الهام واللي كان الحلقة الاخيرة

 وجع الذل

                       ★الحلقة الخامسة★

                                ‏والاخيرة 

من تاليفي، ، 

محمد منصور. ** منص **

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

بص لها حازم بحرقة وبص لي وسابنا وخرج وقبل ما يركب عربيته كان خالد مستني بالبنج واتخدر حازم،،،

وخالد حط حازم في تاكسي وراح بي لشالية من الشيلاهات الموجودة في منطقه مقطوعه ودخلو جوة الشالية وكتف ايدية الاثنين وربط رجله بجنزير حديد يدوبك يخلي حازم يمشي تلت خطوات بس. وهي الخطوات اللي محتاجها حازم علشان يوصل لطبق الاكل والمية اللي كانو علي الارض. وحطيت معه حازم كلب بلدي مربوط برضو بجنزير وبينه وبين نفس طبق الاكل والمية نفس المسافة بتاعت حازم. وكان الكلب بياكل من الطبق الموجود فيحط خالد الماسك علي وشة ويرش مية علي حازم علشان يفوق فيفتح عيونه حازم بصعوبه ويلاحظ انه مربوط فيبص لخالد ويقول 

أنت مين ورابطني ليه كده 

خالد وهو مغير صوته 

أنا ربطك علشان ماتعضش حد 

حازم

أنت عارف أنا مين

خالد

أنا مايشرفنيش أعرفك وبطل رغي واسمعني كويس لو جوعت الاكل أهو قدامك ولو عايز تشرب الميه قدامك مش عايزك تتكسف من عنتر الكلب ولو حبيت تغير هدومك بلاش قدام عنتر علشان هو في موسم التزاوج بتاعه وعصبي جدا. ممكن لما يشوف جسمك يعمل حاجات انت متحباش. وخصوصا انك ابيض وشبه حته الجبنه 

ويسيبه خالد ويخرج من الشالية ويقفل الباب وراء منه من برة وحازم عمال يصرخ. وبيقول 

ألحقوني

 وفي نفس الوقت كانت أميره بتقولي

 ‏

 ‏أحنا مش هانتجوز الا بعد ما أعمل العمليه وتنجح

 ‏

ضحكت وقولتها 

أميره هانم أنا مش هاخش أوضه العمليات الا بعد ماتبقي مراتي و قبل ما تبقي مراتي ال 10 مليون يكونوا في حسابي وأختي تعيش معانا في القصر 

أميره

أنت بتتشرط عليه يا حسن

حسن 

حسن. انتي أول مره تناديني بأسمي اومال فين يا حيوان وزفت. للدرجه دي أنتي محتاجاني 

أميره

حسن أنا هابقي مراتك يعني ما فيش فرق ما بينا

حسن يقول بخبث

أميره هانم قبل كده عشمتيني بي 150 الف جنيه وحرقتيهم قدامي تفتكري أنا هأصدقك تاني

أميره

حسن أنا بفلوسي أجيب الف واحد غيرك يعمل العمليه

روحت ناحية باب الفيلا وانا بقول 

خلاص أنا ما قلتش لحضرتك حاجه وشوفي حد غيري يعمل العمليه 

ولسة بفتح باب الفيلا سمعتها بتقول 

حسن اوعي تنسي أنك محتاج الفلوس علشان خاطر عمليه أختك

لكني ضحكت وما ردتش عليها ولسة هاقفل باب الفيلا وراء مني قالت 

حسن أرجع أنا موافقه علي كل حاجه أنت عايزها بس أمشي علي رجلي

حسن

للدرجه دي

أميره

أنت عمرك ماتحس باللي أنا حاساه. العجز وحش اوي 

بصيت لها من تحت لتحت وقولت 

أروح أجيب الماذون وأجي وأنتي حضري شيك بالمبلغ

وخرجت من الفيلا وقفلت الباب وراء مني وسمعتها بتقول 

أنت يا سواق تتحكم فيه وأكون مراتك. أنسي دة علي جثتي أنك تلمس شعره مني أعمل العمليه بس وساعتها أبقي أشوف أخلص منك أزاي 

وخرجت وبعديها بشوية رجعت ومعايا الماذون واتنين شهود منهم خالد طبعا وخلص الماذون كتب الكتاب ومشي وهي طلعت شيك بالرقم اللي اتفقنا عليه ومش الماذون ومعه الشهود. ومسكت ايد اميرة وبوستها وانا بقول لها 

مبروك يا عروسه

مسحت البوسة بايديها وقالت بجحود 

حسن أنا مش مراتك أحنا بينا صفقه نخلصها وكل واحد يعيش في حاله

حسن بعصبية 

لا أنت مراتي غصب عنك مش بمزاجك وبعد العمليه هاتفضلي مراتي ولو مش عاجبك مافيش عمليه هاتتعمل وبردو هاتفضلي مراتي

