الهام واللي كان الحلقة الاخيرة

دقات قلبي. من حروف اسمك

                   ★الحلقة العاشرة★

                         والاخيرة 

من تاليفي، ، 
محمد منصور. ** منص **

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

ومن جوة الشقه المفروشه بتاعت منير. يقعد منير وهو مستني رمزي وكان بيشرب سيجارة بتوتر شديد ويجي رمزي فيفتح له بسرعه ورمزي اول ما يشوفه يقول 

اية الكلام الفارغ اللي انت قولته في الموبيل دة

منير

انا نفسي مش مصدق لغاية دلوقتي ازاي دة حصل ومين دي. بس هو اتصل باسراء قدام مني ورديت عليه

رمزي

وعاطف عرف بالمصيبة دي

منير

لا. انا مشيت وسيبته وهو كمان ساعه هيقابلها ويكتب عليها بالعافية او اما يفضحها. علشان الحمار ما قدرش يستحمل واتصل بيها وساومها 

رمزي

عاطف دة غبي والطمع عما

منير

لا. خوفو من حمدان خلاة متسربع علي الجواز من اسراء

وياخد منير اخر نفس من السيجارة ويرميها علي الارض بعصبية ويقول ل رمزي 

سيبك بقي من عاطف وقولي نعمل اية في المصيبة دي 

رمزي

هي البت فين

منير

البت مربوطة جوة في السرير

رمزي بعصبية

هي لسة هنا بتهبب اية. كانت المفروض ترميها امباراح بالليل قدام البيت اللي جبنها منه

منير

اهو اللي حصل بقي. البت عجبتني وقولت اخليها معايا كمان ليلة

رمزي بعصبية شديدة

انت غبي. وحمار. البوليس لو دخل في الحكاية هتاخد فيها اعدام. دة خطف انثي

منير

لا. انا مش عايز اموت. خلينا نشوف لها حل ونغور البت دي من هنا

رمزي 

خلينا بس في الاول نعرف هي مين. بس قولي هي شافت وشك

منير

لا. انت ناسي انها طول الوقت كانت مسطوله

رمزي

ودلوقتي هي لسة مسطولة

منير

مافتكرش اكيد مفعول البرشامة راح

رمزي

طيب يلا نخش لها 

ويغطي منير ورمزي وشهم بشراب اسود ويدخلو الاوضة وكانت دعاء مربوطة من ايديها ورجليها في سرير الاوضة وهدومها متقطعه وبتعيط بحرقة فيروح منير ناحيتها 

ويخرج مطواه من جيبه ويحط المطواه علي رقبه دعاء ويقول لها بنبره حاده 

بت هشيل الكمامه عن بوقك وهاسئلك كام سؤال تردي علي قد السؤال وبس لو سرختي هاغرز المطواه دي في رقبه اهلك

ويرفع الكمامه عن بوقها وتقول دعاء بلغه الرجاء والتوسل

أبوس أيدك خليني امشي من هنا وانا والله مش هاقول لحد علي اي حاجه

منير بنبره حاده

انا مش عايز رغي كتير انتي اسمك ايه

دعاء

اسمي دعاء

فيتصدم منير فيقول رمزي 

وكنتي بتعملي ايه عند ابو يوسف وامه

دعاء وهي بتعيط بحرقه 

انا مرات أبنهم يوسف. وكنت في زيارة ليهم. ابوس أيدك فكني بقي حرام عليك انا تعبت اوي وحاسه اني هاموت من الخوف. وخصوصا اني مش عارفة انا لية هنا 

منير

انتي هنا بالغلط. 

دعاء

طيب انا حامل بلاش ترحمني انا ارحم الروح اللي جوه مني. فكني وسايبني امشي بالله عليك 

منير 

كان نفسي ارجعك لاهلك لكن ما ينفعش انتي عرفتيني وشوفتيني يعني لو خرجتي من هنا حيه يبقي بحكم علي نفسي بالاعدام وانا مش عايز اموت دلوقتي 

فتصرخ دعاء ولكن منير يكمم بوقها مرة تانية ويبص ل رمزي ويخرجوا من الاوضة وسط صرخات مكتومة من دعاء. وبمجرد ما يقفلو باب الاوضة علي دعاء يخلعوا الشربات ويقول رمزي لمنير

اية اللي انت قولته جوة دة. البت دي لازم ترجع لاهلها

منير

وافرض انها شافتني.

رمزي 

ما انت قولت كانت مسطولة ديما

منير

ما ضمنش.

رمزي

بعني اية. هتقتلها

منير

هو انا بتاع دم.

