ضرتي من الجن
★الحلقة الرابعة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن جوة شقه سيد يقف ميدو علي باب اوضة النوم بتاعت ابوة ويخبط علي الباب بمنتهي الحنيه وفي أيده هديه فيسمع سيد صوت الخبط علي الباب فيقول
مين اللي بيخبط
ميدو بصوت رقيق
عايز القمر اللي نايم جنبك
فيتعجب سيد ويقول
نعيمه كرنب قمر هو لو بيشم اللي انا بشمه وانا نايم جنبيها مش هايقول كده
فيخبط ميدو مره تانية فيقول سيد
امك نايمه. يا خلف الحبايب
ولكن نعيمه تقول
انا صحيت عايز ايه يا ميدو
ميدو
عايزك يا قمر حياتي
نعيمه
جايه لك يا قلبي
فمستحملش سيد المحن دة وضربها بالرجل وهي نازله من فوق السرير فتقع نعيمة علي وشها فتبص لسيد فيقول سيد
معلش والله انا كنت قاصد. حقك عليه
نعيمه وهي تقف علي رجليها وتظبط هدومها تقول
غل كمان وكمان
وتروح تفتح اوضة النوم فباس ايدها وهو بيقول
واحشتيني يا احلي ام علي كوكب الارض
نعيمه بدلع
حبيب ماما. أنت
ويديها ميدو الهديه اللي في ايدة وهو بيقول
الكاتل اللي كان نفسك في. اللي بيسرخ لما الميه تغلي
فتمسك نعيمه الكاتل وتقول
الله. ربنا ما يحرمني منك أبدا. بس انا عيد ميلادي لسه فاضل عليه شهرين
ميدو بحنيه مبالغ فيها
الهديه دي بمناسبه عيد جوازك.
نعيمه وهي بتفكتر عيد جوازها
اه. صدق فعلا ده انا كنت ناسيه
وتبص لسيد وتقول
جت منك وماجتش من ابوك
فيعمل سيد نفسه نايم ويقول في سره.
يا ابن الكلب كل سنه تفكرها وتخليني اجيب هديه بالشي الفولاني
ميدو
بس انا كان نفسي اجيب لك حاجه لزوم الدلع. بس انا عارف ان بابا خلاص طلع معاش ومابقاش يقدر يدلعك
فيغضب سيد ويقول لنفسه
وحياة امك. لو ما بطلتش تسخنها عليه. لاهاقوم ادلعك انت
نعيمه
ماتقولي نكته من نكتك الحلوه عايزا انام وانا بضحك
سيد لنفسه
بلاش. وحياة امك ده كل نكته تفقع عن اللي قبلها
ميدو
من عيوني يا قمر. بيقول لك مره امين شرطه بيهرش في راسه نزل قمل مركزي
فتضحك نعيمه ضحكتها الرقيعه وتقول
كمان نكتة والنبي يا ميدو
ميدو بمنتهي السخافة
لية الصعيدي بيتطلع له خمس شياطين
نعيمة
ماعرفش قول انت
ميدو
علشان واحد يوسوس له واربعه يفهموا
وتضحك نعيمة نفس الضحكة ولكن سيد ماستحملش سخافه النكته المره دي ومسك المنبه الموجود جنب منه وحدفه جه في دماغ ميدو وقام سيد من علي السرير وهو يقول
يا ابن الرخمه ايه الضحك في البيض اللي انت قولته ده
فيجري ميدو بسرعه ويدخل اوضة ويقفل الباب وراء منه وهو مرعوب من أبوه ويبص سيد لنعيمة ويقول لها
نعيمة يا كرنب علي السرير عدل ومش عايز اسمع نفس لا من بوقك ولا من حتة تانية
فترجع نعيمة للسرير وهي خايفة وسيد يقول
اما اشوف بقي اخرته ايه العشق الممنوع اللي احنا في ده، ،،،،
ومن جوة شقه طشطوشي ينام طشطوشي علي سريره وهو لابس الجلبيه المقطعه وواخد المخده في حضنه وبيقلع للمخده الكيس بتاعها وهو نايم وكانه في حضنة واحدة بنت وكان بيقول
يالا بقي. الحلم قرب يخلص. بقالي ساعه بقلعك الاشارب انت لازم تلفي لفة هدايا كدة انا زهقت
فيرن جرس الباب فيفتح عينه بصعوبه ويحط المخده تحت السرير وهو يقول
انزلي بسرعه هنا ما بنفعش حد يشوفك وانتي عريانه كده
ويبص في ساعه الموبيل فيلاقي الساعه عدت 1. ص فيقول لنفسه
ده مين البارد اللي جاي في ساعه زي دي
ويقوم من علي السرير ويروح ناحية الباب وهو بيقول
كفايه رن. الجرس هايتحرق
ويفتح الباب علشان يلاقي سلامه قدام منه وسلامة اول ما شافة بعصبيه
عجبك المصيبه اللي انت بالتني بيها
طشطوشي بخضه
ايه في ايه. سعده ماطلعتش بنت بنوت
فيبص له سلامه بغيظ شديد ويقول
هو انت ليه مش عايز تقتنع. انها مطلقه يعني اكيد مش بنت بنوت. انا بتكلم علي المصيبه التانيه
فيتأوب طشطوشي ويقول
مصيبه أيه
سلامه
سارة
طشطوشي
مالها سارة
سلامه
عايزه تتنقط
طشطوشي باستغراب
تتنقط. انا مش فاهم حاجه
فحكي له سلامه اللي حصل بينه وبين سارة فقال طشطوشي
دي اتجننت رسمي
سلامه
ولو ما حدش نقطها قبل الفجر هتاخد مني 4000 ج. غرامه.