أميره بعصبية 

أنت بتزعقلي أنت نسيت نفسك 

ضربتها بالقلم بكل الغل اللي جوة مني من ناحيتها وقولت 

بعد كده تكلمي معايا بأسلوب أحسن من كده والا هاضربك بأوسخ جذمه عندي مش كفايه أني رضيت اتجوز واحده مشلوله زيك 

مسكت اميرة خدها وعيطت بحرقة وانا عارف اني اللي وجعها مش القلم. اللي وجعها بجد كلمه مشلوله. بس زي ما كانت بتعاير اختي بمرضها كان لازم اعايرها بمرضها. وقولت لها 

بطلي عياط أحنا في ليله دخلتنا عايزين ننبسط

وشيلتها وهي بتقول 

انت شايلني ورايح بيا فين

حسن

علي أوضه النوم أحنا مش هنام ولا أيه

أميره

لا أعمل العمليه الاول وبعد كده هاكون ملكك

حسن

أميره أنا بعد العمليه هابقي أعمي يعني دي الليله الوحيده اللي هاشوف فيها كل حته جميله فيكي

أميره وهي تحاول الهروب مني قالت 

مش هاينفع أصل أنا مش جاهزه

حسن

بس أنا جاهز

ودخلت بيها اوضة النوم وحطتها فوق السرير فصرخت أميره وقالت

لا أنا مش عايزاك .....

قربت منها وانا بحاول اني احضنها غصب عنها وبقول

بس أنا عايزك أو نفضها سيره وبلاش العمليه 

سمعت كلمة العملية سلمت نفسها وقالت 

 اعمل اللي انت عايزه

وقومت وقفت وهي خلعت فستانها بصيت لها بقرف وقولت 

أنا بقي مش عايزك. أخاف أحضنك أتوسخ 

أميره بصت لي بغضب ولكنها كتمت غضبها وقالت 

طيب والعمليه

حسن

هاتتعمل في ميعادها بعد تلت أيام من النهارده زي ما قالي الدكتور سميح 

وسيبتها ومشيت ورجعت الشقة علشان اطمئن علي سميرة وجه خالد ورايا وقالي 

حازم نايم في حضن عنتر

حسن

خلي يدوق طعم الذل 

في اللحظة دي تقف سميرة قدام حسن وتقول له

مش هاتيجي تنيمني زي كل يوم

حسن

هانيم خالد واجي لك

ضحكت سميرة ودخلت اوضتها وقالي خالد

قولي بقي ناوي علي اية في حوار العملية دة 

حسن

هاعملها طبعا

خالد باستغراب

انت مجنون صح. انت لو عملتها هاتتعمي 

حسن

وانا أعمي هاعرف العب معاهم المهم الدكتور سميح هايتصل بيك نفذ اللي هايقول لك عليه بالحرف

خالد

أنت ناوي علي أيه

حسن

ناوي أخد حقي

خالد

طيب قبل ما تاخد حقك ماتقوم تعمل لنا شاي

حسن

والله عيب علي شنبك. لما تكون راجل كبير كدة وتشرب شاي.

خالد باستغراب

هو في ايه. الشاي بقي عيبة ولا اية، ،،،،،،

و عدي يومين بالظبط و حازم كان مانع الاكل والشرب لان الكلب اللي معه في الشالية أكل وشرب من الطبقين الموجودين في الشاليه. لكن حازم جاع جدا وعطش اوي ويفضل يبص للطبقين وهو قرفان لكن ما كنش قدامه غير انه ياكل ويشرب والا هيموت وفعلا. نزل لطبق الاكل بوشة وفضل ياكل لغاية ماشبع وشرب من الطبق التاني ،،،،،،،،

وتاني يوم الصبح اتعملت العملية وداست اميرة علي الارض برجليها لاول مرة وفضلت تمشي وتتنطط مش مصدقة انها بتمشي. وراحت جري علي الاوضة اللي انا محجوز فيها وخدتني في حضنها وقالت بفرحة شديد

صباح الخير يا أحلي حاجه حصلت لي

كنت ساعتها لابس النظارة السودة وبقول 

الصوت صوت أميره انما الكلام مش كلامها

باستني في خدي وقالت 

من هنا ورايح مش هاتسمع مني الا كل الكلام الحلو

فضلت اضحك واميرة بتقول 

بتضحك ليه

حسن 

علشان نفسي أصدقك

اميره

لا صدقني. يا حسن انت بعد اللي عملته علشاني انا بقيت احبك اوي

وعدي شهر وانا كنت مع اميرة في الفيلا وسميرة نايمة في اوضتها سمعت صوت اميرة بتقول في الموبيل 

