ضرتي من الجن
★الحلقة السادسة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبعد ما يفوق سلامه يضحك ساخرا ويلطم علي وشة وهو بيبص لطشطوشي. وبيقول
شوفت الهنا اللي انا في
طشطوشي
بصراحه دماغهم متكلفه
سلامه
عجبك أنت الخيال بتاعهم
طشطوشي
اوي ده نفس فكرت جارتنا اللي ماعندهاش تلاجه فبتيجي تشيل الاكل عندنا ولما بتعوزو بتاخده
سلامه وهو يلطم علي وجهه ثانيا يقول
ايوه. ده اكل وانت عارف انه بتاعها وهاتيجي تاخده في اي وقت. انما انا اروح لشربات دي واقول لها ايه في عيلين في بطنك يخصوني
سارة
ملناش دعوي انت الراجل ولازم تتصرف وتجيب عيالنا والا هاتزعل وهازعلك
وتبص له بصه ترعب كل شعره في جسمه وتقول سعده
ومتنساش وانت جاي تجيب فحم وكاتشب معاك . واوعي ترجع من غير عيالنا والا هاتزعل وهازعلك
فيقعد طشطوشي جنب سارة وسعدة ويقول لسلامه
ومتنساش وانت راجع تجيب فحم. اسود بلاش الابيض عشان بيعملي حموضه. واوعي ترجع من غير عيالنا والا هاتزعل وهازعلك. ماعرفش ليه بتقولها مرتين مع انها بنفس المعني
ويبص طشطوشي لي سعده اخته وهي بتاكل الفحم ويقول
فرحانه وانتي عفريته يا كلبه. بس تصدقي انتي كده احسن وعلي الاقل بقيتي لما بتخوفي حد بتخوفي عشان عفريته مش الاول كانو بيخافو منك وانتي بني ادمه
سلامه بعصبية
انت هاتقعد ترغي كتير يالا بينا نجيب العيال
طشطوشي وهو يجلس علي الارض
لا بقي انا مشيت كتير في الحلقه دي واللي فاتت
سلامه وهو يقلد سارة وبيسحب طشطوشي من رقبته
يالا نجيب عيالنا والا هاتزعل وهازعلك
ثم يبص لسارة ويقول
هي شربات دي شكل امها أيه وساكنه فين
فتخرج له سارة صوره وعنوان شربات.،،،،،،
وبعدها بشوية ومن قدام بيت قديم من بيوت السيده زينب وهو بيت من دور واحد يقف طشطوشي ومعه سلامه ويبص سلامه في العنوان الموجود في أيده ويقول
هو ده البيت اللي ساكنه في شربات
طشطوشي
طيب تمام. يالا بقي نطلع وناخد العيلين ونروح
سلامه
انت عبيط يا طشطوشي. عايزني اطلع لها اقول لها ايه في عيلين في بطنك بتوعي ممكن تفتحي اخدهم وامشي
طشطوشي
اومال هاتعمل أيه
سلامه
الصح اننا نقعد هنا ونراقب شربات دي لغايه ماتولد وبعد كده نخطف العيلين منها
طشطوشي وقد عجبته الفكره
صدق صح. هو ده الكلام
ويروحو يقعدوا علي القهوة اللي قدام البيت وينادي طشطوشي علي القهوجي ويقول
واحد حليب بلبن. سكر بودرة
فيضربه سلامه وهو يقول
حليب بلبن يا جاحد كفايه. هطل بقي قلبي هايقف منك
طشطوشي
انا اقصد حلبه بلبن
سلامه
حلبه بلبن. ليه بترضع
طشطوشي
مالكش دعوي بيا. انت هاتطلب أيه.
