خادم من الجن
★الحلقة الاولي★
لعشاق الرعب
علشان احضرة نبشت قير ابويا بعد موته بسنه. وقطعت ايده الشمال. وكمان ذبحت اللي من دمي وكل دة علشان احضر خادم من الجن. لية عملت كدة ولية هحضرة هقولكم.
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
سنة 2000 ومن جوة اوضة في ربع واللي مايعرفش يعني اية ربع. الربع دة عبارة عن مكان في اوض كتير وحمام مشترك والاوضة دي بيعيش فيها شاب اسمه سعد وامه سناء وكان سعد في ليلة من الليالي قاعد قدام التيلفزيون الاببض واسود بتاعهم وبيتفرج علي برنامج بيحكي حكاية لساحر امريكي مشهور بيقدر يجيب فلوس من الهواء وبيمشي علي المية وبيطير كمان ف سعد وهو بيتفرج كان بيقول لنفسه
اكيد الراجل دة مسخر جن والجن هو اللي بيحقق له كل اللي يطلبه زي عفريت مصباح علاء الدين كدة. بس لو اعرف ازاي بس اسخر جن لخدمتي ويفضل يجيب لي فلوس من الهواء
فبسمع صوت امه سناء تقول له
سعد. الاسطي بتاعك بينادي عليك علشان تنزل تروح الشغل معه
سعد وهو عمال يتفرج علي الساحر
مش رايح الشغل
سناء
لية بس كدة مش كان ربنا هداك وحبيت الشغل
سعد
تعبت من الشغل
سناء
تعبت دة انت ماشتغلتش الا يومين
سعد
يومين طلع فيهم عيني وفي الاخر جوز جنيهات علية باية دة كله عيشة تقرف
سناء
قول الحمد لله يا سعد انت احسن من غيرك
فيبص لها سعد ويقول
احسن من غيري في اية بقي في النومه اللي ما يقبلش ينامها كلب ولا الحمام اللي بدور.
سناء
برضو احمد ربنا نايم في اوضة ومقفول عليك باب غيرك نايم في الشارع
سعد
ولية ما نمش زي اخويا يونس في شقة اربع اوض وصاله وفي بيت كله سيراميك
سناء
ادعي ربنا يكرمك بجوازة زي جوازة اخوك اللي اتجوز بنت الاسطي بتاعه ومن ساعتها ما بقتش اشوف وشه الا كل شهر مرة ويرمي لي 50 ج. ويمشي بسرعه قبل ما حد يشوفه ويقول لمراته
سعد
اة. حاكم هو بيترعب منها ما هي برضو مسيطرة واكله وشربه هو وعياله علي ابوها. بس لا انا لازم اروح له الورشة واخلي يساعدني بقرشين كويسين افتح بيهم كشك،،،،،،
ومن جوة ورشة ميكانيكا ينام يونس اخوة سعد الكبير تحت العربية اللي بيصلحها ويدخل سعد علية الورشة ويقول له
ازيك يا يونس
يونس وهو تحت العربية
اية يا سعد عايز اية
سعد بضيق
عايز اية. جاي اطمئن علي اخويا الكبير
يونس وهو لسة تحت العربية
بقول لك اية تعالي سكة ودوغري عايز اية
سعد
زهقت من الفقر والعيشة في الاوضة المعفنة اللي فيها انا وامك ونفسي بقي اطلع للدنيا
يونس
والمطلوب مني
سعد
قرشين سلف يا خويا افتح بيهم كشك في موقف الميكروباص وابطل اشتغل عند خلق الله
فيخرج يونس من تحت العربية ويبص لسعد ويقول
وحد قال لك علية فاتح بنك
سعد
لا. بس
يونس مقاطعه له
مافيهاش بس يا خويا. واوعي تصدق العز اللي انا في دة مش بتاعي انا بس شغال هنا مش صاحب ملك وحتي شقتي ماملكش فيها حاجة. لولا بس الاسطي صاحب الورشة تعب وكان محتاج حد يقف في الورشة ويشيل همها ما كنش جوزني بنته.
سعد
دة انا اخوك الصغير ما بيصعبش عليك حالي
يونس
في وقتنا دة اللي يصعب عليك يفقرك. ولو حمايا عرف اني اديتك جنية هايطردني من الجنة وانا بصراحة مش عايز اكل التفاحة زي ادم و اخرج من الجنة
ويدخل يونس تحت العربية تاني وهو بيقول لسعد
ابقي سلم لي علي امي.
