مشوار هاجر
★الحلقة الحادية عشر★
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
،،،،،،ويستقبل امين. مصطفي ويدخله الي الفيلا ويخلي يقعد علي كنبة انترية فيقول مصطفي بكسرة نفس وهو بيبص لهاجر اللي مدي له ظهرها
فين العريس
وهنا يظهر وسط الحضور المامور رياض وهو يرتدي بدله فخمة. ويقول
انا اهو يا حضرة الماذون
فيبص له مصطفي وهو يكاد يتجنن فيقول رياض وهو بيقعد جنب مصطفي
ازيك يا مصطفي عامل اية
مصطفي وهو زي المشلول من المفاجاة
انا بخير والحمد لله. بطاقتك يا عريس
فيخرج رياض بطاقتة ويديها لمصطفي. فيقول مصطفي
فين بطاقة وكيل العروسة
فيخرج امين بطاقتة ويديها لمصطفي وهو يقول
اتفضل يا شيخ مصطفي
مصطفي وهو ياخذ البطاقة منه يقول بصوت حزين
بطاقة العروسة والشهود
فيحضر امين البطاقات المطلوبة ويحطها كلهم قدام مصطفي ويفتح مصطفي دفتره ويبدأ في كتابة البيانات الخاصة بكلا العروسين وقلبه كان بيتقطع وهو بيكتب هاجر في خانه العروسة لدرجة ان دموعه خانته رغم انه حابسها من ساعه ما عرف ونزلت دموعه علي اوراق دفترة وبدات ايدة تترعش وبص لهاجر اللي كان حابسه دموع عيونها وهنا يقف مصطفي ويقفل الدفتر وهو يقول
شوفو ماذون غيري يكتب الكتاب
رياض
في اية بس
ولكن مصطفي لا يرد ويخرج من الفيلا مسرعا وسط استغراب كل الحاضرين فتبص علية هاجر وتقول لها سمر
مصطفي خارج وهو بيعيط
فتبص لها هاجر ولا ترد وتبص علي باب الفيلا اللي خرج منها مصطفي وهنا تسمع صوت رياض يقول
خلاص يا جماعه حصل خير نشوف ماذون غيرة،،،،،،
ويكتب كتاب هاجر علي رياض وتروح معه علي فيلته وهي في حاله من السكوت الشديد وتدخل الي الفيلا ورياض يقول لها
كان نفسي ادخلك فيلتك وانا شايلك بس انتي عارفة بقي حكم السن
فتبص له هاجر وتقول
ولا يهمك
رياض وهو طالع مع هاجر لاوضة نومهم يقول
ماكنتش اعرف ان مصطفي لسة بيحبك
هاجر
انا كمان ما كنتش اعرف انه لسة بيحبني كدة
رياض
وياتري انتي كمان بتحبي
هاجر
بحبه جدا. دة دنيتي كلها
رياض وهو يكتم غيظة
كنت هازعل اوي لو قولتي حاجة غير كدة. لاني عارف ومتاكد انك لسة بتحبي وانا ما بحبش اللي يكذب علية
هاجر
ولما انت عارف اتجوزتني لية
رياض
علشان حبيتك من اول يوم شوفتك ومابقتش اقدر اعيش من غيرك
ويدخلا الاثنين الي اوضة نومهم وبلف رياض ايدة حوالين وسط هاجر ويقول لها
وانتي بقي طالما لسة بتحبي مصطفي اتجوزتيني لية
هاجر بابتسامه مميتة
اتجوزتك علشان اجيب حق الشيخ صالح
فيبعد رياض ايدة عن هاجر وكان الكهرباء مسكته وقال. وهو يبتعد عنها
انتي تعرفي الشيخ صالح منين
هاجر وهي بتبص في عيونه
انا من اللاجئين. اللي هو كان بيربيهم.
رياض
يعني مش اخت سمر. زي ما فهمتيني
هاجر وهي تقترب منه وهو يبعد عنها
اختها بس مش اختها.
رياض
ومصطفي مش خطيبك الاولاني زي ما قولت لي.
هاجر بابتسامة
خطيبي ومش خطيبي
رياض
انتي عايزا مني اية بالظبط
هاجر
عايزا حق الشيخ صالح. اللي اتقتل في الزنزانة عندك وهو تحت حمايتك وانت بمنتهي الجبروت قيد القضية ضد مجهول
رياض
ماهو انا دورت كتير علي القاتل وماوصلتش لي
هاجر
غريبة مع ان القاتل موجود معانا
فيبلع رياض ريقة بالعافية ويقول
قصدك اية.
