مشوار هاجر
★الحلقة العاشرة★
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
،،،،،ومن داخل فيلا ياسمين. تجلس هاجر ومعها سمر وياسمين وكانت هاجر بتعيط بحرقة وسمر تاخدها في حضنها وتقول لها
وبعدين معاكي بقي. مش كفاية عياط
هاجر
مش قادرة اصدق ان مصطفي يعمل معايا كدة ويقول لي الكلام دة. وفي نفس الوقت مخنوقة اوي علي موت الشيخ صالح مقتول لية راجل طيب زي دة ماعملش حاجة وحشة في حد يموت مقتول ومين يقتل الطيبين ويقتلهم لية.
في هذة اللحظة يقف امين وراء منها وهو يقول
علشان الشيخ صالح كان مع المقاومة الفلسطينية وياما ساعد ونفس عمليات ضد ظباط الجيش الاسرئيلي وياما هرب لاجئين. ورعاهم
فتبص هاجر وسمر لأمين وتقول سمر
وانت عرفت دة كله ازاي
امين
عرفت من النت. ومن صحابي اللي في الدخلية والجيش لما سمعتكم بتتكلمو عن الشيخ صالح في العربية واحنا راجعين وقد اية الراجل دة عمل معاكم كل خير حبيت اتعرف علي الشيخ صالح اللي معروف باسم فهد في فلسطين وصدقوني الراجل كان نفسي اتعرف علية اوي واتشرف بي وخصوصا بعد اللي عرفته بان في ناس عندنا من الجيش كانو بيساعدو لكن في السر من غير ما حد يعرف علشان معاهدات السلام اللي بينا وبين اسرائيل
هاجر
عمي امين انت تعرف ناس في الدخلية والجيش
سمر
يا هاجر عمي امين كان عقيد جيش وقرر يسوي معاشه بدري بسبب ظروفه المرضية
هاجر
طيب والناس دي ماقدرتش لية تحمي من اللي قتله
امين
علشان عمره خلص وجه ميعاده.
هاجر
يعني الشيخ صالح مات بسبب مساعدته لينا زي ما مصطفي قال
امين
ما تتحسبش كدة تتحسب انه مات شهيد وهو بيدافع عن قضية لازم كلنا ندافع عنها
هاجر
ومش من حقة ان علي الاقل نعرف مين اللي قتله وياخد جزاتة
امين
طبعا وانا عرفت ان المامور رياض الحوفي بيحقق بنفسه في القضية دي ومسيرة يوصل للي عمل كدة وهياخد جزاتة،،،،،،
ومن داخل شقة عزام اخو كريم يقف مصطفي علي باب الشقة ويخبط علي الباب بمنتهي العنف فيفتح عزام الباب وهو مفزوع ويقول اول ما يشوف مصطفي الثائر
مصطفي في اية
مصطفي بعصبية شديدة
فين كريم
عزام باستغراب
كريم. وانت بتسال علي كريم لية
فيزق مصطفي عزام في صدرة ويدخل الشقة وهو بيقول
وانا بخلص لك علية هاتعرف
ويبدا مصطفي زي المجنون يدور في كل اوض الشقة عن كريم وعزام وراء منه بيقول له
كريم مارجعش البيت بقاله يومين واخر مرة كلمني قال لي انه مع طارق في مصلحة تبع الشغل. وهيبات عنده هو في أية ما تقولي
مصطفي
في ان اخوك لابس ابويا قضية دعارة ظلم. كانت بسببها ابويا مات مقتول جوة الحجز
عزام باستغراب شديد
كريم يعمل كدة لية.
مصطفي
ما هو انا هاتجنن ازاي في بني ادم بالخبث والشر دة. دة انا ما قدرتش استني لغاية ما خد عزاء ابويا. وجاي علشان اخلص الناس من بني ادم زي كريم
عزام
طيب ممكن بالراحة تفهمني اية اللي حصل، ،،،،،،،
ومن قدام بيت طارق القديم واللي اتقتل في كريم. يقف توك توك وبه عزام ومصطفي ويقول سائق التوك توك.