طشطوشي
4000ج. سيبك منها. هو انت معاك فلوس تخاف عليها
سلامه
اه. يا خويا معايا 50 الف جنيه. بقيت ورثي من ابويا
طشطوشي
يا ابن اللعيبه. انت بعد كل اللي صرفته علي جوازك ولسه معاك فلوس
سلامه
مش وقت قر يا خويا. المهم ان سارة عرفت مكان الفلوس وكل ماهتزعل مني هتاخد من فلوسي
طشطوشي
يبقي خلاص ماتسبهاش تزعل ومادام هي عايزه تتنقط ننقطها
سلامه
ازاي يا فالح اخلي اللي نقطني ينقطني تاني
طشطوشي
انا هاقول لك ازاي
ويبص طشطوشي علي راس سلامه اللي بقت زلبطه وقال له
أيه ده. شعرك راح فين
سلامه غاضبا
يا عم احنا في ايه ولا ايه. قول لي هانعمل ايه ونخلي الناس تنقطني من تاني
طشطوشي وهو لسة بيبص ل راس سلامه وبيفكر هايجيب الشعرايه ازاي وقال
هاقول لك، ،،،،،،
ومن جوة شقه خال سلامه يقف سلامه وطشطوشي مع خاله ويقول له سلامه
خالي تعالي معايا دلوقتي عشان تنقط مراتي تاني
خال سلامه
ايه يا ابني الكلام الغريب دة
طشطوشي
معلش يا خال اصل سعده مراته عندها مرض اسمه المرض. وده بيخلها لازم تتنقط مرتين والا تموت
سلامه
اه. يا خالي عيانه بالعيا ولازم تديها فلوس وانت بتقول لها
مبروك يا سارة
خال سلامه باستغراب
سارة. مين يا ابني هي مش اسمها سعده
سلامه
سعده ده اسم الدلع انما اسمها الحقيقي سارة
خال سلامه
خلاص يا سلامه روح انت دلوقتي وبكره الصبح هاكون عندك وربنا يشفي هالك
سلامه
لا. بكره ايه. لازم تيجي معايا دلوقتي والا مراتي هاتموت
خال سلامه
للدرجه دي حالتها خطيره
طشطوشي
بقول لك يا حاج عندها مرض. المرض ربنا ما يكتبه علي حد
وفعلا وافق خاله وكل اللي راح عند سلامه من عايلته وافقو ورجعوا مع سلامة. كلهم قبل اذان الفجر بخمس دقايق وفتح باب الشقه ودخل وندهه علي سارة. فطلعت سارة في صوره سعده وبدا اهل سلامه ينقطوها وفضل شخص واحد واذن الفجر فبصت سارة لسلامه وقالت
انا كده زعلت
سلامه
ليه بس
سارة
الفجر اذن وفي واحد من عيلتك لسه منقطنيش
سلامه
طيب وفيها ايه سلمي عليه وخلي. ينقطك
سارة
ماينفعش الفجر اذن
سلامه بعصبيه
هو انتي بتتسحري يا ختي سلمي عليه وخدي النقطه بتاعتك
سارة
ياريت ينفع. انا كده هاسحب من فلوسك 4000ج.
وتمد ايدها ل البنك وتسحب الفلوس من حساب سلامه.
