الهام واللي كان الحلقة الاخيرة

 المملكة السوداء

                   ‏ الحلقة الثانية 

   

من تاليفي.
محمد منصور. منص 

                              ‏             

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم ‏

 وبعد لحظات من فتح التؤام لعيونهم يبكون بصوت مريب بكاء سمعه أهل المملكتين في نفس التوقيت وكل من كان نائم أستيقظ وخرج الجميع من بيتوهم وذهبوا ناحيه صوت بكاء التؤام مسرعين وفي بلد الملكه جميله نظر 

أهل البلد الي الطفل الموجود علي الشاطي عندهم وقالت ‏حريم البلد في نفس الوقت

  ‏

أبني أيه اللي جابه هنا

ورجال البلد يقولوا في نفس الوقت  

أبني 

ثم ينظروا الحريم الي بعض والرجال ينظروا الي بعض نظره كلها غضب وتقول أحدي النساء لسيده أمامها

أبنك أيه ده أبني أنا

فترد عليها بنرفزه وتقول

هو مين ده اللي أبنك دي أبني أنا

وسيده تحاول أن تمسك الطفل فتمنعها سيده أخري وهي تقول

أوعي تمدي أيدك علي أبني

فترد عليها وتقول

أنتي مجنونه ده أبني أنا 

وتتعارك نساء البلد مع بعضها والرجال أيضا تتعارك الكل يتعارك والطفل الرضيع ينظر لهم ،،،،،

وفي بلد الملك مروان كان لا يختلف الحال كثيرا والكل يتعارك من أجل الطفل الاخر وأستمر الحال لبعض الدقائق

وأصيب من أصيب ومات من مات.  

ومن جوة قصر الملكة جميلة يدخل عليها كبير الحرس وهو باين عليه الفزع وبيقول

مولاتي اهل المملكة بيصارعوا بعض والدم والضحايا اللي بتقع ما حدش يقدر يصدقه

جميلة بفزع وهي بتنهض من فوق عرشها

واية سبب المعركة دي

الحارس

طفل يا مولاتي.

جميلة باستغراب 

طفل. استدعي الوزير حالا وحضر كل حرس المملكة لفض هذا الصراع. وهات لي الطفل دة ،،،،،،،،،

وبالفعل اتنفذت تعليمات الملكة جميلة وتم فض النزاع بالقوة. واخذ الحرس الطفل الي قصر الملكة جميلة.  

ونفس الحال في بلد الملك مروان فض جعفر النزاع بين أهل البلد وأخذ الطفل هو الاخر وأتجه به الي قصر الملك مروان وأتجه أهل البلد خلف منه وفضلو واقفين عند بوابه القصر والكل ينادي ويطلبون أبنهم والحرس يمنعهم من تخطي البوابه الخاصه بالقصر ويحدث هرج ومرج وشغب أمام قصر الملك مروان وجعفر يخرج لهم من شرفه القصر وينظر ولهم يقول للحرس بمنتهي الحزم

اللي يقرب من البوابه أقتلو،،،،،

وفي بلد الملكه جميله وامام قصرها لم يختلف الحال كثيرا عن بلد الملك مروان وأهل البلد يحاولون تجاوز الحرس والدخول الي قصر الملكه وكانت الملكه جميله

تجلس مع كبير السحره وأمامهم الطفل وينظروا له والطفل ينظر لهم ويضحك ضحكه مخيفه فيقترب كبير السحره من الطفل واول ما يمد يدة تحترق فيصرخ الساحر

وينظر للملكه ويقول

طفل ملعون طفل ملعون

وينظر الي أيده وهي تحترق ويحاول أطفاء النار من يده

ولكن النار لاتنطفئ والملكه تخاف من النار وتحضر قماش وتلفه حول يد كبير السحره فتنطفئ النار وتنظر الملكه الي الطفل والطفل ينظر لها ثم تنظر لكبير السحره وتقول

قصدك أيه بطفل ملعون

كبير السحره

الطفل ده هايحبه كل أهل البلد وانتي وجيشك وسحره القصر هما اللي هايكرهوه وهاتتمني موته لانه لو فضل عايش أحنا اللي هانموت 

الملكه جميله

يعني أيه أهل بلدي هايكونوا ضدي 

كبير السحره

هي دي اللعنه اللي أتزرعت جوه الطفل ده كل ماحبه يزيد في قلب اهل البلد كرهه يزيد في قلبك

الملكه جميله

يبقي لازم نبعده عن البلد 

فينظر لها كبير السحره ويقول بحسره

ماحدش هايقدر يقرب منه واللي هايقرب منه غصب عنه

ها يحصل له زي اللي حصل لي ويمكن أكتر 

جميلة 

اكيد اللعنه دي سببها يعقوب 

كبير السحره

 يعقوب هو ما فيش غيره اللي يعمل كده زرع اللعنه جوه الطفل علشان شعبك اللي بيحبك يكرهك وفي نفس الوقت يعقوب ينتقم منك بعد ماطردي من القصر 

 ‏

الملكه جميله بمنتهي الحزم تقول

وأنا بقي مش هاخلي ينول اللي عايزه بس تفتكر أن الملك مروان معه

الساحر

معه أزاي وفي طفل ظهر في البلد عنده وحصلت مدبحه بين الشعب زي اللي حصلت عندنا وماتنسيش أن جعفر أخو مايرضاش بالظلم زيك يا مولاتي وعمره ما هيرضي أن الملك مروان يحط أيده في أيد يعقوب وخصوصا أن جعفر هو السبب في الهدنه اللي بينك وبين الملك مروان

جميلة

طيب واية الحل، ،،،،،

وفي هذه اللحظه وفي بلد الملك مروان كان الملك مروان يجلس علي عرشه وأمامه الطفل الاخر ومعه جعفر وكبير سحره الملك مروان وكبير السحره يقول