هو دة بيت الصعيدي.
فيحاسب عزام سائق التوك توك وينزل هو ومصطفي من التوك توك ويبص مصطفي لعزام ويقول
انت متاكد ان دة بيت ابو طارق القديم
عزام
ان شاء الله يطلع هو. احنا ماشيين علي العنوان اللي اديهونا اخو طارق
ويدخلا الاثنين الي البيت ويطلعو الدور الثاني ويلاقو باب الشقة مفتوح فيستغرب الاثنين بشدة ويدخلو الشقة
و يلاقو جثة كريم علي الارض فانصدم الاثنين، ،،،،،،
وبعدها بثلاث ايام يستدعي رياض مصطفي للحضور الي مكتبة وبالفعل يحضر مصطفي الي المكتب فيقابلة رياض وهو يقول له
ازيك يا بطل يا ابن البطل. انت لازم تكون فخور بوالدك الشيخ صالح اللي اتمني يكون والدي زيه
مصطفي بدون اي مقدمات
حضرة المامور. ملهوش لزوم الكلام دة انا جاي النهاردة ومستني منك تقول لي لقينا اللي عمل كدة
فيتالم رياض بمنتهي الخبث ويقول
احنا مش ساكتين وانا بنفسي بدور علي الخسيس اللي عمل كدة لكن صدقني الموضوع مش سهل والقضية معقدة لكن لازم يكون ليها حل
مصطفي بصوت حزين
اومال حضرتك بعت لي. لية
رياض
هاقول لك حالا
ويرن جرس للعسكري الخاص بخدمته فيفتح العسكري الباب ويدخل فيبص له رياض ويقول
دخل البنات
فيدخل العسكري الاربع بنات اللي كانو في السكن وبان عليهم البهدلة من نومة التخشيبة فقال رياض
انا بعت لك علشان البنات دول. انا اكراما للشيخ صالح خلصت لك ليهم اوراق اقامتهم وكل شي بقي قانوني وتقدر تاخدهم وتروح وتكمل رساله الشيخ صالح
فيبص مصطفي للبنات ولحالهم اللي يصعب علي الكافر ويقول
انا ماليش دعوي بيهم ابويا مات مقتول بسببهم
رياض
خلاص اللي انت شايفة كدة انا اسف هاحولهم علي دار القاصرات او الاحداث اللي تابعة للدخلية
مصطفي وهو يقف
اعمل حضرتك اللي انت عايزة. وياريت لو هاتتصل بيا تاني يبقي بتتصل علشان تقولي انك مسكت اللي عمل كدة في والدي
ويتجة مصطفي ناحية الباب ويمسك مقبض الباب ويستعد لفتح الباب وهنا يسمع صوت بكاء احدي البنات اللاجئين فيقف ويتاثر بشدة ويبص للبنات وحالتهم وتخيل اللي ممكن يحصل لهم في دار القاصرات ومخالطتهم لبنات مذنبين فبص لرياض وقال
انا هاخد البنات معايا.
