ضرتي من الجن
★الحلقه السابعه★
والاخيره
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن جوة الاتوبيس اللي شغال عليه سلامه يقعد سلامه وفي أيده الكتاب الذي حضر به طشطوشي سارة
ويقرأ في الكتاب لغاية مايقف طشطوشي قدامه ويقول له
واخرتها أيه. انت من أمبارح بالليل وانت بتقرأ في الكتاب ده.
سلامه
لازم أوصل لطريقه أصرف بيها سارة واخليها تخرج من حياتي
طشطوشي
بلاش تصرفها. شوف طريقه تكرهك بيها وتخليها تحبني
سلامه
واخليها تحبك ازاي بس
طشطوشي
خلاص نروح للشيخ سحاب،،،،،،،،
فيقاطعه سلامه قائلا
أنسي بقي الشيخ سحاب ده خالص عشان سارة مش هاتخلينا نقابله أبدا
طشطوشي
طيب نتصل بالشيخ سحاب يجي لنا
سلامه بعصبيه
بطل غباء بقي. وهو ايه الفرق من اننا نروح له او هو يجي لينا برضو في الحالتين سارة مش هتخلي يقعد معانا ولا هاتخلي يعمل لنا العمل
طشطوشي
طيب والحل
سلامه
اديني بقرا في الكتاب بتاعك يمكن اعرف اصرفها انا
طشطوشي
وانت هاتفهم ايه. في علم التحضير والصرف.
في الوقت دة تقف قدام منه شريهان اللي كان انقذها سلامه من أيد البلطجي فيبص لها سلامه باعجاب شديد وهي تبص له وتقول
أنا كنت قريبه من الموقف فقولت لنفسي اجي اسلم عليك وبالمره اشكرك كمان مره.
سلامه بصوت ناعم ورقيق
لا شكر علي واجب اي راجل مكاني كان هايعمل كده واكتر
وفضلو يتكلمو مع بعض شوية فيستغرب طشطوشي ويقول لنفسه
ايه بقي كل الستات بتحبه هو فعلا شبه امير كراره ولا أيه
وطلعت شريهان الي الاتوبيس وانتظرت حتي انطلق الاتوبيس وفضلت شريهان تنظر لسلامه وسلامه ينظر لها باعجاب شديد وقبل نزول شريهان من الاتوبيس اخذ رقم موبيلها وبمجرد نزولها كلمها سلامه في الموبيل وقضي اليوم كله وهو بيكلمها وهو مبسوط جدا. الي ان جاء الليل ورجع سلامه الي شقته وفتح باب الشقه ودخل الي الشقه فوجد. سارة. في صوره سارة سلامه الممثله تجلس في انتظاره فنظر لها وقال
احسن لك ترجعي لصورتك الطبيعيه
فترجع سارة الي صورتها الطبيعيه وقالت له
ايه ما بتحبش سارة سلامه. دي حتي علي اسمي انا وانت
فيتجه سلامه ناحيه كرسي من كراسي الانتريه ويجلس علي الكرسي وهو يقول
اومال فين سعده
سارة
اتخنقت معها وحولتها قطه ورمتها في الشارع
سلامه بانفعال
مش هاتبطلي بقي حركاتك دي
سارة
هي اللي مستفزه عماله اقول لها نقول لك علي العمل اللي عملته نعيمه عشان تخرجك من الشقه وهي تقول لي لا حرام اضيقت منها قلبتها قطه
سلامه باستغراب
عمل أيه ونعيمه ليه عايزا تخرجني من الشقه
فتجلس سارة وتقول
هاقول لك،،،،،،
ومن داخل شقه سيد يقف سلامه قدام سيد ونعيمه وسيد ينظر لنعيمه بغضب شديد ويقول
الكلام اللي بيقوله سلامه ده حقيقي
فتسكت نعيمه ولا ترد فيضربها سيد بالقلم فتتالم نعيمه وتمسك خدها وسلامه يقف امام اخوه سيد ويقول
خلاص مالهوش لزوم. ماينفعش تمد ايدك عليها قدامي
فتنظر له نعيمه وتتجه ناحيه حجرتها وهي تبكي فيمكسها سيد من شعرها وهو يقول
رايحه فين. انتي من النهارده مالكيش قعاد هنا. انتي طالق
فتصدم نعيمه وتقول
سيد انت بتقول ايه.
