دقات قلبي. من حروف اسمك
★الحلقة الثامنة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
فيبص فرج ناحية باب الاوضة بغضب شديد وتبص دعاء ناحيه فرج وتقول وهي ترتجف من الصدمه
بوسف مين اللي اتجوز اسراء
فلايقدر فرج يرد ولا يقدر سيف يرد فتصرخ فيهم قائلا
حد يرد عليه
فرج بحزن
أه يا بنتي اتجوزوا
فتبص لهم دعاء والدموع اخفت لون عيونها ووقعت مغمي علبها،،،،،،،،
بعدها بشوية ومن جوة شقه فرج وبالتحديد في اوضة يوسف كانت دعاء نايمه علي السرير بعد ما كشف عليها الدكتور. وبمجرد ما مشي الدكتور. راح فرج لصفاء وقال بمنتهي العصبيه
مش حرام عليكي اللي عملتي في البنت ده أهو جالها أنهيار عصبي وكان ممكن تروح فيها هي واللي في بطنها
صفاء بلامبالاه
ما ان شاالله تموت انت مالك موجوع قلبك عليها أوي كده
فرج
أنتي ايه اللي حصل لك مال قلبك بقي قاسي كده وكانه حجر احنا واخدين بنات الناس نبهدلهم معانا
صفاء
فرج قصر في الكلام انا تعبانه ومش قادره اتكلم
فرج
مش قادره تتكلمي لكن قادره تدبحي البنت الغلبانه بسكينه بارده.
صفاء
هو انا عملت أيه عشان ده كله هو انا كنت أعرف انها هاتسمعني وانا بكلم يوسف
فرج باستنكار
عليه أنا برضو . يا صفاء ،انتي قاصده تكلمي وبصوت عالي عشان تسمعيها وتعرفيها ان يوسف اتجوز أسراء
صفاء
أه. أنا قاصده وكان نفسي من زمان افش غلي فيها واشوفها وهي بتنحرق بنفس النار اللي حرقت بيها اختي وبنت اختي. دة لولا دعاء دي ظهرت في حياه يوسف ماكنتش أختي ماتت
فرج باستنكار شديد لكلامها يقول
أستغفري ربك يا شيخه ده لكل اجلا كتاب
صفاء
أستغفر الله العظيم فرج ممكن بقي ماتتكلمش معايا في موضوع الزفته دي تاني عشان انا لما بسمع سيرتها بتعفرت
فرج وهو يهز دماغه غير راضي عن كلام مراته وببقول
ربنا يهديكي ويسامحك. انت وابنك اللي مش عارف هو عايز اية وبيحب دي شوية وبيجرح دي شوية. بعد ما افتكرت ان حاله انعدل وبقي راجل
وفي الوقت دة يخرج سيف من الحمام وهو بيقول
بابا. الماسورة العمومي في المنور بتجيب مية
فرج بعصبية
ودة وقته يا سيف. سيبني في اللي في. واتصل با اخوك عرفه باللي حصل لمراته
صفاء بجحود
ولية بس تنكد علي يوسف وه،،،،،،،
يبص لها فرج ويقول بمنتهي الحدة
لو سمعت حسك هانسي انك عيانه واسمعك كلام يسم بدنك ،،،،،،،،،،،
ومن الساحل الشمالي واثناء ماكان يوسف نايم جنب أسراء يرن بتاعه فيفتح يوسف عيونه بصعوبه ويبص في الموبيل فيلاقي سيف هو المتصل فيستغرب بسبب ميعاد المكالمة فتقول اسراء
تفتكر سيف بيتصل ليه دلوقتي
يوسف
اكيد في مصيبه ربنا يستر
فيرد يوسف علي سيف قائلا
ايوا يا سيف خير في اي
ثم يسكت يوسف قليلا ويقول بانفعال
أنت بتقول أيه وامي ليه عملت كده
ثم يسكت مره اخري ويقول بعصبيه شديده
طيب اقفل اقفل
ويقعد يوسف علي السرير ويمسك دماغه فتقول له أسراء
في ايه يا يوسف
يوسف
دعاء عرفت أننا اتجوزنا
أسراء بلامبالاه
ومالك زعلان ليه كده انها عرفت ماهو كان مسيرها هاتعرف
يوسف بانفعال
بس مش كده مش كده دي حامل وخبر زي ده أكيد هايقصر عليها وعلي اللي في بطنها
اسراء
ولا هيحصل لها اي حاجه وهتعيش حياتها. ل هي اول واحده جوزها يتجوز عليها ولا أخر واحده جوزها هايتجوز عليها
يوسف
طيب يالا قومي البسي علشان هاننزل مصر حالا
أسراء بضيق
انت بتقول ايه
يوسف
بقول اللي سمعتي دعاء تعبانه وجابو لها الدكتور ولا زم أكون جنبها
أسراء
