رساله بالدم
لعشاق القصص البوليسية
القصة دي اقتباس من فيلم عربي
قصة كاملة
لما اكون واحدة ست عايشة لوحدي وبعد نص الليل اسمع صوت نقر علي باب شقتي يبقي الموضوع خطير ولما افتح وملاقيش حد علي الباب يبقي كدة في شئ يخوف بيحصل ولما النور ينقطع ويرجع والاقي سكينة علي السفرة بتاعتي وجنب منها رساله مكتوبة بالدم يبقي انا فعلا في ورطة بس قبل ما اكمل لكم حكايتي. تعالو اعرفكم بيا. أنا اسمي فاتن متجوزة من محاسب اسمه مظهر. شغال في شركة الغزل والنسيج. باع حد ارض في البلد كانت ورثة من ابوة واشترينا البيت اللي قاعدين في دلوقتي هو البيت في منطقة مقطوعه بس اهو علي قد الفلوس اللي كانت معانا. وديما نقول بكرة المنطقة تتعمر وكانت عايشة معايا في نفس المنطقة اختي الوحيدة فايزه وجوزها رمزي وقصتي بدات لما كان مظهر جوزي مسافر سفاجا في شغل تبع فرع الشركة اللي هناك وانا كنت في شقتي نايمة وفي حضني ابني طارق اللي كان عنده 9 سنين. وبعد نص الليل سمعت صوت خبط علي باب شقتي والباب عندنا كان في شراعه ازاز واللي كان بيخبط كان بيخبط علي الشراعه دي بصوابعة خبطة بعد خبطة وكانها عقارب الساعه. بدق اتخضيت وبصيت في الساعه لقيتها. 12.5. قومت من علي السرير بشويش علشان ما صحيش ابني طارق وقولت وانا واقفة عند باب اوضي.
مين اللي بيخيط
لكن اللي كان بيخبط اول ما سمع صوتي بطل خبط وفضل واقف شوية قدام الباب فقولت وانا قلبي بيدق بسرعه من الخوف
مين اللي بيخبط
لكن اللي بيخبط مشي من قدام الباب وطبعا عرفت انه مشي من الخيال بتاعه اللي باين من وراء الشراعه الازاز فروحت بشويش ناحية باب الشقة وفتحت الباب لقيت
مافيش حد بصيت يمين وشمال وبرضو مافيش حد وفجاة لقيت. النور قطع صرخت من الخوف وصحي طارق علي صوت صرختي وحسيت بحد دخل الشقة صرخت باعلي صوتي وقولت
مين. مين.
وطارق راح ناحيتي وهو خايف وانا كمان خايفة لا. خايفة بس دة انا مرعوبة ورجع النور وقعد ابص في الشقة كلها علشان اشوف مين اللي دخل ما لقتش اي حد في الشقة لكن لقيت سكينة عليها دم محطوطة علي تربيزة السفرة وجنب السكينة ورقة مكتوب فيها
انا مش هاسيب حقي. عرفي جوزك. الكلام دة انا مش هاسيب حقي.
وبص طارق في الجواب معايا وقال بخوف شديد
ماما. هو في اية
بصيت له وانا مش فاهمه في اية. ومش عارفة اقول اية. وبدات افكر اعمل اية اخد طارق واروح بي عن اختي في ساعة متاخرة زي دي ولا اقفل بابي علية وادخل اوضي وما عملش فضايح لغاية ما فهم اصل الحكاية. حسيت اني احسن استني مظهر لما يرجع من السفر واحكي علي اللي حصل لانه في مكان مافيهوش شبكة ومش هاعرف اتصل بي. وهي كلها يومين ومظهر جاي باذن الله وخد طارق في حضني ودخلت الاوضة وطارق عمال يسال وانا مش عارفة اجاوب لكني قولت له.