فيسكت سعد ومايردتش وهو بيبص لاخوة بضيق شديد ويخرج من الورشة ، ،،
ويمشي سعد في طريق ظلمة ما فيهوش اي نور وقلبه وعقله بيفكر في الجن اللي يحقق له كل احلامه ويخلي غني وفي اللحظة دي يسمع صوت جاي من وراء همس مش مفهوم. وكان في ناس كتير بتتكلم وكلام مش قادر يميزه فيبص وراء منه بسرعه فيلاقي الطريق فاضي فيفزع سعد ويرجع يبص تاني قدام منه ويكمل في طريقة وهنا يلاقي قدام منه راجل عجوز رفيع جدا ووشة شبة وش الفار بيبص له ويقول له
عرفت انك محتاج للي يحقق احلامك
فيفزع سعد ويرجع لوراء خطوتين وهو يقول بخضة
انت مين وطلعت لي منين
الرجل العجوز
أنا اللي جاي احقق كل اللي نفسك في. احنا كدة تفكر فينا نكون ليك
سعد
مش فاهم
فيمد الرجل العجوز ايدة في هدومة ويخرج كتاب اسود ويمد ايدة بالكتاب لسعد ويقول له
عبادة النار اربعين ليلة تحضر خادم من الجن. يكون لك خادم ويحقق لك كل اللي نفسك في
سعد
خادم من الجن
الرجل العجوز
عايز الكتاب قدامك امسكه بشمالك. مش عايزه
ويرمي الرجل العجوز الكتاب علي الارض وهو يقول
اعتبر الكتاب مبقاش ليك
فيبص سعد للكتاب ويلاقي النار بدات تحرق كل اوراقة والرجل العجوز يقول وهو بيمشي
امسك الكتاب بشمالك او انسي ان حياتك تتغير
سعد وهو بيبص للكتاب
امسكه ازاي والنار بتحرقه
الرجل العجوز
متخفش من النار مش هاتحرقك
ويبص سعد للكتاب مرة تانية والنار اللي بتاكل في وخاف الكتاب يتحرق للاخر فمد ايدة بخوف من النار وقرب من الكتاب وماحسش بحرارة النار فمسك الكتاب وكل اللي اتحرق في الكتاب رجع زي الاول ففرح اوي وبص لمكان الرجل العجوز ف ملقاش حد واقف فخاف جدا وجري بسرعه والكتاب في حضنة ناحية ببتهم، ،،،،،،
ومن جوة اوضة سناء تقعد سناء علي الكنبة بتاعتها ويفتح سعد باب الاوضة ويدخل بسرعه وهو بينهج والكتاب في حضنه فتبص له امه وتقول
مالك يا سعد واية الكتاب اللي في ايدك دة
سعد
مافيش مافيش
ويروح ناحية ركن في الاوضة بينام في وياخد الكتاب في حضنه وينام وسناء تقول له
طيب مش هاتتعشي
لكن سعد ما يردش وينام وهو واخد الكتاب في حضنة ويخرج من الكتاب دخان اسود ويلف هذا الدخان حوالين سعد ويسمع سعد اللي بيقول
قدم للجن اللي يخلي خادم مطيع ليك
فتح سعد عيونه وقال
مين اللي بيتكلم
لقي الكتاب بيتفتح ووقف عند اول صورة وهي صورة للمقبرة المدفون فيها ابوة سعد وسعد بيقطع كف ايد ابوة الشمال. وبمجرد ما شاف الصورة وفهم المطلوب سمع اللي بيقول
عرفت المطلوب. تروح دلوقتي وتجيب المطلوب
سعد
والجن الخادم يتحضر
الصوت
نفذ المطلوب. نفذ المطلوب قبل اذان الفجر
بص سعد في الساعه ولقاها داخلة علي 2. صباحا. قام بسرعه وخرج من الشقة وامه بتبص عليه وهي مستغربه، ،،،،،،،
ومن المقابر يفتح سعد العين المدفون فيها ابوة ويدخل وينزل السلم ويروح ناحية جثة ابوه ويخرج سكينة من هدومة ويقطع الايد اللي بقيت عبارة عن هيكل عظمي وكان سعد مرعوب. لكنه طمعه في الدنيا نسا حرمة الميت ودة مش اي ميت دة ابوة. خرج سعد من العين بعد ما لف ايدة ابوة في حتة قماشة كانت معه ،،،،،،،،،،
وتعدي الليلة ويطلع النهار وسعد نايم علي الكنبة بتاعتة وفي حضنة الكتاب وسناء نايمة علي كنبة تانية. وبتصحي سناء علي صوت خبط علي باب الاوضة قامت وفتحت تشوف مين لقيت عيلة بنت عشر سنين. بنت ست بتعطف عليها وتبعد لها اكل وفي ايد البت صنية عليها اكل فمدت البنت ايديها بالصنية لسناء و قالت لها
ماما بتقولك خودي الصنية دي.
