خادم من الجن
★الحلقة الرابعة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبعدها بكام ساعه ومن داخل المقابر كان سعد مع معظم الاقارب والجيران شايلين نعش صبحية. وبجانب منه ناس تانية شايلة نعش هادي لغاية ماوصله الي الجبانة الخاصة بيهم فخرج صبحية من النعش وهو بيعيط عليها ودخل بيها الجبانة عشان يدفنها وبمجرد ما دخل الجبانة شاف نفسه ملفوف في كفن اسود. اتفزع وقال
اعوذ بالله من الشيطان الرجيم
ودفن صبحية بسرعه ومن بعدها هادي وخرج من الجبانة ووقف ياخد نفسه بالعافية وبعد ما هدي شوية وقف ياخد عزاء صبحية وهادي وبعد ماخلص راح ووقف قدام الجبانة وقال
حقك علية يا صبحية. حقك علية يا هادي انا السبب في اللي حصل لكم. ذنب قديم وبدفع ثمنة دلوقتي. بالله عليكيم سامحوني
فيظهر له الخادم ويقول
تفتكر هايسمحوك وانت السبب في موتهم
بص له سعد وقال
انت السبب
فيلف الخادم حوالين سعد بسرعة رهيبة وهو يقول
انا السبب بردو. انا خيرتك وانت اخترت الطريق الغلط اللي وصلك لغايه هنا ماتلومش الا نفسك
فاميردش علية سعد اللي كان بيصرخ من دوران الخادم حوالين منه وبيقول
كفاية لف بقي. دماغي بتتقطع
الخادم وهو لسه بيلف حوالين منه ورائحه الشر بتفوح في المكان.
تفتكر انا هاعمل فيك ايه تاني
سعد
هاتعمل ايه تاني مراتي وابني ماتو. وابني مستقبله ضاع وهايعيش بقيت حياته عاجز
الخادم
مش كفايه
سعد بدهشة
مش كفايه. طيب خلاص موتني انا كمان
الخادم
لو موتك هاتخش الجنه وانا عايزك تتعذب في نار جهنم
سعد
ليه ده كله انا عملت فيك اية
الخادم
عملت ايه انت قعد اربعين ليلة تتعبد عشان تحرقني لولا صابرة اللي حضرتني قبل منك بليلة وبقيت الخادم ليها كنت زماني ميت. وصحيح صابرة هي اللي طلبت مني اني ادخلك قبرك حي وبكفن اسود
سعد باستغراب
صابرة مين دي . ولية عايزا تقتلني
الخادم
هاتلف الايام وهاتعرف ان صابرة حضرتني وهي اللي سيبتك تعيش عشان تخليك تتجوز وتخلف وتحرمك من ذريتك واحد وراء التاني وتحزنك عليهم. وبعد كدة تدخل قبرك حي وبكفنك الاسود
سعد
اللي اسمها صابرة دي عايزا لية تعمل فيا كدة
الخادم
هانت كلها ايام وتعرف كل حاجة.
سعد بتحدي
وانا مش هاسيبك لانت ولا اللي اسمها صابرة تقربو مني او من يوسف. وهاحرقك يا ملعون
الخادم وهو يضحك ضحكة خبيثة
انا الجن الخادم. ماحدش يقدر يصرفني او يحرقني غير اللي حضرني واللي حضرتني صابرة وانت ماتعرفش مين هي يبقي ماتقدرش تحرقني
سعد بتحدي
هاحرقك. هاعمل المستحيل واحرقك يا ملعون
فيضحك الخادم
طيب خلي بالك عشان وانت بتحرقني يوسف هايقتل نفسه
سعد بخضة
يقتل نفسه انت بتقول ايه
الخادم
انا عارف ان يوسف اغلي حاجه عندك بس انت مابقتش اغلي حاجه عنده بعد ماعرف ان انت كنت السبب في. قطع رجله وموت امه
سعد بعصبية
انت بتقول اية يا خبيث
الخادم
وانت بتدفن صبحية كان الدكتور بيقول ليوسف ان رجلك كان ليها علاج بس مكلف شويه فا ابوك قال انا مش هاقدر علي مصاريف العلاج فالدكتور أتضر لقطع رجلك وامك ماستحملتش تشوفك وانت رجليك مقطوعه فماتت من الصدمه وفي حد تقريبا وممكن يكون .( انا.) اقنعته بالانتحار وهو دلوقتي بيبص لحقنة فاضية موجودة قدامة علي بعد مترين من السرير اللي نايم عليه وممكن يمسك الحقنة ويحقن بيها نفسه وانت عارف بقي حقنة الهواء هاتعمل في اية
سعد بتهديد
لو يوسف حصل له حاجه انا مش هارحمك
ويجري سعد بكل قوته وبسرعه لا تتناسب مع سنه ولكن كان كل مايدور في ذهنه يوسف. ،،،،،،،