اوعي تجيب سيرة من اللي حصل دة لاي حد. فاهم
★اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي ★
وعديت الليلة وطلع النهار ورغم اني نيمت طارق لكني ما عرفتش انام ابدأ. انام ازاي بس بعد اللي حصل وجت اختي فايزة تطمئن علية وكانت جايبة فطار وقالت نقطر سوي ولحظت علية اني متغيرة فقالت لي
شكلك يا فاتن فيكي حاجة مش مظبوطة
بصيت لها وقولت
لا. خالص انا بس تعبانه وما نمتش كويس
فايزة
علية انا برضو دة انا اختك اللي ابص في عينيكي اعرف في أية. قولي بس في اية
اقول لكم الحق ما قدرتش امسك نفسي وقولت احكي لها علي اللي حصل ليلة امبارح وحكيت لها استغربت اوي وقالت
معنها اية الرساله دي
فاتن
ما عرفش ودة اللي ها يجنني
فايزة
دة مظهر طيب ومحترم وما ببعملش أي حاجة غلط لية تجي له رساله بالشكل دة واللي باعتها عايز اية من مظهر
فاتن
ما هو اللي هايجنني دة انا ما نمتش طول الليل
فايزة
ولية بعد اللي حصل دة ما جيتيش ليا
فاتن
الوقت كان متاخر وما كنتش عايزا اعمل قلق
فايزة
والله يا فاتن انتي لازم تعملي بوابة كبيرة للبيت بدل البوابة الصغيرة اللي عندك علشان ما حدش يعرف يخش لك
فاتن
منين بس. ما كل الفلوس اللي معانا حطينا في البيت دة
فايزة
ربنا كريم وهايفرجها علينا وعليكي. وانا لما رمزي يجي من الشغل هاحكي علي اللي حصل واخلي يتصرف
فاتن
لا. انا مش عايزا الموضوع يكبر وكلها كام يوم ومظهر يجي من السفر وهافهم منه في اية
فايزة
طيب هابيت معاكي الليلة دي
فاتن
مش عايزا رمزي جوزك. يحس بحاجة غريبة
فايزة
مالكيش دعوي برمزي انا هاتصرف
وفعلا باتت معايا فايزة وماحصلش اي شئ غريب لغاية ما دقت الساعه 12.5. وهنا سمعنا نفس النقر علي الباب بصيت لاختي بخوف شديد وفايزة كان قلبها جامد عني شوية فقالت لي
خليكي هنا انا هاقوم افتح الباب
وخرج فايزة من اوضة النوم وراحت ناحية باب الشقة وانا ما سمعتش ليها اي صوت قومت اشوف في اية لقيت النور قطع وفايزة بتصرخ وصرخت علي صراخها وروحت ناحيتها وانا بتحسس طريقي وخبط في حد ولقيت ايد بتتحط علي بوقي. وحد بيقرب من ودني وبيقول بصوت واطي يخوف
لو جوزك فاكر انه هايفضل هربان مني كدة يبقي غلطان. الصراف اللي قتله وسرقة دمه مش هايروح هدر ليجيب 20000 ج. يا ما هاغير شاهدتي قدام المحكمة. عرفي اني كش هاسكت ولو عايز يتكلم معايا يجي لي موقف النقل التقيل في اول الصحراوي ويسال عليه. الاسطي صلاح المر
وزقني بعيد عنه وخرج من الشقة جري وبمجرد ما خرج النور رجع وكدة فهمت هو اللي بيقطع النور وهو اللي بيرجعه وبصيت ناحية باب الشقة لقيت فايزة وقعه علي الارض مغمي عليها. ،،،
روحت ناحيتها بسرعه وفضلت افوق فيها والحمد لله فاقت وقولت لها
انتي كويسة
فايزة
شوفته بعينية. شوفت اللي بيخبط عليكي ولسة هامسكة بخ بنج في وشي
فاتن
ما هو دخل الشقة تاني و
وسكت مش عارفة سكت لية. بس برضو مش تبقي فضيحة لما اختي تعرف ان جوزي قتل وسرق. دي الناس كلها تعرف عنه انه محترم وطيب وفي حاله وفضلت سكتة و سرحانه لغاية ما فايزة قالت لي
دخل الشقة و اية. كملي
بصيت لها وقولت
وزقني بس الحمد لله جت سليمة
فايزة
لا. احنا مش لازم نسكت انا هاتصل برمزي واخلي يكمل البوليس
فاتن
بلاش.