وتمد لها الطفلة يدها بالصنية فتمسك سناء منها الصنية فيقف سعد عند الباب ويضرب الصنية بيدة بمنتهي القوة فتسقط الصنية علي الارض بالاكل اللي عليها وينظر سعد لامة سناء ويقول
كفاية شحاتة بقي عرتيني
فتحزن سناء ويصعب عليها حالها وتبكي وسعد ينظر للفتاة ويقول
وانتي يا بت قولي لامك ان سعد وامة مش شحاتين ومش هياكلة اللي بيفيض من الناس تاني
ويقفل الباب في وش الطفلة وينظر لسناء بعد ما يمسك ايدها بمنتهي الغل
قسما عظما لو خدتي اكل من الناس دي لاتكوني امي ولا اعرفك. انا خلاص هابقي غني غني اوي
وينظر للكتاب نظرة كلها طمع ويفتح الكتاب علشان يلاقي في اول صفحة صورة لرجلين. ومكتوب تحت منها
في عبادة النار محتاج معاك اللي من دمك
سعد وهو بيقفل الكتاب يقول
يونس، ،،،،،،
وبعدها بساعة ومن داخل ورشة الميكانيكا. اللي فيها يونس يقف سعد قدام يونس ويقول له
معايا ولا اية
يونس
يا ابني انت عبيط خادم اية وعبادة اية. اللي هاتخلينا اغنيا
سعد
يا يونس الكلام ده حقيقي. وانا هاثبت لك الساحر اللي بتشوفو بيشق نفسة نصين ويرجع تاني سليم والفلوس اللي بيجبها من الهواء ما كل دة شغل جن. والجن اللي هو مسخرة بيبقي اسمة الخادم اللي بيحقق له كل احلامة
يونس
ما انا عارف الكلام دة. بس برضو انا، ،،،،،،،،
فيقاطعة سعد قائلا
انت اية عايز تفضل عايش عالة علي اهل مراتك وهما اللي يصرفو عليك. انا بعرض عليك فرصة العمر اللي هاتخليك اغني منهم وتشتري ورشة احسن من ورشتهم وتبقي صاحب املاك وعز وجاه. بدل ما تبقي شغال عندهم تجيب اللي زيهم يشتغلو عندك
فينظر يونس لحماه اللي كان قاعد علي كرسي قدام الورشة بيشرب شيشة ويقول يونس بمنتهي الطمع
وابقي اسطي كبير صاحب ورشة
سعد وهو يقف عند ودان يونس الشمال ويقول
هاتبقي احسن من احسن اسطي فيكي يا بلد
يونس وهو ينظر لسعد
طيب افرض عملنا عبادة النار دي وماحضرش الخادم
سعد
مش هاتخسر حاجة وهاتفضل انت زي ما انت ها معايا
يونس وهو يمد ايدة لسعد
معاك يا اخويا
فيمد سعد ايدة ليونس ويسلم علية وهو يضحك ويقول سعد
اما اشوف بقي اية الصورة التانية
فيفتح سعد الكتاب ويجد صورة لي هو ويونس وهما بياخدو فلوس كتير من أيد امهم سناء بالعافية فينظر سعد ليونس باستغراب شديد ويقولا الاثنين في نفس واحد
اية الفلوس دي، ،،،،،،،،
ومن داخل الاوضة بتاعت سناء يقف سعد ومعه يونس والاثنين ينظروا لسناء ويقول سعد
انتي معاكي فلوس كتير ومخبيها عنا
سناء باستغراب
فلوس اية اللي معايا
يونس
فلوس كتير ظهرت في الكتاب
سناء وهي تنظر ليونس
كتاب اية. انا مش فاهمة حاجة منكم
سعد وهو يرفع الكتاب قدام وجه سناء ويقول
الكتاب دة.
ويفتح لها الكتاب علي الصورة اللي فيها يونس وسعد بياخدة فلوس منها بالعافية فتقول
انا مش فاهمة حاجة انتو عايزين اية بالظبط
سعد
عايزين الفلوس اللي معاكي.
سناء
انا محلتيش ولا مليم.
سعد
وانا بقي المفروض اصدقك بعد اللي شوفته في الصورة
سناء
يعني هاتصدقو صورة في كتاب وتكدبوني انا. دة انا امكم
يونس
ماتضيعش وقتك في الكلام معها. يالا نفتش حتة حتة في الاوضة
ويبدأ الاثنين في التفتيش في كل ارجاء الاوضة وسناء تحاول منعهم وتقول لهم
عيب اللي انتم بتعملو دة
وتنظر ليونس اللي بيدور في الاوضة علي الفلوس
وانت يا يونس ياللي ما بتسالش فيا جاي النهاردة تفتش الاوضة زي المخبرين ولا كاني حرامية وسارقة منك حاجة
فينظر يونس للكنبة اللي قاعدة عليها امة ويقول
مش وقتة الكلام دة. وقومي خليني افتش الكنبة
فتمسك سناء في الكنبة
هي حصلت كمان عايز تفتش فرشتي.
سعد
قومي يا اما عشان خاطرنا. اللي بنعملة دة هايفتح لنا طاقة القدر وهايخلينا اغني من اغني عيلة في مصر القديمة
سناء
مش هاقوم يا سعد. انا ما بحبش حد يلمس فرشتي
يونس وهو يمسك سناء
لا هاتقومي يا اما.
ويبعد يونس امة سناء عن الكنبة بمنتهي العنف وسعد يفتش تحت الملايا اللي بتنام عليها امة فيجد كيس اسود مليان فلوس فيصدم الاخين، ،،،،،،،،،،،،
ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام
هايله بالتاكيد تحياتي
ردحذفتم
ردحذف