الهام واللي كان الحلقة الاخيرة

  الوش الثاني 

                 ‏★ الحلقة التاسعة ★

                         والاخيرة 

من تاليفي، ، 
محمد منصور. ** منص **

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

فتتحرك ايد حنان اليمين ناحية شنطتها وتخرج سكينة حادة جدا وهي تقول

ناوية اخلص بايدي علي اخر بنت من بنات الفيشاوي

ولسة هاتصرخ حنين كانت السكينة اتحركت والدم بدأ ينزل بشدة. لكنه ما كنش دم حنين دة دم حنان اللي غرزت السكينة في بطنها لكن حنين راحت ناحيتها بسرعه ولحقتها قبل ما تقع علي الارض وسندتها وشالت السكينة من بطنها وبصت لها وقالت

لية عملتي في نفسك كدة

حنان بصعوبة

عايزاني اعمل أية لما اعرف اني بنت حرام.

حنين وهي تكتم الجرح لحنان بايديها

طيب اسكتي علشان الكلام غلط عليكي

حنان

لسة طيبة وقلبك ابيض مع ان الدم اللي بيجري جوا منك دم زاهر الفيشاوي

وتبلع حنان ريقها بالعافية وتغمض عيونها فتنادي حنين باعلي صوت عندها وتقول

يا با. تعالي انت واخواتي

فتبص لها حنان بعيون حزينة باكية

زين بيحبك خليكي معه 

حنين

مش وقته الكلام دة

وهنا يدخل حامد وولادة الي اوضة حنين ويشوفو المنظر ويشيل ابن حامد الكبير حنان وهو يقول لاخوة التاني

حضر العربية بسرعه لازم نروح بيها علي المستشفي، ،،،،،،

ي

وفي نفس الوقت من القاهرة. كان زين وعلاء ومفتش مباحث تبع القاهرة. اسمه صابر. يقفون قدام جثة زاهر ويقول زين لعلاء

مش قادر اصدق عمي زاهر تكون نهايته كدة

وفي هذة اللحظة يحضر العسكري الست نيرة اللي كانت بتحرس حنين فيبص زين لنيرة بمنتهي الغضب ويقول

قسما عظما. لو ما قولتي كل حاجة لا هانسي انك ست كبيرة وهاقل منك

نيرة وهي بتعيط

ما انا قولت كل اللي اعرفة. 

زين

عمي زاهر كان واخد الشقة دي ليه

نيرة

علشان كان عاملها مخزن بيحط في البضاعه بتاعته

زين

مخزن

فيضربها زين بالقلم فيمسكه علاء وصابر ويقول صابر

زين ما ينفعش اللي انت بتعمله دة. ما تخلنيش اندم اني وافقت علي انك تحضر التحقيق معايا

علاء

زين مالك. ما تنساش يا اخي انها ست كبيرة

زين

دي ولية كذابة. الناس في الحارة قالو لما سالناهم انهم شوفو بت وراجل كبير نازلين من البيت واول مرة يشوفهم

علاء

برضو مش كدة

زين وهو يضرب نيرة كمان مرة

لا كدة. 

ويخرج الطبنجة الميري بتاعته ويحطها في دماغ نيرة ويقول

ولو ما قالتش الحق هافرتك دماغ اهلها

نيرة خائفة وهي بتبص للطبنجة

خلاص هاقول هاقول. 

زين بمنتهي العصبية

قولي

نيرة

كان خاطف هنا حنين بنت حامد

فيصدم زين وعلاء وصابر ويقول زين

هو عمي اللي كان خاطف حنين

نيرة

ايوة والحاج زاهر يعرف ابني وائل وطلب منه ست كبيرة تيجي تقعد معها هنا تخدمها وترقبها في نفس الوقت وتعملها الاكل والشرب بتاعها. وليها مني كل اول شهر 10 الاف جنية. فوائل جه وقالي وانا وافقت علي طول ومن ساعتها وانا مع حنين هنا عامله زي السجان 

زين

ولية عمي يعمل كدة

نيرة

ماعرفش

علاء

كدة بقي كل الخيوط بتدات تتوصل ببعضيها وفاضل خيط واحد بس علشان نوصل لمين اللي بيعمل كدة

ثم يبص علاء لصابر ويقول له

صابر اعرض الجثة علي الطب الشرعي واول ما تقرير الطب الشرعي يطلع ياريت اطلع علية

صابر

مافيش مشكله،،،،،،،

وصباحا ومن جوة احدي اوض المستشفي الخاص في اسيوط تقعد حنين جنب حنان وتبص لها وتقول لها

الحمد لله انتي بخير والجرح جه سطحي بسبب الشنطة اللي كانت علي كتفك خدت قوة الطعنه كلها 

