الهام واللي كان الحلقة الاخيرة

 رحلة الغريب                  ‏

               ★الحلقة السادسية★

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                    ‏

خلصت حلقة امباراح من حكاية رحلة الغريب عند مشهد دكتور رفعت اسماعيل علي الارض بعد ما عمل حادثة بالعربية بتاعته وهو رايح لكاميليا مراتة وجت عربية الاسعاف وتم الكشف علي دكتور رفعت وسواق العربية الاخري وقال دكتور الاسعاف

دول ماتو

وشالو الجثتين وراحو بيهم ناحية عربية الاسعاف ودخلو الجثتين جوة العربية وانطلقت العربية بيهم، ،،،،

وبعدها بكام ساعة وبعد اذان الظهر ومن داخل المقابر الموجودة في بلدة المنصورة اللي كان بيعيش فيها صابر يقف اهل دكتور رفعت ويستعدوا لدفنه وسط حالة من الحزن الشديد وبكاء وصراخ النساء ومن ضمنهم كاميليا اللي كانت منهارة تماما واخرج اخو رفعت الوحيد ويدعي صابر جثمان رفعت من اللحد ووضعه في الجبانة وهو يبكي بحسرة مات اخوه الكبير صاحب الفضل عليه واللي احتوا بحنانه من بعد موت والده وبعد اتمام مراسم الدفن وقف اخو رفعت وبعض الاقارب المقربين علي راس الواقفين لتلقي واجب العزاء وانتهت مراسم العزاء وانصرف الحاضرين. ، ،،،،،،،،،

وبعدها بكام ساعة ومع حلول الظلام وبالتحديد بعد منتصف الليل. يفتح رفعت اسماعيل عيونه وهو بداخل قبرة ويتحسس المكان من حول منه والظلام الدامس يسيطر علي المكان فما اظلم القبر وظل رفعت يحارب ويحاول حتي اخرج ايدة من الكفن ومد ايدة يمين وشمال الي ان لمس هيكل عظمي بيدة يخص والده ومع رائحة الموت اللي بتفوح في المكان ووجودة جوة قطعة قماش وهو الكفن. وكان عاري تماما قدر يخمن هو فين بالظبط وبدأ يحاول الخروج من قبرة. وهنا افتكر كلام الغريب وهو يقول له.

بلاش تروح لها. هاتحصل لك كارثة وهاتكون لوحدك وسط الظلام. اسمع كلام النبؤة

وبالفعل حصلت الكارثة وواضح ان الدكتور اللي كشف علية اخطا في تشخيصة للحالة وافتكر انه مات مع ان دكتور رفعت كان في غيبوبة سكر حصلت له بسبب الخوف الشديد اثناء اصطدام العربية النص نقل بعربيتة

وبدا يصرخ ويصرخ علي امل ان يسمعه احد ويفتح له القبر ويساعدة في الخروج من القبر المميت ولكن بلا فائدة في مقابر عائلة دكتور رفعت بعيد عن العمار ولا يسكنها احد لذلك لم يسمع صرخات دكتور رفعت الا الكلاب المحيطة بالمكان واللي كانت تهوهو علي صرخات دكتور رفعت، ،، ،،،،،،

وصباحا ومن امام العمارة الموجود بيها عيادة دكتور رفعت تقف عربية ملاكي تدل علي ثراء صاحبتها وتنزل من هذة العربية فتاة شقراء في اوائل العشرينات من عمرها وتدعي جيهان وهي فتاة جميلة جدا بل فائقة الجمال وتنزل من العربية وتدخل الي العمارة وتصعد للدور الثاني حيث يوجد عيادة الدكتور رفعت وتقف امام باب العيادة المغلقة بسبب وفاة دكتور رفعت زي ما مكتوب علي الورقة المتعلقة علي باب العيادة فتنصدم جيهان بسبب هذا الخبر وتجد رجل في الخمسينات من عمره ينزل علي سلالم العمارة فتذهب ناحيتة وتقول له