سلامه
انا عايز موغات
طشطوشي باستغراب
موغات
سلامه
ايوه. موغات انا عريس في اول اسبوع جواز وعندي عيلين يعني لازم اشرب حاجه غريبه
ويسكت سلامه ويبص ناحيه. بيت شربات ويتنح لفتره من الوقت. ،،
وفجاة يلاقي شربات بتنزل من بيتها ومعها جوزها وهي تصرخ وتقول
مش قادره. الحقوني بولد
فيوقف جوزها تاكسي ويروحو للمستشفي ويقوم سلامه وطشطوشي ويروحو ورائهم، ،،
و تدخل شربات العمليات علي نقاله وسلامه يبص عليها وطشطوشي يقول
ان شاء تقومي بالسلامه. خلي بالك من ابن اختي
يا طوطو. تعالي بالسلامه. انا خالك واقف مستنيك اهو
سلامه بغيظ
طوطو مين فضحتنا
طشطوشي
طوطو ابن سعده
فيخبطه سلامه في رجله لان جوزها لاحظ كلام. طشطوشي وقال له سلامه
طيب اسكت عشان جوازها باصص ناحيتنا وشكله سمعك
وراح جوزها ناحيتهم وقال لهم
انتوا مين
فيبص سلامه الي طشطوشي بغيظ شديد فيقول له طشطوشي بصوت خافت
مالكش دعوي انا هاتصرف
ويقول طشطوشي لجوز شربات
انت اللي مين
جوز شربات
انا جوز شربات
طشطوشي ساخرا
اقل من جوز هند. ماحدش يسالني انت مين. يالا شوف انت رايح فين
فيضربه جوز شربات بالقلم وهو يقول
انت مين ياه ومالك ومال مراتي
طشطوشي خائفا
مراتك وقع في بطنها عيلين بالغلط جائيين ناخدهم ونمشي
سلامه بعصبيه
أخرص يا غبي
ثم يقول سلامه لجوز شربات
معلش افتكرها اخته عشان اخته داخله تولد بعد اللي جوه
فيسيبة جوز شربات وهو يقول
طيب يا سيدي انا هاقدر الظروف اللي انت فيها ربنا يقومها لكم بالسلامه
ويسيبهم جوز شربات ويمشي وتخرج الممرضه بنقاله كبيرة عليها 7 عيال وتروح بالنقاله ناحيه جوز شربات وتقول له
مبروك شربات جابت لك 7 عيال
فيبص طشطوشي الي سلامه ويقول سلامه باستغراب
اول مره اشوف ست بتبيض
طشطرشي
ممكن من فصيلة البضيات.
سلامه وهو مخنوق
ليك نفس تهزر. واحنا مش عارفين مين فيهم عيالي
طشطوشي
مش دي المشكله.
سلامه
اومال ايه المشكله
طشطوشي
لو انا قولت لجوز شربات يتصور معايا تفتكر هايرضي
سلامه بغيظ
وانت عايز تتصور معه ليه
طشطوشي
واحد خلي مراته تحمل في 7 مره واحده ده هتلاقي زيه فين تاني. طلع تيلفونك وصورني مع البطل
فيبص له سلامه وهو هايتشل منه لكنه سابه ومشي وراح وراء الممرضة اللي حطيت العيال في اوضة وخرجت ففتح سلامه الباب ودخل بشويش وبص للسبع عيال وقال لنفسه
ياتري مين فيهم عيالي. انا احسن حاجه اسحب عيلين واخرج من سكات
وبمجرد ما ايمد ايده علي عيل واحد من العيال كل العيال يصرخوا في نفس واحد فيبص لهم باستغراب ويقول
اية في اية
فيتفتح باب الاوضة ويدخل طشطوشي ومعه الممرضه وجوز شربات وكل اللي في المستشفي تقريبا ويقول طشطوشي
اه. يا حرامي العيال يا وسخ.
ويبدوا الضرب في سلامه بما فيهم طشطوشي، ،
وساعتها يصرخ سلامه ويقع من فوق كرسي القهوة اللي كان قاعد عليه. فيفتح سلامه عيونه ويلاقي نفسه علي الارض وطشطوشي بيقول له
وقعت لية كدة.
