هي الببجي عايزا مني اية
★الحلقة السابعة★
والاخيرة
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ويحاولو يفتحوا باب التاكسي علشان ينزلو لكن تدافع الناس واللي زاد بطريقة مخيفة خلاهم مش عارفين يفتحوا الباب وقرب الزون اكتر واكتر وبدأ يحرق مقدمة التاكسي وتسرب الخوف لياميش وشفيع وهما بيحاولو لسة يخرجوا لكن الموت كان قرب اوي وبقي اقرب من اي وقت فات وفجاة يختفي الزون تماما وترجع البلد كما كانت ويتوقف الناس عن الجري ويفضلو كلهم يبصوا للسماء اللي رجعت ليل تاني ونزل ياميش وشفيع من التاكسي وبص يا ميش لشفيع وقال
احنا لسة عايشين انا مش مصدق نفسي
شفيع
باين ان اللي اسمة،،،،،،،،
ويسكت شفيع فيكمل ياميش
اسمة سامي
شفيع
ايوة هو سامي دة نجح وعرف يخرجنا برة اللعبة
ياميش
الحمد لله. دة احنا كنا هانموت مشويين ،،،،،،،
وفي نفس الوقت ومن جوة معمل فريسكا ينادي فريسكا علي مراهم وهو غضبان جدا و يقول
مراهم
مراهم وهو مفزوع
اية اللي حصل
فريسكا
في حد قدر يسيطر علي الزون ومسح ملف الخوف من علي اللعبة
مراهم
ازاي دة حصل. وازاي حد يقدر علي ملف الخوف بتاعك.
فريسكا
ماعرفش. ماهو دة اللي مجنني الملف بتاعي ما حدش يقدر يحذفة الا بالبرنامج المضاد لي. والبرنامج دة معايا انا بس يبقي ازاي دة حصل
مراهم
انت مش قولت في حد كان بيحاول يهكر ملفات اللعبة
فريسكا
ما هو حاول وما عرفش دة بتهكيرة لملفات اللعبة فتح الزون علي كل العالم
مراهم
ممكن هو معه برنامج مضاد للملف بتاعك
فريسكا بجنون
كدة يبقي لازم ازوره واتعرف عليه بنفسي ولو حكمت اخد اجله في اخر الزيارة هو وكل اللي ساعدوا
مراهم
وانت بس هتعرف عنوانه ازاي
فريسكا
وهو ببهكر اللعبه امباراح قدرت اوصل لمكانه
مراهم
ماخلاص بقي يا فريسكا انسي. طالما الملف اتحرق
فريسكا بجنون اكتر
مش قبل ما اخد روح اللي عمل كدة. وهدخل له وهكون قدامه عن طريق النت باسرع مما يتخيل ،،،،،،،،،،
وفي نفس الوقت ومن جوة شقة شربات يقعد سامي وسط شربات ودوددا وياميش وشفيع ونسمة وهو كالملك المتوج ونسمة لتقول له
انا مش مصدقة بقي الاهبل دة قدر يخرجنا من اللعبة
سامي بغرور وهو بيحط رجل علي رجل
يا بنتي دي أقل حاجة عندي. دة انا سامي الهكر. يالا. حد منكم يروح يجيب لي شاي والتاني يعمل غدا وحد منكم يطقطق صوابع رجلي.
شربات بنعومة
احنا خدمينك يا قمر
ياميش
شربات مالك روقي كدة
شربات
اية مالك بلاش اشكره بعد كل اللي عملة معانا. دة لولا. هو كنا زمانا مشفطوين جوة اللعبة لغاية دلوقتي
ياميش
لا اشكري بس مش كدة. لاحظي ان في راجل واقف
دوددا وهي تحط صباعها في وسط ياميش فيركب الهواء وهي تقول
احبك وانت راجل
ياميش
دوددا بلاش الحركة دي بتخليني اتحول لراقص بالية
دوددا
عارف الحسنة الوحيدة اللي طالعنا بيها من اللعبة دي
ياميش
اية
دوددا
انك بقيت راجل
ياميش
اشكرك.
شربات
بس انا ماعرفش ازاي انت اتحولت بالسرعة دي لراجل كدة
ياميش
خوفي عليكم. خلاني اعمل حاجات عمري ما اتخيل اني اعملها. انا صحيح قبل المحنة دي لبست ثوب من ثوبي وكنت مايع شوية
دوددا
لا. مايع كتير
ياميش بزهق
خلاص بقي.