فتبص حنان لحنين وتعيط وهي تقول

ما كنتي سيبتيني اموت

حنين

عايزا تموتي كافرا لية بس. ولو انتي مش صعبان عليكي نفسك ما صعبش عليكي ابنك اللي في بطنك

حنان 

ابني اللي هايتولد ويلاقي امه بنت حرام

حنين

ما هو انا كمان بنت حرام. بس دة مش ذنبا ذنب اللي ماعندوش ضمير وبيحلل لي نفسه عرض. اي ست مش حلاله

حنان

حنين عايزاكي تسامحيني اني في يوم كرهتك والكره دة وصلني لاني نسيتك

حنين مبتسمه وهي بطبطب علي ايد حنان وتقول 

كله علشان خاطر زين. بس خلاص بقي احنا كبرنا وزين جوزك واحنا كنا صغيرين اوي. ساعه ما كنا بنتخانق علي زين. لكن عارفة الفترة اللي كنت محبوسة فيها بين اربع حيطان علمتني ان الدنيا دي كلها ما تستهلش اننا نحارب علشان نتمتع بيها الدنيا عبارة عن طريق بنمشي وفي اخرة بنوصل للحقيقة. وهو الموت. ويا أما بقي جنه او نار لكن الغريب ان اللي زي زاهر شاف الجنة في النسوان اللي كان بيسرق عرضهم ونسي ان في نار مستنياه علشان تاخد كل حق هو سرقه من صاحبة. يفرق اية اللي زي زاهر عن الحرامي اللي بيخش بيوت الناس في انصاص الليالي علشان يسرق جنية او اتنين او الف او مليون في النهاية لي حساب واحنا ما بنعملش حساب للحساب 

حنان 

يااااااااا. الكام سنة دول غيروكي اوي يا حنين

حنين

ما كنش ورايا حاجة غير اني اصلي وادعي واقول يارب واهو بقيت حرة وخرجت تاني للدنيا ورجعت لاهلي وناسي بس يخوفي الدنيا تلهيني و انسي الحساب 

في الوقت دة يتفتح باب الاوضة ويدخل زين. ويبص لحنان بخوف وقلق شديد ويقول

اية اللي انا عرفته دة. انتي بخير

حنان

خايف عليه ولا علي اللي في بطني

حنين

انتي اية واللي في بطنك اية.

فيبص زبن لحنين باشتياق شديد ويقول لها وهو بيمد ايدة علشان يسلم عليها 

ازيك يا حنين

فتبص له حنين وما تسلمش وتقول

انا بخير.

وتقوم تقف وهي بتقول

اسيبك مع مراتك

وتخرج حنين من الاوضة وزين بيبص عليها وحنان تقول له

لسة بتحبها

زين وهو بيبص لحنان مسرعا

ممكن تبطلي كلامك دة وطمنيني عليكي

حنان

انا بخير واللي في بطني كمان بخير

زين

الحمد لله، ،،،،،،،،،

وبعدها بكام دقيقة يخرج زين من الاوضة ويدور علي حنين علشان يلاقيها واقفة عند مدخل الاستقبال فيقف وراء منها ويقول لها

نفسي اخدك في حضني علشان تعرفي قد اية انتي واحشتيني

فتبص له حنين وهي تقول

الاولي بالحصن دة مراتك مش انا

زين

لولا اللي حرمني منك كان زمانك مراتي. مش هي

حنين

اللي حصل حصل وانا مش مراتك 

ولسة هاتمشي حنين يمسك زين ايدها ويقول

رايحة فين دة انا ماصدقت شوفتك

حنين وهي تبعد ايدة بمنتهي الحنية

رايحة اشوف حالي. خليك جنب حنان هي محتاجة ليك اكتر مني 

كل دة بيحصل وحنان فاتحة باب الاوضة وبتبص عليهم، ،،

ومن جوة دوار حامد تقعد حنين قدام حامد وتقول له

هو دة كل اللي اتقال قدامي

فيغضب حامد بشدة ويقول

كل السنين دي وانا بربي في بنت زاهر الفيشاوي. وياريت امك عايشة كنت شربت من دمها 

حنين

الله يرحم امي وانا ماعرفش غيرك اب ليا. انا مش بنت زاهر انا بنتك انت

حامد بمنتهي الجحود

انتي مش بنتي انتي بنت الخسيس اللي اسمه زاهر واللي لولا انه مات انا كنت دفنته بالحياة لكن معلش ملحوقة

ويبص حامد لحنين فتخاف حنين من بصتة وتقول

ابا. انت بتبص لي لية كدة

حامد بشر مخيف 

نفسي اخنقك وارمي الجته بتاعتك في الرشاح يمكن ناري تبرد. بس اقول اية مالكيش ذنب لكن من دلوقتي لغاية