هاجر
طالما عايز تعرف قصدي ما تيجي احكي لك من الاول. واعرفك انت جيت في طريقي صدفة ولا كنت قاصده اوصل لك، ،،،،،،،
ونرجع بالاحداث لكام شهر وكانت هاجر قاعدة في فيلا ياسمين مع سمر وقدام منهم يجلس امين وياسمين ويقول امين
عرفت من ناس ليا في الدخلية ان المامور رياض مامور القسم اللي اتقتل في الشيخ صالح قرر يحفظ القضية ضد مجهول.
هاجر
يعني اية. انا مش فاهمة
امين
يعني اللي عمل كدة هايفلت بعملته
هاجر بعصبية
ازاي راجل طيب زي الشيخ صالح يموت مقتول واللي عمل كدة ماياخدش جزاءه
امين
دي الاخبار اللي وصلت لي. انتي عارفة اني مش سايب خيط ممكن يوصلني لحق الراجل دة الا وانا ماشي في. كفاية انه حافظ علي بنت اخويا من الضياع في وقت ماهي كانت مش عارفة هي مين
سمر
ولية المامور رياض دة يعمل كدة. دة المفروض انه اول واحد يدور علي حق الراجل الطيب دة
ياسمين
ممكن يكون متورط في حاجة
امين
والله كل شي جايز وخصوصا ان عرفت من ناس قريبة مني في الجيش انهم شاكين في. مع ان سيرتة الذاتية زي الفل والناس كلها بتشكر في وماحدش اتعامل معه واشتكي منه
هاجر
طيب لية يسكت قبل ما يجيب حق الشيخ صالح
امين
دة سؤال بقي اجابتة مش موجودة دلوقتي. بس انا مش هاسكت الا لما اعرف الحقيقة. حق الراجل دة مش هايروح،،،،،،
وفي نفس الليلة كان هاجر تجلس مع سمر في البالكونة الخاصة باوضتهم وبيشربوا قهوة وكانت هاجر سرحانه وبتفكر في مصطفي فتبص لها سمر وتقول
لما انتي ليل ونهار عماله تفكري في. لية ما تروحيش لي
هاجر
مش هاقدر استحمل منه كلمه تاني تجرحني.
سمر
يبقي خلاص انسي وعيشي حياتك
هاجر
انسي.
وتتنهد هاجر وتقول
انسي مصطفي. انسي روحي. انسي الحلم اللي عيشت كتير احلم بي. انتي اكيد بتهزري
سمر
طيب اخرتها اية.
هاجر
تفتكري مصطفي بيدور علية وبيفكر فيه زي ما انا بفكر في
سمر تفكر في الاجابة ولا ترد فتقول هاجر
سكتي يعني
سمر
اصلي ماعرفش هو بيحبك زي ما انتي بتحبي ولا لا.
هاجر
انا كمان ماعرفش هو بيحبني ولا لا. ودي حاجة هتاكد منها بعدين
سمر
بس مصطفي اخر مرة كنا عندة. بوقه قال كلام يجرحك لكن عيونة كانت بتقول كلام تاني
هاجر
يمكن. بس تعرفي ان اللي انا فعلا بفكر في دلوقتي هو مين
سمر
مين
هاجر
المامور رياض
سمر باستغراب
لية
هاجر
مش مرتاحه. ازاي واحد زي رياض دة وبالطيبة اللي بيقول عليها اخوكي يقفل قضية زي قضية الشيخ صالح من غير ما يجيب حقة. وازاي كمان حد يتقتل جوة زنزانة في قسم من غير ما حد يحس ولا يعرف مين اللي عمل كدة. مش شايفة انها غريية شوية
سمر
هي بصراحة غريبة جدا. دة انا اسمع عن الحكومة انهم لو عايزين يجيبو مين هايجيبوا
هاجر
يبقي لية ما يكنش رياض دة وراء اللي حصل
سمر
ولية يعمل كدة
هاجر
دة بقي اللي انا هاعرفه بنفسي
سمر باستغراب اكتر
انتي. وانتي تقدري تعملي اية
هاجر
اقدر اعمل كتير. اكراما للشيخ صالح اللي عمل علشانا اللي ما يعملهوش اي حد والراجل دة اتقتل بسبب انه ساعد اللي زيي. ومن حقه عليه اني اجيب حقه
سمر
ايوة بس. انتي تقدري تعملي اية مع راجل زي رياض دة وبالمنصب اللي هو في
هاجر
اقدر اخلي يحبني ولما الراجل يحب ست بيضعف قدام منها مهما كان سلطتة حتي لو كان ملك
سمر
اخاف عليكي من فكرة زي دي
هاجر
دي مش فكرة دة مشوار وهامشي في للاخر بس حق الشيخ صالح يرجع
سمر
عايزانا نعمل اية
هاجر ياستغراب
عايزانا. انتي مالكيش دعوي باللي هاعمله
سمر وهي بتمسك ايد هاجر بحنان الاخت
انا مش هاسيبك. معاكي لغاية ما نجيب حق الشيخ صالح سوي
هاجر
يبقي توكلنا علي الله تخلي عمي امين يجيب لينا كل المعلومات عن رياض. وانا هاتصرف، ،،،،،،
ومن داخل عيادة خاصة بيتعالج فيها رياض من امراض القلب تجلس هاجر مكان الممرضة بعد الاتفاق مع الدكتور المعالج. ليدخل الي العيادة رياض ويبص لهاجر باستغراب ويقول
انتي مين
هاجر بدلع وهي بتبص لرياض
انا هاجر. الممرضة الجديدة
فيبتسم لها رياض ويتسحر بجمالها. ويقول لها
بس مش باين عليكي انك ممرضة
هاجر بصوت حنون
ماهو انا فعلا مش ممرضة انا بنت ناس وعمي يبقي عقيد جيش متقاعد امين عبد الحي بس انا بحب الشغل جدا وخصوصا في التمريض والنهاردة بالذات حبيت شغلي جدا وحبيت العيادة دي
رياض بارتباك وهو مش قادر يقاوم جمالها قال
واشمعني النهاردة يعني
هاجر بدلع
دي بقي حاجة تخصني انا.