جنب مين. يوسف احنا مش هانروح في حته الا لما يكمل شهر العسل بتاعنا مش هاسيبك تسيبني تاني وتروح لها
يوسف بنرفزه
اسراء اوعي تفتكري في يوم اني هاخد أوامر منك انا قولت هاننزل القاهره يعني هاننزل وده اخر كلام عندي
ويقوم من علي السرير ويروح ناحية الدولاب علشان يغير هدومة فتروح اسراء وراء منه بسرعه وتقف قدام منه وتقول
مش هنروح في حته. انا مراتك ولي حق عليك
يوسف
وهي كمان مراتي وليها حق عليه
ويبعدها عن طريقه ولكنها تقف قدام منه مرة تانية وتقول بنرفزه
وانا قولت مش هاتروح في حته
يوسف بعصبيه شديده
أسراء انتي بتعلي صوتك عليه طيب غوري بقي من وشي
ويزقها بقوه اكثر ويفتح الدولاب ويخرج ملابسه فتنزل أسراء عند رجله وتمسكها وتقول وهي بتعيط
يوسف أنا بحبك اوي بحبك أكتر من روحي علشان خاطري خليك معايا وطلق دعاء وانا هاوعدك أني هوعضك عنها وهنسيهالك
فيبص لها يوسف ويقول
احنا متفقناش علي اني اتجوزك وطلق دعاء انتي مراتي وبحبك وهي كمان مراتي وبحبها
أسراء
بس انا عايزاك ليا لوحدي ومش عايزا واحده تانيه تشاركني فيك
يوسف وهو بيغير هدومة
مش من حقك تحرميني من دعاء انا بحب دعاء وماتنسيش انها حامل مني يعني هتبقي ام عيالي
أسراء
وانا مش هطيق ولا هستحمل ان ايدك تلمس واحده غيري وقلبك وعينيك يكونو ملك لحد غيري
يوسف
أسراء متصعباش عليه ولو بتحبيني قومي البسي علشان انزل شوف حصل لدعاء أيه
أسراء
هو ده اللي هيرضيك يالا ننزل القاهره يا يوسف وهناك هيبقي في كلام تاني، ،،،،،
ومن قدام شقة فرج يقف منير ورمزي وكان رمزي بيقول لمنير
حوار ماسورة المية ما جبش نتيجة. هنعمل اية دلوقتي
فبفكر منير للحظات ثم يقول
بقول لك اية ما نفسكش تعمل مشكلة
فيستغرب رمزي، ،،،،،،،،
وبعدها بربع ساعه بالظبط كان رمزي ماسك في خناق سواق توك توك وبيضربه بمنتهي القوة وخلي كل الشارع يتلم علي الخناقة وحتي البالكونات اتملت بسكان الشارع الكل بيتفرج علي الخناقة واستغل منير الخناقة وبص لبالكونة شقة فرج علشان يشوف كام واحد واقف في البالكونة ولقي فرج وصفاء وسامي فقال لنفسه
يبقي اسراء جوة لوحديها
فراح ناحية رمزي وقال وسط الخناقة
اديني دقيقة تاني بالظبط
فبدأ رمزي يضرب بكل قوة بعد ما كانت الخناقة قربت تتلم ودخل منير البيت وطلع لشقة فرج بسرعه وطلع مفك صغير وحطة بين الحلق والباب وضرب الباب ضربة بمنتهي القوة واتفتح الباب ودخل منير بحذر شديد وبدأ يفتح اوضة اوضة لغاية ماشاف دعاء نايمة بسبب العلاج شالها بسرعه وقبل ما يخرج من الاوضة اتاكد ان الكل مشغول في الخناقة فخرج بيها بسرعه من الشقة،،،،،،،،،
وبعدها بشوية ومن جوة شقة مفروشة يقعد منير وقدام منه دعاء فيرن جرس الباب فيقوم يفتح علشان يلاقي قدام منه رمزي وكان اثار الخناقة باينة عليه وبيجيب دم من مناطق عديدة في وشة وبيقول
ينفع اللي حصل فيا دة
منير وهو بيضحك
بس سيبك طلعت لسة عصب
رمزي وهو بيدخل الشقة وبيرمي جسمة علي اقرب كرسي وبيبص لدعاء وبيقول
هي دي بقي اسراء اللي عاطف مصدعنه بيها
منير
هي. بس بصراحة البت تستاهل
رمزي وهو بيبص لدعاء تاني
هي تستاهل. بصراحة عرفت عاطف انها معانا
منير
هاعرفة بس بعد ما نصور الفيديو اللي هو عايزه. وبعد الفيديو دة نصور واحد لينا احنا بقي.
رمزي باستغراب
مش فاهم
منير
هو انت فاكر اني بساعد عاطف كدة لله. تبقي غشيم انا هعمل له اللي هو عايزه لكن برضو ما ينفعش نطلع من المولد دة من غير حمص.
