خادم من الجن
★الحلقه الثالثة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبعد 20 سنه. ومن احدي قري مصر وبجانب مزلقان القطر يعيش سعد بعد ماغير اسمة لتوفيق عبد الرحمن واتجوز واحدة اسمها صبحية وخلف ولادين تؤام يوسف وهادي والاثنين كانو زي سعد كارهين للفقر والعيشة بتاعتهم وفي يوم من الايام وسعد قاعد يقرا في الجرونال وقفت قدامة صبحية وقالت
الحق يا توفيق عيالك الاثنين
بص لها سعد اللي عجز وبان علية الكبر ولحيتة البيضاء تتحدث عن سنة. وقفل الجرونال وقال
خير يا صبحية في اية
صبحية
ولادك الاثنين مادخلوش الجيش. وكانو بيضحكوا علينا الفترة دي كلها
سعد بضيق
انتي بتقولي اية. دول بقالهم اربعين يوم برة البيت
صبحية
والله دة اللي حصل شادي صاحبهم كان في مركز تدريب واول ما نزل اجازة جه عشان يسال عليهم قولت له هما مش معاك. قال لا. الاثنين خدوا تاجيل
سعد باستغراب
يعني اية. اومال هما فين
وفي الوقت دة تخرج أيد من دماغ سعد وتلف حوالين عيونه ورغم السواد اللي حل علية لكنة شاف الكهف العالي بالمقطم وجوة منة يوسف وهادي واقفين في مثلت من نار وبيمارسو عبادة النار وبعد ماخلصو بص هادي ليوسف وقال بصوت واضح يسمعه سعد
احنا بقالنا اربعين يوم بنعمل العباده دي ومافيش خادم حضر
يوسف
انت فاكر ان حضور الخادم بالساهل كده لازم نحاول مره واتنين وتلاته لغايه مايحضر وساعتها هاتعرف اني انا كنت صح
هادي
خليني معاك لغايه ما اشوف اخرتها ايه
يوسف
اخرتها عز ودهب وكل حاجه حلمنا بيها
هادي
ياريت حاكم انا نفسي اهرب من الفقر اللي محاوطني والعيشه اللي جنب مزلقان القطر
ويظهر نفس الخادم اللي ظهر لسعد ويونس ويقول
انا الجن الخادم. وهاكون في خدمة اللي يفضل منكم حي
صرخ سعد صرخة مكتومة وقال
لا. اوعو تصدقوا
وهنا سمع الاخين بيتخانقوا وصرخة واحد منهم ودم اسود جه علي وشة وهدومة. صرخ سعد وقام وراح ناحية باب شقتة بسرعه وقبل ما يفتح الباب يظهر له الخادم ويقف قدام منه في صورة راجل اسود شكله وحش بص له سعد وقال
أنت مين ودخلت هنا ازاي
الخادم
لو بدور علي عيالك فهما معايا ومش معاك
سعد بخوف وقلق من كلام الخادم
انت مين. شكلك يخوف وكلامك يخوف. انا مش مرتاح لك
اوعي من طريقي خليني الحق عيالي
الخادم
مش هاتلحقهم ومش هايرجع لك منهم الا واحد بس
ويفتح الخادم الباب ويخرج ويحاول سعد الخروج بعد منه ولكن الباب ماكنش عايز يفتح وفي الوقت دة وقفت صبحية وراء سعد وقالت
ابو يوسف انت واقف ليه كده وايه الدم اللي في ايدك ده
بص سعد لي ايدة الشمال لقاه الدم نازل منها بشكل يخوف وقال
ايه الدم ده،،،،،،،،
وسمع في الوقت دة صوت يوسف بيقول في ودانه
انت روحت فين انا قتلت اخويا عشان تكون ملكي وتحقق لي احلامي انت فين رد عليه روحت فين
وفضل يوسف ينادي علي الخادم وهنا شاف سعد قدام منه في المرايا نفسه وهو بيقتل بونس اخو. فقال وهو هايتجنن
معقول اللي انا شوفتة دة. لا. اكيد بحلم
لكنة قبل ما يخلص كلامة لقي سعد جسمة طاير بشكل مخيف ورايح ناحية شباك شقتة وبص من الشباك شاف يوسف وهو ماشي علي شريط القطر ودم اخو علي هدومة وقطر ماشي بمنتهي السرعة في نفس سكة يوسف وسعد بينادي علي يوسف وبيصرخ ويقول له
خلي بالك ابعد عن القطر يا يوسف
لكن يوسف ما بيقفش ورايح ناحية القطر والقطر رايح ناحيتة وفجاة طار يوسف من قدام القطر بشكل غريب والقطر خبط رجل يوسف فصرخ سعد وقال
يوسف ابني
وظهر الخادم جنب يوسف وضحك وهو بيبص لسعد.
