بحبك يا ولا
★الحلقة الرابعة★
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن داخل الاوضة الموجودة في الفندق اللي قاعد فيها تامر وسوسو تجلس سوسو علي السرير وقدام منها تامر اللي كانت عينة ورامة وبيبص لسوسو بغيظ شديد وهي بتعمل له كمدات علي عينة وهو بيقول
انا شتمت امة أنا
سوسو وهي بتشيل القطنة وبتبلها في المية الساقعة وبتحطها تاني علي عين تامر بغل
مش احسن ما كان يعرف انت كنت هاتعمل اية مع مراتة
تامر وهو بيتوجع
انتي كمان كنتي عايزا تعرفي باللي انا كنت ناوي اعمله
سوسو
لا. هو انا عبيطة دة انت برضو جوزي. ومايهنش علية اشوفك بتذبح قدامي.
تامر في سره يقول
أنا اندبح. ان شاء الله انتي
فترد سوسو قائلا
بعد الشر علية ان شاء الله انت
تامر باستغراب
بت. انتي قولتي اية دلوقتي
سوسو باستعباط
ماقولتش
تامر
لا قولتي
سوسو
طيب وربنا المعبود. وربنا المعبود كمان مرة. والله ان شاء الله تطفح رغيف العيش دة ماقولت حاجة
تامر
رغيف اية. بت كهن الفلاحين دة انا عارفة. ومش هارتاح الا لما اكسر لك مناخيرك
سوسو ببرود
ولما تكسر مناخيري بقي. اشن ازاي
تامر
جتك القرف. انتي عايزا مناخيرك بس علشان تشني
سوسو
لا. وساعات بلعب فيها بصباعي. زي كدة
وتحط سوسو صباعها في مناخيرها فيقرف تامر ويقول
كفاية يا معفنة
سوسو وهي لسة بتلعب في مناخيرها
أية مابتلعبش في مناخيرك ابدا
فيقف تامر ويبص لها ويقول لنفسه
دة اية اللي انا عملتة في نفسي دة انا متجوزها اعلمها الادب واذلها. شكلها هي اللي هاتعلمني الادب
سوسو وهي بتبص من تحت لتحت
قول ان شاء الله يا دلوعة بابا
فيبص لها تامر باستغراب شديد ويخرج من الاوضة وسوسو بتبص له وبتضحك مع ان قلبها حزين وتقول لنفسها
يا ساتر للدرجة دي بيكرهني كنت عملت اية لدة كلة. ياما كنت سلمت له نفسي يا ما يتجوزني علشان يذلني ويكسر مناخيري. ويكسر مناخيري لية
وتبص في المرايا وتقول
طيب والنعمة انا مناخيري عسل اكيد لما يشوفني وانا بحط ايدي كلها فيها هاتعجبة
وتضحك سوسو وتقول
الله يحظني طيب والنعمة انا عسل دة الولا تامر دة حمار يضيع من ايدة جوهرة زيي
وتعطس سوسو عطسة غبية عايز اقولكم انها خليت شعرها كله بقي علي قدام ومش كدة وبس دة كمان شغلت صفارة الانذار في الاوضة كلها فتبعد سوسو شعرها عن وشها وتقول
برضو عسل
فيفتح باب الاوضة ويدخل تامر اللي رجع علشان يجيب علبة السجاير فشاف سوسو وشعرها سايب علي قدام اتشد ليها وللسحر اللي طلع من عيونها في اللحظة دي وهي بتبص له وبتقول
عايز اية يا ولا
تامر بارتباك وهو بيبلع ريقة بالعافية مش عارف اية اللي بيحصل له قال
جاي علشان. علسان. علسان
فتظبط سوسو شعرها وتقول
بطل سهوكة. وخد علبة السجاير وامشي
تامر باستغراب
انتي عرفتي ازاي اني راجع علشان علبة السجاير
سوسو بلغبطة
انت اللي لسة قايل علسان. ومعروف ان السجاير اسمها علسان
تامر
يا بت.
ويقترب تامر منها وهي تبعد عنه وتقول
انت بتقرب عايز اية
تامر
اية بلاش اقرب مش انتي مراتي
سوسو
انا مراتك بس مش هتاخد مني حاجة الا بالحب
تامر
حب.
سوسو
اة حب. ما تعرفش الحب يا ولا
تامر وهو يقترب منها
طيب من انا بحبك
سوسو
لا. لسة
تامر
هو اية اللي لسة احنا بنلعب خلاويص
سوسو
اسمع يا ولا. انت دلوقتي عايزني علشان بس عايزني انما مش عايزني علشان محتاجني
تامر
اعدمك لو فهمت انتي قولتي اية
سوسو ببرود
ان شاء الله انت يا عمري.
ثم تسكت للحظات وتقول
الا قولي انت ازاي قبل ما تخرج كنت متجوزني بس علشان تكسر مناخيري وراجع دلوقتي عايزني اكون في حضنك. انت عبيط يا ولا. ولا دلع ابوك ليك خليك تفتكر اني لعبة تلعب بيها وقت ما تحب. انا مش هاكون مراتك الا لما اكون حبيبتك
تامر
وانتي بقي مش مصدقة لية اني بحبك
سوسو
خلقتك بتقول انك كذاب.