فيرجع سلامه ويقعد علي الكرسي مره تانية وبعد مايشرب كوبيه الميه اللي قدامه يقول
كنت بحلم بكابوس. ،،،،،،،،
وفي نفس الوقت ومن قدام باب شقه سلامه تخبط نعيمة علي الباب فتفتح لها سعدة بقميص نوم شفاف فتقول لها نعيمة
مالك يا ختي. هاتفضلي عامله فيها عروسه لغايه امتي مش تنزلي كده وتساعديني في العزومه اللي عندي النهارده
سعده
عندك عزومه مين جاي لك يا ابلة
نعيمه
خطيبه ميدو وابوها . وناويه اعمل اكل كتير ومحتاجه مساعده منك
سعده
بس كده من عينيه. نازله معاكي
وتستعد سعده للنزول مع نعيمه. فتبص نعيمة لقميص النوم وتقول
رايحه فين بس هاتنزلي كده
سعده وهي بتبص لقميص النوم
صدقي معاكي حق.
وتخلع قميص النوم فتغمض نعيمه عيونها وتقول
بتعملي ايه بس
سعده
بلبس العبايه
فتفتح نعيمه عينيها فتلاقي سعده بالعبايه فتتصدم وترجع لوراء وتقول بخضه
لا اله الا الله. انتي جيبتي العبايه دي منين
سعده
كنت لابسها تحت قميص النوم علشان حرانه
تبرق لها نعيمة ومستغربه اللي حصل وسعدة تقول
مش يالا يا عمتي ننزل عشان الضيوف اللي جايه
وتنزل نعيمه وسعده رايحين ناحية شقه نعيمه وفي الوقت دة تنزل من علي سطوح البيت اخت نعيمه واسمها كوثر وتدخل لشقه سلامه اللي كان بابها مفتوح وتقف قدام باب اوضة النوم وتخرج ازازة بيها مية سوداء عليها عمل خبيث وترمي الميه قدام باب الاوضة فيتفتح باب الاوضة وتخرج سارة في صوره سعده فتبص لها كوثر وتتخض وتقول
هو انتي مش لسه نازله مع نعيمه تحت
فتبص سارة لازازة المية اللي في ايد كوثر وتقول
أنتي بترشي بيبس قدام باب اوضي ليه يا حماره
فتبص كوثر لها وتقول بارتباك
ده. ده.
وتجري كوثر من الشقه مسرعا وتبص سارة لميه العمل الخبيث علشان يرجع في الازازة تاني وتضحك سارة وتقول
ولاية هبله. جاي تعمل لنا عمل عشان نسيب الشقه. ماشي يا نعيمه يا بنت اللئيمه ،،،،،،،
ومن جوة شقة نعيمه تقف سعده في المطبخ ومعها نعيمه والاتنين بيحضره لطعام العزومه وكانت سعده تحضر الطعام بمنتهي السرعه ونعيمه تنظر لها باستغراب وتقول لنفسها
هي البت دي ملبوسه ولا أيه
وتدخل كوثر المطبخ ولم تلاحظ وجود سعده وتتجه ناحيه اختها نعيمه فتنظر لها نعيمه وتقول
رميتي الميه علي عتبه باب اوضتها
كوثر
رميت الميه. لكن لقيتها خار،،،،،،،،
وتقع عين كوثر علي سعده وتقول
لا بقي انا لسه سيباكي فوق لحقتي امتي تنزلي
فتنظر لها سعده وتقول
مش انا
كوثر
لا. انتي حتي بالاماره شوفتيني وانا برمي الميه
وتقع عين كوثر علي ازازة الميه بعد ما رجعت مليانه زي ماكانت فصرخت كوثر ورميت الزجاجه من ايدها خائفه فيفتح الغطاء وقت ما كان ميدو يدخل الي المطبخ وسقطت ميه العمل كلها بداخل فم ميدو فبلع ميدو الميه ونعيمه واختها يقولو له في نفس واحد
تف الميه اللي في بوقك دي
فينظر لها ميدو ويقول
اتفها ليه دي طعمها حلو قوي . وبعدين انا بلعتها خلاص. المهم انا جاي اقول لك ان خطيبتي وابوها جم
ويخرج ميدو من المطبخ فتنظر نعيمه الي اختها وتقول
اتصرفي يا كوثر الواد بلع العمل
كوثر
لما يمشي الضيوف هاعمل له غسيل معده، ،،،،،،،
ومن علي السفره يجلس سيد واسرته ومعهم كوثر وامام منهم خطيبه ميدو ووالدها وكانت خطيبته تدعي شيماء ووالدها الرجل الملتحي ويدعي عبد الله الذي يرتدي جلباب سعودي شيك وامام منهم علي السفرة طعام من كل الاصناف وسعده تجلس بجانب عبد الله وتنظر لهم ولا تاكل الا العضم اللي بيترمي منهم وميدو يجلس امام عبد الله والد خطيبته وينظر له نظرات اعجاب غريبه ويدرك المعلقه من يده وتسقط علي الارض وينزل تحت التربيزه وينظر علي رجل عبد الله ويقول ميدو
اعشق الجلبيه وهي محزقه عليك كده.