لو سمحت

فيقف هذا الرجل ويقول

نعم

جيهان وهي بتبص للورقة المعلقة

هو فعلا دكتور رفعت مات

الرجل وهو مستغراب سوالها ويقول بحدة بعض الشي

ماهو مكتوب في الورقة قدامك اهو. هو يعني دة كلام في هزار 

جيهان

اسفه لو ضايقتك بسؤالي

وبدات جيهان في العياط فتاثر الرجل لحالتها وبص لها

مالك بس يا بنتي في اية 

جيهان

ما كنتش مستنية دكتور رفعت يموت في اكتر وقت انا محتاجة في

الرجل

للدرجة دي

جيهان وهي تخرج منديل من شنطة يدها وتمسح دموعها وتقول

العراف قال لي ان علاجي من المرض اللي عندي في ايد دكتور رفعت بس ولو روحت لاي دكتور تاني هاتكون نهايتي 

الرجل بحدة

استغفري ربك وخليكي مؤمنة واوعي تصدقي كلام الدجالين ابدا مهما كان صدقهم

جيهان

بس دة ما قالش اي حاجة ليا. الا لما طلعت صح

الرجل

دة اكيد نصاب. شوفي دكتور تاني تلاقي عنده علاج لمرضك. الا انتي صحيح مريضة باية

جيهان وهي محطمة نفسيا 

بسرطان الدم 

الرجل متاثر بكلامها

لا حول ولا قوة الا بالله. اصبري يا بنتي وهاتعدي المرحلة دي باذن الله وهاتخفي بس اتكلي علي ربنا وروحي لدكتور تاني يمكن تلاقي العلاج عنده

جيهان

بس العراف قال،،،،،،،،

الرجل بحدة 

تاني. اسمعي كلامي انا راجل عجوز وزي والدك واعرف كتير عنك اوعي تأمني بعراف مهما كان علمه يفضل الله اعلي واعلم

فاقتنعت جيهان بكلام الرجل وخرجت من العمارة وهي ناوية تشوف لمرضها علاج عند دكتور تاني، ،،،،،،،،

ومن المكان الغامض الموجود في الصحراء يقف الغريب قدام الرجل الغريب ويقول له الغريب بعصبية 

جيهان راحت لرفعت زي ما طلبت منها لكن الغبي حبه لكاميليا خلا ما يسمعش كلامي واندفن حي 

الرجل الغامض

كدة كل التخطيط راح والخطر بدأ يقرب منك. جيهان صدقتك. يعني صدقت العراف اللي جواك ودة كان اول الطريق للخلاص من اللي عندك لكن الباقي كان في ايد رفعت اللي رغم انه صدقك بردو عصي النبؤة 

الغريب

اعمل اية تاني اكتر من اللي عملتة لكن حب رفعت لكاميليا خلاه ينسي تحذيري لي وبرضو راح لها وحصل اللي حصل والموت بقي قريب منه

الغامض

لازم رفعت يخرج من قبرة ويقابل جيهان

الغريب

خلاص اروح لاخوة البلد واقول له ان اخوك مدفون حي

الغامض

اوعي تنسي اتفاقي معاك انت بس تحذرة انما لو ساعدة ما تلومش الا نفسك العراف اللي جواك هايموت وهاتعيش متعذب 

الغريب

انا كدة هاموت وكدة هاموت. لازم تساعدني يا سيدي 

الغامض

ماقدرش اساعدك في بداية رحلتك دة كان اتفاقي معاك علشان انقذك من اللي عندك . وللمرة الثانية لازم جيهان تقابل رفعت ورفعت يمنعها من الجواز ولو حتي قتلها ودة علشانك انت

الغريب

يبقي انا بقي لازم اتصرف

الغامض باستغراب 

ناوي تعمل اية

الغريب

هاستدعي دكتور رفعت اسماعيل من العالم الموازي

الغامض بدهشة رهيبة

تقصد كوكب أ. ع. 906. انت اكيد مجنون.

الغريب

مافيش قدامي حل غير دة

الغامض

بس دة هايسبب غضب شديد عند الكاهن الاعظم لان ما ينفعش استدعاء رفعت اسماعيل الاخر لاي سبب بدون اذن الكاهن 

الغريب

عقبال الكاهن ما يعرف باللي انا بخطط لي تكون جيهان بقيت بعيدة عن الخطر وقدرت انا انقذ نفسي 

الغامض

لعبة خطر. وانا مش. هاقدر أساعدك فيها 

الغريب

انا متحمل المسئولية كاملة المهم ان جيهان تقابل رفعت اسماعيل وياما تنفس كلامه ياما تموت ، ،،،،،،