فايزة باستغراب
بلاش. يعني اية
فاتن
يعني بلاش. اصل البوليس يعني دوشة وسين وجيم وانا ما بحبش الصداع
فايزة
واللي كل شوية يجي يرعبك دة
فاتن
هاعمل بوابة جديدة وماحدش هايقدر يخش لي تاني
المهم فضلت فايزة تحاول انها تقنعني اننا نبلغ البوليس وانا رفضت خالص وعديت الليلة وانا برضو بفكر في اللي حصل مين دة. وفعلا مظهر قتل وسرق. يعني الفلوس اللي اشترينا بيها البيت فلوس حرام. طيب انا هاحير نفسي لية ما انا اروح البلد واسال خال مظهر ماهو اللي باع الارض لعمدة البلد ،،
وفعلا قومت لبست وسبت طارق مع اختي فايزة وخد عربية مخصوص وروحت البلد ودخلت البيت بتاع خال مظهر وسالته وقال لي
هتتباع ازاي بس وهي لسة عليها مشاكل. لكن المحامي اكد لنا ان الحكم الجلسة الجاية نهائي لصالح مظهر جوزك
سمعت الكلمتين وحسيت ان الدنيا لفت بيا معقوله مظهر يكون سرق وقتل كمان وخد عربية ورجعت مصر وانا عقلي وقلبي رافضين يصدقو ان جوزي يكون قتال قتله وكل دة لية علشان الفلوس. ويقيت افكر لو فعلا هو عمل كدة طيب طارق ابنه يواجه الناس ازاي لما يعرف ان ابوة سرق وقتل. لا. مش لازم يعرف مش لازم دة طارق واخد ابوة مثل اعلي. يبقي لازم انا اتصرف وخرجت تاني والمرة روحت للعنوان اللي قالي علية اللي اسمه صلاح دة وسالت في الموقف عنه لغاية ما وصلت له ولقيته راكب عربية نص نقل وشكلة يخوف وقالي
سمعت يا ابلة انك بتسالي عليه
فاتن
انا مرات مظهر اللي
قاطعني وقالي
اة. المحروس جوزك رجع ولا لسة
فاتن
لسة.
صلاح
ولما هو لسة جاية لية. تصدعيني وخلاص
فاتن
جاية اتكلم معاك
صلاح
وانا ماليش كلام مع نسوان. وعرفي جوزك انه ما يصحش يبقي راجل ويبعت مراة زيك تتكلم معايا
فاتن
جوزي ما يعرفش اني جايلك
صلاح باستهزاء
لا. يا شيخة. طيب بصي بقي هما كلمتين ليجيب نص اللي سرقة وهما 20000 ج. يا اروح المحكمة واغير شهادتي قبل ما يتعدم المهندس سراج ظلم
فاتن
مين سراج دة ولية جوزي يسرق الصراف
صلاح
لا. يا ابلة دة سرقه وقتله وانا شوفته وهو خارج من الشركة بسرعه وبيركب عربية حمراء. والامورة كانت مستنية جوة منها ولو حب يعمل نفسه ناسي فكري بس برقم العربية. ح. ع. ص. 325. سلام يا ابلة
ودور العربية وسابني ومشي وانا فضلت واقفة ولغاية دلوقتي مش فاهمه ولا مستوعبه اللي بيحصل،،،،،،،
ورجعت البيت لقيت مظهر قاعد مع طارق وبيلعب معه واول ما شافي راح ناحيتي وخدني بالحضن لكني اتفزعت وانا في حضنه وحسيت اني شميت في هدومة ريحة الدم فبعد عنه غصب عني وهو بص باستغراب وقال لي
مالك
فاتن
مافيش.