رمزي بعصبية

اومال بعني ناوي تحنضها

منير بعصبية

ماعرفش يا رمزي. بس لازم افكر صح علشان اطلع من الشبكة الزفت دي من غير اي خسارة

رمزي 

طيب مش هتقول لعاطف

منير

يولع عاطف. ما هو السبب في الحكاية الغم دي انا كان مالي ومال حكايته مع اسراء. 

رمزي

مش انت اللي قولت نخطفها ونفضحها وهي تتجوزة غصب عنها. اهو روحت انت وخطفت واحدة تانية 

و سمعت دعاء كل الحوار اللي داير وقالت لنفسها

يعني اللي كانت مقصودة اسراء. ابن عمها وعايز لها الفضيحة. لي حق يوسف يمنع جوازة اسراء منه. بس ياتري هيعملو فيا اية.  

وتبص دعاء لفوق وتقول

يارب انا مش مهم المهم ابني اللي بطني ماحدش ياذي، ،،،،

ومن جوة شقه فرج تقعد أسراء مع صفاء ويخبط باب الشقه فتروح أسراء ناحيه باب الشقه بسرعه وتفتح الباب لرجل في الخمسينات من عمرة وهو عم ابراهيم الراجل اللي شغال في محل قطع الغيار بتاع والد أسراء واول ما تشوفه اسراء تقول له 

أيه اللي اخرك كده يا عم أبراهيم

عم أبراهيم

عقبال ما جمعت الرجاله اللي انتي عايزاهم يا أسراء يا بنتي 

اسراء

طيب يالا بينا

صفاء

انتي رايحه معاهم ولا أيه

أسراء

لازم اروح معاهم علشان خاطر دعاء

صفاء

ماتخليكي انتي هنا وعم ابراهيم يجيب عاطف ده لغايه هنا

أسراء

ماينفعش دعاء اتظلمت بسببي انا ولا زم اجيب لها حقها

بس انتي اوعي يوسف يعرف حاجه ،،،،

وبعدها بساعتين ومن جوة شقة منير كان منير لسة قاعد مع رمزي ويسمعوا صوت جرس الباب فيبصوا لبعض بقلق شديد ويقول منير بصوت واطي

احنا مش هنا

فيرن موبيل منير وكان المتصل عاطف فيبص منير لرمزي وقال

عاطف بيتصل

رمزي

يبقي هو اللي بيخبط

منير

طيب والعمل

رمزي

اكيد سمع موبيلك بيرن لازم نفتح له

وفعلا يسمعوا صوت عاطف من علي الباب وهو بيقول 

مش هتفتحوا يعني ولا اية 

ويروح منير ويفتح الباب علشان يلاقي عاطف مضروب واترمي عليه ودخل خمس رجال اقوياء ومن وراهم عم ابراهيم واسراء ويتمكتوا الخمس رجال من عاطف ومنير ورمزي فيقول منير وواحد من الرجاله ماسكة بقوة 

 ‏

مين دول يا عاطف

اسراء تبص له وتقول بنبره مخيفة 

فين دعاء يلا

منير 

دعاء مين

عاطف بصعوبه بسبب العلقة اللي خدها

دعاء اللي انت خطفتها علي انها أسراء يا غبي

منير 

انا ماعرفش حاجه وماخطفتش حد

فيضربة احدي الرجال بمنتهي القوة في معدته خلت منير يصرخ من الوجع وقال بصعوبه وهو مش قادر ياخد نفسه وشاور علي الاوضة المحجوزة فيها دعاء 

جوه في الاوضة دي 

فجريت اسراء ناحية الاوضة بسرعه وفتحت الباب وراحت ناحية دعاء المربوطه في السرير وباين عليها التعب الشديد والهدوم المتقطعه فخدتها اسراء في حضنها وقالت وهي بتعيط علي منظر دعاء 

حقك عليه انا. انا اللي كنت مقصودة مش انتي 

فتقول دعاء وهي منهارة من العياط مش مصدقة ان في حد لحقها 

أسراء عايزا اروح من هنا وديني عند أبويا

اسراء

مش دلوقتي

وتمسك اسراء ملايا السرير وتلف بيها دعاء وتخرج بيها من الاوضة وتقول لعم ابراهيم 

عم ابراهيم كل اللي انت شوفته هنا انت والرجاله ماحدش هيعرف بي حاجه

عم ابراهيم

ازاي يا بنتي احنا لازم نبلغ البوليس

أسراء

البوليس يعني فضيحه لي دعاء والدنيا كلها هاتعرف اللي حصل لها وانا مش عايزا حد يعرف حاجه وحق دعاء هناخده واحنا هنا وقبل ما نمشي

