خادم من الجن
★الحلقة الثانية★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ويبعد يونس امة سناء عن الكنبة بمنتهي العنف وسعد يفتش تحت الملايا اللي بتنام عليها امة ويلاقي كيس اسود مليان فلوس فيصدم الاخين فيمسك سعد الكيس ولكن. سناء تمسك الكيس من أيد سعد وقالت
الا الكيس دة. دة امانة
يونس
اية يا اما الفلوس دي كلها
سناء
الفلوس دي بتاعت جارتنا ام احمد. ومخبيها من جوزها المفتري عشان فرش بنتها. وشيالهم عندي امانة.
سعد فرحا
يبقي هي دي الفلوس اللي جت في الصورة
ومد سعد ايدة لسناء وقال
هاتي يا. ما. الفلوس دي عشان الخادم طلبهم
سناء وهي ماسكة الكيس الاسود بكل قوتها
لا. دي امانة ومش هاديك حاجة منها. وخادم اية دة اللي يخليكم تسرقو امكم
يونس
يا. ما. بلاش تخلينا ناخد الفلوس غصب عنك
سناء بحزن
للدرجة دي.
سعد وهو بيقرب من سناء
واكتر من كدة. دة مستقبلنا اللي كله خير. واللي هايجي علي ايد الخادم
سناء بعصبية
خادم اية وزفت اية علي سنينكم السودا. فوقوا يا ولاد بطني. مافيش حد في ايدة مستقبلكم ولا يقدر يغيركم من حال لي حال اللي ربنا اللي خالقكم. دة هو احن عليكم مني
لكن يونس وقف وراء سناء وكتم نفسها وقال لسعد
مافيش وقت للرغي دة. خد منها الكيس
فراح سعد ناحية سناء وحاول ياخد كيس الفلوس منها بالعافية وسناء بتحاول انها تصرخ لكن صرخيها كله مكتوم وسعد بيسحب الفلوس من ايديها وهي ماسكة الكيس اوي وبتقول
سيبي يا اما. الفلوس خلينا نكمل طريقنا.
وسناء عماله تصرخ وبتحاول تهرب منهم لكنهم اقوي منها وقدر سعد ياخذ الفلوس من أيد امة بالعافية وقال ليونس والفلوس في أيدة
يالا يا يونس سيبها خلاص الفلوس معايا
ويخرجوا الاثنين من الاوضة بسرعه وسناء تصرخ وتقول
ارجع يا يونس يا سعد. حرام عليكم الا. الامانة. حرام عليكم فلوس الناس.
ووقعت علي الارض منهارة من العياط، ،،،،،،،،،،
وبعدها بساعة يفتح سعد الكتاب ويبص للصورة الثالثة وهي صورة لي هو ويونس وهما في كهف وبيمارسوا عبادة النار ومكتوب تحت الصورة
**في كهف المقطم العالي عبادة تدووم اربعين ليلة خدوا اكل وشرب يكفيكم اربعين ليلة لانكم مش هاتخرجوا من الكهف طول ايام العبادة **
ومن غير ما يضيعوا الاثنين وقت لفو علي المحلات وبالفلوس اللي سرقوها اشتروا اللي يكفيهم من اكل وشرب لي اربعين ليلة. وراحو المقطم وقال يونس ل سعد
هغيب عنك ساعتين زمن
سعد
رايح فين بس
يونس
مشوار علي السريع
ومشي يونس وغاب لمدة تلت ساعات ورجع ودخل الاخين الكهف اللي كان مظلم وكل ما يدخلو لجوة الكهف يظلم اكتر واكتر فقال يونس ل سعد
قلبي مقبوض وخايف
سعد
خايف وانا معاك. دة نزلت قبر ابوك وقطعت ايده
يونس يقف ويتصدم في اخوه ويقول
بتقول اية
اتهزت الارض من تحت رجليهم وسمعوا صوت ناس كتير بتتعذب فقال سعد
دي رساله من الكتاب ما ينفعش نقف واحنا في وسط الطريق
فيمشي يونس وهو بيقول ل سعد
انت كافر ما تعرفش ان الميت لي حرمة
سعد بجحود
اعرف بس اني محتاج. وعلشان احضر الخادم سبب سعدي لازم كنت قدم لي اللي يخلي يرضي عني
ووصلو لاخر الكهف وهنا اتفتح الكتاب وظهر للكتاب اجنحة سوداء وكانها اجنحة من الجحيم وطار الكتاب ونزل علي ارض الكهف واترسمت علي الارض نجمة داود الموجودة في العلم الاسرئيلي وظهر وسط كل مثلث من مثلاثات النجمة شمعه سوداء طويلة. وطلعت نار سوداء من تحت الارض وفضلت تمشي علي الشمع لغاية وصلت لاخرها وولعت الشمعه في منظر مخيف ومريب والكتاب بدأ يتحول لغراب خبيث بس غراب برجلين بشر وقال
اسجدوا للنار. اربعين ليلة كل ليلة ساعه
بص الاخين لبعض وسجدوا ونسوا ان خلق الله مش مسموح لهم الا بالسجود للخالق. رب الانس والجن. لكن الطمع. وكرر الاخين كل ليلة نفس المراسم وبنفس الشكل المهين ومع نهاية الليلة الاربعين تهتز الارض بشدة وهذا الغراب يقول
انا الخادم. اللي هايغير حياتك يا سيد الخادم.