ومن داخل القبر ولايزال رفعت يصرخ لعل حد يسمعه ولكن بلافائدة وسكت من شدة التعب وبدأ الجوع يحل علية والعطش يتمكن منه فهو بقاله يوم وكام ساعه بحالهم جوة القبر ولكنه جمع الباقي من قوتة وقال باعلي صوت

 الحقوني. حد يلحقني. انا مدفون حي

ويظل ينادي حتي يتعب بشدة لدرجة انه ما بقاش قادر علي النداء وبدأ يبحث عن الاكسجين اللي بدا يتناقص في الجو بشكل مرعب مع ان باب الجبانة يدخل بعض الهواء ولكنه الخوف من الموت وحب الحياة يجعل الوهم يتمكن من اي شخص في اي مكان ضيق ومظلم فما بالك بان هذا المكان هو القبر،،، وفي اضعف لحظات دكتور رفعت يسمع صوت اقدام تمشي بجانب القبر وحد بيصدر اصوات غريبة زي الهمهمة. ومعه كلب صغير باين من صوت نباحة وطبلة صغيرة بيضرب عليها بخشبة صغيرة ففرح جدا رفعت واستجمع الباقي من قوته وقال

الحقوني الحقوني

فيشعر رفعت باقدام هذا الشخص تقترب منه ويظل يصدر نفس الصوت الغريب والكلب ينبح ويظل الشخص يضرب علي الطبلة فيقول رفعت

ايوة انا جوة القبر افتح الباب أبوس ايدك وخرجني من هنا 

ولكن رفعت تخونه قوتة ويغمي علية،،،،

ومن امام الجبانة المدفون فيها رفعت يجلس رجل معاق ذهنيا ومعه طبلة وكلب وبيبص للجبانة وبيهمهم فينضم له راجل عجوز ويقول له

يا خي انت هنا وامك قلبه عليك البلد 

فيبص له خيري ويظل يهمهم وهو بيبص للجبانة فيقول له الراجل العجوز

انت اية اللي جابك هنا وكمان بتتمشي لوحدك وفين في الترب مش كفاية انك اخرس كمان هاتبقي ملبوس

ويمسك الراجل العجوز ايد خيري ويحاول سحبة من قدام الجبانة ولكن خيري يرفض ويبص للجبانة وكانه عايز يقول أن في حد عايش هنا فيقول الرجل العجوز بزهق

يالا بدل ما الغول يطلع ياكلك

فيخاف خيري من الغول ويقوم مسرعا ويمشي مع الراجل العجوز وهو بيبص علي الجبانة اللي مدفون فيها رفعت وبدأ بالفعل الموت يقترب من رفعت ،،،،،

وعلي الجانب الاخر يقف الغريب في داخل كهف شكلة مخيف ويضع ايدة علي حائط من حوائط الكهف وينظر لكومة من الطين امام منه ويقول كلام بلغة غير مفهومة ولكنها تعويذة ويظل يكرر هذة التعويذة الي ان تتحرك بقعة الطين وتتحرك وترتفع بقعة الطين لفوق وكانها بركان غاضب ثم تهدأ وتتبدأ تتشكل في صورة بني ادم ومش أي بني أدم دة صورة طبق الاصل من دكتور رفعت اسماعيل، ،،،

وعلي الجانب الاخر يقف الغريب في داخل كهف شكلة مخيف ويضع ايدة علي حائط من حوائط الكهف وينظر لكومة من الطين امام منه ويقول كلام بلغة غير مفهومة ولكنها تعويذة ويظل يكرر هذة التعويذة الي ان تتحرك بقعة الطين وتتحرك وترتفع بقعة الطين لفوق وكانها بركان غاضب ثم تهدأ وتتبدأ تتشكل في صورة بني ادم ومش أي بني أدم دة صورة طبق الاصل من دكتور رفعت اسماعيل فيبص رفعت للمكان اللي هو في ويبص للغريب ويقول سائلا 

انت مين وانا في أي زمن وعلي اي كوكب

الغريب

انت دكتور رفعت اسماعيل وانا اللي جمعت خلايا جسمك من العالم الموازي علشان تكون علي الارض وتحل محل دكتور رفعت اسماعيل البني ادم 