عم ابراهيم

قصدك ايه

قالت سراء وهي تمسك الكاميرا الموجوده في الصاله واللي كان بيصور بيها منير دعاء واللي بيعمله فيها 

قصدي ان اللي يربط واحده ست في سرير ويغتصبها ما ينفعش يكون راجل وزي ما صورها نصوره واحنا بنحرمه من رجولته

منير

لا. ابوس رجلك 

عم أبراهيم

ماشي كلامك

اسراء

تمام ياعم ابراهيم زي ما عمل في دعاء بالغصب عايزا يتعمل في بردو بالغصب وعم ابراهيم كل ده يتصور عشان لو حب او فكر انه يكون راجل تاني

وتبص لعاطف وتقول

منسيبش عيل في مصر معه موبيل الا والفيديو بتاعهم يبقي عليه

عم ابراهيم

ماشي كلامك. خدتي انتي بقي دعاء وانزلو من هنا وسابوهم لينا علشان اللي هيحصل ما ينفعش تشوفو

لكن دعاء قبل ما تمشي راحت لمنير وضربته بالقلم وتفت عليه بكل حرقة وقالت

ربنا ينتقم منك. ربنا ينتقم منك. 

فتاخدها اسراء ويمشوا. ويدي عم ابراهيم لرجاله الاشارة وهجموا علي منير وعاطف ورمزي وجردوهم من هدومهم لكن يفلت منير منهم ويمسك المطواة بتاعته ويقول

الموت عندي اهون من اني يتعمل فيا كدة

وذبح نفسه بمنتهي الكفر. بص له عم ابراهيم باستحقار شديد وقال

مات الموتة اللي يستحقها 

ويبص عم ابراهيم. لرجالته وقال

وقفتوا لية. لسة في اثنين فيهم الروح 

فينزل عاطف وهو عريان عند رجل عم ابراهيم ويعيط زي النسوان ويقول 

ابوس ايديك انا مراة. بس بلاش تخليهم يعملو فيا كدة 

رمزي وهو بيعيط

وانا كمان مراة 

عم ابراهيم

انتو النسوان اجدع منكم. يا عرة الرجالة منك لي.  

ويبص ل عاطف ويقول

طول عمرك وسخ. انما توصل بيك الوساخة انك تتجوز واحدة بفضيحة. ومين بنت عمك 

عاطف وهو لسة بيعيط

حرمت يا عم ابراهيم

فيبص عم ابراهيم للرجاله ويقول 

صوروهم فيديو وهما عريانين وبيعيطو زي النسوان وكفاية عليهم اوي كدة. وصاحبكم اللي ذبح نفسه دة تشيلو وتخفوا ولو الحكومة وصلت لجتته اياك سيرة اللي حصل هنا تتقال ،،،،،،،،،

ومن جوة شقه أسراء اللي كانت هاتتجوز فيها يوسف تحضر صفاء اكل كثير علي صنيه وتروح بي ل دعاء الموجوده في اوضة النوم وكانت قاعدة علي السرير وقدام منها اسراء اللي كانت بتلبسها جلبية من بتوعها وبتقول لها

اظن بقي دش المية السخنة ظبط لك دماغك

فتحط صفاء الصنية قدام دعاء وتقول 

يالا مدي أيدك تلاقيكي ميته من الجوع

دعاء بصوت حزين 

ماليش نفس

صفاء 

لا انتي هتاكلي يعني هتاكلي ولو حتي غصب عنك

وتحط صفاء لقمة بالغصب في بوق دعاء فتندغ دعاء اللقمة بالعافية وتقول 

بلاش تغصبي عليه. يا ام يوسف ا،،،،،

فتقاطعها صفاء قائلة

اية ام يوسف دي. قول لي يا ماما

استغربت دعاء من المعاملة. فلحظت صفاء. وقالت 

ما تستغربيش. قبل ليلة واحدة ما كنتش بضيق اسمع سيرتك والسبب انتي عارفة. لكن انتي اتظلمتي واتاخدي في الرجلين بذنب مش ذنبك وبسبب طمع عاطف في بنت عمه. بصراحة صعبتي عليه اوي.  

وخدتها صفاء في حضنها. وقالت

انا من النهاردة يا دعاء امك

ولفت دعاء ايديها حوالين جسم صفاء لانها فعلا كانت محتاجة حضن كل اللي يحن عليها اوي وقالت صفاء 

يا بت احنا مش واحشين لكن الظروف اللي ظهرتي فيها في حياة ابني وموت اختي عمل بيني وبينك حاجز ما اتكسرش الا باللي حصل لك وعرفت انا قد اية كنت ظلماكي وفرج جوزي كان عنده حق. لما قالي ان مني كانت هتموت سواء انتي ظهرتي في حياة يوسف او ما ظهرتيش 

وتحط صفاء لقمة تاني في بوق دعاء فتقول دعاء 

بلاش اكل تاني انا ماليش نفس. وعايزا اروح لبابا. 

