أمين حوتب
★الحلقة السابعة★
والاخيرة
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
واحنا دلوقتي جوة القصر اللي كان مظلم جدا وبركه وبركات مطلعين موبايلتهم ومنورين الكشافات وماشيين بشويش علي امل انهم يوصلو لمفتاح ينوروا منه القصر لكن حوائط القصر كلها مافيهاش زرار واحد يشغله منه النور فبص بركات ل ام لهب لقاها بتلقي طعمية
يا حجة. يالي قاعدة في الشبراوي
ام لهب
تش. قلب الحجة.
بركات
ما تشوفي حوار الكهرباء دة.
حطيت ام لهب ايدها في صدرها وطلعت ورقة مكرمشة مكتوب فيها رقم كهربائي ومديت ايدها برة الصورة واديت الورقة لبركات اللي مسك الورقة وهو مستغرب وهي قالت
دة رقم محمود سلكة. كهربائي اية ايدة تتلف في حرير
بص بركات للورقة وبص لبركة وقال
هو انتي منين يا ام لهب
ام لهب
انا من جحيم 2. انما بتسال ليه ليك حد هناك
بركة
اصلي طلعتي الورقة من عبك زي نسوان المنطقة عندنا
ام لهب
وهو انا يا ابني مش نسوان.
بركه
بس انتي من الجن
ام لهب
انت عنصري بقي ولااية. في الاخر انا نسوان ودة اقرب مكان لايدينا نشيل في حاجاتنا
بركات ل بركة وبعصبية
انت بجد. يعني بجد احنا في اية وانت في اية. وبتتعرف عليها هنا ودلوقتي.
ورجع بص بركات ل ام لهب اللي كانت بطلع الطعمية وهي بتقول
تش والنبي بقي
بركات
يا تش هانم
بصت ام لهب وقالت
قلب الهانم
بركات
معلش ممكن تولعي النور
ام لهب
عيني
فتولع ام لهب نور القصر فيشوفو جثث وتعابين كتيرة فيقول بركة وهو بيترعش من الخوف
اطفي النور تاني
فتبص ام لهب للجثث والتعابين فيختفوا فتقول
واد يا هلاك اطلع وريني وش امك وبطل الحركات ام نص جنيه دي دول معايا
فيظهر لهم هلاك في صورته وهو قزم وعنده ذقن مدببة شبة الراجل اللي علي كارت المارد ويقول
عايزا ايه يا وليه مني
فيبص له بركه وبركات ويضحكوا ويقول بركه وهو بيبص علي ذقنه الصغيره
بذمتك يا بركات مش في شبه من التيس اللي كان عندنا ومات
فيضحك بركات ويقول
صدق اه
ويقول بركه لي هلاك
وانت مين يا ابن الاوزعه
هلاك بنرفزه وبصوت مخيف
انا هلاك حارس مقبره رع مون يا ابن امين
فيضحك بركه وبركات ويقول بركات
ورع مون ده استرخص وجاب عفريت في اعدادي يحرس له المقبره
بركه
اللي زي ده لسه ماوصلش لي اعدادي ده كبيره تانيه ابتدائي. انما اية اخبار العروض
هلاك باستغراب
عروض اية
بركة
عروض فودافون. مش انت اللي مرسوم علي الكارت ابوة 10 . بتاع شبرق شبرقا
ويضحكا الاثنين تاني فيقول هلاك بغيظ شديد
واضح ان دمكم خفيف لكن ياتري هاتفضلو تضحكوا كده مع ان موتكم قرب
بركات
اتكلم علي قدك يا ابن المصدي انت
هلاك ضاحكا
وماله اتكلم براحتك واشتم كمان وانا عشان خاطر دمكم الخفيف ده مش هاديكم شرف اني اخلص عليكم بايدية لا. هخلص عليكم بايد تانية
ويروح ناحيه احدي حوائط القصر ويحط أيده علي الحائط فيفتح الحائط الي نصفين وتظهر مومياء رع مون فيقول بركات
المومياء. اهه
ويجروا ناحيتها بكل سرعه ولكن ام لهب تقول لهم
اوعو تقربوا من المومياء. ده فخ عامله ليكم
لكن فات الاوان ووقعوا في فتحه في ارضيه القصر وهما بيقوعوا رمي بركات حباية في بوق هلاك بلع هلاك الحباية لكن دة ما منعش ان بركة وبركات وقعوا جوة فرح كله افارقة في قبيلة من قبائل نيجيريا والغريب ان بركة له نفسه عريس وجنب منه عروسة وبركات نفس المشهد عريس وجنب منه عروسة بصوا لبعض واستغربوا وبصت عروسة بركة لي وقالت
اهلا بيك في جوازتي فراكة
بركة باستغراب
فراكة. انتي مين. اصلا
العروسة قالت
انا نيرفانا
بركة
نيرفانا ازاي بس بشعرك اللي شبة الاندومي دة. انت تخلصي معايا بان اسمك دبانه
نيرفانا بدلع
كفاية كلمات بقي ويالا خدني علي حب
بركة وهو بيبعدها عنه
يا مقرحة. انتي تتاخدي علي قسم تتاخدي علي خوانه انما علي حب صعبه جدا
نيرفانا وهي بترمي نفسها عليه لتاني مرة.