ومن داخل عنابر المستشفي كان يوسف بيرقد علي سريرة وبيبص علي حقنة فاضية في اخر العنبر وبيفكر في استخدامها فينزل يوسف من فوق السرير بصعوبة وهو يتالم وبيسند علي رجل واحده ولكنه وقع علي وشه وقام تاني وفضل يحاول الوصول للحقنة لغاية ماوصل فعلا الي الحقنة ومسكها وحط سن الابرة في ذراعة وفرغ الهواء اللي جوة الحقنة ليدخل الهواء الي ذراعة ويقع مغمي علية في نفس الحظة دي يدخل سعد الي العنبر ويترعب من الخوف لما شاف الحقنة في أيد يوسف اللي واقع علي الارض وقال
حد ينادي دكتور بسرعه ابني هايموت
ولكن كل من في المستشفي يتحولوا الي اموات الكل واقف في مكانه ماحدش بيتحرك وسعد يصرخ حتي عقارب الساعه توقفت ويوسف مغمي علية ويظهر الخادم فيبص له سعد ويقول
هاعمل اي حاجه انت عايزها بس يوسف يعيش
فينظر له الخادم ويضحك ضحكة مخيفة،،،،،،،،،،
وتعدي ثلاث ايام ويتعافي يوسف بعض الشي مما حصل له. وكان سعد في كهف المقطم العالي يمارس عباده النار. وينتهي سعد من عباده النار ويذهب الي يوسف في المستشفي ويجلس امام يوسف النائم علي السرير ويقول له
عامل ايه النهارده
يوسف بعصبية
انت لحقتني ليه كنت سيبني اموت
سعد
ليه بتقول كده يا يوسف ده انت اغلي حاجه في حياتي وبعد امك واخوك مابقاش ليه في الدنيا غيرك
يوسف
وانا مش هاعيش في الدنيا دي من غير رجلي انا مش هاعيش عاجز مستني حد يسندني
سعد
يوسف دي ارادة ربنا ولازم ترضي بيها
يوسف بحدة
وانا مش هارضي
فتوجع الكلمة سعد ويفتكر اللي قاله لي امه سناء قبل كدة وكان الايام بتتعاد مع اختلاف الاسامي والاحداث . ويسمع سعد يوسف وهو يقول
اسمع انت لازم تعرف انك لحقتني مره لكن المره الجايه انا ميت ميت وعيش لوحدك طالما انت اللي قولت للدكتور يقطع رجلي
سعد
انا ماقالتش ........
يوسف بحدة مقاطعه لكلام سعد
انا مش طايق اسمع صوتك سيبني وامشي. وحتي في جنازتي مش عايزك تمشي فيها
سعد بحسرة شديدة
كده يا يوسف. علي كل حال زي ماكنت انا السبب في قطع رجلك انا هارجع لك رجلك تاني بس اديني يومين
يوسف
هو اللي راح بيرجع تاني
سعد
هيرجع مهما كان التمن. المهم عندي انك تكون بخير
ويسيبة سعد ويمشي، ،،،
وبعدها بساعة ومن جوة الكهف يقف سعد وينادي علي الخادم بعلو صوتة ويقول
انت فين. اظهر لي
فيظهر له الخادم ويقول
كنت مستنيك
سعد
انا مستعد اعمل اي حاجه بس يوسف ترجع له رجله
الخادم
عشان يوسف ترجع له رجله لازم رجل حد من دمه تتقدم قربان لأهل النار
سعد
يعني ايه
الخادم يقول وهو ينظر علي رجل ابو يوسف
رجلك مثلا او رجل امه
سعد بحدة
اوعي تجيب سيره مراتي علي لسانك النجس كفاية اللي حصل لها
الخادم
خلاص تبقي رجلك تمن رجوع رجل ابنك
سعد
خد رجلي ورجع ليوسف رجله ااقطعها وخدها
الخادم
انا لا مانفعش لازم انت اللي تقطع رجلك بنفسك وبدون اي مساعده من حد. لازم تتألم
سعد
يعني انت عايزني اقطع رجلي لنفسي
الخادم
مش انا اللي عايز، اهل النار. هم اللي عايزين ده شرطهم الوحيد لو بتحب يوسف وعايز تصلح غلطتك
ويختفي الخادم من امامه وينادي سعد عليه ويقول
روحت فين رد عليه
ويكررها اكثر من مره حتي يخرج من الكهف ويتجه الي شقتة ويفتح باب الشقة ويخش اوضة نومه ويقعد فوق سريره وهو بيفكر في اللي قاله الخادم و يخرج من درج الكومودينو البوم صور له ومعه يوسف وهادي ومراتة وفضل يبص في البوم الصور ويبكي ويبص علي يوسف وهو يلعب بالكره مع هادي ويبكي اكثر واكثر ثم ينظر لصوره ليوسف وهو يضحك فيضحك سعد ضحكة حزينة ويقول
لازم ارجع ضحكتك تاني يا يوسف يا ابني
ويخرج من اوضه النوم ويروح ناحية دولاب عدة في اوضة ثانية ويخرج من الدولاب منشار ويقعد في وسط الاوضة ويحط المنشار علي رجله ، ،،،،،،،
استنوني بكرة باذن الله والحلقة الاخيرة. سلام
روووعة احداث مشوقة
ردحذفروعه
ردحذف