أسراء

انتي مش هاتروحي في حته الا لما تبقي كويسه. مش هينفع حد يشوفك كدة. 

دعاء

انا بعد اللي حصل ده عمري ما هابقي كويسه ده انا نفسي اموت ولا اني اعيش يوم تاني بعد اللي حصل

أسراء

اللي حصل ده كان غصب عنك مش بمزاجك وخلاص خدلك حقك وانتي ما ينفعش تستسلمي لاي حاجه ممكن تكسرك انتي لازم تكوني اقوي وتنسي وتعيشي حياتك اللي جايه مع يوسف

دعاء بحسره

يوسف انتي تفتكري ان يوسف هيكمل معايا بعد مايعرف اللي حصل

صفاء 

يوسف ما يعرفش اي حاجه من اللي حصل لك. وهيفضل مش عارف

دعاء باستغراب

أزاي مايعرفش.  

أسراء

انا هاحكي لك

وحكت لها أسراء كل اللي حصل من البدايه الي النهايه فبصت لها دعاء باستغراب وقالت 

انتي عملتي علشاني كل ده

أسراء

انا مش وحشه يا دعاء انا حبيت يوسف غصب عني مع اني عارفه انه مش ليا وانه بيحبك انتي اكتر. وبمجرد ماعرف انك تعبانه قرر اننا ننزل القاهره الساعه 3 الفجر مع انه ما بيبحش سفر الليل لكن دي دعاء اللي يوسف عمل علشانها كل حاجه عمره ما عملها علشان حد غيرها

انتي حب العشق عند يوسف وانا مجرد حبه لخالته 

وتعيط اسراء بحرقه ودموعها تصرخ وقلبها بيتقطع وتقول

كل دقه في قلبي بدق بحروف اسم يوسف وهو قلبه بيدق بحروف اسمك انتي.

وتبكي اكتر واكتر وتقول

حلال عليكي يوسف وقلبه وانا كفايه عليه اني بنت خالته

فتاخذها دعاء في حضنها وهي بتعيط وتقول لها

مش عارفة اقول لك اية. اقطعك بسناني علشان بتحبي جوزي ولا اعمل نفسي مش واخدة بالي واسيبك تحبي. اللي هقوله جنون وانا نفسي مش مصدقة. اسراء تقبلي تكوني اختي وضرتي

أسراء ضاحكا

انتي بتطلبي ايدي علشان اكون ضرتك 

دعاء ضاحكا

اه. انتي انقذتي حياتي من ايد الكلب اللي كان خاطفني يبقي ازاي استخسر فيكي فرحتك. واحرمك منها 

أسراء 

دعاء انتي هتكوني اختي وبس. لكن نتقاسم يوسف صعب ودلوقتي نسيبك ترتاحي ولما تحسي ان انتي بقيتي احسن تقدري تطمئني باباكي عليكي وكمان يوسف اللي قالب عليكي الدنيا ،،،،،،،،

ومن جوة شقة عاطف يقول عاطف لحنان مراته

انا بعت المحل اللي حيلتنا والشقة دي كمان وهاخدك ونسافر لاي بلد برة. بس نكون بعيد عن حمدان واللي هيعمله فينا.

حنان

هنروح فين بس ونسيب منطقتنا ومدارس العيال

عاطف

اي مكان قبل ما حمدان يعرف ان بعت كل اللي حيلتي

لكن باب الشقة يتكسر ويدخل المعلم حمدان ووراء منه رجالته وبص لعاطف وقال

انت اغبي حرامي انا شوفته في حياتي. عايز تبيع محل قطع غيار ومعرفش 

ويقول لرجالته

هاتو.

ودخلو الرجالة وجابو عاطف من هدومة واتسحل واتهان في وسط الشارع وبقي فرجة للي رايح واللي جاي وبعد ما اتهان خد منه حمدان الفلوس اللي باع بيها المحل والشقة وسجنة بالشيكات اللي ماضي عليها ودي كانت نهاية عاطف وطمعه، ،،،،،،،،،،،،

وترجع دعاء لبيت ابوها واول ما يشوفها تترمي في حضنه وتفضل تعيط وكان في العياط كل الكلام اللي ممكن يتقال واتصل عبد الله بيوسف واول ما عرف يوسف برجوع دعاء بيت ابوها جري وراح لها واول ما شافها اترمي في حضنها وهي سابت نفسها لحضنه وقال وهو بيبكي

كنتي فين

دعاء 

بلاش نتكلم في اللي فات. علشان ما يفتحش جرح ما صدقت انه بدأ يلم

يوسف وهو بيبوس ايديها

حقك عليه. انا هطلقها

دعاء

لا. اسراء محتاجة ليك زي ما انا محتاجة ليك.  