واحشتني قوي

وسكتت شوية وقالت بدلع 

أنت اية. ما بتزهقش مأنا كنت لسه عندك أمبارح

وسكتت تاني وقالت 

عايز تيجي تعالي هو في حد حايشك

وضحكت باعلي صوتها وقالت

خايف جوزي يشوفك أزاي يعني أنت ناسي أنه أعمي

قولتها ساعتها 

أنا بقيت أعمي علشان أنتي تمشي علي رجلك وأول مامشيتي علي رجلك مشيتي في الحرام وخونتي جوزك

بصت ناحيتي وقالت 

أنت واخد تمن عينك فأوعي تفتكر أنك عملت العمليه حبا فيا ولو علي الخيانه أنا مراتك علي الورق بس يعني من الاخر أنت مالكش حاجه عندي ومش من حقك تحاسبني وعلشان تبقي عارف أنا كنت معه أمبارح وهاكون معه كل محب مش عاجبك طلقني

حسن غاضبا يقول

مش هاطلقك

أميره

يبقي انا حره في حياتي أعيشها زي مأنا عايزه أنا أتحرمت كتير من الدنيا والحاجات الحلوه اللي فيها ويوم مأبقي ست والناس هاتتجن عليها أدفن جمالي وحلاوتي مع واحد ضرير زيك أنسي

حسن 

كنت مراهن نفسي علي أنك أنتي عمرك ماتتغيري ويوم ماربنا رجعك اللي كان ناقصك أول حاجه عملتيها بدل ما تحمدي ربنا دورتي علي طريق الحرام ومشيتي في 

أميره

مالوش لزمه الكلام ده كله انا مش ناقصه نكد

وسابت الاوضة وخرجت. واول ما خرجت رن الموبيل

بتاعي ورديت وقولت 

الو 

سمعت صوت خالد بيقول 

حسن حازم هرب من الشاليه اللي كنا مخبيانه فيها

حسن 

هرب أزاي ده 

خالد

الشاليه اللي جمبينا صاحبه جه وسمع صوته وخرجه تفتكر يكون راح فين

حسن

اكيد هايجي علي هنا علشان ينتقم من اميرة

وفي هذه اللحظه دي كانت أميره راحية ناحيه باب الفيلا علشان تفتحه ولقيت حازم أخوها قدامها وكان لابس نظاره سوداء وفي ايده عجاز فبصت له اميرة وقالت 

حازم أنت كنت فين ولابس نطاره ليه 

حازم بعصبية 

أنتي هاتتلأمي عليه أنا ده أنا أخوكي. يعني حافظك قوي 

أميره باستغراب 

حازم أنا بجد مش فاهمه حاجه

حازم بانفعال 

مش فاهمه أيه مين اللي خطفني ومين اللي دخلني اوضه العمليات ومين عمل العمليه ومين بقي أعمي ومين خفت وما بقتش مشلوله لسه مش فاهمه

وخرج حازم سكين من جيبه ولسة هايضرب اميرة جريت اميرة من قدامه وهي بتقول بخوف شديد 

حازم أنت هاتعمل أيه

حازم

زي ماحرمتيني من عينيه هاحرمك من حياتك

وبدأ حازم يلوش بالسكينة في الهواء يمكن تيجي في اميرة واميرة بتصرخ وبتقول وهي مرعوبه 

حازم أنا ماعملتش حاجه من اللي أنت قولتها دي أنت من ساعه ماخرجت من الفيلا وأنا ماعرفش عنك حاجه صدقني يا حازم

وقفت في الوقت دة قدامهم وقولت 

في أيه يا أميره أنا سامع صوت حازم بيزعق

أميره

ألحقني يا حسن حازم بيقول كلام غريب

حسن

بيقول أيه

أميره

أن في ناس خطفوا وانه عمل العمليه وبقي أعمي بسببي 

حسن

أزاي ده أنا اللي عملت العمليه قمال أنا بقيت أعمي أزاي

حازم

أنتو عايزين تجننوني انا كنت في العمليات وبصيت في وش دكتور سميح وأنتي كنتي نايمه جنبي قبل ما أخد حقنه البنج وتبدا العمليه