وبعدها بيوم ومن جوة شقه سلامه تقعد سعده قدام الشاشه وهي بتتفرج علي المسلسل الهندي واثناء ماكانت مندمجه معه تلاقي الشاشه قلبت لوحديها علي قناة الاطفال و كرتون توم وجيري فتمسك سعده الريموت وترجع المسلسل الهندي ولكن الشاشه ترجع الي الكرتون فخافت سعده ورمت الريموت من ايدها وقالت
سلامه. سلامه الحقني
فيخرج سلامه من الحمام جري ومعجون الحلاقه علي خده ويبص ناحيه سعده وهو يقول
في ايه يا سعده
سعده
الشاشه. بتقلب لوحديها
سلامه بزهق بعد ماعرف ان دي حركات سارة. قال لسعده
طيب خش انتي اغسلي المواعين اللي في المطبخ عشان خلاص بدا يطلع منها دود وانا هاصلح الشاشه
وتدخل سعده الي المطبخ فيبص سلامه في كل اركان الصاله بيدور عن سارة وبيقول
انتي فين.
فتظهر له سارة فيقول لها
واخرتها ايه طيب. سيبي سعده في حالها
سارة بغيظ
ماهي بتتفرج علي مسلسل حزين زيها ومابيخلصش وانا قاعده زهقانه عايزا اتفرج علي الكرتون
سلامه
ماحبكش كرتون دلوقتي. وهي بتتفرج علي المسلسل
سارة
ليه بقي ان شاء الله هو انا مش مراتك ومن حقي اتفرج زي ماهي بتتفرج. وبعدين بقي تعالي هنا. اشمعني هي عندها شاشه وانا لا
سلامه بضيق
أه. بدنا النكد بتاع كل يوم
سارة
انا نكديه يا سلامه الله يسامحك. عموما انا عايزا شاشه وتكون اكبر من شاشه سعده
سلامه
منين.
سارة
انا محوشه 4000 ج. خدهم وهات لي شاشه
سلامه بغضب
محوشاهم يا بنت النصابه. دي فلوسي.
سارة
فلوسي وفلوسك واحد. تروح بقي تجيب لي الشاشه وتحطها علي الارض وتخلي وشها ناحيه السقف
سلامه
شاشه ايه اللي احطها علي الارض. واخلي وشها للسقف. هي سجاده
سارة
هو ده اللي عندي انا بحب انام في السقف فعايزا اشوف الشاشه كويس
سلامه
بس.
سارة مقاطعه له
مافيش بس. والا هازعل والمرة دي هاتدفع 8000ج.
سلامه غاضبا
الله يخرب بيت اللي حدفك عليه، ،،،،
وتعدي الليله ويطلع النهار ومن علي السفره الموجوده في شقه سيد يقعد سيد ويتناول طعام الافطار لوحده فتاتي نعيمة ناحيته وتجلس بجانبه وتنظر له وهو ينظر لها ويقول بزهق
خير
نعيمة
لقيت عروسه لميدو
سيد بلامبالاه
والله. الف مبروك
نعيمة
مالك بتقولها من تحت ضرسك ليه كده
سيد
فرحان ان بنتي الوحيده هاتتجوز
نعيمة
طيب. مش تكلم سلامه بقي
سيد
يا وليه انهدي بقي احنا مش اتكلمنا في الموضوع ده ميت مره وقولت لك مش هاكلمه شوفي لي ابنك شقه في الشارع عشان يكون قريب منك
نعيمة
ما انت عارف اني دورت كتير ومالقتش
سيد
يبقي ادي الله وادي حكمته
نعيمة
يعني ايه. هاتخلي ميدو يقعد بعيد عني
سيد
طالما ربنا رايد كده اعمل ايه انا طيب
نعيمة
تعمل كتير. تخلي اخوك يشوف شقه تانيه ويسيب دي،
سيد
هو انتي ما عندكيش دم. سلامه صارف علي الشقه فوق 100 الف جنيه. عايزاني اقول له خد 20 الف جنية وسايبها لميدو. روحي يا بنت الناس شوفي حاجه تعمليها خليني اكمل فطاري
نعيمة
طيب سيبني اكلمه انا
سيد باسلوب ناعم ولكنه جاد
نعيمة. لو اتكلمتي في الموضوع ده تاني ولو حتي مع نفسك هاتبقي طالق
ويقوم ويسيب الاكل وهو غاضب فتبص له نعيمه وهي مصممه علي انها تاخذ الشقه. فتخرج الموبيل بتاعها وتتصل باختها كوثر وتقول
ايوه يا كوثر. مارضيش زي ما قولت لك. حضرلي العمل اللي يكره سلامه في مراته وفي الشقه. و تيجي لي يوم عزومه خطيبه ميدو وابوها وانا هاقول لك هانعمل ايه، ، ،
وبعدها بيومين ومن جوة شقه سلامه تقعد سارة مستنية رجوع سلامه وسعده من بره ويفتح الباب سلامه وتدخل سعده التي كانت بتتوجع لان عندها البواسير فتقوم سارة وتقف قدام سلامه بغل شديد وتقول له