مظهر
اومال انتي جاية منين كدة
فاتن بارتباك
كنت بجيب نواقص البيت
فبص علية ايدية الفاضية وقال
غريبة يعني انتي داخلة وايدك فاضية
فاتن
اصلي لقيت الاسعار غالية ما جبتش حاجة
ومشيت من قدامه ودخلت اوضي ولقيت نفسي بعيط بحرقة مش قادرة اكتم دموعي دخل مظهر ورايا وحاول انه يخدني في حضنه وهو بيقول
مالك يا فاتن
فاتن
مافيش مافيش
مظهر بضيق
لا. في اصل دي مش مقابلة تقبليني بيها بعد اسبوع برة البيت
فاتن
اصلي تعبانه
مظهر
لا. الف سلامه عليكي. طيب اية حكاية الجواب اللي جالك وانا مسافر
فاتن
مين اللي قال لك علي الجواب دة
مظهر
طارق
فاتن
الجواب دة بعته ليك. واحد شافك وانت خارج من الشركة بعد ما
سكت ما قدرتش اكمل و مظهر قال
بعد ما اية
قتلت وسرقت الصراف
استغرب مظهر اوي وقال
صراف اية. انتي بتهزري ولا بتتكلمي جد
فاتن
هو القتل والسرقة فيهم هزار. في حد جالي وقال لي علي اللي انت عملته
مظهر بعصبية
انتي في اية في دماغك مصدقة فعلا اني ممكن اكون قتلت وسرقت.
فاتن
اومال اللي جبت فلوس البيت منين ولسة الارض متابعتش
مظهر
مين قال ان الارض متابعتش
فاتن
انا سافرت البلد وسالت خالك وهو قالي علي كل حاجة
مظهر باستغراب
خالي.
فاتن
اة خالك. مالك مستغرب لية كدة
مظهر
خالي ما يعرفش اني اديت الارض لابن العمدة. صاحبي غانم وخد منه ثمنها كامل علشان اشتري البيت دة ولما اكسب القضية هاسجلها واخلص كل اوراقها وانق ملكيتها باسمه
فاتن
وفي حد بيدي لحد 40 الف ج. ثمن ارض عليها مشاكل
مظهر
غانم عمل كدة وهو عارف اني مش نصاب او حرامي
فاتن
طيب اتصل بغانم وافتح الاسبيكر خليني اسمعها منه بنفسي
مظهر
غانم في امريكا. دلوقتي وماعرفش لي رقم هناك
فاتن
مافيش اي حد كان حاضر اتفاقك مع غانم. اي ورقة بينك وبين غانم اصدق ببها كلامك
مظهر
ما كتبناش اي ورقة وماحدش كان شاهد علي كلامنا. انتي عارفة اني غانم دة زي اخويا
فاتن
مش قادرة اصدقك
مظهر
لكن قادرة تصدقي اني حرامي
فاتن بانهيار
في حد شافك وانت خارج جري من الشركة اللي انت شغال فيها ليلتها وركبت عربية. ح. ع. ص. 325. وكان فيها واحدة مستنياك والعربية مشيت بيكم. والصراف كان مقتول
مظهر
انا كنت هناك فعلا ليلة ما الصراف اتقتل بس انا كنت مكتبي مستني الصراف يوصل علشان اخد منه الفلوس واحطها في الخزنة واقفل واروح لقيت الصراف صرخ عند مدخل الشركة نزلت جري من مكتبي لقيتة مضروب بالسكينة في ظهرة وبيطلع في الروح وهو بيقول. سراج سراج. ودة مهندس عندنا وشوفت ساعتها حد بيجري ناحية عربية جريت وراء الشخص دة لكنة ركب العربية ومشي بسرعه هو دة كل اللي حصل
فاتن
ولية محكتليش باللي حصل دة
مظهر
انتي بتخافي من خيالك احكي لك عن جريمة قتل لية بس
فاتن
اومال السواق اللي شافك وانت بتركب العربية
مظهر
انا ما ركبتش عربيات انا فضلت اجري وراء العربية يمكن الحقها واجيب اللي عمل كدة في الصراف لكني مالحقتش ورجعت بعديها بساعه لقيت البوليس عند الشركة والدنيا اتقلبت روحت القسم وقولت اللي قاله الصراف وهو اسم سراج واتقبض علي سراج.