سيد
اللي تفكر في اذيه اخويا ما تنفعش تكون مراتي
سلامه
لا يا سيد. وانا مش هارضي انك تطلقها عشاني. انا مسامح في حقي وعشان خاطري تسامحها المره دي
سيد
انا حذرتها. قبل كده وقولت لها تنسي حوار الشقه ده خالص
سلامه
كلنا بنغلط. الله يسامحها. وعشان خاطري ردها
وينظر سلامه الي نعيمه ويقول لها
انا مش زعلان منك. بس عشان خاطر العيش والملح اللي كلته معاكي انتي واخويا بلاش تاذيني
فتقدر نعيمه معروفه واحسانه عليها وتقول
حقك عليه. انا اسفه
وينظر سلامه لسيد
ردها وبلاش تخرب بيتك
فينظر سيد له وهو مكسوف منه ويردها، ،،،،،،،
ومن داخل شقه طشطوشي يجلس طشطوشي يشاهد التيلفزيون ويسمع صوت خربشه علي الباب فيتجه ناحيه الباب ويفتح الباب فيجد قطه كبيره وترفع ديلها لفوق وحوالين منها ثلاث قطط ذكور فينظر طشطوشي للقطه ويقول
في ايه. بتاعت مين مزرعه القطط دي
فيسمع صوت سعده خارج من القطه الكبيره وهي تقول
طشطوشي اخويا. انا سعده
فيصدم طشطوشي وتحول عيونه من الصدمه ويغلق الباب خائفا وهو يقول
أيه الفيلم الكرتون ده. قطه بتتكلم
فيسمع سعده تقول
افتح يا طشطوشي القطط هتاكلني
فيفتح طشطوشي الباب فيجد الثلاث قطط يتخانقو علي سعده فينظر للقطه ويقول
انتي بجد سعده اختي
القطه تقول
اه. انا سعده
طشطوشي
الله يخرب بيت ام كده. وبقيتي قطه ازاي يا ختي
فيجد قط يقترب منها ويحاول التحرش بها فتخربشه سعده وهو ينظر الي ديلها المرفوع ويقول
نزلي ديلك يا اختي. استري نفسك وخشي
سعده بدلع
ماتسبني واقفه مع الشباب شويه. اول مره احس اني موزه
طشطوشي
خشي يا واطيه
وتدخل سعده الي الشقه ويغلق طشطوشي الباب وينظر لها ويقول
ايه اللي عمل فيكي كده
سعده وهي تجلس علي حجره
سارة. اتخنقت معيا وحولتني قطه
طشطوشي
طيب وانت ماتعرفيش ترجعي بني ادمه تاني
سعده
لا. سارة عرفتني ازاي اتحول من بني ادمه لي بني ادمه تانيه. انما من حيوانه لبني ادم. ده لازم له كورس تقويه
طشطوشي باستغراب
كورس. الله يرحم امك كانت الكورس الوحيد اللي تعرفه كورس الحمام
سعدة
هي التعليمات كده
ثم تقفز سعده من فوق حجره وتنطلق ناحيه المطبخ وهو يقول لها
رايحه فين بس
فلاترد سعده وتغيب عنه لي لحظات وترجع في بوقها فار وتقول
لقيت ده عندك
فيخاف طشطوشي ويقف علي كرسي الانتريه وهو يقول
غوري بالبتاع اللي في ايدك ده. انتي عارفه بخاف منهم
سعده
طيب عايزه حله فاضيه. عشان مش هاعرف اكله ني
طشطوشي وبطنه قلبت
بس يا بنت المعفنه. ،،،،،،،
وبعدها بكام يوم ومن داخل احدي السينمات يجلس سلامه مع شريهان ويشاهدوا فيلم رومانسي واعترف سلامه لشريهان بحبه واعترفت شريهان لسلامه بحبها واثناء كلام شريهان مع سلامه تنام شريهان فيعرف سلامه ان سارة حضرت فينظر بجانبه فيجد سارة تجلس بجانبه وتنظر له وتقول
اول مره اسمعك بتقول كلمه بحبك لحد
فينظر سلامه ناحيه سارة ويقول
انتي ايه اللي جابك هنا
سارة
جايه اشوف خيانتك ليا
سلامه
انا مش خاين.
