دقات قلبي. من حروف اسمك
★الحلقة التاسعة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★ومن جوة شقه فرج واثناء ماكانت أسراء تقعد مع خالتها يرسل لها منير الفيديو علي الواتس بتاعها من رقم غريب فتفتح أسراء الفيديو وتبص في بشده وتنصدم من اللي بتشوفه وتقول.
والله وجيتي تحت درسي يا دعاء
صفاء باستغراب
في اية يا اسراء
اسراء وهي بتتفرج علي الفيديو
فينك يا يوسف تيجي تشوف حبيبه القلب اللي انت خايف تكون موتت نفسها
صفاء لتاني مرة
في أيه يا أسراء ردي عليه
فتدي اسراء الموبيل لصفاء وتشوف صفاء الفيديو. وتقول
وزعل لما قولت عليها أنها صايعه.
وتبص صفاء ل اسراء وتقول
مين اللي باعت لك الفيديو ده
أسراء
ماعرفش ده جاي لي من رقم غريب
صفاء
الفيديو ده هديه من السماء ده أخر مسمار هيندق في نعش اللي يتخفي اسمها دعاء
أسراء
يعني ايه مش فاهمه
صفاء
الفيديو ده لازم يوسف يشوفه علشان يعرف بنت الناس علي حقيقتها انا من الاول وانا شايفها مش مظبوطه
أسراء بتردد
انتي شايفه ان الصح اننا نبعت الفيديو ليوسف
صفاء
صح الصح احنا نستني لغايه السنترال اللي جنبينا ما يفتح ونشتري خط جديد ونبعت الفيديو واحنا بعيد وبعد الفيديو ده يوسف اكيد هيطلق دعاء ويبقي ليكي لوحدك
اسراء
لا. يا خالتي حرام نفضحها دي برضو ست زينا. انا اهددها بالفيديو واخليها تبعد عن يوسف وخلاص
صفاء
غلط لان يوسف لو ما شفش الفيديو بعينيه مستحيل يطلق دعاء
اسراء
يعني لازم يوسف يشوف الفيديو
صفاء
لازم، ،،،،،،،،،،،
والساعه 2 الظهر. وفي عز الشمس يخرج يوسف ووليد من احدي المستشفيات وكان باين عليهم التعب الشديد فيقول وليد وهو بيقعد علي سلم المستشفي في حتة ظل
انا خلاص تعبت نقعد نرتاح شويه ونقوم نكمل
يوسف
ارتاح ازاي وانا مش عارف دعاء فين انا هتجنن سابت البيت عندنا ومارجعتش عند أبوها تكون فين يا وليد
وليد
اكيد عند صاحبه من صاحبتها
يوسف
دعاء مالهاش الا اتنين من صاحبها وسالناهم وبردو ما فيش ليها أثر اكيد عملت في نفسيها حاجه
وليد
دعاء متعلمه ومش ضعيفه الايمان عشان تموت نفسها كافره
يوسف وهو يضرب دراجات السلم بيده بمنتهي العنف يقول
اومال هي فين ليه سابتني وراحت
وليد
زي ما انت سابتها ورحت لي أسراء
يوسف
انا اتجوزت اسراء علشان خالتي
وليد
بطل بقي النغمه دي علشان مش هاصدقك انت حبك الشديد لخالتك أتنقل لبنتها أسراء بس أسراء مش خالتك مني
يوسف
انت بتقول أيه
وليد
بقول اللي انت لازم تسمعه أسراء حاجه وخالتك مني حاجه تانيه أسراء عمرها ما تاخد مكان خالتك في قلبك
وعمرك ماهتحب اسراء زي ما بتحب دعاء فوق وارجع لنفسك وارجع لحبك. دعاء هي الحب مش أسراء
يوسف
انا مش عارف انا عايز أيه ولا انا عارف انا بعمل في نفسي ليه كده انا قلبي مقسوم نصين محتار بين حبي لدعاء وحبي لخالتي ووصيتها باني احمي بنتها من عاطف
وليد
بسبب الحيره دي ظلمت دعاء وظلمت أسراء وظلمت نفسك حرام عليك. عملت لك اية دعاء علشان تجرحها اوي كدة. ولا اية ذنب اسراء انك تجرحها تاني وتضحك عليها وتفهما انك بتحبها. لية كل ما دعاء تكون في ايدك تضيعها بغبائك وانانيتك انت مهزوز لية كدة. ومش عارف انت عايز اية