فاتن
لكن السواق قال انك انت اللي عملت كدة وطلب 20 الف ج. علشان يسكت. وبيفكرك بالعربية
مظهر بعصبية
ما يقول اللي يقوله. انا ما سرقتش ولا قتلت. وعايزا تصدقي صدقي مش عايزا انتي حرا. وبعدين تعالي هنا مسالتيش نفسك احنا مشترين البيت دة من امتي. من 6 شهور اشمعني دلوقتي السواق دة جاي يساومني
فاتن بانهيار
ماعرفش ماعرفش. انا دماغي هاتنفجر ومش قادرة استوعب كل اللي حصل لغاية دلوقتي وعايزا اعرف الحقيقة انت اللي انا اتجوزتة المحاسب اللي اتشرف بي قدام الدنيا كلها ولا انت مجرم ومستخبي وراء قناع المحاسب
مظهر
لا بقي دة كدة كتير اوي. اسمه اية السواق دة اللي قدر يخليكي تصدقي اكتر مني
فاتن
هاتعمل في اية
مظهر
هاروح اتكلم معه واعرف منه هو شافني انا ازاي
فاتن
اسمه صلاح المر. ولو هاتروح له في اي وقت رجلي هاتكون علي رجلك
مظهر
قبلتي فين
فاتن
في موقف النقل التقيل اللي في اول الصحرواي
وبمجرد ما عرف مظهر العنوان خرج بسرعه من الاوضة وهو علي اخرة ولقينا ساعتها اختي فايزة واقفة قدام الباب فبص لها مظهر وكمل في طريقة وخرج من الشقة وانا بصيت لفايزة وقولت لها
انتي هنا من امتي
فايزة
بقالي شوية وسمعت كل اللي اتقال بينك وبينه. بقي هو دة اللي مخبية عني
فاتن
معلش فايزة بس دة كلام ما ينفعش يتحكي. واوعي يكون طارق سمع حاجة
فايزة
انا لما طارق فتح لي ولقيت صوتكم عالي بعته يلعب مع عيالي. عايزا اخش الحمام وارجع لك نحكي سوي
وراحت الحمام ورجعت بعد 10 دقايق وفضلنا نتكلم شوية لغاية ما عديت تلت ساعات بالظبط ورجع مظهر واول ما شوفته قومت وجريت ناحيته وقولت له
عملت اية
مظهر
ما حدش في الموقف دة اسمه صلاح المر
اتصدمت وقولت له
ازاي يعني انا قابلته بنفسي
مظهر
وانا روحت الموقف وسالت كل السواقين اللي هناك وماحدش يعرف عنه حاجة
فاتن
مظهر انا مش مجنونه ولا مريضة نفسية علشان اتخيل واشوف ناس مش موجودة
مظهر
خلاص تعالي نروح الموقف واسال كل اللي هناك قدام منك
فاتن
نروح
وفعلا لبست هدومي وخرجت معه وروحت الموقف وسالت بنفسي السواقين اللي هناك وكلهم قاله كلمه واحدة ما نعرفش. اتجننت وبقيت حاسة اني بيتلعب بيا لعبة كبيرة اوي ورجعت البيت وانا مصممه اعرف الحقيقة انا مش مجنونه ومتاكدة اني قبلت السواق دة في الموقف هنا. ونمت علي السرير جنب مظهر بجسمي بس لكن عقلي بيفكر في كل اللي حصل وهنا افتكرت رقم العربية اللي كان راكبها صلاح السواق يوم ما كنت بتكلم معه وساعتها سابني ومشي وقولت هي دي البداية. وطلع النهار وراح مظهر الشغل بتاعه وانا خرجت بعد منه علي طول وروحت الموقف تاني لكن المرة دي سالت علي العربية ووصلني واحد شغال في الموقف تباع لراجل كبير في السن ساكن جنب الموقف بشوية ولقيت قدام البيت دة العربية اللي كان راكبها صلاح بصيت للعربية والشخص اللي معايا كان بيقول للراجل الكبير
عم فريد الابلة دي بتسال علي عربيتك
فبص لي عم فريد وقال
نعم يا ابلة عايزا اية
فاتن
عايزا اسم السواق اللي كان بيركب العربية دي
عم فريد
هو في اية كل يوم والتاني حد يجي يسال علي اللي يتخفي اسمه صلاح. من ساعه ما خرج من السجن وشغلته علي العربية وهو عامل لي وش في دماغي
فاتن
هو كان محبوس
فريد
اتحبس 6 شهور ولسة طالع من السجن
