان
تاكد علي كلام دكتور غنيم لاني حاسة اني لسة مريضة بسرطان الدم
رفعت وهو بيبص للاوراق الخاصة بحالتها وهي الاشعة والتحاليل الخاصة بها
دي الاشعة والتحاليل الخاصة بيكي
جيهان
اة
رفعت
طيب ممكن اشوفها
فتمد جيهان يدها بالاوراق ويمسك دكتور رفعت منها الاوراق ويبص في التحاليل والاشعة الخاصة بها ثم يقول
واضح من التحاليل والاشعة الخاصة بيكي انك بخير
جيهان
بجد يا دكتور رفعت
رفعت وهو بيديها الاوراق تاني
طبعا.
جيهان
اومال انا لية حاسة اني ساعات بكون كويسة وساعات تانية بتحصل اعراض غريبة وكلها في الدم
رفعت
اعراض زي اية مثلا
جيهان
بنزف بشكل مش طبيعي من مناخيري ودم لونه اسود وساعات تانية بيحصل لها تجلطات في العروق وتشوهات في وشي وترجع تختفي وبقع حمرا في رقبتي
فيستغرب رفعت بشدة ويقول
اعراض غريبة عمري ما سمعت عنها لكنها قريبة من الاعراض اللي عند مريض سرطان الدم
جيهان
شوفت يا دكتور يعني انا مش عندي وسواس قهري انا فعلا مريضة بسرطان الدم زي ما قال لي العراف
استغرب رفعت اوي وقال
عراف مين
جيهان
عرافي الامين. الغريب
اتصدم رفعت وبص لجيهان بتركيز شديد وقال
انتي بتقولي اية عرافك الامين
جيهان
ايوة. دة هو اللي كمان اللي قال لي ان علاجي عندك انت بس
في هذة اللحظة يقف حامد امام دكتور رفعت وهو يلتقط انفاسه بصعوبة لانه كان جاي جري ما صدق انه شاف دكتور رفعت فقال له
اخيرا لقيتك يا دكتور رفعت
رفعت
حامد. في اية
حامد
الغريب بيموت وعايز يشوفك ضروري
رفعت
انت تعرف مكانة
حامد
اداني العنوان
فيبص رفعت لجيهان ويقول
هاحتاج اتكلم معاكي تاني. بس في الاول عايز اتكلم من الغريب
جيهان
اوي اوي.
رفعت
ممكن رقم تيلفونك
فتخرج جيهان ورقة من شنطتها وتكتب فيها رقم تيلفونها فياخذ رفعت منها الورقة وينطلق مسرعا هو وحامد الي شقة الغريب.،،،،،،،
ومن داخل شقة الغريب اللي كان راقد علي السرير وهو في حالة اعياء شديدة والجلطات الدموية بتزيد في عروق رقبتة وامام منه يجلس دكتور رفعت اسماعيل ويقول الغريب
جيهان هي السبب في كل اللي انا في دة انا بقيت مريض بنفس مرضها علشان المرض دة وراثي علشان كدة جيهان لازم ما تتجوزش
رفعت باستغراب
لية
الغريب
جيهان تبقي امي
رفعت مصدوما.
ازاي امك وهي لسة في اوائل العشرينات وانت في الثلاثينات
الغريب بصعوبة
هاقول لك كل حاجة بس. توعدني انك تساعدني
رفعت
افهم الاول وبعد كدة هاشوف اقدر اساعدك ولا لا
الغريب بعصبية
هتساعدني. وهاتخلي جيهان ما تتجوزش او تقتلها قبل ما تتجوز وتخلفني.
