رحلة الغريب
★الحلقة السابعة★
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★وفي نفس اللحظة ومن قدام شقة والد كاميليا يقف رفعت ويرن جرس الباب وينتظر للحظات حتي يفتح الباب ويجد كاميليا امامه وبدأ الشر يفوح في المكان. وكاميليا مصدومه من اللي هي شايفه ورفعت يقول لها بصوت حنون
وحشتيني اوي
كاميليا وهي زي الخرساء وهايغمي عليها من المفاجاة وقالت بصعوبة
انت.
رفعت
أة.
كاميليا
طيب ازاي
رفعت
هاحكي لك وانا واقف علي الباب كدة. سيبيني ادخل الاول
ويدخل رفعت وبعدها بكام دقيقة وبعد ماحكي رفعت كل ما حصل لكاميليا اترمت كاميليا في حضنة وقالت فرحا
انا كنت بجد هاموت من غيرك. انا فرحانة اوي انك لسة عايش.
فيحضنها رفعت ويشم كل حتة في جسمها ويحضنها بشدة لدرجة جعلت ضلوعها تكاد تعتصر في يدة فتبتعد عنه كاميليا وتقول
رفعت انت مطلقني ما تنساش
رفعت وهو لايزال يحضنها
هارجعك لعصمتي. بس سيبني دلوقتي اتمتع بيكي
كاميليا وهي تحاول الخلاص من يدة
رفعت ما تستغلش ان بابا وماما مش هنا وتضحك علية لازم ارجع مراتك الاول وبعد كدة هاكون ملك ايدك
فيبص رفعت في عيونها وهنا تستسلم كاميليا للمجهول، ،،،
وبعدها بيوم يفوق رفعت من حالة الاعياء الشديدة اللي كانت عنده ويبص لصابر اللي كان واقف قدامه وقال
الف حمد لله علي سلامتك يا خويا
رفعت بصوت لايزال به رائحة المرض
الله يسلمك. انا مش مصدق لغاية دلوقتي اني خرجت من قبري حي
ويكح رفعت فيقول صابر
لسه ليك عمر
رفعت
لكن قولي عرفت ازاي اني حي
صابر
من شاب كدة قال انه يعرف الكتير عندك
فاعتدل رفعت في قعدتة وبدأ يوصف الغريب فقال له صابر
ايوة هو دة. دة صاحبك دة يا رفعت
رفعت
دة الغريب عرافي الامين
فتح صابر بقه بسنه عبط كدة وقال
هه. انت بتقول اية
رفعت
ما بقولش حاجة. المهم صحيح كاميليا عرفت اني لسة عايش ،،،،،،،،
ومن داخل اوضة نوم كاميليا في شقة والدها تصحي كاميليا علي صوت مامتها عديلة اللي كانت بتقول
كاميليا كل دة نوم يالا حبيبتي الظهر اذن
فتفتح كاميليا عيونها وتبص لها وتقول
ماما أنتي جيتي امتي
عديلة
احنا من الصبح انا وباباكي هنا. انتي أية نايمة متاخر امبارح
كاميليا
أة. أصل رفعت جه وسهرنا مع بعض لاذان الفجر
عديلة باستغراب
رفعت.
كاميليا
اة. رفعت ما هو ما متش طلع كان مدفون حي
عديلة وهي بطبطب علي بنتها
طيب يا حبيبتي. انتي باين عليكي كنتي بتحلمي يا،،،،،
فتقاطعها كاميليا
لا. والله العظيم ما كنش حلم
ونزلت كاميليا من فوق السرير وهي بتقول
يا رفعت روحت فين رد علية
وفي هذة اللحظة يرن التيلفون الارضي فتجري كاميليا مسرعا ناحية التيلفون وترفع السماعة قائلا
الو
فتسمع صوت رفعت يقول بعلو صوته
اخيرا الخط جمع. الو يا كاميليا
كاميليا
رفعت انت فين
رفعت باستغراب
انا في البلد. انما غريبة انك مش مستغربة اني بكلمك
كاميليا
واستغرب لية ما انا عرفت كل حاجة
رفعت
عرفتي اني كنت مدفون حي
كاميليا
اة. ما انت قولت لي امبارح
رفعت باستغراب شديد
انتي بتقولي اية. انا لسة فايق دلوقتي من اللي حصل لي
كاميليا
ازاي بس وانت كنت عندي امبارح
رفعت
ازاي كنت عندك. اكيد مش انا
كاميليا
هو انا هادوهه عنك برضو يا رفعت.