وفي هذة اللحظة يسمعوا صوت الدكتور يقول
يا هاجر في حد عندك برة
هاجر
في استاذ
وتبص لرياض بصه تربك رياض وتقول له
حضرتك اسمك اية
رياض
رياض.
هاجر للدكتور
استاذ رياض
الدكتور
خلي يتفضل
هاجر لرياض
الدكتور مستني حضرتك
رياض
من ساعة مراتي ما ماتت اول مرة احب اسمي كدة
هاجر ضاحكا
طيب خش علشان الدكتور مستني
فيدخل رياض الي اوضة الدكتور وهو بيبص لهاجر وهاجر بتبص في اوراق قدام منها، ،،،،،،،،
وبدا رياض يتردد علي العيادة اكتر من مرة. وبدات هاجر تلعب علي وتر الحنية والاهتمام لغاية ما طلب رياض ايدها
فقالت له
والناس لما تعرف انك هاتتجوز واحدة من سن بنتك
رياض
طظ في كلام الناس. انتي عندي بالدنيا واللي فيها
هاجر بنفس الدلع
للدرجة دي
رياض
واكتر من كدة. انتي ما تعرفيش انتي بقيتي اية بالنسبة لي
هاجر
يبقي خلاص نتجوز. بس قبل اي حاجة عايزا احكي لك عن مصطفي خطيبي الاولاني وحبيبي
رياض
ولغاية دلوقتي حبيبك
هاجر
من بعد ما شوفتك وانا بحاول انسي وياتقدر تخليني انسي او يفضل هو حبيبي
رياض
طالما عرفتيني يبقي هاتنسي. المهم اشوف مصطفي دة واعرف هو لسة بيحبك
هاجر
انا سمعت انه بقي ماذون زي ابوة الشيخ صالح.
رياض
الشيخ صالح. افتكر اني سمعت الاسم دة قبل كدة. مش مهم المهم ان مصطفي دة يكون هو الماذون اللي هايكتب كتابي عليكي
هاجر
بس كدة. من عينيه، ،،،،،،،
ونرجع للاحداث بتاعتنا وهاجر واقفة قدام رياض وبتقول له
وطبعا علشان انت بتحبني وعايز تتجوزني وبس ما خطرش بالك أن البطاقة اللي معايا مكتوب فيها اسم اية واللي بيثبت اني مش اخت سمر ولا عمي اسمه أمين وكمان ما ربطش بين معرفتي لمصطفي ومعرفتي للشيخ صالح. الحب بيعمي وانا كنت قاصدة اني اعميك
وتقترب اكتر واكتر منه وتقول له
ودلوقتي بقي مش هاتقولي قتلت الشيخ صالح لية
يبلع رياض ريقة بالعافية وهو يقول
انا ما قتلتش حد ما قتلتش حد
ويخرج. رياض من الاوضة مسرعا وهو مرتبك وبيقول
انا عيلة زيك تلعب بيا. انا رياض الححوفي. يتلعب علية اللعبة الوسخة دي
ويخرج من الفيلا ويركب عربيتة وينطلق بها وهو زي المجنون ومش عارف يروح فين. وفجاة وهو ماشي علي كوبري اكتوبر القريب من بيته شاف تلت لوح اعلانية وكل لوحة مكتوب عليها، ،،،،،،،،،،،،،،
استنوني بكرة باذن الله والحلقة الاخيرة.
رووووووعة رووووووعة جدا
ردحذفتحفه جدااا
ردحذفوالله الوحة الإعلانية دى عسل
ردحذف