يوسف
انا عايز دعاء وعايز احمي اسراء وانفذ وصية خالتي
وليد
ما حدش في الدنيا بيوصل لكل حاجة بيعوزها لازم تختار وتعرف مين عندك اقوي من التاني ويستاهل انك تعيش علشانه. حبك لدعاء ولا وصية خالتك
يوسف بحزن شديد ومن غير اي تفكير
دعاء. بس اعرفها ازاي بعد ما سابتني
وليد
سايبتك زي ما انت سيبتها وهانت عليك يا يوسف الست وهي مجروحه بتعلن الحرب علي كل حاجه وبتبقي شرسه لدرجه تخوف وانت جرحت دعاء وعلي قد حبها ليك علي قد ما أتجرحت منك
يوسف
والله العظيم انا لاحببت ولا هحب زي دعاء
وليد
مش بالكلام بالفعل
يوسف
انت اللي بتقول كدة بعد كل اللي عملته علشانها
وليد
اية يعني روحت واشتغلت علشان تتجوزها ما اي حد خاطب بيعمل كدة. لكن في اول اختيار بجد بينها وبينك اخترت نفسك وهي ما كنتش في حساباتك
يوسف
وليد كفاية بقي انا ما بقتش قادر استحمل
وليد
مش كفاية. فوق بقي بنات الناس مش لعبة. بلاش تلعب دور المظلوم وانت اكبر ظالم في الحكاية دي كلها
بوسف بعصبية
انت تعبت وكل اللي بعمله وعملته مش بمزاجي. ولا عمري كنت ممكن اتخيل ان يجي يوم واتجوز علي دعاء. بس اعمل اية وانا كل ما بقعد لوحدي بشوف خالتي وهي بتموت علي رجلي وبسببي
ويبكي يوسف بحرقة ويكمل قائلا
الست اللي بجد لقيت معها الحنية اللي اتحرمت منها في امي. الست اللي في عز ما كله شايفني فاشل كانت ديما شايفاني احسن الناس وديما تقول بكرة تشوفو يوسف. كنت عايزاني اعمل اية وانا السبب في موتها لاني ما قدرتش افرحها واخليها تشوف اسراء متهنية معايا
ويبكي اكتر واكتر.
كلكم شايفين الحكاية من برة. ما حدش حاسس بالنار اللي في قلبي اني اتجوز علي دعاء. دعاء اللي قلبي عايش بس علشان بيحبها. اللي قلبي بيموت في كل لحظة هي فيها بعيد عني. دعاء الحب ومافيش حب في قلبي اكبر من حب دعاء. بس وصية خالتي بتحرق في كل جسمي مش قادر اتحرر من الوصية انا ما بقتش اعرف انام مرتاح الا وانا متجوز اسراء لاني حاسس ان خالتي رضيت عني. لا. دة مش خالتي.
ويبكي اكتر واكتر.
دي امي.
وليد وهو بيطبطب عليه وبيقول
طيب اهدئة ما تفرجش الناس علينا
يوسف
ناس مين انا مش فارق اي ناس مش فارق معايا غير اني الاقي دعاء
في الوقت دة يسمع يوسف صوت نغمه الرسائل الخاصه بالواتس فيخرج الموبيل بتاعه بسرعه علي امل انها رساله من دعاء فيلاقي مقطع فيديو من رقم غريب ولسة هيفتح الفيديو لقي اتمسح استغرب اوي وقال
حد بعت فيديو ومسحه
وليد باستغراب
مين دة
يوسف
رقم غريب
وليد
يبقي اتبعت لك بالغلط. اظن كدة احنا ارتحنا يلا نكمل
يوسف
هنروح فين تاني
وليد
هنسال في اخر تلت مستشفيات في المنطقة هنا. يمكن نوصل لاي جديد، ،،،،،،،،
ومن جوة شقة فرج كانت صفاء بتقول ل اسراء
ليه عملتي كده
اسراء
ماقدرتش افضح ست زيي دة كله اللي الفضايح. وبعدين حاسة كدة ان الفيديو في حاجة مش طبيعية دعاء بترقص وهي مش في حالتها و زي ماتكون سكرانه واللي بيصورها قاعد قدام منها ازاي يعني تبقي دعاء بتخون جوزها وتسيب واحد يصورها بالشكل دة.