 ما موت مش عايز اشوف خلقتك تاني في البلد فاهمة يا بنت زاهر

فتخاف حنين بشدة وتخرج من الدوار. وتروح حنين لمحطة القطر وتركب القطر اللي رايح اسكندرية عند خالتها شوق وتسيب البلد وهي دموعها بتجري علي خدها، ،،،،،،،

وبعدها بيوم يروح زين لغاية دوار حامد ويقف حامد قدام منه وقال

عايز اية يا ولد الفيشاوي

زين

كنا محتاجين لشهادة حنين في قضية مقتل زاهر الفيشاوي

حامد

ماعرفش هي فين . روح دور عليها بعيد عن دواري

زين بعصبية

يعني اية ما تعرفش فين. هي مش بنتك

حامد باستهزاء

شكلها اتخطفت تاني. ويالا امشي من هنا لان ريحة ولاد الفيشاوي بتقلب البيت نجاسه

زين بمنتهي العصبية

دة كلام هتتحاسب علية بس في وقته

حامد

بتعرف تشخط وتزعق. طيب يالا غور من هنا بدل ما ادفنك مطرح ما انت واقف

فيخرج زين الطبنجة الميري بتاعته وهنا ولاد حامد يرفعوا البنادق الالي في وش زين ويقول حامد

وعهد الله ادفنك حي لو ما مشتش دلوقتي 

فيبص له زين بغل شديد وينزل سلاحه ويمشي وهو يقول

ماشي هامشي وبعدين نتحاسب

ويمشي زين وحامد يبص عليه بمنتهي الضيق وهو يقول

ياما نفسي اخفي اسمكم كلكم يا ولاد الفيشاوي من فوق وش الارض. بس حرام اخدكم بذنب انجس واحد فيكم

ابن حامد قال 

هو في يا با انت مش كنت اتصلحيت مع الفيشاوي وعيلته اية سبب اللي حصل بينك وبين زين دة

حامد بعصبية

مالكش دعوي انت

نفس الابن

طيب وهي حنين فين مش باينه في الدوار من لبلة امباراح 

حامد بعصبية

راحت في ستين داهية. وماحدش يكلمني تاني عن حنين 

واحد تاني من عياله 

هو اية اللي حصل بس دة انت كنت تعبان وهاتموت طول ما حنين غايبة عنك

حامد بنرفزة 

يوووووووو. اسيب لكم الدوار واغور من وشوكم قولت ماحدش يكلمني عن حنين 

ويسكتو ولاد حامد احتراما لي وهو يقول لنفسه

ربنا واحدة اللي يعلم انا مشتاق ليها قد اية. اكتر عيلة في عيالي حبيتها تطلع مش من صلبي، ،،،،،،،،

وبعدها بشوية يرجع زين للمكتب بتاعه علشان يلاقي علاء قاعد مستني وقدام منه تقرير الطب الشرعي الخاص بمقتل زاهر الفيشاوي فيبص زين لعلاء ويقول بصوت حزين

ازيك يا علاء

علاء

مالك حزين لية كدة

زين 

حنين ضاعت مني تاني

علاء باسلوب مريب 

يا خسارة بعد كل اللي عملته علشانها

زين باستغراب

تقصد اية

علاء

قتلت تلاتة علشان توصل لها

زين بارتباك

انت بتهزر صح. انا اقتل برضو.  

علاء

مش انت اللي بتقتل دي ايدك اللي بتتحرك لوحديها قولت لي اسم المرض اللي عندك اية

زين

متلازمة اليد. ،،،،،،،

فيكمل علاء قائلا

الغريبة. افتكرت. وايدك دي لما بتسيبك وتتحرك مش بيبقي بعد نص الليل

زين بشك ودقات قلبه في تصاعد

اة

علاء

غريبة يعني اومال لية يوم ما اتقتل زاهر الفيشاوي كانت الساعه ما جاتش 7 

فيبلع زين ريقه بصعوبه وعلاء وقف وبص له ومسح له عرقه اللي بدأ ينزل بسبب التوتر وقال علاء

اشهد لك انك عبقري في الاول تخلينا كلنا نشك فيك وطبعا انت مريض والدكتور الانجليري ما اكد انك عندك اية. وكمان تحط جهاز التصنت لنفسك علشان تخليني اتاكد اكتر ان في حد قاصد يلبسك القضية والمطواة وغيرة وغيرة ونعمه البت الغلبانة. اللي ضحكت عليها وفهمتها انك بتحبها. وخليتها تتعلق بيك. ومشيت معاك يومها وهي مطمئنه ليك. طبعا بتسال نفسك انا عرفت ازاي. صاحبة نعمه قالت لي علي كل حاجة.  