فراح سعد ناحية باب الشقة بسرعه عشان ينزل ويلحق يوسف وفتح الباب والمرة دي الباب اتفتح بسهوله وخرج من الشقة لقي سلالم البيت مش موجودة استغرب جدا ورجع تاني للشباك بسرعة وبص ناحية يوسف المصاب علي شريط القطر و كل الناس في الشارع مش شايفين اللي حصل ليوسف استغرب سعد وقعد ينادي علي الناس وهو بيقول
الحقو ابني يا ناس. ابني هايموت
لكن ماحدش بيرد. وصرخ يوسف صرخة وجع قطعت قلب سعد اللي نط من شباك الشقة اللي كانت في الدور الثاني وماكنش فارق معة ان نطة زي دي ممكن تسبب له ضرر لكن خوفة وحبة ل يوسف نسوا كل حاجة وجري سعد ناحية يوسف وهو بيعرج وشال سعد ابنة يوسف اللي كان رجله بتجيب دم وجري بي بسرعة الي اقرب مستشفي، ،،،،،،،،،
وفي قسم الاستقبال راح ناحية سعد الممرضين ومعهم نقاله وشالو يوسف عليهغ وراحو لي اوضة من اوض الكشف، ،،
وعديت كام دقيقة ويوسف جوة والدكتور بيكشف علية وسعد قاعد قدام باب الاوضه مستني الدكتور يخرج يطمنه علي ابنة وفي اللحظة دي يلاقي صبحية قدامه وهي بتقول
سعد. يوسف ماله.
بص لها سعد وقال
انتي عرفتي باللي حصل ازاي مع اني نطيت من الشباك قدامك وانتي ما تحركتيش ناحيتي
صبحية
ماحصلش اللي انت بتقولة دة. انا عرفت من صاحبك
سعد
صاحبي مين. وجيتي ازاي صحيح وسلالم البيت مش موجودة
فيظهر الخادم قدامة ويقول
انا اللي جيبتها
فيقف سعد وهو غضبان ويهجم علي الخادم لكنة كان شبح مش موجود اصلا ويسمعه سعد وهو بيقول له
ابنك في ايدي عايزه يطلع سليم من جوه اختار طريقي
سعد
انت مين وعايز مني اية
الخادم
انا الفقر والمرض والحزن. انا ذنوبك يا سعد
سعد
ذنوبي يعني ايه انا مش فاهم حاجه
الخادم
شوف عملت اية من سنين وانت تفتكرني
سعد وهو بيفتكر اللي كان وصبحية تقف قدامة وتقول
ابو يوسف انت بتكلم نفسك ولا ايه
فبص لها سعد وماردش وبص ناحية الخادم كمان مرة لكنه اختفي ويخرج يوسف من حجره الكشف علي نقاله ومعه الدكتور المعالج وبيجري بالنقاله مع الممرضين ورايحين ناحية اوضه العمليات فوقف قدامهم سعد وصبحية وقال سعد
خير يادكتور
الدكتور
لازم نقطع رجليه حالا والا هايموت
وراح بالنقاله لي اوضه العمليات وسط صراخ من صبحية ووقوع سعد علي الارض مش مصدق نفسه وقال بحزن
لا اله الا الله ولاحول ولا قوه الا بالله
فيظهر الخادم. ويقول
عايز رجليه ما تتقطعش
فبص له سعد وقال
انت تاني ابعد عني وعن ابني كفايه اللي حصل وشكل كل اللي بيحصل لنا ده بسببك انت
الخادم
صح بسبببي انا. وانا الوحيد في الدنيا دي اللي ممكن اخلي رجل يوسف ماتنقطعش
سعد باهتمام
انت طيب ازاي
الخادم
بانك تكون عبد من عباد النار
سعد
اعوذ بالله. مستحيل اعمل كدة.