أوعي تفكر تقتله أي حاجه هاتحصل للطفل ده أهل البلد هايعرفوها ومش هايرحمونا

الملك مروان

طيب والعمل أيه

كبير السحره

لازم نعرف يعقوب زرع العمل بتاع الطفل ده فين ونجيبه ونحرقه هو ده الحل الوحيد غير كده هاتقوم حرب أهليه

وهايموت ناس كتير من أهل البلد

المللك مروان

ناس تموت يستحيل في عهدي يتهدر دم مسلم لازم تتصرف وتوقف المدبحه اللي ممكن تكون سببها اللعنه

ثم ينظر الملك مروان الي جعفر ثم ينظر الاثنين الي الطفل الملعون ويقول الملك الي جعفر

أخرج هدي الناس دي بكلمتين وخليهم يمشوا من قدام القصر وعرفهم أن الطفل في أمان

في هذه اللحظه تظهر عيون يعقوب في أحدي حوائط القصر وينظر الي الطفل فيقف الطفل علي قدمه ويتجه ناحيه جعفر وهو يتجه ناحيه البالكونة وسط أستغراب من الملك وكبير السحره ويمسك الطفل بيد جعفر ويرمي الطفل نفسه من بالكونة القصر ويسقط علي أهل البلد ويلحقه الشيخ علي. قبل أن يلمس الارض وينظر أهل البلد الي البالكونة فيلاقو جعفر واقف فتخيل لهم أنه هو اللي رمي الطفل فنظروا أهل البلد اليه نظره غضب

وقال الشيخ علي

أقتلوا جعفر زي ماكان عايز يقتل أبننا

وينظر الطفل الي جعفر ويضحك نفس الضحكه المخيفه

ويهجم أهل البلد علي القصر بكل غضب ولكن كبير السحره ينظر لهم من شرفه القصر ويلقي عليهم تعويذه

تجعلهم يقفون في مكانهم لا يتحركون ويقول الساحر

بسرعه يا جعفر أهرب من هنا لانهم لو فاقو من التعويذه هيدورا عليك علشان يقتلوك

فينظر الملك مروان الي جعفر ويقول

روح بسرعه للقصر اللي تحت الارض وأوعي تخرج منه أنا مش ناقص أني أخسرك أو يحصل لك حاجه

جعفر

بس أنا ماتعودش أهرب أو اكون جبان

الملك مروان بمنتهي الحزم

مش وقته روح علي القصر حالا

ويذهب جعفر وهو ينظر الي الساحر والملك. مروان ويقول الملك مروان للساحر 

أتاكد أن جعفر مشي

فيذهب الساحر الي الباب الذي خرج منه جعفر وتأكد انه ذهب فرجع الي الملك وقال

جعفر مشي يا مولاي 

فيجلس الملك مروان علي العرش ونظر ناحيه أحدي الحوائط وقال

يعقوب

فيخرج يعقوب من الحائط وينحي أمام الملك مروان ويقول

مولاي

فيقول الملك مروان

يعقوب مشي الناس دي من هنا

ويخرج يعقوب الي البالكونة وينظر الي أهل البلد ويشاور لهم بالانصراف فينصرفوا ويتركوا الطفل فينظر يعقوب

الي الطفل ثم ينظر الي غرابه فيتجه الغراب ناحيه الطفل

ويمسكه ويطير به ويرجع يعقوب الي الملك ويقول

مولاي كل شي تمام وأهل البلد هيناموا ويصحوا وكأن مافيش حاجه حصلت

كبير السحره

أهم حاجه يا مولاي جعفر يفضل في القصر محبوس علشان الخطه تكمل بنجاح 

الملك مروان

ماتقلقش من جعفر أنا هابعده عن البلد علشان نكمل خطتنا

ثم ينظر الي يعقوب ويقول

أكبر غلط أن أهل البلد يصحوا الصبح وكأن ما فيش حاجه حصلت أنا عايز أهل البلد بكره الصبح يدورو علي الطفل 

ويحصل بينهم مشاكل كتير

الساحر

بس كده ناس كتير هاتموت منهم

الملك مروان 

اللي يموت يموت المهم الملكه جميله تشوف البلد عندنا فيها خراب زي مافي خراب عندها مش عايزها تشك لحظه أني أنا وراء اللي بيحصل 

يعقوب

وبعد كده يا مولاي

الملك مروان

عايز أهل بلد الملكه جميله ياكلوا من السمك اللي الدود بتاعك مات جوه منه ويبتدي المرض ينهش لحمهم

يعقوب

وأهل البلد هنا

الملك مروان

طباخ السم لازم يدوقه وهما أهل البلد اللي طالع منها السم

يبقي لازم يدوقوا

ويضحك الثلاثه ضحكه كلها شر ويقول يعقوب

بعد أذنك يامولاي أنا هامشي علشان أحضر السمك

ويخرج يعقوب من القصر متخفي ويتجه ناحيه البحر

ويمد يده في البحر فيخرج من البحر كل السمك الذي به

الدود الميت فينظر لهم يعقوب ويقول

جه عليكم الدور نفذوا المطلوب

فيتجه معظم السمك بكل سرعته ناحيه بلد الملكه جميله ويتبقي باقي السمك ناحيه بلد الملك مروان فينظر يعقوب الي البحر ويقول

بدايه سنين المرض

وفي هذه اللحظه يقف خلف يعقوب رجل ضخم وملثم وفي يده سيف ويستعد للهجوم علي يعقوب ولكن حدث

شي غير متوقع *****

مش هقول. علقو والجو دة. اكتب تقيمك للحلقة من

 واحد ل عشرة. حلوة الصيغة دي.