رمزي
ما تنهي وتقول تقصد اية
منير
عاطف هياخد فيديو يتجوز بي اسراء واحنا هناخد فيديو ناخد بي فلوس من اسراء. فهمت
رمزي
بس اوعي تنسي انها بنت بنوت يعني لو حصل وعملت العملة الكبيرة فيها اعدام
منير
هو انا غبي علشان اعمل كدة انا بس هالعب معها واصور
رمزي
العب يا ابن اللعيبة، ،،،،،،،،،،،،،
ومع شروق الشمس ومن جوة شقة فرج يقف يوسف قدام عيلته ويبص لابوة ويقول
دعاء راحت فين ياحج
فرج
يا أبني احنا سيبنها في اوضك نايمه
يوسف
يبقي صحيت ومشيت ماهي لازم تمشي بعد اللي قالته امي
صفاء
ما الشنطه اللي جت بيها وموبيلها جوه زي ما هما
يوسف
ما هو ده اللي مجنني لو روحت عند أبوها كانت خدت حاجتها معاها انما تسيب الحاجه هنا وتمشي غريبه دي
فرج
أتصل علي أبوها أسئله
يوسف
أتصل دلوقتي خايف ماتكنش هناك واقلقه
صفاء
ماهي لو خرجت في ساعه زي دي ومارحتش علي أبوها يبقي هاتصيع فين
يوسف بغضب
حجه انا مش متجوز واحده صايعه دعاء بنت ناس وكفايه اللي انتي عملتي معاها مش بعيد تكون عملت في نفسيها حاجه بعد ما عرفت اني متجوز عليها وساعتها انا مش عارف انا ممكن أعمل أيه
أسراء بقرف
ماتخفش عليها هتلاقيها لسه عايشه اللي زي دي ،،،،،،
فيقاطعها يوسف بغضب شديد
بس بقي اللي هايجيب سيره دعاء تاني علي لسانه هيكون ليا مع تصرف هايزعله
ويروح ناحيه باب الشقه فيقول له فرج
رايح فين
يوسف
رايح ادور علي حب مش عايز اخسره تاني.
ويخرج من الشقه ويقفل الباب وراء منه بمنتهي الغضب فتبص أسراء ل صفاء وتقول
شايفه يا ماما بعد كل اللي عملته معه ولسه بيحبها
صفاء
يارب تكون موتت نفسيها خلينا نرتاح منها
فيبص لهم فرج وهو مضايق جدا، ،،،،،،،،،،،
ومن جوة الشقة المفروشة يقف منير قدام دعاء بعد ما حط لها برشامه تخليها مش في وعيها جوة العصير وبدات دعاء تضحك بشكل هستيري وتبص لمنير اللي كان بيقول لها
بسرعه كده أتسطلتي يا أسراء بس عاطف ده معه حق يموت عليكي أنتي قمر يا بنت الايه
دعاء وهي مسطوله قالت
عايزا ارقص ما فيش حاجه نرقص عليها
منير وهو بيحط أيده حولين وسطها وبيقول
بس كده هاخليكي ترقصي
وبدا تصوير الفيديو. لكن فيديو وهو مع دعاء وفي حضنها، ،،،،،،،،،،
وبعد ما خلص منير اتصل بعاطف وقال له
خلاص يا معلم سجلت لك الفيديو اللي هانفضحها بي
عاطف
الله عليك بس اوعي تكون مديت أيدك عليها او لمستها دي مهما كان هاتبقي مراتي. وبرضو دي بنت عمي
منير
عيب عليك انا برضو اخونك يا صاحبي انا صورتها وهي بترقص بس بقميص النوم
عاطف
ايوا كده. و بعد ما صورتها عملت اية
منير
زي ما أتفقنا رجعتها عند بيت خالتها
عاطف
تمام اوي فاضل كده تبعت الفيديو علي واتس اسراء من رقم غريب
منير
وبعد كدة. هتلاقي أسراء بتبوس رجلك عشان تستر عرضها ولا يوسف بقي ولا ابو يوسف هيمنعوها من انها تتجوزك ويا كدة او انك تفضحتها بالفيديو اللي معاك
عاطف
اصلي يا ابن الايه ودماغك مكلفه
منير
اومال أيه يا أبني احنا بنلعب عايزك تتفرج علي الفيديو وتقول لي أيه رايك
عاطف
لا اتفرج ايه انا هاتفرج مع أسراء واحنا في شهر العسل
ويضحكا الاثنين ضحكه خبيثه ويقفل منير وهو بيقول لنفسه
مع السلامه يا حمار. ،،،،،،،،
ومن جوة شقه فرج واثناء ماكانت أسراء تقعد مع خالتها يرسل لها منير الفيديو علي الواتس بتاعها من رقم غريب فتفتح أسراء الفيديو وتبص في بشده وتنصدم من اللي بتشوفه وتقول.
والله وجيتي تحت درسي يا دعاء ،،،،،،،،،،
ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام
مسكينه دعاء
ردحذفلا حول ولا قوة الا بالله العلي العظيم
ردحذفتسلم ايدك
ردحذفتم
ردحذفلا حول ولا قوة إلا بالله
حذف