وتفكر اسراء اكتر وبتركيز اكتر واكتر
وبعدين ليه الفيديو يتبعت علي موبيلي انا ليه اللي صور دعاء ما بعتش الفيديو علي موبيل يوسف
صفاء
انا مش فاهمة انتي عايزا اية. وكل اللي انا عارفه ان دي فرصه وجت لغايه عندنا علشان يوسف يطلق دعاء ويبقي جوزك لوحدك
اسراء
لا يا ماما أنا نفسي ان يوسف يكون ليا لوحدي اة لكن مش علي حساب فضيحه لدعاء علشان كده بعد ما بعت الفيديو مسحته
صفاء
يعني خايفه علي فضيحتها ومش خايفه علي يوسف انه يكمل حياته مع واحده خاينه
أسراء
يا ماما دعاء لو بتخون يوسف واللي معها صورها يبعت لي انا الفيديو ليه.
صفاء
ممكن مش عارف رقم يوسف وعارف انك بنت خالته ولما تشوفي الفيديو تروحي تقولي ليوسف
أسراء
يا ماما هو دة كلام لو عايز يوصل لرقم يوسف هيوصل سهل جدا. مش عارفة لية حاسة ان في حاجة غلط انا مش مرتاحه لها، ،،،،،،،،،
ومن جوة شقة عبد الله والد دعاء كان عبد الله في بالكونة شقته بيكلم يوسف وهي زي المجنون وقلقان علي بنته وبيقول له
انا ماليش دعوي انت تقب وتغطس وتجيب لي بنتي. دة انا اموت بعدها لو حصل لها حاجة
صوت يوسف
يا عمي والله انا قالب الدنيا وبعمل كل اللي اقدر علية
عبد الله
اية اللي حصل يا يوسف يخلي دعاء تسيب بيت ابوك وتمشي
يوسف بارتباك
ماعرفش يا عمي بس اكيد امي قالت لدعاء كلمه زعلتها
عبد الله
واية اللي يتقال يخلي دعاء ما ترجعش علي بيت ابوها
يوسف
يا عمي بالله عليك انا مش مستحمل وفيا اللي مكفيني سابني ادور علي دعاء وباذن الله هرجع لك بيها، ،،،،،،،،،
وبعد ما يعدي 6 ساعات كان منير قاعد مع عاطف في مخزن عاطف وعاطف عمال يبص في الموبيل مستني مكالمه من أسراء زي ما كان راسم الخطة مع منير لكن
ما فيش اي اتصالات فبدأ عاطف ينفخ وقال
وبعدين بقي هي ما تصلتش ليه
منير
الصبر الصبر اكيد هاتتصل
عاطف
مش قادر انا هاتصل بيها
منير
لا ماتبقاش غشيم سيبها هي اللي تدور عليك عشان تلحقها
عاطف
شكلها كده راحت لحد غيري يلحقها
منير
حد مين
عاطف
يوسف مثلا
منير
لا مش هاينفع تكلم يوسف في موضوع زي ده تخاف
عاطف
اومال ما تصلتش ليه
منير
هاتتصل بس انت اصبر
عاطف
مش هاصبر انا هاكلمها واللي يحصل يحصل وهاجيب هالها علي المكشوف يااما تتجوزني او افضحها
منير
هتكلمها ازاي بس وهي عامله لك بلوك
عاطف
من الرقم الجديد
ويحاول منير يمنعه. لان قافل علي دعاء في الشقة المفروشة علي اساس انها اسراء. ويتصل عاطف باسراء وترد قائلا
الو مين معايا
منير باستغراب ويقول لنفسه
هي ردد عليه ازاي ده انا حابسها في الشقه معقوله هربت
عاطف
انا عاطف.
اسراء بزهق
عاطف احنا مش خلصنا من الحكاية دي وقولت لك
ما تكلمنيش تاني
عاطف
انا بتصل علشان عايز اقول لك عجبك الفيديو بتاعك
أسراء باستغراب
فيديو أيه
عاطف
الفيديو بتاعك وانتي بترقصي يا مهلبيه
فتجاري أسراء لانها شكت في ولكنها تريد ان تتاكد فتقول
هو انت اللي صورتني وانا برقص
عاطف
لا ده واحد صاحبي عرف يجيبك لغايه عنده في بيته وصورك ومن الاخر تتجوزيني امسح الفيديو بتاعك واحوش عنك الفضيحه مش هاتتجوزيني يبقي ما فيش عيل معا موبيل فيكي يا مصر الا لما يكون الفيديو ده علي جهازه قولتي أيه
أسراء بمكر
قولت أني موافقه طبعا. أجي لك فين
عاطف
كمان ساعه عندي في شقه عمك القديمه هاتيجي تلاقيني مستنيكي ومعايا الماذون
وينهي المكالمة ومنير يقول له
انت متاكد ان اسراء هي اللي كلمتك
عاطف باستهزاء
اومال هيكون مين امها اللي ماتت. بس اية رايك مش كدة صح. اديتها علي دماغها
منير بتوتر
صح صح
ويقوم منير فيقول له عاطف
رايح فين
منير
مشوار مهم كنت ناسي وافتكرته
عاطف
مش هتيجي معايا. وتشهد علي عقد الجواز
منير
بعدين بعدين. ابقي خلص انت وانا هتعابك بالموبيل.