ليه بس انا بحبك. فراكة
بركة وهو بيبعدها عنه
هو انتي تعرفيني عشان تحبيني
في نفس الوقت كانت عروسة بركات. واسمها جومانا. بتقول
في عرف القبيلة بتاعتنا نتجوز في الاول وبعد اول عيل نحب بعض
بركات بقرف
انتي بتخلفي عادي. يعني العيل عندك بيتجمع في رحم ولا في صندوق اسود
جومانا
طبعا بخلف ده انا عندي بدل الرحم اتنين تحب اوري هم لك
بركات
توريني ايه هو الرحم عندك من علي الوش ولا ايه
في الوقت دة يشوفو الاثنين رجل ضخم جدا واسود ما يختلفش كتير عن كل اهل القبيلة. واسمه كانو. جاي ناحيتهم من بعيد وكان مع. كانو. كلبه جربانه صدرها كبير بشكل غريب ولا كانها معزة وحوالين رقبتها طوق بسلسة من ذهب فمال بركة علي بركات وقال
انت فاهم في اية.
بركات وهو بيبص علي صدر الكلبة الكبير
اكيد بيحلوبها
بركه باستغراب
بيحلبوا اية
بركات
الكلبة
بركة وهو بيضرب بركات في معدته
انا مالي ومال الكلبة. انا بتكلم احنا كنا فين وفجاة بقينا هنا
بركات
اللي اسمه هلاك هو اللي عمل فينا كدة
بركه
يعني دي لعنه وانكتب علينا اننا نعيش مع الخلق دول
فبقف قدام منهم كانو. ويبص لهم وهو ساكت فيبصوا له الاثنين وهما مستغربين. ويفضلو كدة كام دقيقة فيقول بركات ل بركة
هو ساكت لية.
بركة
يمكن اخرس
فيبص بركه ل كانو ويقول
ايوة. انت بتتكلم. انت مين طيب
فبخرج كانو صرصار من جيبة ويرمي علي الارض ويدوس عليه برجله فيقول بركه
اة. عرفت انت مين
بركات
مين ياة
بركه
دة الجيل الجديد من فيلت
بركات
انت متخلف بما في الكفاية
فيقرب منهم كانو. مرة واحدة ويشمهم ويبص للكلبة ويقول
طلعوا بني ادمين
الكلبة قالت
شميت كويس
اتسرعوا الاثنين وكانو بيقول
اة والنعمه.
الكلبة قالت
يعني علي اخر الزمن نجوز عيالنا لبني ادمين.
كانو
مش انتي اللي رفضي الخنازير
بركه ل بركات
ولا هو دة مهرجان جديد. مرضاش بالبني ادمين راح جاب لي الخنازير
بركات
انا وعهد الله لو ما خلص الفيلم الكرتون دة خير ل اطلع اجيب مؤلف الغبرة من رقابته. انا اصلا اعصابي تعبانه وهو عارف اني متخلف
بركه وهو بيبص حوالين منه
بس بلاش والنبي دة احنا نحمد ربنا انا القصة دي ممكن تخلص من غير ما حد يموت. دة جاحد
بركات
طيب والنبي لو ليك كلام معه قول له يخلصنا من الهم دة.