وهنا تنتهي المكالمة لانه كان حاجز مدة واحدة فقال صارخا
الو يا سنترال. كمان مدة لسة ما خلصتش كلامي
ولكن لا حياة لمن تنادي ويقول بعصبية شديدة
كمان مدة حد يرد علية
فيقف صابر وراء منه وهو يقول
مالك يا خويا بتزعق لية كدة
رفعت
صابر عايز عربية تنزلني القاهرة حالا ،،،،،،،،،،
ومن داخل شقة الغريب يرقد الغريب علي السرير الموجود في اوضة وقد بدأت علامات غريبة تظهر علي جسمة وتجلطات دموية تبان في عروق رقبتة وبينزف دم اسود من مناخيرة فيمسح هذا الدم بمنديله ويقوم بصعوبة ويروح ناحية التيلفون الارضي الموجود في شقتة ويطلب رقم وينتظر الرد فيرد شخص من علي الجانب الاخر فيقول الغريب بصعوبة
عاوز حامد
ثم يسكت للحظات ويقول مرة اخري
حامد طالب كلية الطب الساكن في الشقة اللي فوقيك
ويسكت لدقائق ثم يقول
ايوة يا حامد انا الغريب
فيقول حامد
الغريب مين
الغريب يكح ويقول بعصبية
اللي اديتك اسئلة امتحان دكتور رفعت اسماعيل قبل ما هو يحطها في ورقة الاسئلة
حامد
اة. ازيك انت عامل اية دلوقتي
الغريب
اسمعني كويس مافيش وقت انا زي ما ساعدك محتاجك تساعدني
حامد
اساعدك اعمل اية
الغريب
تروح لدكتور رفعت اسماعيل وتعرفة اني عايز اشوفه ضروري. ودة العنوان بتاعي
حامد
بس دكتور رفعت مات
الغريب بعصبية
ما متش اسمع الكلام بقول لك مافيش وقت، ،،،،،،،،
وبعدها بكام ساعة يصل رفعت اسماعيل للقاهرة ويتجة لبيت والد كاميليا ويجلس مع كاميليا ويقول بعصبية
قولت لك مش انا مش انا.
كاميليا
اومال مين بس. دة انا شوفته وقعد معه زي ما انا قاعدة معاك دلوقتي
وفي هذة اللحظة يسمعو الاثنين صوت خبط علي باب الشقة فتذهب عديلة لتفتح الباب فتجد رفعت اسماعيل اخر فتصدم وتقول بصعوبة
أن أن أنت طيب ازاي
فتسمع صوت كاميليا بتقول
مين يا ماما
فتبص ناحيتها عديلة وتقول
رفعت جوزك
فيصدما الاثنين رفعت وكاميليا ورفعت الاخر يدخل عليهم فيقف له رفعت ويبص له وكانه باصص في مرايا وقال
أنت مين
رفعت الاخر
انا رفعت اسماعيل
رفعت باستغراب شديد
اومال انا ابقي مين
رفعت الاخر
اكيد واحد نصاب
رفعت بعصبية
اخرس يا حيوان
فيضحك رفعت الاخر ويقول
انا مش هاسمح بحاجة تبوظ علية فرحتي النهاردة وخصوصا اني جاي احتفل بكاميليا وابني اللي في بطنها
فيبص رفعت لكاميليا باستغراب شديد، ،،،،،،،،،،،
ومن النهاردة كل اللي فات حمادة وكل اللي جاي حمادة تاني خالص
مش هقول. علقو والجو دة. اكتب تقيمك للحلقة من
واحد ل عشرة. حلوة الصيغة دي.
انا عاوزة اعرف حمادة ده اخرته ايه10/10
ردحذف