أميره

أزاي أنا قبل ماخد حقنه البنج كان حسن نايم جنب مني في اوضه العمليات

حسن

أيوه أزاي أنا اللي عملت العمليه أنت بتكدب يا حازم

حازم يقول بنرفزه

كداب أنا اللي عملت العمليه 

حسن 

أنت اللي كداب

أميره وهي بتصرخ بتقول 

بس أنتوا الاتنين 

حازم وهو بيقرب من صوت أميره قال 

مش ها بس ولازم أعرف أنتوا عايزين أيه بالظبط

حسن

أنت اللي عايز أيه مننا وليه جاي لينا دلوقتي

حازم

أنا جاي علشان أخد حقي والفيلم الحمضان اللي بتعملوا عليه انت وأختي هايخلص دلوقتي

وحس حازم انه بقي قريب من اميرة فضرب بالسكينة ضربه عشوائية ما كنتش متوقعها اميرة وجت الضربة في رقبه اميرة وصرخت اميرة والدم بدأ ينزل من رقبتها زي الفيضان وقالت بصعوبه 

بتقتل أختك يا حازم 

 حازم

مابقتيش أختي يوم مااتفقتي عليه مع الزباله اللي أتجوزتي ده 

حسن

لسه لسانك طويل حتي وأنت أعمي 

حازم

أنا أعمي لكن هافضل سيدك

حسن

خلاص بقي مابقاش في أسياد وعبيد ده أنت كلت مع عنتر في طبق واحد ولا نسيت .. عموما أنا عايزه أاقول لك حاجه قبل مامشي أختك أميره بريئه من اللي حصللك

وأنا السبب في أنك تبقي أعمي وأنا اللي أتفقت مع الدكتور سميح أخش أنا الاول لغايه ماتشوفني أميره جنبيها في اوضه العمليات. لغاية ما البنج يشتغل. وساعتها أخرج أنا وتخش أنت و تعمل أنت العمليه زي ما بيقولو جحا أولي بلحم طوره وأنت أولي أنك تتبرع لها ده أنت اخوها لكن بصراحة ما كنتش عايزك تقتلها 

حازم صارخا ويقول وهو بيحاول ضرب حسن بالسكينة 

يا أبن الكلب لازم أخلص عليك 

ولكن كل ضربات حازم لا تصيب حسن ويخلع حسن النظاره. ويبص علي حازم وهو بيلوش بالسكينة يمين وشمال ويخرج حسن من الفيلا ومعه اخته سميرة

وخرجت من الفيلا وسميرة شافت كل اللي حصل وقالت

جبت القسوة دي منين يا حسن

بصيت لها وانا حزين وقولت

من وجع الذل. بس قبل ما تحكمي عليه بالقسوة اعرفي هما عملو فيا اية

وحكيت لسميرة كل اللي عملو معايا. ولغاية دلوقتي انا ماعرفش اللي عملته دة كان صح ولا غلط بس كل اللي اعرفه اني ريحت الناس من ولاد ابليس. واتقبض علي حازم وخد مؤبد. ورجعت فلوس دكتور صالح لي و اتنقلت ليه كل فلوس ولاد ابليس لكني قررت اصرفهم في كل الطرق اللي ترضي الله وعيشنا في الفيلا انا وخالد وسميرة اللي اتجوزه وجابو لنا بنت زي القمر وانا كمان اتجوزت وجبت ولد وفي يوم واحنا قاعدين في جنينة الفيلا قال خالد 

هو الشاي مجاش ليه

حسن

رجل كبير وبشنب زيك يسال عن الشاي.......

خالد بعصبية 

يا خي. ملعون ابو شنبي انا عايز اشرب شاي 

حسن ضاحكا 

هاجيب لك شاي بطل عياط

ومسكت الموبيل بتاعي واتصلت بالدكتور اللي كان بيعالج سميرة وقولت له 

وصلت لك الفلوس بتاعت عمليات الشهر ده

الدكتور 

وصلت يا حسن ربنا يبارك فيك

حسن

الله يخليك يا دكتور كنا عايزين نكبر المستشفي شويه علشان نستوعب حالات أكتر 

الدكتور 

ياريت يا حسن انت ماتعرفش أنت رجعت الفرحه لكم بيت في مصر عنده مريض 

حسن

ربنا يقدرنا علي فعل الخير المهم يا دكتور مش هاوصيك ماتقفلش باب الرحمه في وش أي حاله تيجي لك اصرف ما يهمكش هي كانت فلوس أبونا

وفضلت اضحك واضحك وما طلنعيش من الضحك دة الا صوت خالد بيقول 

القصه خلصت يا حسن وماشربتش شاي. 

ودي كانت حكايتي مع ولاد ابليس ولاد ابليس حوالينا كلنا مش حوالية انا بس كل اللي يقفل باب الرحمة في وش محتاج فهو من ولاد ابليس وكل اللي يقبل بالذل علي بني ادم زية هو من ولاد ابليس ربنا يكفينا ويكفيكم شرهم. اللي عجبته القصة بلاش يحرمنا من اللايك والكومنت في رايك