فيتعجب كل الحضور وتنظر نعيمه الي كوثر وتقول بصوت خافت
كوثر الواد ماله
كوثر
باين كده العمل اشتغل في معدته. بس غريبه ابنك عينيه زاغت علي ابوه خطيبته
وينظر ميدو الي عبد الله ويقول له
كل واشبع يا موز
فينظر له عبد الله باستغراب ويقول
موز.
سيد ينظر لابنه فيجده متنح للراجل بشكل غريب فيقول لعبد الله
هو يقصد انك تاكل موز لغايه ماتشيع
عبد الله
يا سيدي يشكر
فيرسل ميدو بوسه لعبد الله ويشاور له علي اوضه النوم ويلعب له حواجبه فيصدم سيد وكل من يجلس علي السفره وتقول نعيمه باحراج
منورين يا جماعه
فيخرج ميدو الموبيل بتاعه ويحضر صوره لقميص نوم حريمي لونه احمر ويضع الموبيل امام عبد الله. وهو يقول
نفسي اشوفك. وانت لابس لي ده وبترقص علي شيك شك شوك
عبد الله بغضب شديد
شيك ايه وشوك ايه
فيمد ميدو رجله من تحت التربيزه ويحسس علي رجل عبد الله فيصدم عبد الله وينهض واقفا ويقول
لا. بقي انت انسان قليل الادب ومش متربي
ويعتذر سيد للرجل وهو يعاتب ابنه تنظر سعده لي عبد الله وتقول
عبده انت عايز العضم اللي قدامك ده
فينظر عبد الله لسعده ويقول بنرفزه
عبده ايه. وعضم ايه انتي كمان. احنا فين بالظبط
سعده
انا مش عارفه اكل حاجه من طبقك عشان أنت سميت قبل ماتاكل
عبد الله
وفيها ايه لما اسمي
ويستغل ميدو كلام سعده مع عبد الله وينزل من تحت التربيزه ويرفع الجلبيه ويقول
لابس كلسون ليه. ده احنا في شهر 8
فيقف سيد ويبعد ميدو عن عبد الله وعبد الله يقول بنرفزه
وانت مالك انت. باين علينا وقعنا في سرايا مجانين
وينظر لشيماء ويقول بعصبيه
يالا يا شيماء من هنا يستحيل الجوازه دي تتم
فيقف ميدو امام عبد الله ويقول
خلي شيماء تروح وتعالي عشان عايزك
فيبعده عبد الله عنه بعصبيه شديده وهو يقول
في ايه. مالك متنح ليه كده
ويخرج عبد الله من الشقه ومعه بنته وسيد يقول لميدو
ايه اللي انت عملته ده
نعيمه
معلش يا سيد باين كده ميدو مش في وعيه
ميدو لسيد
ليه خليته يمشي
سيد
اومال انت عايز يقعد بعد ما تحرشت بي
ميدو وهو يلف ايده حوالين وسط سيد
خلاص طيب تعالي انت
فيضربه سيد بالقلم ويقول
اجي فين يا ابن الكلب
فتتجه نعيمه ناحيته وتبعد سيد عن ميدو وتاخذ ميدو وتتجه به ناحيه حجرتها وهي تقول لكوثر
يالا نعمل غسيل معده حالا. بدل ما الدنيا تخرب اكتر من كده
فينظر لهم سيد باستغراب شديد ويقول
الواد ده ماله. انا اعرف انه ممحون مع الستات انما الرجاله كمان دي جديده عليه
ثم يسمع صوت سعده وهي تقول
سيد. تعالي كل الفرخه دي وطلع لي العضم بتاعها عشان انا لسه جعانه
فينظر لها سيد ويقول
هو سلامه جاب لنا عروسه ولا كلبه بلدي، ،،،،،،،،،