تامر
بقي كدة يا بياعة الفراخ. لتاني مرة تقولي لا. وحياة ابوكي لاربيكي
سوسو
انا متربية الدور والباقي عليك انت يا ابن بياع اللحمة
فيتعصب تامر بشدة ويقول
لولا ابويا محلفني اني لو اذيتك ليعلمني الادب كنت كسرت عظم وشك
سوسو ببرود
لا. وشوف مين اللي بيتكلم اروح اجيب لك زغلول يا ولا
فيتعصب تامر كمان مرة ويخرج من الاوضة وهو يقول
ماشي يا بنت. عطوة
ويقفل الباب وراء منه بعصبية شديدة فتبص سوسو للمرايا وتقول
طيب والنبي انا بت قادرة. وعسل بس اصون كرامتي ولا. اي كلمة تاني رجالة ما تجيش الا بالدق علي الدماغ. قال بيحبني وعايزني في حضنة علشان بس شاف شعري جاي علي وشي اومال لما يشوف العماص وانا لسة صايحة. هايتسرع من كتر الحب، ،،،،،،،،،،،،
ومن داخل قصر حسنس يجلس حسنس قدام بدير وكان حسنس سرحان ويفكر في تامر ابنة وجوازة من سوسو فلاحظ بدير سكوت حسنس فقال لة
اخينا. هوي
فبص حسنس لبدير وقال
اية في اية
بدير
انت اللي في اية بقالك ساعة ساكت وما بتتكلمش
حسنس
خايف
بدير بدهشة
خايف من اية
حسنس
خايف من تامر واللي ممكن يعملة في البت الغلبانة سوسو
بدير
طالما خايف ما كنتش وافقت علي الجوازة دي من الاول
حسنس
انت ما كنتش شايف تامر عندي ازاي وعايز يتجوزها وانا عارف ومتاكد انه متجوزة وفي دماغة شر من ناحيتها
بدير
فعلا تامر غلاوي فاكر لما كنت بتاخد منه حاجة غصب عنه ما كنش بيرتاح الا لما يكسرها
حسنس
واكيد هو اتجوز سوسو علشان يربيها بعد ما فضختة قدمنا وقالت له لا وخلتني اهزقة
بدير
طالما انت عارف ان دة اللي في دماغة لية وافقت علي الجوازة
حسنس
يمكن الجواز يخلي يتعدل ويبقي راجل
بدير
حسنس انت الغلطان من الاول وياما حذرتك اخرة الدلع وحش
حسنس
دة ابني الوحيد يا بدير وجيبتة علي كبر ما كنتش عايزة يطلع محروم من اي حاجة انا اتحرمت منها وانا في سنة. المهم البت الغلبانة اللي اسمها سوسو تطلع بخير من الجوازة دي. ،،،،،،،،،
ومن داخل الملهي الليلي في الفندق يجلس تامر علي تربيزة وقدام منه ناهد. مرات زغلول وبيبص لسوسو بحرقة شديدة وهي بترقص مع زغلول وسوسو بتبص له وهي فرحانة لان تامر بيغير اة غيران وهي حست بدة من عقلة الباطن وفضلت ترقص وترقص وهي منشكحة علي الاخر وخلصت الرقصة ورجعت للتربيزة وهي بتنهج من الرقص واشتغلت رقصة تانية فبص لها زغلول فقالت
وربنا ما قدر ارقص تاني اكتر من كدة هارجع اللي كلتة ترقص مع تامر
وتبص ل تامر اللي كان عايز يرزعها قلم ودمه بيغلي وبيقول
لمي نفسك
سوسو
اية بتقول اية عنبة مالها
فيحط تامر ايدة علي بوق سوسو
يا جذمة انا قولت عنبة خالص. انتي عايزا يضربني تاني
سوسو وهي بتبعد ايد تامر عن بوقها وتقول
متخافش ما الراجل جه واعتذر لك وعزمنا علشان كدة
تامر
طيب اسكتي ويالا بينا نمشي
سوسو
ما احنا قاعدين شوية في المولد دة يا ولا
تامر
انا تعبت وعايز انام
سوسو
خلاص هاروح أقول لزغلولتي اننا هانمشي باي
تامر بعصبية شديدة
وعهد الله لو مالمتيش نفسك لاضربك بالجذمة
سوسو وهي بتمسك ايدة
انت بتغير يا ولا
تامر وهو بيقف وبيقول بحزم
يالا قدامي
سوسو بنفس البرود
حبيب ماما كبر وبقي يشخط
تامر بعصبية
بت. بطلي برود
سوسو
طيب حاسب زغلول جاي يضربك علي قفاك
فيمسك تامر قفاة مسرعا ويبص وراء منه بسرعة فيخبط في الجرسون اللي كان معدي وراء تامر وشايل شوربة سخنة وقعت في صدر تامر من جوة وبدأ تامر يصرخ بحرقة وسوسو
الحقونا يا ناس الولا اتحرق.
وتقوم وتاخد تامر في حضنها وهو بيبص لها بغل شديد وهي بتقول
حبيب ماما. الشوربة بتلسع يح
فيصرخ تامر من الوجع والبرود، ،،،،،،،،،،،
ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام
والله سوسو دي عسل لازم تربيه
ردحذف