رفعت
انا اقتل دة مستحيل
الغريب
انت هاتقتل واحدة ميتة فعلا
رفعت بصدمة ما بعدها صدمة
هي جيهان ميتة
الغريب
جيهان ماتت وهي بتخلفني
رفعت
انا عايز افهم كل حاجة. لاني من ساعة ما عرفتك وانا عايش وسط الغاز كتيرة
الغريب
هاحكي لك حكاية رحلتي. رحلة الغريب وهاعرفك انا جاي منين وازاي بقيت عراف وازاي كل حاجة قولتها حصلت لك
ويبص رفعت باهتمام شديد للغريب اللي كان بيحكي قصتة ويقول
انا من الجيزة من مواليد 1980 امي هي جيهان او اللي معروفة في المنطقة بالمراة الشقراء. وابويا هو راجل اعمال اسمه عبد الغني من بلد الغريب وكان بيحبة جدا علشان كدة سماني علي اسمة وكانت جيهان شغاله سكرتيرة في شركة ابويا وحبها واتجوزها وماكنش يعرف انها مريضة بمرض نادر بيجي في الدم لكل واحد في المليون المرض دة اسمة متلازمة كرات الدم ودة بيسبب اعراض سرطان الدم لكن بطريقة ابشع لانه بيخلي كرات دم الحمراء تختلط بكرات الدم البيضاء ودة بيسبب جلطات في عروق الرقبة لانها اقرب عروق للغدد الليمفونية وبعد كدة بيسبب نزيف شديد بيخرج من الانف
رفعت باستغراب
انا دكتور امراض الدم وعمري ما سمعت عن المرض دة
الغريب
هو دة المرض اللي عند امي
رفعت
ازاي هي مريضة وانا شوفت التحاليل والاشعة الخاصة بيها وكلها بتقول انها سليمة
الغريب
امي فعلا كانت سليمة لغاية ماراحت للدكتور غنيم ونقل لها دم ملوث وناقل لمرض متلازمة كرات الدم. ودة مرض ملهوش علاج في زمنك ولا لي علاج في زمني
رفعت باستغراب اكتر
زمنك
الغريب
دكتور رفعت انا قولت لحضرتك اني من مواليد 1980 واحنا لسة في سنة 1970
رفعت
ايوة صح. يعني لسة فاضل عشر سنين علي تاريخ ميلادك. طيب ازاي انت قدامي دلوقتي
الغريب
ببساطة كدة انا جاي لك من المستقبل
رجع رفعت للوراء من شدة المفاجاة والغريب كمل وقال
وكل اللي حصل لك وانا اتنبأت بي شوفتو وهو بيحصل لك
اتصدم رفعت اكتر واكتر فكمل الغريب وقال
انا مش عراف ولا حاجة انا مجرد مسافر عبر الزمن جيت علشان امنع امي من الجواز وامنع مرض بيجري في دمي وهايكون السبب في موتي.
رفعت
انا دماغي هاتنفجر ومش قادر استوعب انت بتقول اية
الغريب
انا هاحكي لك بالتفصيل،،،،،،
ونطلع بالزمن لقدام قدام اوي وبالتحديد سنة 2010 وفي عيد ميلاد الغريب ال30 واثناء احتفال الغريب بعيد ميلادة وسط اصحابة واقاربة يشعر بالم شديد في رقبتة ويقع علي الارض ،،،،،،،
وبعدها بفترة يجلس الغريب مع احدي اصحابة المقربين ويدعي نديم وكان نديم يقول
يعني اية ما فيش علاج للمرض اللي عندك دة
الغريب
اهو دة اللي قاله كل الداكترة اللي روحت لهم
نديم
انت معاك فلوس كتير سافر برة مصر وشوف علاج واكيد هتلاقي
الغريب
المرض اللي عندي مرض نادر وملهوش علاج في اي حتة في العالم
نديم
يعني اية هاتسكت علي كدة وتستسلم للمرض
الغريب
طيب اعمل اية اكتر من اللي عملتة
نديم
طيب اية رايك تروح للبروفسير راشد خالد اللي عنده علاج لاي مرض او مشكلة بتقابل صاحبها
الغريب
انا سمعت الاسم دة قبل كدة
نديم
دة اللي خلي طارق صاحبنا يخف من مرض الايدز بعد ماكان في اخر مراحلة
الغريب وقد تذكرة
ايوة ايوة انا سمعت الحكاية دي وفعلا طارق قبل ما يروح له كانت حالتة اتاخرت خالص لكنة اختفي فترة ورجع زي الاول واحسن
نديم
يبقي نروح له. بس خلي بالك دة غالي جدا
الغريب
مش مهم الفلوس المهم اني اخف، ،،،،،،،
ومن مكان غامض في الصحراء يظهر الرجل الغامض ويدعي راشد خالد وهو بروفسير عبقري استطاع علاج اصحاب الامراض المستعصية واصحاب المشاكل عن طريق جهاز يدعي رحلة وامام هذا الجهاز يقف الغريب ويقول وهو بيبص للجهاز رحلة
يعني علاجي في الجهاز دة
راشد
علاج اي مرض ملهوش علاج هو عن طريق جهازي رحلة اللي بيركبة المريض وبيمنع المرض قبل ما يجي له
الغريب
مش فاهم
راشد
رحلة هو جهاز للسفر عبر الزمن ولكن بالرجوع للوراء وعن طريق السفر يتم العلاج بان المريض يكون بالنسبة لناقل المرض والدكتور المعالج هو العراف وفي حالتك دي انت محتاج تكون العراف للمراة الشقراء جيهان والدتك بحكم انها ناقل المرض وتكون العراف للدكتور. المعالج وهو رفعت اسماعيل
الغريب
وازاي اكون العراف ليهم هما الاثنين
راشد
حياة رفعت اسماعيل وجيهان هاتكون قدامك زي الكتاب المفتوح لاني باستطيع عن طريق الكاهن الاعظم اعرف حياة كل شخص من عالم الارض اللي في شخص مثلة وعايش في العالم الموازي
الغريب
اية العالم الموازي دة
راشد
عالم يشبة عالم الارض ولكن علي كوكب تاني كل بني ادم موجود في عالم الارض موجود شبية في الكوكب التاني لكن بشغل غير الشغل وعيشة غير العيشة وزوجة غير الزوجة وعن طريق تعويذة التحضير بستدعي كل شخص من العالم الموازي
الغريب
دة شي رهيب وعالم كله ابهار
راشد
فعلا الكون مليان اسرار ما يعرفهاش الا بروفسير زيي
الغريب
انا محتاج اعرف التعويذة دي
راشد ضاحكا
هاتعمل بيها اية
الغريب
يمكن في يوم احتاجها ومن باب الفضول احب اكون ملك لهذة التعويذة
راشد
بس دي هاتكلفك كتير
الغريب
وانا مستعد ادفع لك كل اللي انت عايزة
راشد
وخلي بالك تحضير اي شخص من العالم الموازي ممكن يسبب غضب الكاهن الاعظم
الغريب
هو انت يعني شوفتني استخدمتها انا بس عايز امتلك تعويذة زي ذي
راشد
طالما هاتدفع ما فيش مشكلة. انما تاني حاجة بقي احب اعرفهالك لما هاتكون العراف هايبقي عليك النبؤة وبس وماتقدرش تساعدهم والا الرحلة هاتتلغي وهاتعيش اللي فاضل من عمرك محبوس في زمنهم وبتتعذب بمرضك
الغريب
لا ما تقلقش انا كل اللي هاعملة اكون ليهم العراف واخلي دكتور رفعت يمنع الدم الملوث من ان يدخل لجسم امي ولو ما قدرش يبقي مايخلهاش تتجوز
راشد
ولو رفضت تسمع كلامة يبقي القتل احسن حل وحل هايحرر جسمك من المرض وهاتعيش وتتمتع بفلوسك.