فاتن
ومين تاني سال علية غيري
فريد
راجل افندي كدة وصفت له بيته ومن ساعتها ما شوفتش البعيد اللي اسمه صلاح. مع اني ماكد علية عندنا نقله النهاردة
فاتن
سال علية امتي الراجل دة
فريد
امباراح الظهر كدة تقريبا
وهنا افتكرت ان دة نفس الميعاد اللي مظهر خرج في من البيت فقولت للراجل بلهفة شديدة
عايزا عنوان صلاح دة حالا
وخد العنوان من عم فريد وركبت اول تاكسي قابلني خلاص مش قادرة استني هاموت واعرف الحقيقة ووصلت لعنوان صلاح اللي كان ساكن في بيت قديم في الدور الثاني وخبط علي باب شقته لقيت الباب مفتوح زقيت الباب ودخلت لقيت صلاح واقع علي الارض في اوضة من الاوض وهو مقتول والدم نازل من صدرة وكاتب رساله بالدم مكتوب فيها كلمة واحدة. قتلني. صرخت ومابقاش عندي اي ذرة شك في ان فعلا مظهر قتال قتلة جوزي ابو ابني بالجبروت دة واتلمو الجيران علي صرختي وجه البوليس واتقبض علية وفضل الظابط يسالني قتلتي لية وانا ابص له بس وما تكلمش ويسال تاني وتالت ورابع وانا افضل ساكتة ما نطقش طيب انطق اقول اية. جوزي قاتل علشان اطلع منها اضيع مظهر. وطارق يعيش ازاي لما يعرف حقيقة ابوة وقبل كل دة ودة انا بحب مظهر. ما تستغروبش رغم كل اللي عرفته عنه ايوة بحبه ومش هاقدر اشوفة قدامي محبوس وبسببي ومن بعد حبستة ممكن كمان يتشنق. لا. مش هاقدر مش هاقدر اتكلم يعملو فيه اللي هما عايزينة وفي عز ما انا بفكر في اللي جاي جه مظهر ووقف قدام الظابط والظابط بيساله ويقول له
تعرف اية عن سواق اسمه صلاح المر
مظهر
انا ماعرفش حد بالاسم دة
الظابط
اومال مراتك كانت عنده بتعمل اية
بص لي مظهر وقال
ماعرفش انا لما رجعت من السفر لقيتها بتردد اسم الشخص دة وبتقول كلام كتير مش مفهوم واديتني عنوانه ورحت العنوان دة بنفسي مالقتش حد بالاسم دة
الظابط
يعني اية مافيش حد بالاسم دة. ومراتك كانت عند صلاح المر وقتلته
مظهر
ماعرفش. لازم حضرتك تصدقني
الظابط
طيب تفتكر ان مراتك كانت علي علاقة باللي اسمه صلاح دة
مظهر
انا مسمحلكش. مراتي اشرف ست في الدنيا. بس اكيد في حاجة غلط ومش مفهومة
وخلص التحقيق مع جوزي اللي كان عمال يقول لي اتكلمي وقولي الحقيقة وبرئي نفسك مين صلاح دة وتعرفي منين لكن الظابط امر العسكري بانه ياخدني علي الحجز ودخلت الحجز وسط السوابق وعديت ايام كتير والمحامي اللي جابه ليا مظهر كان بيحاول يخرجني من القضية اللي كانت لبساني لبساني ولقيت نفسي قطعت الاكل ما بقاش ليا نفس وتيجي منين النفس وانا محرومة من ابني وجوزي والاغرب من كدة اني ما شوفتش فايزة اختي طول فترة الحجز. وفضلت علي كدة لغاية ما قلت الاكل دي سببت لي هبوط واتنقلت المستشفي وانا في المستشفي لقيت حد بيدي فلوس للعسكري اللي واقف بيحرسني وبيدخل الاوضة واللي دخلت الاوضة كانت فايزة اللي قعدت قدامي بالظبط وبصيت لي وقالت
عارفة انك زعلانه مني علشان ما جتش ازورك ولا مرة من ساعه ما اتقبض عليكي
فاتن
ما بقاش يفرق ازعل ولا ما ازعلش ايامي كلها شبه بعضيها المهم ان ربنا يرحمني
فايزة
بعد الشر عليكي من اي شر يا اختي.
وبدات فايزة تعيط بحرقة ومسكت ايدي وباستها وهي بتقول
عايزك تسامحيني
فاتن باستغراب
مافيش حاجة حصلت لدة كله بطلي عياط.