فيفرح سعد بشدة ويقول ليونس
صدقت ان في خادم
يونس وهو بيبص للغراب اللي رجلية رجلين بني ادم
الا صدقت. تعبنا ما كنش علي الفاضي. يلا نطلب منه فلوس كتير
فيضحك الخادم ويلف حولين منهم وهو يقول بصوت خبيث
بس الخادم. عمرة ماكان ملك لاثنين.
فيبص يونس لسعد باستغراب ويرجعوا يبصو للخادم ويقول سعد
يعني اية.
فيظهر للخادم اجنحة سوداء ويطير حوالين الاخين وهو بيقول
يعني انا ملك لواحد بس
ويرمي الخادم ريشة من جناحة لكنها ريشة من معدن يشبة المعدن اللي بيصنعه منه الخناجر ويرمي هذة الريشة بين الاخين
ومش بخدم غير اللي يقدم لي راس انسي تحت رجلية
يونس بغضب
انت يا ملعون عايزنا نقتل بعض
الخادم والشر يفوح من كلامة
قصاد مستقبل احسن وفلوس ملهاش اخر مش قليل لما يتقدم لي راس واحد منكم هدية
يونس
مستحيل اقتل اخويا ولا اخويا يقتلني عشان نرضيك يا خبيث
الخادم بخبث
أنت لية بتتكلم بلسان اخوك. ممكن سعد لي راي تاني
فيبص الخادم لسعد فيروح سعد ناحية الريشة وهو يقول
انا فعلا ليا رأي تاني
ويمد سعد أيدة ويمسك الريشة المعدن ويونس يتصدم ويقول
هتسمع كلام الشيطان دة وتقتلني
سعد وهو في ايدة الريشة وراح ناحية يونس والشر في عيونة وبيقول
ماهو انا مش هاعمل كل دة واستني اليوم اللي يحضر في الخادم واسيبة يضيع من ايدي
يونس وهو يبتعد عن سعد ويقول
دة انا اخوك ازاي اهون عليك تقتلني
سعد وهو يقترب من يونس
اخويا اللي يفقرني اقتلة احسن. انت اللي علمتني كدة
ويهجم سعد علي يونس ولكن يونس يمسك ايد سعد ويبدا في الدفاع عن نفسة ويبدا صراع بين الاخين وسعد يريد قتل يونس ل ارضاء الخادم. ويونس يريد ابعاد اخوة عن اذيتة. ويستمر الصراع لدقائق الا ان ينتهي الصراع بان سعد يغرز الريشة الحادة جدا في رقبة يونس ويتالم يونس ولكن سعد يقطع رقبة يونس بلا اي رحمة ويرميها تحت اقدام الخادم فيضحك الخادم ضحكة شيطانية ويقول
زيك زي بني ادمين كتير عندهم استعداد يضحو باللي من دمهم عشان يحققوا اغراضهم . لكن بدم اخوك اللي بيجري تحت رجلي انت حررتني من اني اكون خادم. ليك وهاحقق لك امنية من اتنين اما تختار انك تموت زي اخوك او تطلع من الكهف حي.
سعد وهو منهار
يعني اية. مش هاتحقق لي احلامي بعد كل اللي عملتة ليك
فيضحك الخادم
ما انا حققت لك حلمك
فيبص له سعد باستغراب فيكمل الخادم
انت مش كان نفسك تقتل اخوك عشان هو عايش مرتاح وانت تعبان وياما كنت بتحقد علية وبتتمني النعمة تزول منه
سعد بانكار
انا. لا. خالص
الخادم
كذاب. والدليل علي كدة دم اخوك اللي علي هدومك
سعد
بس انا كنت مستني منك تحقق لي كل احلامي
الخادم ضاحكا
طول عمرة الانسان اغبي كائن خلقة ربنا مع ان العقل اتخلق في. ازاي تستني خير من العدو الاول ليك.