يوسف

يعني اية

فتترمي دعاء في حضنة وهي بتقول 

خدني في حضنك دلوقتي وقولي دقات قلبك من حروف

وتسكت دعاء فيقول يوسف

اسمك. ،،،،،،،،،،،

وبعد 7 س. ومن جوة شقة كبيرة كان يوسف قاعد علي سفرة بيتغدي وعلي السفرة أسراء وقصاد منها دعاء وجنب كل واحدة منهم عيالها وكانت اسراء عامله ملوخيه و دعاء عامله ملوخيه و يوسف بيبص ل طبقين الملوخيه وبيبص لهم ويقول

ايه الفرق بين الملوخيه دي والملوخيه دي

دعاء

دي الست اسراء فكرت انها تعرف تغلبني في عمايل الملوخيه فقولت لما اوريها يعني ايه ملوخيه

اسراء

بس هجص هي دي شكل ملوخيه دي عامله زي اسهال العيل البردان

يوسف

الله يقرفك انا هاكل

اسراء

عايز تاكل كل الملوخيه بتاعتي

دعاء وهي بتحط طبق الملوخيه قدام يوسف 

لا بتاعتي انا يا يوسف

أسراء وهي تبعد طبق الملوخيه بتاع دعاء وتحط طبقها

لا بتاعتي انا 

ويفضلو علي هذا الحال دة شوية حلوين لغاية ما الملوخية تقع علي هدومة فيبص لهم يوسف وهو مضايق فترجع كل واحدة منهم تقعد مكانها فيقول يوسف وهو بيبص للملوخية اللي علي هدومة 

يعني حلو كده ابقي يوسف بالملوخيه

دعاء ل اسراء 

هي السبب

اسراء

لا انتي ولمي نفسك بدل ما اقوم اجيبك من شعرك

دعاء

انتي يا بت ولا هيكون معاكي حد

اسراء 

لا انا وكفاء ااقوم بيكي

دعاء

بلاش انا يا اسراء ده انا لسه ماسحه بيكي سيرميك الحمام

كل دة بيحصل ويوسف عمال يبص لهم وهو متوعد علي كدة. فتنادي بنت اسراء عليها وتقول

ماما المسلسل الهندي اشتغل

فتبص اسراء ل دعاء وتقول لها

يالا يا دودوا المسلسل اشتغل

فيروحو الاثنين بسرعه ويقعدوا قدام الشاشة وهم لزقين في بعض فيقول لهم يوسف 

يا ولاد المجانبن. حد يقوم يجيب لي جلبيه بدل اللي اتبهدلت ملوخيه

فيرد الاثنين في نفس واحد

روح هات لنفسك احنا مش فاضيين 

ويبصو ناحيه المسلسل الهندي بكل اهتمام فيخلع الجلبيه فيلاقي ابنه بيضحك وهو باصص عليه فيقول له يوسف

في ايه يا ابن الكلب

ابن يوسف 

بنطلونك مقطوع وشوفت التوتتا بتاعتك 

فيقعد يوسف بسرعة ويبص لابنه اللي عمال يضحك ويقول بعصبية 

بس يا ابن الكلب

وتضحك دعاء واسراء علي ضحك. ابن دعاء. فيضحك يوسف ويقول

متجوز اتنين وبردو البنطلون مقطوع

ويضحكوا ولا تتوقف ضحكتهم ويوسف يقول

قوموا هاتوا حاجه البسها

فترمي له دعاء ملايه كانت جنبها وتقول

خد لف نفسك بالملايه دي

يوسف وهو بيرمي الملايه في وشها يقول

ليه يا روح امك. ممسوك اداب

ويضحكوا كلهم وتستمر الحياة. واحنا شبة ابطالنا فينا الكويس واللي بيتبهدل بسببنا. وفينا الوحش واللي بيعيش وهيموت وحش. وفينا اللي كل يوم بحال ساعه بيكون مظلوم وساعه بيكون ظالم. ياريت نعرف احنا عايزين اية. علشان ما نظلمش اللي بنحبهم من غير ما نحس.   

                            النهاية 

                            ‏

يارب تكون القصه عجبتكم. ومستني راي كل اللي شرفني بقراءة القصة و اللي بيقروا في السر. عرفوني رايكم.