كنت فين انت والهانم طول النهار
سلامه
كنت عند الدكتور
فتلاحظ سعده ان سلامه يتكلم مع حد هي مش شيفاه فتقول باستغراب
سلامه انت بتكلم مع مين
فتبص لها سارة وتقول وهي بتضربها بالشلوط
اسكتي انتي
فتطير سعده من قوة الشلوط وتدخل اوضتها وهي بتصرخ من الوجع . فيبص سلامه ناحيتها ويقول
ماينفعش خالص النهارده تضربيها هنا
سارة
ايه خايف عليها للدرجه دي
سلامه
لا. بس هي عندها البواسير والشلوط ده يخليها تقيد نار
سارة
هي ايه دي. اللي هاتقيد نار
فيحرج سلامه ويقول
مش هاينفع اقول خالص
سارة
شوف انا متجوزاك من امتي وعمرك ما خرجتني ولا جيبت لي البواسير زي ما جيبتها لسعيد. هي سعيد مرتك. احلي مني عشان تجيب لها البواسير وانا لا
سلامه
مابلاش تتمني البواسير لانها لو جت لك انتي اللي هاتزعلي
ومش هاتعرفي تخرجي حاجه
سارة باستغراب
ليه هي البواسير بتيجي في الرجل
سلامه
انتي فهمتي ايه انا اقصد تخَرجي مش تخِـرجي
سارة
بقول لك ايه. انا ماعرفش الكلام ده انا كل اللي اعرفه زي ما جيبت البواسير لسعده تجيب لي انا كمان وتشوف حاجه تكون مقاسي. والا هازعل
سلامه
يا سارة البواسير لو جيت لك هتزعلي والله
سارة
مالكش دعوي. انا سعيد مش احلي مني عشان يكون عندها البواسير وانا لا
سلامه
خلاص عايزها تيجي لك كلي شطه كتير وخشي الحمام ده واحزقي
سارة
اتحزق وارقص
سلامه
الحزق مش بتاع الرقص التاني اسمه اتحزم وارقص
سارة
اومال ايه الحزق ده
سلامه
انك تخشي الحمام وتعملي كده
وبدا سلامه في الحزق امام سارة لغاية ما احمر وشة واتعلمت سارة الحزق واكلت شطه كتير وعملتها كتير ونزلت البواسير لسارة وبدات تصرخ وتقول لسلامه
ليه ما قولتش انها بتيجي هنا
سلامه
ما انا قولت لك هاتزعلي لو جيتلك
سارة
انا مش عارفه اخرج
سلامه باستهزاء
ليه هي جيت في رجلك
سارة
لم نفسك. انت عارف جت فين.
سلامه
عشان تبطلي الغيره العاميه اللي انتي بتغيرها دي. هو حتي المرض في غيره
سارة
اعمل ايه بس حبيتك ومش طايقه اشوفك في حضن راجل زيك
سلامه
قصدك مين سعيد مراتي
سارة
اسمها سعده. وتعرف ان بعد ماجيت لي البواسير صعبت عليه وحبيتها عشان حسيت هي كانت تعبانه قد ايه
سلامه
طيب اعملي بقي اللي يخليني احبك انا كمان
سارة
من هنا ورايح هاكون ليك الزوجه اللي تتمنها واركن الغيرة دي علي جنب، ،،،
ومن جوة اوضة الشيخ سحاب يقعد طشطوشي ويقول له
بقي زلبطه يا ستنا الشيخ . شوف بقي طريقه تانيه تكرهه بيها
الشيخ سحاب
مافيش غير انك تجيب لي شعرايه من راسها واي حاجه من ريحته
طشطوشي
بس كده. بكرة باذن الله هاستني لما يخش الحمام وهاجيب لك ريحته
ثم يقف ويستعد للخروج ويقول
ولا اقول لك. خليها لما يبقي يجي لي الشقه تاني
فيبص له سحاب باستغراب شديد، ،،،،،،،،
وبعدها بيوم دخل سلامه اوضه فلقي سارة واقفه مستنيا في صوره نرمين الفقي فقلع هدومه بسرعه وقرب منها وقال
ايوه بقي
سارة
طيب استني لما تشوف المفاجاة التانيه
ولفت نفسها فلقي صافيناز واقفه قدامه ففرح اوي وقال
اتنين في نفس الوقت دي ليله دلع
وتتغير صوره صافيناز وتظهر سعده فيتعجب ويقول
ايه ده
سعده
سارة خلتني جنيه زييها وعرفتني ازاي اتحول كده
فيلطم سلامه وهو بيقول
هو انا قادر علي جنية واحدة لما يبقوا اثنين. احية يا اما احية والنعمه احيا
ويقع مغمي عليه، ،،
وخلصت حلقة النهاردة ولسة للحكاية بقية استنوني. سلام
جميله
ردحذفكده بقي كوميدية والله 😂 ضحكت كتير
ردحذف