فيضحك الخادم اكثر واكثر ويقول
انا الشيطان يا سعد
ويتحول الخادم. الي مخلوق قبيح جسمه كله محروق وعيونه من جحيم. فيترعب سعد ويخرج من الكهف بسرعه، ،،،،،
وبعدها بساعتين يرجع سعد الي منطقتة وكان باين عليه انه مرعوب فيلاقي عفاف تخرج من بيتها وهي لابسة الفستان الابيض وسط زفة من اهلها وسيارة ملاكي متزينة تقف امام باب البيت وعريسها يقف امام باب السيارة منتظرة فيحزن سعد بشدة وقلبة يتقطع من صعوبة الموقف فهو ياما اتمناها ويترك الزفة ويرجع الي البيت اللي عايش في فيلاقي جارة اللي في الاوضة اللي جنبة ويدعي عم طارق قاعد في وسط البيت وبيبص لسعد وهو رايح ناحية الاوضة اللي عايش فيها مع امة سناء فيقول له عم طارق
رايح فين
فيبص له سعد ويقول
داخل الاوضة ارتاح
عم طارق
الاوضة صاحب البيت اجرها لناس تانية
فيصدم سعد ويقول بعصبية
ازاي يعمل كدة. وامي سكتت له
عم طارق بحزن
امك. ماتت من الحزن بعد اللي انت واخوك عملتو فيها وكانت غضبانة عليكم في اخر ايامها
فتنزل الصدمة الثانية علي سعد كالصاعقة ويقول
ماتت. غضبانة علينا. هو انا ناقص
عم طارق
ومش بس كدة. دة جوز ام احمد اللي انتم خدوا فلوسها عرف اللي عملتو ومستحلف لكم لو مارجعتوش الفلوس هايجيب خبركم
وبالفعل وبدون اي مقدمات يقف في مدخل البيت جوز ام احمد وهو راجل مفتري الكل في المنطقة يخافة ويقول
اربعين يوم وانا مستني رجوعك يا حيلتها بالسلامة. فين الفلوس بتاعتي يا،،،،،،،،
وقبل ما يكمل الكلمة يزقة سعد بعيد عن طريقة ويخرج مسرعا من البيت ويهرب، ،،،،،،،،،،،،
ومن جوة احدي المساجد يقعد سعد وهو حزين وندمان ويقول لنفسه
انا اية اللي عملتو في نفسي دة. قتلت اخويا وموت امي بحسرتها وغضبانة عليا. . واشركت بالله. ومشيت وراء الشيطان وانا فاكر ان الخير جاي علي ايدة يا خسارة يا سعد خسرت دنيا واخرة
فيقعد جنب سعد رجل عجوز وشة يدل علي الخير والرضا فينظر لسعد ويقول
احرق الخادم اللي حضرتة بايدك. تعيش مرتاح البال وارضي باللي كتبة عليك ربنا تكون اغني الناس. واياك والشرك بالله. وعبادة غير الله
فيفزع سعد ويقول للرجل العجوز
انت مين
الرجل العجوز
انا النور اللي بيبعتة ربنا لعبادة عشان ينورلهم بصيرتهم وينجيهم من شر نفسهم
سعد
طيب قولي هو انا ليا توبة يا عم الشيخ
الرجل العجوز
التوبة باب ديما مفتوح لاي حد نفسه يتوب. بس قبل ما تدخل وتوب لازم تنظف ايدك من دم اخوك وتحرق الخادم قبل مايكون ملك لغيرك
سعد بدهشة
مش فاهم. انظف ازاي من دم اخويا واحرق الخادم ازاي
الرجل العجوز
الخادم هايتحرق. بانك تعتكف في المسجد اربعين ليلة. ومن بعد الاربعين ليلة اعتكاف. تخرج من الجامع وتعترف قدام الناس كلها انك قتلت اخوك
سعد باستغراب
بس انا كدة ابقي بسلم نفسي لحبل المشنقة وهاموت
الرجل العجوز
طالما عايز تتوب يبقي لازم القصاص. النفس بالنفس يا سعد
سعد بانكار
لا. انا مش عايز اموت.
فيقف الرجل العجوز وهو يقول
يبقي هاتعيش مهما تعيش وهاتموت بذنب اخوك. وانت اللي هاتندم. والتوبة بتاعتك هاتبقي ناقصة بس لو اعترفت بذنبك هاتعيش وماحدش هايقدر عليك
يقف سعد ويمشي من قدام العجوز وهو بيقول
انا عايز اتوب وربنا يسامحني. بس افضل عايش واتمتع بالدنيا
الرجل العجوز
حب الدنيا اللي في قلبك مايجيش مع التوبة. التوبة اللي لازم يكون معها قصاص. النفس بالنفس. واخوك مات بايدك ولازم تدفع الثمن. واحسن لك اعترف بذنبك والا هاتندم يا سعد وهاتموت
ويخرج الرجل من المسجد وهو يقول ويكرر
النفس بالنفس. ودم يونس مايروحش هدر
فينظر لة سعد ولا يرد ويقول
لا. يا شيخ انا هاتوب وها عكتف واحرق الخادم وهاغير اسمي وهاعيش واتمتع بالدنيا وربنا هيسامحني،،،،،،،
وفي نفس الليلة ومن قدام الكهف العالي بالمقطم تقف امراة تلبس اسود في اسود ملامحها مش باينة من الحزن ويقف قدام منها الرجل الاسود ويديها الكتاب وهو يقول
حضري الخادم يكون لك خادم ويحقق لك كل اللي بتحلمي بي. ابداي من الليلة عشان تسبقي بليلة
المراة بصوت كلة جحود تقول
عايزا يدفن حي وفي كفن اسود.
وتبص المراة للكتاب وتغضب بشدة،،،،،،،،،،،،
ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام
إرسال تعليق