فيبلع زين ريقة بالعافية وعلاء بيكمل 

وكمان تجري علي المطبخ وتبقي عايز تقطع ايدك وعارف انها مش هاتتقطع لاني مش هاسيبك. بجد انا ما شوفتش كدة قبل كدة انت ممثل جبار وعبقري دة حتي مرواحك للدكتور سراج محبوكة منك علشان تثبت انك فعلا مريض نفسي

زين

انت عايز تقول اية

علاء

عايز اقول انك خلتني اشك في كل اللي حواليك الا انت مع انك انت الوحيد اللي ليك تار عند زاهر الفيشاوي وهو انه خطف منك حبيبتك حنين اللي سميرة حكيت لك كل حاجة عنها علشان تاخد منك مليون جنية وفضلت عايشة علي امل انك لما ترجع حنين هاتديها الفلوس او تجوزها زاهر الفيشاوي زي ما وعدها وترجع حنين ونلاقي سميرة مرمية في الترعه بس من سوء حظك ما متتش وهي اللي حكيت لي علي كل حاجة 

زين

دة مش دليل دي ولية كذابة وقوادة

علاء

صح انا كمان قولت كدة. قولت صاحبي واخويا زين ما يعملش كدة. لكن تقرير الطب الشرعي الخاص بمقتل زاهر الفيشاوي اثبت ان زاهر الفيشاوي مات مخنوق واللي خنقة شخص ايدة ناقص منها عقلتين وهما اول عقلتين من السبابة والوسطي 

ويمسك علاء ايد زين اليمين الناقص منهم عقلتين ويقول

زي دول مثلا. عملت كل حاجة صح الا انك نسيت تخنق عمك بالايد الشمال علشان تلبسها لحد غيرك. لكن لكل شاطر غلطة بالف غلطة. فرحتك بانك وصلت لحنين خليتك تنسي ان الطب الشرعي هايقدر يثبت بسهوله ان الخنق تم بخمس صوابع ناقصين عقلتين 

زين بانهيار شديد

كنت لازم اعمل كدة. لما يبقي عمي وانا عايش طول عمري في خدمته وهو يحرمني من فرحتي وحبيبتي كان لازم اعمل كدة. ايوة انا المجنون انا اللي خطط ونفذت وحرمته من بناتة الاثنين زي ما حرمني من حنين

ويعيط زين بحرقة

سنين كتير وانا نفسي اشوفها واحكي معها زي ما كنت بحكي معها ديما واصبح عليها واقول لها صباح الخير يا قلبي وهي ترد باحلي صباح الخير يا عمري

 ايوة انا المجنون بس مجنون بيها. من وانا في تالتة ابتدائي بشوفها بتكبر قدامي وبفرح اني بكبر علشان هاقرب منها واتجوزها وفجاة كدة اصحي من النوم وادور عليها علشان تصبح عليه مالقيش حنين ازاي ازاي

ويخبط ايدة في المكتب بمنتهي العنف ويقول

وزاهر لو قدامي دلوقتي تاني هاخنقه تاني وتالت ورابع زي ما انا عيشت مخنوق من غيرها عارف انا مش زعلان لانك عرفت حقيقتي لا لا. انا زعلان لاني هايتحكم عليه بالاعدام ومش هاقدر المسها. عملت علشانها كل دة وبرضو راحت مني

علاء

الدم عمره ما يجي من وراء فرحة. ذنبها اية نعمه بنت ال 14 سنه تتحرم من الدنيا وولاء تنحرم من عيالها

زين بجنون مخيف وباعلي صوت عنده

ذنبهم ان ابوهم زاهر الفيشاوي. 

علاء

بسم الله الرحمن الرحيم (ولا تزر وازرة وزر أخرى )

صدق الله العظيم. اللي خلقني وخلقك قال كدة كل واحد مننا هيتحاسب علي اللي عمله هو مش اللي عمله ابوه او امه. يبقي انت يا مخلوق تعمل لك قانون غير كدة. اسف يا زين انت مكانك دلوقتي مبقاش هنا مكانك بقي وسط المجرمين 

زين بحزن شديد

وانا جاهز اخد عقابي. ،،،،،،،،،

وتمر الايام والشهور ويحكم علي زين بالاعدام وتولد حنان ولد وتسمي محمد وتروح لابوها جابر المستشفي وتراعي علي قد ما تقدر ويموت حامد اللي اتقهر بعد اللي عرفو وتتجوز حنين مدرس محترم وتعيش الباقي من حياتها في اسكندرية. وتموت سميرة ولها مالها وعليها ما عليها. والكل دفع الحساب

*والي ديان يوم الدين نمضي وعند الله تجتمع الخصوم*

خلصت حكاية الوش التاني مستني رايكم في القصة. 

                               النهاية

يارب تكون القصة عجبتكم ومستني راي كل اللي شرفني. بقراءة القصة. 

من تاليفي، ،

محمد منصور **منص**