رفعت

انا بالفعل رفعت اسماعيل ولكني مش دكتور 

الغريب

دة في كوكبك انما انت دلوقتي علي كوكب الارض وهنا رفعت اسماعيل دكتور امراض الدم 

فيقترب رفعت من الغريب ويبص في عيونه ويقول

سابني افهم كل حاجة بطريقتي. ان كان دكتور رفعت في كوكبه دكتور امراض الدم فانا في كوكبي الساحر الاخير للمعبد المعظم 

واقترب رفعت اكتر واكتر من الغريب وامسك بالغريب بمنتهي القوة وبص في عيونه وشاف كل ماضي الغريب وعرف كل اللي بيفكر في والغريب بيصرخ ويحاول الخلاص من رفعت ولكنه مش قادر الي ان ينتهي رفعت مما يفعله وترك رفعت. الغريب اللي وقع علي الارض وضحك رفعت ضحكة مخيفة وقال 

أنت العراف اللي من مصلحتة ان الشقراء ما تتجوزش او تموت علي ايد رفعت اسماعيل. 

ويضحك كمان وكمان ويقول 

علشان كدة انت حضرتني. لكن انا بقي هايكون ليا تعديل بسيط علي خطتك وهو انك تساعد رفعت اسماعيل وماتبقاش العراف وتتعذب لغاية ما تموت وبموتك اعيش انا حر في كوكب الارض بعد ماينفذ رفعت اسماعيل المخطط بتاعك ويقتل الشقراء ويموت هو كمان

ويضحك فيقول الغريب بتوسل 

لا. انا جمعت خلايا جسمك علشان تساعدني مش تقضي عليه انا غني جدا وفلوسي كلها هاتكون تحت امرك 

رفعت

وانا معروف في كوكبي اني ما بساعدش عرافين. انا الساحر الاخير للمعبد المعظم وعايش دول عمري عبد للكاهن جه الوقت اكون حر واتمتع بحياتي 

الغريب

وكوني اني انا خليتك حر مايبقاش دة مبرر يخليك تساعدني

رفعت بشر مخيف

انا فعلا هساعدك في انك تموت 

ويمسكه رفعت كمان مرة ويرفعه لفوق ويبص في عيونه ويقول بصيغة الامر 

ساعد رفعت اسماعيل واستني العذاب، ،،،،،،،،،،

ومن داخل دوار صابر. اخو رفعت يقف الغريب امامه وهو يقول بعصبية 

مافيش وقت لازم تصدقني اخوك مدفون حي

صابر بعصبية

انت يا راجل يا مخبول. اخو مين اللي مدفون حي

الغريب 

اخوك انت. افهم بقي وصدقني انا مش هاغشك 

وامسك الغريب يد صابر وهو يقول

تعالي معايا نفتح القبر اخوك اكيد بيموت ومحتاج أي حد يساعده

صابر

وانت عرفت ازاي انه مدفون حي

الغريب

انا اعرف حاجات كتير عن اخوك. وماتبقاش غبي وبطل تضيع وقت في الرغي دة.  

صابر بعصبية 

بقول لك اية انت باين عليك مجنون. بقي عايزني اكذب الدكتور اللي كشف علية وقال انه مات واصدقك انت

الغريب بعصبية

يعني انت مش عايز تصدقني انا بقي هافتح القبر واساعد اخوك

ويتجة الغريب ناحية باب الدوار وصابر يجري وراء منه وهو يقول

خد يا جدع انت رايح فين

ولكن الغريب لا يرد ويستمر في المشي وهو ناوي الذهاب الي المدافن واخراج رفعت، ،،،،،،،

ومن المدافن يقف الغريب قدام الجبانة المدفون فيها رفعت ويستعد لكسر القفل الموجود علي الجبانة وصابر يحاول منعه ولكن الغريب كان يدفع صابر بعيد عنه وصابر يقول له

يا راجل انت حرام عليك اللي بتعمله دة القبور ليها حرمة

ولكن الغريب يبعد صابر عنه ويكسر القفل الخاص بالجبانة ويفتح باب الجبانة فيجدوا الاثنين رفعت وراء باب الجبانة بالظبط ومغمي علية فياخذة صابر في حضنة ويستر عورتة بملابسة وهو يقول

أية اللي خلي جته اخويا تبقي وراء الباب كدة

فيقترب الغريب من رفعت ويضع ودانه علي القلب اللي كان دقاتة ضعيفة فيبص لصابر ويقول 

بطل رغي بقي وخد اخوك بسرعة علي أقرب مستشفي وخليهم يعملو له الاسعافات الاولية قبل ما القلب يقف خالص

فيبص صابر لرفعت ويقول

يا حبيبي يا خويا

ويبص ناحية الغريب كمان مرة فيجدة ينصرف بعيد عنه فيقول صابر

انت يا استاذ رايح فين. 