ويخرج منير من المخزن جري وعاطف بيبص له وهو مستغرب ومنير في التاكسي طلع موبيلة واتصل برمزي وقال له
تعالي علي الشقة بسرعه
رمزي بقلق
في اية
منير
البت اللي خطفنها مش اسراء.
رمزي
اومال مين، ،،،،،،،،،،،،،
ومن جوة الاوضة اللي كانت نايمة فيها دعاء ليلة ما اتخطفت تقف اسراء ومعها صفاء اللي كانت بتقول
هي كانت نايمة هنا ليلتها
وتبدأ اسراء تبص للاوضة بكل تركيز وتلاقي شنطة دعاء علي السرير ومافيش ملايا سرير فتقول اسراء
خالتي من امتي السراير عندك بتبقي من غير ملايا. دة انتي بتكرهي الحركة دي جدا واي واحدة بتلاقي سريرها من غير ملايا بتقولي عليها معفنه
صفاء
بس انا كنت فارشة علي السرير دة ملايا
أسراء
انتي متاكده ياخالتي أن كان في ملايه علي السرير
صفاء
الا متاكده هو أنا عبيطه ده انا فرشها بايديه قبل ما الدكتور يجي يكشف علي دعاء
أسراء
عارفه يا خالتي ده معني أيه
صفاء
أيه يا بنتي
أسراء
ان في حد دخل ولف دعاء في الملايه وخدها وخرج. مع كلام عاطف ليا يبقي انا اللي كنت مقصودة
صفاء
انتي بتقولي أيه اكيد لا طبعا هو في حد هايخش ويخرج واحنا مش هنحس بي
اسراء
خالتي احكي لي بالظبط اللي حصل ليلة ما دعاء كانت بايته عندكم
فبدات صفاء تحكي لغاية ماوصلت للخناقة اللي حصلت بين رمزي وسواق التوك توك. فراحت بسرعه ناحية باب الشقة وبصت للحلق ولقيت في كسر صغير فقالت لصفاء
الكسر دة حصل امتي
صفاء
اول مرة اشوف الكسر دة
اسراء
يبقي انا صح ودعاء اتخطفت
صفاء
أزاي بس حد يخش ويخرج من غير ما نحس. انتي هتجنيني
أسراء
طيب تفسري بأيه دعاء انتم سايبنها نايمه نيجي ندور عليها منلقهاش وسايبه حاجتها اللي جايه بيها. وملايه السرير تختفي هي كمان. يا خالتي دعاء لو خارجه من هنا علي رجليها كانت ابسط حاجه خدت شنطتها معها
صفاء
يعني أتخطفت من عندنا يادي المصيبه السوده. والله صعبت عليه.
أسراء
ما انا قولت لك ماكنتش هي المقصودة عاطف بعت اللي يخطفني ويصورني وانا برقص علشان يتجوزني وقال يعني بيتستر عليه. بس ورب الكعبة لجيب حق اللي اتظلمت واتصور لحمها غدر
صفاء
احنا لازم نتصل بالبوليس
اسراء
يبقي كتبنا علي دعاء الفضيحة.
صفاء
اومال ناوية تلحقيها ازاي
اسراء
هتصرف ولغاية ما اتصرف اوعي يوسف يعرف اي حاجة عن اللي حصل لمراته. وعاطف هو واللي معه هاعرف ازاي اربيهم، ،،،،،،،،،،،،
ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام
استنوني بكرة باذن الله والحلقة الاخيرة من. دقات قلبي من حروف اسمك
روعه
ردحذفروووعه بل مممتازة شكر لك
ردحذفبراڤو تحفة بالتوفيق
ردحذففوق الروعه بكتير، تحياتي
ردحذفروعة
ردحذفجميلة جدا جدا
ردحذفجميلة يا فنان
ردحذفروعاتك يا منص
ردحذفجميله جدا
ردحذفروعه
ردحذفجميلة جدا جدا جدا جدا
ردحذف