دوددا
طيب ما تزعلش
ياميش
لكن بجد انا خوفت تروحو مني واتغلبت علي خوفي وموت المايص اللي جوايا مع اني نفسي احقق حلم عمري
شربات
اية هو
ياميش
اعرف ارقص علي شيك شك شوك
شربات ودوددا وهما بيخنقوا ويقولو في نفس واحد
تاني
ياميش
لا. خلاص خلاص حرمت والنبي
وفجاة يكسر فريسكا باب شقة شربات وفي أيدة رشاش ويدخل وراء منه مراهم ويبصو لهم جمعيا وهم خائفين فيقول فريسكا بصوت مخيف
مين فيكم سامي
شربات
احنا مش خرجنا من اللعبة. مين دول
فريسكا
احنا برة اللعبة فعلا. واللي هيموت دلوقتي هيموت بجد السؤال هيتعاد تاني ولو ما حدش جاوب كلكم هتموتوا. مين سامي
فيشاورا كلهم وفي نفس الوقت ناحية سامي فيترعب سامي من الخوف ويقول
انت تبع استاذ زغلول
فريسكا
انا تبع نفسي. انا المخترع والعبقري فريسكا اللي خلي ببجي تبقي حقيقي وترعب الكل
فيضحك كل الحاضرين ويقول ياميش
فريسكا. اندهش
فيضحك كل الحاضربن بما فيهم مراهم فيبص له فريسكا غاضبا فيسكت مراهم ويبص فريسكا ل ياميش ويقول بضيق
واضح انك مش خايف
ياميش
في حد يخاف من بسكويت محشي شيكولاتة. ياراجل دة انا بخلصك علي قطمتين
فريسكا لمراهم
مراهم هات لي الواد دة متكتف
فيضحك ياميش اكتر واكتر ويقول
مراهم. اسمك مراهم
مراهم
اة.
ياميش
طيب تعالي ادهن لي ظهري
فيضحك كل الحاضرين بطريقة تضايق مراهم ويبص ل فريسكا فيلاقي بيضحك هو كمان فيقرب مراهم من ياميش ويقول له
هو انت ازاي مش خايف مني.
ياميش
واخاف منك لية
مراهم
علشان انا قرد وبتكلم زيكم
ياميش
يا راجل. دة انا كنت جوة لعبة يعني لما اشوف قرد بيتكلم هاستغرب. دة الشرير بتاع القصة اسمه فريسكا. انا مخي خلاص بقي مهلبية بالسلطة
ويستغل سامي كلام ياميش مع مراهم ويحاول الهروب ولكن مراهم يقفز ناحية سامي ويلقي القبض علية فيروح فريسكا ناحية سامي وهو يستعد لقتلة فيقف ياميش قدام منه ويقول
فريسكا
فيبص له فريسكا ويقول
نعم
ياميش
ما تقفش قصاد اللمبة كتير
فريسكا باستغراب
لية
ياميش
علشان ما تسحيش
ويضحك ياميش فيبص له فريسكا غاضبا ويقول
حسابي معاك بعدين بس اخلص علي الكلب اللي فيرس لعبة ببجي وبوظ لي كل حاجة ساعيت ليها
سامي خائفا ومراهم يمسكة
انا والله ماعملت حاجة
فريسكا وهو يقف قدامه وحاطط الرشاش في نص دماغه وبيقول
اومال مين اللي خرج الناس من اللعبة ودمر ملف الخوف بتاعي اللي انا زارعه في اللعبة
سامي
وربنا ما انا. دة. انا حاولت ازرع فيرس في اللعبة لكن الفيرس ما عملش حاجة.
فيبص له كل الحاضرين بغل شديد وتروح شربات ناحيتة وتقول لمراهم
عنك انت يا عم القرد
وتخبطة شربات بالروسية فيتالم سامي وهي تقول
وسايبني احترمك وانت تافة
فتقف دوددا قدامه وتضربة بالقلم وهي تقول
يا ابن الكلب يا هجاص وعايز حد يعمل لك شاي
ياميش وهو يتف في وشة
دي بقي من عم زغلول الراجل المرحوم.