رياض
هاتمضي علي اقرار انك مسئول عنهم قصادي في كل حاجة تخصهم
مصطفي وهو بيبص للبنات اللي رجعه فرحه تاني
هامضي، ،،،،،،،،،،
وبعد مرور شهر يدأ مصطفي يفوق ويرجع لشغله وحياته ويرجع من شغله يجري علي البوم الصور الخاص بالبنات اللاجئين. ويبص لصورة هاجر باشتياق شديد ويقول لها
حقك علية. عارف اني كنت قاسي عليكي اوي لكن قتل ابويا خلاني ماعرفش انا بعمل اية ولا بقول اية. لو بس اعرف لك طريق كنت روحت لغاية عندك. وانتي تبقي غلطانة لو صدقتي اني ممكن اعيش من غيرك. انا بحبك يا هاجر والله العظيم بحبك،،،،،،،
وتمر الايام والشهور وتقيد قضية مقتل الشيخ صالح ضد مجهول ويغلق رياض الملف ومايقدرش مصطفي يعمل اي حاجة. غير انه يكون زيه زي الشيخ صالح وجوز بنتين من اللي عنده في السكن. وبدا يحس بقيمة اللي بيعمله وماكنش ناقصة غير انه يلاقي هاجر اللي دور عليها كتير لكنة ما وصلش لاي حاجة. ،،،،،،،،
وبعد مرور ست شهور واثناء خروج مصطفي اللي بقي ملتحي. من الجامع تقف قدام منه هاجر وتبص له وهو يبص لها باشتياق شديد ويقول
كان قلبي حاسس انك هاترجعي تاني ليا
هاجر ببرود
عرفت انك بقيت ماذون زي الشيخ صالح وجاية ليك علشان خاطر تكتب كتابي
فيصدم مصطفي ويبلع ريقة بالعافية ويقول بارتباك
انتي هاتتجوزي
هاجر
اة.
مصطفي بحزن شديد
وانا يا هاجر
هاجر
انا جيت في يوم لغاية عندك وانت طردتني
مصطفي
ما كنتش عارف انا بقول اية
هاجر
مابقاش ينفع. هاستناك بالليل علشان مش عايزة حد غيرك يكتب كتابي
وتخرج هاجر عنوان فيلا ياسمين وتدي لمصطفي وتسيبة وتمشي وتركب العربية بتاعت ياسمين وكانت سمر مستنيها وقاعدة في كرسي السواق وتقول لها
تفتكري هايجي
هاجر بحزن شديد
ماعرفش. بس انتي عارفة ان دة كان طلب العريس
سمر
انا مش عارفة هو لية طلب منك الطلب دة
هاجر
عايز يعرف لسة بيني وبين مصطفي حاجة ولا لا
سمر
ومش حرام مصطفي يشوفك مرتين وانتي بتروحي لغيرة
هاجر
في المرتين هو اللي ضيعني. واللي ما يعرفش قيمة اللي بتحبة كويس يبقي لو ضاعت مش من حقه يزعل عليها،،،
وياتي الليل وتتزين فيلا ياسمين لاستقبال المعازيم والحضور اللي جائيين يحضروا حفل كتب كتاب هاجر وتتزين هاجر لتصبح احلي عروسة وتجلس هاجر وسط المعازيم والكل بيبارك ويهني فتبص لها سمر وتقول
انتي متاكدة انك عايزة الجوازة دي تتم
هاجر باصرار غريب
طبعا متاكدة
سمر
يا هاجر بلاش
هاجر
دة مشواري ولازم اكمله للاخر
وهنا يدخل الي الفيلا مصطفي وهو معه الدفتر الخاص به فتبص له سمر وتقول
مصطفي جه يا هاجر
هاجر
مش هاقدر ابص تاني في عينه انا هامشي بعيد
ويستقبل امين. مصطفي ويدخله الي الفيلا ويخلي يقعد علي كنبة انترية فيقول مصطفي بكسرة نفس وهو بيبص لهاجر اللي مدي له ظهرها
فين العريس
وهنا يظهر وسط الحضور المامور رياض وهو يرتدي بدله فخمة. ويقول
انا اهو يا حضرة الماذون
فيبص له مصطفي وهو يكاد يتجنن، ،،،،،،،،،،
ومن النهاردة كل اللي فات حمادة وكل اللي جي حمادة تاني خالص، ،،
مش هقول. علقو والجو دة. اكتب تقيمك للحلقة من
واحد ل عشرة. حلوة الصيغة دي.
10/10
ردحذفانا نفسي اشوف حماده ده اللي بيطلع الجمال والرووووووووعة دي
ردحذفتم
ردحذفمش حماده واحد أكيد
ردحذفتسلم ايدك
ردحذف