سارة بغضب شديد
لا خاين. لما تكون. الجنيه العاشقه مراتك وتسمعك بتقول كلمه بحبك لواحده تانيه غيرها. تبقي خاين
سلامه
انا عمري ما حبيتك عشان لما اعرف حد عليكي ابقي بخونك
سارة
بس انا بحبك. وانت ليا انا ومش هاتكون لحد غيري
سلامه بحزم شديد
وانا بحب شريهان وعمري ما هاكون لواحده غيرها
سارة
عشان كده. ما بقيتش بتقرب مني ولا عايز تلمسني
وتلف سارة حوالين شريهان التي نامت بفعل سحر من سارة وتقول سارة
فيها أيه دي أحسن مني
سلامه
كفايه عندي انها بتحبني. ومحتاجه ليا
سارة
انا كمان بحبك
سلامه
انتي ما بتحبيش الا نفسك. من ساعه ماظهرتي في حياتي وكل حياتي اتلخبطت انا محتاج ست تخاف مني وتخاف عليه وتشتاق ليا وتحبني واحبها محتاج ست تكون ضعيفه لكنها بتقوي بيا.
سارة
طيب ماهو انا كده
سلامه
لا. أنا قبلت بالجواز منك عشان خايف مش عشان بحبك وانا معاكي بتكوني انتي الاقوي وانا الاضعف وانا ماقبلش علي نفسي اكون اضعف من مراتي انا استحملت كتير وخلاص مش هاستحمل تاني ولو فعلا بتحبيني. يبقي زي ما ظهرتي في حياتي فجاة سيبني واخرجي من حياتي برضو فجاة
فتنظر سارة الي شريهان وتقول
عايز تسيب سارة عشان انسيه. انت في ايدك تكون كل ليله مع واحده شكل. ويبقي معاك فلوس كتير
سلامه
كان زمان ممكن افرح بالعرض ده. لكن بعد ما شوفت عيون شريهان مافيش حاجه في الدنيا تساوي نظره من عينيها
سارة
انا لو خرجت من حياتك هاتندم عليه
سلامه
انا هاندم لو ماخرجتيش من حياتي. وما بقيتش شريهان مراتي
سارة
للدرجه دي بتحبها
سلامه
واكتر مما تتخيلي
سارة
طالما بتحبها انا ماقدرش اكون ضدك ولا اقدر اخرج حبها من قلبك. انما لو حبيت تخونها انت عارف تحضرني ازاي
وتختفي سارة فينظر سلامه لشريهان فيجدها مغمضه عينيها وبتضحك وبتقول
سلامه. سيب ايدي. لما نتجوز الاول. انما ايه ده هما الأقرع كلهم كده جامدين
فينظر لها سلامه ويقول غاضبا
احيه. دخلت عليها واحد شبهي،،،،،،،
وتمر الايام ويتزوج سلامه من شريهان ويعيشوا في هناء وسرور وطشطوشي يربط أخته سعده التي لاتزال قطه بسلسه ويدور ويلف بيها علي كل الدجالين يمكن يعرف يرجعها بني ادمه تاني وطول ماهو ماشي معاها في الشارع ترفع سعده ديلها ويمر بجانبها القطط الذكور وهو يقول لها
نزلي ديلك واستري نفسك يا حيوانه يا رخيصه
وسعده ترفع ديلها والقطط تزيد ويمشوا خلف منها وطشطوشي يقول لها
والله لو ماحترمتيش نفسك لجيب لهم صورك بتاعت الفرح اخليهم يشوفوكي علي حقيقتك ياجذمه
فتنظر له سعده وتنزل ديلها، ،،،
ومن داخل شقه سلامه ينام سلامه علي السرير وهو ياخذ شريهان في حضنه تتحول شريهان الي صافيناز فيصدم سلامه ويرجع للخلف فترجع شريهان الي صورتها الطبيعيه وتقول
مالك يا حبيبي
سلامه
انتي كنتي صافيناز دلوقتي
شريهان
انا. حد الله ابدا ولا حتي بحبها
فينام سلامه مره اخري في حضنها وهو يكذب عيونه ويقول
جايز
فيغمض سلامه عيونه فتنظر شريهان ناحيه السقف فتظهر سارة وتقول لها
هو ده الكلام. عرفتي بقي تتحولي ازاي
شريهان وهي تضحك
عرفت يا ابله
فتنظر سارة ناحيه سلامه وتقول
هو انت فاكرني هاسيبك. يا امير كراره انت يا عسل
فتضحك سارة وشريهان وسلامه نايم في العسل، ،،،،،،،،،،،
النهايه
يارب تكون القصه عجبتكم. واكون قدرت أفرفشكم واضحكم. واللي جاي احلي بأذن الله.
ههههه روعه
ردحذفههههه جميلة بس النهاية مش مفهومة
ردحذف