كانو ساعتها قال
الاكل جاهز
ولقبنا نفسينا قاعدين علي سفرة كببرة مليانه اطباق كثيره فيها فراخ حيه وضفادع حيه وديك رومى حى ورز نى وخضار زي ماهو بطينه وطبق كبير في أرنب عليه ملوخيه قال يعني ملوخية بالارانب وبداوا كل اللي قاعد علي السفرة ياكلو بشكل مقرف وبركة قال ل بركات
هو كده الاكل جاهز
بركات
ممكن هما بيحبوا أكلهم نص سوى
بركه
نص سوى ايه
ويمسك بركة بفرخه من قدامه ويقول باستغراب
دى الفرخه جايه من العشه على الطبق ولا الضفادع جايه من الرشاح على هنا
فيبص لهم كانو وهو بيدغدغ عضم فرحة والدم نازل من بوقة
مابتكلوش ليه
بركه
اصل مافيش عيش
لقي بركة في الوقت دة. حتة عجينه اتخدفت في وشة وكانو بيقول
العيش اهو
بركه باستهزاء وهو بيبص للعجينه
بسرعه كدة دي الفرنه كانت رايقة بقي
وببص بركه ل كانو ويقول
هو ليه كده انتو فى مشاكل بينكم وبين النار
فى هذه اللحظه يهجم رجال من الشرطة وهما برضو افارقة ويبص الظابط لكانو ويقول
اخيرا وقعت يا كانو. سلم نفسك اوعى تضرب نار هازعل منك
كانو
انا ماحدش يقول لى سلم نفسك ويفضل عايش
الظابط
يعنى ايه مش خايف منى انا هاوريك وهاوريك أنا..
كانو
اى حد يقرب منى أضربوا فى المليان
الظابط بعصبيه
تضرب مين فى المليان بلاش تخليها تغيب عليك يا كانة سلم نفسك احسن لك من احسن احسن ليك
بركه لبركات
الظابط ده عنده كهرباء زياده فى المخ
كانو للظابط
ابعد عن طريقى أحسن لك أنت مش قدى
الظابط
يعنى يعنى أخرك أخرك ده الكلام ماتزعلش من اللى هايحصل منى
بركات لبركه
لا الكهرباء مش فى المخ الكهرباء الزياده جاى له فى لسانه مش مخه خد بالك الكلام عايز يترتب
و يبدا ضرب النار بين الطرفين فينزل بركات وبركه تحت السفرة وبمجرد ما ينزلو يلاقوا ضرب النار انتهي بصو لبعض باستغراب شديد وطلعوا من تحت السفرة بشويش علشان يلاقو كل الناس ميته فقال بركات
الناس كلها ماتت طيب مين اللي كسب في الحرب اللي كانت دايره دي
بركه
دة ما اضربش الا رصاصتين. دول قعدوا يهددوا بعض ساعه كامله. طبب كانو كملوها 10 رصاصات
بركات
يا عم يتفقلو يلا نشوف طريقة نخرج بيها من هنا
وفضلو يمشوا في الطل كدة. لغاية مالقوا باب في وسط الطريق فتحوا الباب لقوا نفسيهم جوة القصر تاني لكن القصر بيعلي لغاية مابقي فوق جبل وشافوا بركان طالع ناحيتهم فقال بركات
هو في ايه.
وبص بركه للبركان اللي طالع ناحيتهم وقال
شكلها النهايه يا بركات
بركات وهو بيبص حولين منه يمكن يلاقي طريق للنجاه يقول
لا خير ان شاء الله ربنا معانا
بركه وهو بيبص للسماء
ربنا معانا ازاي بس ده احنا حياتنا كلها غلط في غلط ده احنا بنزعل اوي لما ما بنعرفش نعصي ولغايه امبارح كنا بندور علي واحده ست نقضي معاها ليله في الحرام تفتكر انه هايرحمنا
بركات وهو يبكي
هايرحمنا احنا حتي لو بنعصي ربنا بس هو عارف اننا ضعاف وبنعصي عن ضعف مش عن كبر. وان شاء الله هايرحمنا
وتقترب النار اكثر واكثر منهم وبكاتوني يبص ل بركات ويقول
انا مش عايز اموت اتصرف يا بركات
بركات
ياااااااا قد ايه البني ادم جبان قدام الموت
بركه
فعلا بنخاف نتسلع بنار الدنيا وعمرنا ماخوفنا من نار الاخره
ويعيط بركه وبركات ونار البركان تقترب اكثر واكثر واصبحت علي بعد شبر منهم فيقولو الاثنين في تفس واحد
يارب
في هذه اللحظه يحضر سفير راكبا فسبا ويقول لهم
اركبو بسرعه
بركات
سفير
سفير