فريسكا بصوت عالي
بس بقي. كفاية خليني افهم لما مش هو اللي ضرب ملفات اللعبة اومال مين اللي عمل كدة
سامي
ماعرفش
فيستعد فريسكا لضرب النار وهو يقول
هاتقول مين اللي عمل كدة ولا اقتلك
مراهم وهو بياخذ السلاح من أيد فريسكا
ما تقتلهوش مش هو اللي ضرب ملفات اللعبة
فريسكا باستغراب
اومال مين
مراهم
انا. اللي سرقت البرنامج المضاد لملف الخوف وضربت ملفات اللعبة
فريسكا بضيق
انت يا حتة قرد تخوني
مراهم
انا صحيح قرد لكن في قلبي رحمة عنك انت يا بني ادم. يا اللي ربنا كرمك بالعقل عشان تبني وتعمر في الدنيا مش تخرب وتقتل البني ادم اللي زيك
فريسكا
ومن امتي بقي الكلام دة. ما انت حاضر معايا مشروع الملف دة من زمان وانت اللي زرعتة بنفسك في اللعبة ومات بسببة كتير.
مراهم
تعبت من اللي بشوفة والناس اللي بتموت من غير ذنب في لعبة الغرض منها الدم والدمار وبس. انا زرعت الخوف في اللعبة بس لكن انت واللي شبهك زرعتة الخوف في قلب كل بني ادم الخوف علي نفسة من بكرة والخوف علي عيالة والخوف علي اهلة. من الموت بسبب رصاصة طايشة او قنبلة تقع علي بيتة ويلاقي نفسه بعديها في الشارع او صاروخ محرم دوليا يشوة عيل من عيالة
فريسكا
انت هاتعمل فيها واعظ. الناس بتحب كدة وعايزين كدة وعشان حبهم دة للدم والنار لعبة ببجي بقيت نمرة واحد في العالم مالك انت بقي
ويمد فريسكا ايدة لسحب السلاح من أيد مراهم وهو يقول
وهات السلاح دة.
ولكن مراهم يمسك السلاح بكل قوتة ويبدا بين الاخين شد وجذب وصراع علي مين يمسك السلاح الي ان تخرج رصاصة طائشة تاتي في قلب فريسكا فينزف ويسقط علي الارض وسط صرخات من كل الحاضرين وينظر مراهم لكل الحاضرين ويقول
كان لازم يموت عشان تعيشوا انتو. عيشوا حياتكم زي ما انتم عايشين بس بلاش تحبوا الدم والنار
ويحمل مراهم فريسكا وهو حزين علية ،،،،،،،،،،،
ومش عايز أقول لكم قد اية كلام القرد مراهم قصر في دوددا وعائلتها لدرجة انهم كلهم حملو اللعبة وبقوا يلعبوها وعدت الشهور واتجوزت دوددا من كريم وجاب لها شبكة. مسدس ذهب وبقيت دوددا تلعب مع عائلتها ويخشوا فريق سوي لدرجة انهم في مرة وهما بيلعبو وبيكلمو بعض في الهاند فري حصل الحوار دة دوددا بتقول
حد معه اسكوب
شربات وهي بتلعب
يا قلب امك نفسك في الاسكلوب. اعمل لك بكرة صنية وابعتها ليكي
ياميش وهو يلعب معهم
حد معه سلاح MP4
دوددا
سلاح اية يا روح امك. نزل امتي في الببجي دة
ياميش
شوفت مقطع لي ابن سوريا. ( ابن سوريا دة نجم من نجوم ببجي ولي مقاطع علي النت) كان بيقتل بي اي حد
دوددا
ابن سوريا بيلعب بسلاح MP4
ياميش
اة. هو قال كدة. بس انا عارف انك غيرانا مني عشان انا بقيت احرف منك.
دوددا باستهزاء
انت. دة انت ما بتضربش نار الا علي شربات وهي معاك في الفريق.
ثم تصرخ دوددا وتقول بضيق
يارب توب علية انا اية اللي خلاني العب معاكم هاتشيلوني
كريم جوز دوددا
دوددا في حد رمي علية قنبلة
دوددا
وعملت اية
كريم
جيت اوطي عشان امسكها واحطها علي جنب فرقعت فية
دوددا
هاتحطها علي جنب لية. هي لقمة عيش وخايف حد يدوس عليها
وتصرخ دوددا وتخلع الهاند فري من ودانها وهي تقول
كفاية بقي كرهتوني في الببجي ومش هالعبها تاني بسببكم
يالهووووووووووووووووووتي، ،،،،،،،،،،،،،
النهاية
يارب تكون عجبتكم واكون قدرت اني ارسم ولو ابتسامة علي وش كل اللي قراها. وياريت اعرف رايكم في القصة بصراحة
والله مبدع وهتفضل مبدع تسلم ايديك ودماغك بصراحة
ردحذف