ويضع راشد ايدة علي جهاز الرحلة اللي بيسافر بالزمن وهو يقول
جاهز. لرحلة الغريب
الغريب
انا جاهز بس لو احتجت اتكلم معاك اعمل اية
راشد
تيجي هنا لنفس المكان دة وتنادي اسمي هتلاقيني قدامك
الغريب وهو يدخل الجهاز
خلاص اتفقنا. وديني لزمن امي ودكتور رفعت
فيغلق راشد الجهاز علي الغريب ويذوب جسم الغريب،،،،،،،
ونرجع لزمن دكتور رفعت والغريب يقول
هي دي حكايتي من اولها لاخرها
رفعت
انا هاتجنن اللي انت بتقوله دة شي ما يستحملهوش عقل انسان
الغريب
عارف ان حكايتي اغرب من الخيال لكنها حكايتي وهي دي الحقيقة
ويكح الغريب دم من بوقة ويتالم وهو يقول بصعوبة
ارجوك ساعدني وخلصني من امي خليني اتحرر من العذاب اللي انا في. واللي انكتب علية افضل عايش في زمنكم
رفعت
انا لو ساعدك هاساعدك في انك تروح المستشفي واراعي حالتك واحاول اني القي علاج للمرض اللي عندك
الغريب بانفعال شديد علي عكس صحتة
ماتبقاش غبي انا كلها كام يوم وهاموت وعلاجي الوحيد موت جيهان
رفعت بعصبية لا تقل عن عصبية الغريب
انت مجنون انا مستحيل اقتل لو كان اية الثمن
الغريب
انا انقذت حياتك مرتين وانت مش عايز تنقذ حياتي ولو مرة
رفعت
انا مش قتال اقتلة
الغريب
طيب روح لها وخليها ما تتجوز عبد الغني
رفعت
ولما تسالني لية اقول لها علشان ابنك جة من المستقبل وقال لي كدة. انسي انا مش هساعدك الا في اني دور علي علاج لحالتك
الغريب بشر
حتي لو قولت لك اني في ايدي اخر كارت يرجع لك كاميليا اللي سرقها منك رفعت الساحر
فهنا يمسك رفعت دماغة ويصرخ و يفتكر رفعت الليلة اياها اللي ساب فيها كاميليا وخرج من باب الشقة وهو مسحور ونسي اللي كان وعاش كام يوم بعد اللي حصل فلاحظ الغريب ان رفعت يتذكر اللي حصل فاكمل قائلا
افتكر خلي السحر الاسود اللي اتسلط علي خلايا مخك يدوب كاميليا حامل في شيطان من اللي اسمه رفعت والشر هايكون مع المولود دة لو جه
فيبص رفعت للغريب ويقول
فين كاميليا والساحر دة خدها وراح بيها علي فين. وازاي اخلص منه
الغريب
تخلص من جيهان اقول لك ازاي تخلص من رفعت الساحر وتحرر كاميليا وتنزل اللي في بطنها قبل ما قلبة يدق اول دقة وهو مكتمل النمو
رفعت وهو حزين
مافيش حل غير اني اقتل جيهان
الغريب
لو هاتصدقك وماتتجوزش عبد الغني ودة طبعا مش هايحصل. يبقي تموت جيهان او تموت كاميليا
فبص له رفعت بصة كلها غل، ،،،،،،،،،،
مش هقول. علقو والجو دة. اكتب تقيمك للحلقة من
واحد ل عشرة. حلوة الصيغة دي.
روعه عشره على عشره
ردحذف