الحبايه اللي ابوك قال لك ارميها وقت ما تحس بخطر في بوق هلاك. عن طريقها عرفنا مكانكم. وبسرعه بقي اركبوا الفسبا
بركه
كلنا هانركب وراك علي فسبا ازاي
فيظهر امين جالسا خلف سفير علي الفسبا ويقول لبركه
هو ده اللي مضايقك بس هاتركبوا كلكم علي الفسبا ازاي وان الفسبا طايره في الهواء ده عادي اركب يا روح امك واخلص النار هاتحرقكم
ويركبوا كلهم وراء سفير علي الفسبا فينظر سفير الي القصر فيختفي الجبل ويرجع القصر الي الارض مكانه الطبيعي ويختفي البركان والنار ويقول سفير وهو يقف علي الارض وينزل من علي الفسبا
ايه رايكم في الخيال بتاعي
ويضحك سفير ويقول امين
خيال ايه والقصر ده مش كان فوق جبل راح فين الجبل
سفير
رجعته لصاحبه
امين وهو يقترب منه
فهمني بالراحه كده
سفير
بصراحه يا عمي انا اللي رفعت القصر فوق الجبل وطلعت بركان من القصر اهو شويه اكشن كده واحسسك بردو اني انقذت عيالك من الموت
فيضحك امين ويقول
يعني مش هلاك اللي عمل كده وانا بردو بقول قصر في التجمع يبقي فوق جبل كده ازاي
سفير
هو اللي ضايقك ان القصر فوق جبل وعادي يعني ان التجمع فيها بركان
فيضحك امين ضحكه استهزاء ويقول وهو يخلع جذمته
ويهجم علي سفير
يا ابن الكلب وقعت قلبي في رجلي وقولت خلاص عيالي الاتنين ماتوا
ويجري سفير ويجري وراء امين ويلف الاثنين وراء بعض الي ان يقف سفير خلف بركه ويقول
والنبي خلاص يا عمي امين
بركه وهو بيبص لسفير
هو انت عفريت محشش عمال تجري من ابويا اللي هو بني ادم وخايف يمسكك ما تختفي من قدامه
فينظر سفير الي بركه ويقول
صدق صح
ويختفي سفير من امامه ويقول بركات لي امين
افهم بقي انتو عرفتوا اننا هنا ازاي
امين
انا اكتر واحد عارف ان هلاك ده خبيث ومش هايخليكم توصلو للزيبق بسهوله عشان كده خليت سفير يتحول لحبيه واديت هالك قبل ما تخش القصر عشان احميكم من شر هلاك واخلي يركز معاكم انه يبعدكم عن القصر وسفير يتمكن منه ويخلي هلاك هو اللي يدينا الزيبق بايده وتنفك اللعنه. وفي نفس الوقت نعرف من دماغ هلاك هو حدفكم فين
بركه
يا بابا يا صايع
امين
اتلم يا ابن الجذمه
بركه
وربنا بحبك
بركات
يعني انت كده خلاص رجعت بابا
امين
انا طول عمري بابا يالا ولسه ماتخلقش من انس او جان اللي يغلب امين حوتب
ويضحكوا جميعا، ،،،،،،،
وتمر الايام والشهور ويتمتع امين واولاده بالدهب وتتزوج بسمه وبسبوسه وينصلح حال بركه وبركات ويتزوجوا ويقول بركه لزوجته في يوم الصبحيه وهو يبوس أيدها
عارفه انا كنت بشوف اي ست علي انها واحده شمال او اتخلقت عشان السرير وبس وطبعا كنت غلط وغلط جدا الست دي حياه بتخرج اللي يعمر ويبني الدنيا ولو في ستات مش كويسه في ستات تتشال علي الراس وتتحط في العين والقلب وانتي منهم
ويبوس بركه يد زوجته مره اخري ويقول
اتمنيت اني اكون مع اي واحده في الحرام لكن يفضل للحلال طعم احلي بكتير من طعم الحرام ، ،،،
وفي مكان ما من داخل مومياء رع مون تتحرك يد المومياء ويخرج هلاك من المومياء ولكنه كان متسلسل بحديد وامامه صوره ام لهب تقشر لب وتدف القشر في وشه ويصرخ هلاك ويقول
كفايه بقي حرام مش ضايق خلصتي اللب اللي في مصر كله
ام لهب
ما انا بعت اجيب من تونس
فيصرخ هلاك ويقول
لالالالالالالالالالالالالالالالالالالالا،،،،،،،،
النهايه
يارب تكون القصه عجبتكم واكون قدرت ارسم ولو ابتسامه واحدة علي وش اي حد قراء القصة
جميله جدا
ردحذف