ونرجع تاني لسلامة اللي لسة قاعد قدام باب بيت شربات ودخل للبيت رجل ضخم الجثه ويدعي شطه فينظر طشطوشي الي سلامه ويقول
تفتكر مين ده
سلامه
الله اعلم
فيميل عليهم رجل عجوز يجلس علي التربيزه اللي جنبهم ويقول
ده شطه جوزها
وفجاة يسمعوا صوت ضحكات شربات اللي بترن في الشارع بطريقه مثيره فينظر طشطوشي لسلامه ويقول
ده باين عليها شربات علي الاخر
فيميل عليهم الرجل العجوز ويقول
بس لبعدين جوزها يسمعك
سلامه باستغراب
جوزها. هايسمعني ازاي وهو معها فوق وهايص
الرجل العجوز
انا قصدي جوزها التاني. فلفل. اللي جاي هناك ده
وينظر الرجل العجوز ناحيه رجل أخر يدخل الي بيت شربات وينظر له سلامه ويقول
ازاي ده جوزها واللي فوق جوزها
الرجل العجوز
وفيها أيه. الشرع محلل أربعه
طشطوشي
ده للرجاله. مش للستات يا حج
الرجل العجوز
وهما فين الرجاله دلوقتي. يا شيخ اتنيل
ويسمعوا صوت ضحكه شربات فيقول طشطوشي
الرجاله فوق عند شربات
الرجل العجوز
طيب اسكت بقي ليسمعك جوزها
سلامه
لا بقي. مين جوزها المره دي كمونه
الرجل العجوز وهو ينظر لرجل يدخل البيت
انت عرفت ازاي انه أسمه كمونه
سلامه
اصل واضح ان شربات غاويه توابل
الرجل العجوز
جدع
ويسمعوا صوت ضحكه شربات فيقول طشطوشي
طبعا مش هاينفع نقول حاجه عشان جوزها اللي داخل البيت ده
وينظر طشطوشي الي رجل اخر يدخل البيت فيقول الرجل العجوز
لا. ده مش جوزها ده انا بعته عشان يقتلها
سلامه خائفه
يقتلها ليه بس.
الرجل العجوز
اصل انا جوزها الرابع. وهي بتخوني
سلامه
انت مين بقي كسبره
الرجل العجوز
انا العطار صاحب المحل
ويسمعوا صوت طلق ناري جاي من شقه شربات فينظر سلامه ناحيه الشقه ويقول
عيالي
ويجري سلامه ناحيه البيت ومن خلفه طشطوشي ويتجهوا ناحيه شقه شربات فيجدوا باب الشقه مغلق فيضع سلامه أذنه علي باب الشقه فلايسمع صوت لاي شخص بداخل الشقه فيكسر باب الشقه ويدخل الي الشقه فيجدها خاليه ولا يوجد بها الا شاشه وتعرض فيديو لسارة وسعده وهم ينظروا له ويضحكوا وتقول سارة
الفقرة دي اتصورت عايز تذيع قول ذيع
وتضحك سعده وهي تقول
تعيش وتاخد غيرها يا زبون. عايز تعمل لنا عمل عشان تخلص مننا. لا يا حبيبي ده بعينك. ده انا اصلا عمل واترمي لك
سارة لسعده
جوزنا ده عبيط قوي قال صدق اننا حاطين عيالنا في بطن واحده تانيه
فتنظر سعده لسلامه وتقول وهي لاتزال تضحك
هات الاهبل اللي معاك ده وتعالي. والمره دي قرصت ودن مننا ولو فكرت تروح تاني عند الشيخ سحاب هاننفخك
فيضحك طشطوشي وسلامه ينظر لهم وهو غاضب جدا ثم يحمل الشاشه ويخبطها في الارض وتنكسر وهو يقول
انا اتنين نسوان يلعبوا بيا كده. طيب وحياة ابوها الواطي بنت الخسيس واختك بنت طنطاوي الاهبل. لوريهم،،،،،،
وخلصت الحلقة سلام
روعه
ردحذف