فايزة
لا. في. انا السبب في كل اللي حصلك دة
فاتن
انتي. السبب يعني اية
فايزة
اللي سرق الصراف وقتله في الليلة اياها. جوزي رمزي
استغربت اوي والصدمة كانت كفيلة انها تشلني وقولت لها
انتي بتقولي اية
فايزة
اللي انتي سمعتي رمزي خسر كل فلوسه في الاسهم وبقينا علي الحديدة لا كمان بقي مديون للبنك بقرض 20 الف ج. فكان لازم نتصرف وفي مرة وهو في زيارة للمهندس سراج صاحبة. الروح بالروح. عرف بالصدفة. ان الصراف هايصرف شيك بمبلغ 40 الف ج. باقي مستخلصات وارباح. شهرية فقرر انه يسرق الصراف قبل ما يدخل الشركة. في الحتة المهجورة اللي قدام الشركة رفض في الاول لكن رمزي صعب علية لما عرفت انه هايتسجن وانا وعياله هانتبهدل من بعده وضحك علية الشيطان ووافقته واجرنا عربية وراقبنا الصراف من بعد ما خرج من البنك بعد العصر بساعه تقريبا لكن حصلت حادثة وقفلت الطريق خالص واتعطل الصراف واحنا وراء لغاية ما وصل الشركة بعد نص الليل وهجم عليه رمزي وحاول انه يهدده بالسلاح بس علشان يسيب الشنطة لكن الصراف زق رمزي بعيد عنه وجري بسرعه ناحية باب الشركة ولحقة رمزي وضربه بالسكينة في ظهرة وخد منه شنطة الفلوس وجري سواق النص نقل شافني زي ما انا شوفته لكن في نفس الوقت وهو بيطمئن علي الراجل كان مظهر بيجري ناحية العربية فافتكر السواق ان مظهر هو اللي قتل الصراف لكن الحقيقة غير كدة خالص.
اتصدمت وحسيت ان الدنيا بتلف بيا وفايزة بتكمل
ولما جيت البيت عندكم وسمعتك وانتي بتتكلمي مع مظهر وقولت لك هاخش الحمام اتصلت برمزي وعرفته كل اللي سمعته وهو راح الموقف ودفع 10000 ج. لكل السواقين اللي هناك علشان مظهر لما يسال علية صلاح يقولو ما فيش حد بالاسم دة ويموت الكلام وراح رمزي بعد كدة لصلاح بيته وحاول انه يتفاهم معه بخصوص الفلوس اللي هو عايزه لكنهم مسكوا في بعض وقتله رمزي وهرب طريق الشر ملهوش نهاية الا الخراب وانا ما قدرتش استحمل اكتر من كدة انك تكوني محبوسه ظلم دة انتي برضو اختي الوحيدة
وقامت فايزا وانا ببص لها وبعيط مش مصدقة اللي سمعته وهي بتقول
انا رايحة ابلغ عن نفسي وعن رمزي لازم المذنب ياخد جزاته وانتي تخرجي وترجعي لحياتك ولو اتشنقت ابقي افتكريني انا برضو اختك الوحيدة
وخرجت فايزة من الاوضة وفعلا بلغت البوليس واتقبض عليها هي ورمزي وخرجت انا براءة ورجعت البيت وخد طارق في حضني كان واحشني وكاني بقالي سنين ما شفتهوش وبصي لي مظهر وقال
نورت بيتك.
فاتن
حقك علية
مظهر
مش عايز اسمع اي كلام دلوقتي. المهم انك بخير
وخدني في حضنه وعيط وعيط وعيط. ورجعت بصيت له
فايزة اختي
مظهر
هاقوم لها احسن محامي. وربنا يسامحها بقي.
خلصت حكايتي. يارب تكون عجبتكم
ودي كانت قصة رساله من مجهول اللي مثلتها للاذاعه فاتن حمامه. واحمد مظهر.
تسلم أناملك
ردحذفقصة جميلة
ردحذفروعه
ردحذفجميله تسلم ايديك وبالتوفيق ان شاء الله
ردحذفتسلم ياغالي
ردحذف