الخادم
غريبة مع انك عملت كدة. من كام سنة انت واخوك يونس
سعد
انت الخادم.
فضحك الخادم وقال
انا الخادم. اللي انت كنت عايز تحرقة. لكنك مقدرتش وجم من بعدك اللي من دمك وحضروني تاني عشان انتقم منك
اتصدم سعد وكان هايغمي علية من اللي بيسمعه والخادم كمل وقال
ومش بس كدة. دة حتي يوسف قدم لي راس هادي زي ما انت عملت بالظبط. وانا اللي خليتك تشوف دة بعينيك
ويضحك الخادم ومع ضحك الخادم يسمع سعد صوت صراخ صبحية اللي كانت علي الارض وفي حضنها هادي المقتول فبص سعد لهادي ومد ايدة ونزل علي ركبة وبدا يملس علي هادي ويقول
لا حول ولاقوة الا بالله. لا حول ولا قوة الا بالله
فيلتف الخادم حوالين سعد زي الثعبان ويقول
دلوقتي عرفت ربنا. مع اني انا شايفك من جوة مش فارق معاك موت هادي زي ما هو فارق معاك يوسف. اللي انت بتحبة اكتر من هادي
فيصرخ سعد ويقول
اخرص واطلع من دماغي
الخادم
هتختار طريق النار وتلحق يوسف ولا هاتحكم علي رجلة بالقطع
فبص له سعد وبص ناحيه اوضه العمليات وبدات الحيرة تترسم علي ملامح وشه مش عارف يعمل اية وبص لصبحية اللي كانت بتعيط علي ابنها هادي وبحرقة وتخيل يوسف وهو خارج من اوضه العمليات برجل واحدة فصرخ الخادم في وقال
الوقت بيضيع معايا ولا لا
فصرخ في سعد
لا،،،
فقال الخادم وعيونه بلون النار
انت اللي اخترت.
وبص الخادم ناحية اوضه العمليات اللي بابها انفتح وخرج منها يوسف وهو علي النقاله وفعلا اتقطعت رجله وشرب الخادم من الدم النازل من رجل يوسف وخرج الدم من بوقه علي وش سعد وقال
اشرب معايا من دم ابنك
ويشرب سعد دم يوسف الخارج من بوق الخادم
ومايخرجهوش من هذا المشهد دة الا صرخات صبحية وهي بتحضن ابنها يوسف وبعدها وقعت علي الارض مغمي عليها فبص سعد ليها واتخضت عليها وخدها في حضنة وندهة علي الدكتور جه الدكتور وكشف عليها وبعد ماخلص بص لسعد وقال له
البقاء لله
فحضن سعد. صبحية وهو حزين وبيقول
صبحية ردي عليه قومي كدبي الدكتور ده
ويهز سعد في صبحية ولكن بلا فائده وتنزل دموعه حزن عليها و بحرقة فرقها ويضمها لي صدره فيقف الخادم قدامة ويقول له
تحب ارجعها ليك
فبص له سعد بكرة شديد فاتحركت صبحية وفتحت عيونها وبصت لسعد فقال سعد
صبحية انتي لسه عايشه
فتتحول صبحية الي الخادم فيبعده سعد عنه ويقول
اعوذ بالله من شر ما خلق
فترجع صبحية الي صورتها الاصليه ولكن النار كانت تاكل جسمها فيتجه سعد مسرعا الي طفايه حريق ويطفي صبحية، ،،،،،،،،،،
وبعدها بكام ساعه ومن داخل المقابر كان سعد مع معظم الاقارب والجيران شايلين نعش صبحية. وبجانب منه ناس تانية شايلة نعش هادي لغاية ماوصله الي الجبانة الخاصة بيهم فخرج صبحية من النعش وهو بيعيط عليها ودخل بيها الجبانة عشان يدفنها وبمجرد ما دخل الجبانة شاف ،،،،،،،
ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام
جميله
ردحذف