الغريب 

ماقدرش اساعدك اكتر من كدة.

ويبتعد الغريب عن المدافن تاركا صابر يحمل رفعت علي كتفة ويجري برفعت برة المدافن، ،،،،،،،

ومن داخل شقة متوسطة يقع الغريب في منتصف احدي اوضها ويتالم بشدة وقدام منه يقف رفعت الاخر فيبص له الغريب ويقول له بصعوبة شديدة 

أنت السبب أنت اللي خلتني اساعد رفعت اسماعيل. غصب عني ووصلتني للعذاب دة أنا لازم اخلص منك يا شيطان. 

رفعت

لازم واحد مننا يموت علشان الثاني يعيش ويتمتع بكل المتع الموجودة علي الارض هنا

ويلف رفعت حوالين الغريب وهو يقول

تعرف اني حبيت كوكب الارض قوي. في حياة أحلي كتير من اللي علي كوكبي. 

ويتجة رفعت ناحية باب الاوضة وهو يقول

ودلوقتي بقي أسيبك وأمشي علشان عندي زوجة وحشاني جدا ومحتاج أقضي معها وقت طويل

الغريب

انت بتتكلم عن مين

رفعت بمنتهي الشر

بعدين تعرف

ويخرج من الاوضة ويقفل الباب وراءه منه، ،،،،،،، 

ومن داخل احدي المستشفيات الكبيرة تجلس جيهان في اوضة كشف كبيرة وامام منها يقف دكتور امراض الدم ويدعي غنيم ويقول لها

مافيش عندك سرطان دم ولا حاجة دة كان مجرد وهم

جيهان

اومال انت لية يا دكتور نقلت لي دم

غنيم

دة علشان انتي نزفتي كتير قبل ماعمل لك التحليل والاشعة وكان لازم اعوض الدم اللي نزل منك بدم تاني من اكياس الدم الموجودة في المستشفي عندنا واللي متبرع بيها ناس من محبي الخير

جيهان

بس أنا حاسة أن لسة مريضة وكل اعراض سرطان الدم عندي 

غنيم

برضو مصممه توهمي نفسك الوهم دة هايسبب لك مشاكل كتير وممكن بسبب الوهم دة يجي لك فعلا سرطان الدم

جيهان 

أنا بس عايزا اطمئن تاني

غنيم

انسة جيهان لو مش مرتاحة لتشخيصي ممكن تاخدي الاشعة والتحاليل بتوعك وتعرضيهم علي دكتور تاني

فتبص جيهان للدكتور ولاترد، ،،،،،،،،،

وبعدها بيوم ومن داخل دوار صابر ينام رفعت راقدة في احدي اوض الدوار وكان الدكتور امام منه ومعلق له تحاليل وبيبص لصابر وبيقول له

اطمئن يا صابر اخوك الحمد لله بقي احسن واسترد جزء كبير من عافيتة

صابر فرحا وهو بيبص للدكتور

طيب الحمد لله يا دكتور انت مش عارف انا كنت خايف علية ازاي

الدكتور 

اللي حصل برضو مش شوية دة كان مدفون حي

صابر

ما تفكرنيش يا دكتور علشان انا لو اعرف بس طريق للدكتور الحمار اللي كشف علية في الاول وقال انه مات

الدكتور 

فعلا غلطة تستاهل ان الدكتور دة يتحاكم الاهمال كان ممكن يتسبب في موت بني ادم. لكن خلينا نقول الحمد لله أن ربنا بعت لك الشاب دة في الوقت المناسب لان ساعة كمان كانت كفيلة بموت دكتور رفعت اسماعيل

صابر وهو بيوس راس اخو

الحمد لله لسة لي عمر، ،،،،،،،

وفي نفس اللحظة ومن قدام شقة والد كاميليا يقف رفعت ويرن جرس الباب وينتظر للحظات حتي يفتح الباب ويجد كاميليا امامه وبدأ الشر يفوح في المكان، ،،،،،،،،

مش هقول. علقو والجو دة. اكتب تقيمك للحلقة من

 واحد ل عشرة. حلوة الصيغة دي.