أمين حوتب
★الحلقة السادسة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وروحت البيت بتاعي وقعد لغاية الساعه 2. ص. اتصل ببركة وببركات ورميت الموبيل جنب مني وقولت بعصبية
وبعدين بقي في ولاد الكلب دول اللي تيلفوناتهم مقفوله ده انا عاوزهم ضروري
قامت ام بسيسه وقعدت جنب منه وفضلت تدعك في ظهري وبتقول
مضايقكش نفسك يا خويا وتعالي خش ريح شويه في اوضي.
بصيت لها وقولت
انتي بتتدعكي ايه خلاص مابقاش ينفع
ام بسيسه
وهو ايه اللي يخلي ما ينفعش
امين باحراج
اصلي عندي برد و هاعطس في اي وقت اخاف عليكي تعطسي زي
ام بسيسه
ولا يهمك انا عايزا اعطس يالا اقوم
وقامت ام بسيسة وساحبتني من ايدي لكن هوب ام بسبوسة ظهرت ووقفت قدام منها وضربتها علي ايدها ضربه تلسع وقالت
رايحه فين انتي ده يومي انا
ومسكت ايدي التانية علشان تقومني فقولت لهم
ريحي نفسك منك ليها انا هنام النهارده في الصاله
ام بسبوسه بقلبه وش
نعم. واشمعني في الليله بتاعتي عايز تنام في الصاله
امين
مالك يا وليه اتحولتي ليه كده وبقيتي شبه الزومبي
ام بسبوسه
عشان كلامك المستفز قوم يالا خش اوض النوم عايزا اجيب اخ لبسوسه
امين
اخ مين يا ام اخ
ام بسبوسه
اه عايزا اجيب اخ اشمعني ام بركه حامل
بصيت لام بركة وقولت
الله يخرب بيتك جيبت لنا الكفيه بحمل لك ده. اللي والله هيطلع في الاخر حمل كذاب ابن كذابة
وبصيت ل ام بسبوسه وقولت
يا ست الكل انا تعبان وبعطس يوم تاني اكون كويس
ام بسبوسه
لا. الليله يا امين
امين
هي حبكت
ام بسبوسه
بقول لك ايه انما لما اقول يالا. تيالا
وشالتني علي كتفها ورزعت الباب الاوضة برجليها فتحته ودخلت بيا الاوضة وانا بصرخ وبقول
يا ولية بلاش فضايح. انا عندي ظروف دلوقتي. اةةةةةةة
وباين ان ام بسبوسه اقتنعت علشان كدة قفلت الباب وراء منها وبصت لي بصة المتحرشون فقولت
يا منجي من الفضايح يارب
وراحت ناحيتي وهي بتقول بصوت عادل ادهم
تعالي يا قشطه
امين
قشطه ايه يا وليه لمي نفسك
وشالتني ورمتني علي السرير وطفت النور وانا قولت
في ايه يا وليه مالك هاتغتصبيني ولا ايه
وهوب حصلت الفضيحة وصرخة ام بسبوسة صرخة
ما صرخاتش اي ست قبل كدة وولعت النور وبصت في خلقتي وهي بتتعرش من المفاجاة وانا بقول لها
هفهمك
لكنها صرخت في وشي اوي طيرت شعري من راسي وخرجت من الاوضة جري، ،،،،،،،،،،
واحنا دلوقتي في اكتوبر جوة شقة في عمارة فاضية بتاعت بركات اللي المفروض هيتجوز فيها وكان قاعد مع بركات اخوه بركه اللي كان رابط مناخيره برباط ضغط بسبب اللي حصل ساعه ما كان مع نهله وماسك بركه الريموت وهما يقلب من قناة لقناة فبص له بركات وقال
اثبت على قناة روشت امي
بركه
فين الوليه اللي انت قولت عليها
بركات
جايه في الطريق
بركه
جايه امتي بس الساعه داخله علي 3 الفجر
بركات
اعمل ايه بس ما انا اتصلت بقورني قدامك وقال بعتها من ساعه
بركه
ممكن تكون تاهت
بركات
لا. لا. زمانها جايه
وفي هذه اللحظه يذاع في التيلفزيون خبر عن اختفاء وقتل نساء على يد سفاح فيقول بركات
ناس بتموت أيه بس أقفل يا بركه مش ناقصه نكد
بركه
تفتكر مين اللى بيقتل الناس دى يكون سفاح جديد ولا ريا وسكينه خرجوا من السجن
بركات
ريا وسكينه أيه ياحمار ريا وسكينه أتحكم عليهم بالاعدام
بركه
وأيه يعنى خلصو حكم الاعدام وخرجو يقتلوا الناس تانى
بركات
انت مستكفي من الغباء
ويرن جرس الباب فيقول بركه بلهفة شديدة
البت جت
ويرجوا الاثنين ويفتحوا الباب علشان يلاقوا واحدة حامل في شهرها الاخير وعلي وش ولادة واسمها رباب فيقول لها بركات
نعم عايزه ايه
رباب بصعوبه
أنا رباب اللى باعتنى قورني مين فيكم بركات
فيبص بركات على بطنها ويقول
أنتى مش عايزه بركات انتى عايزه دايه
بركه
هو قورني بيهزر ولا أيه هانعمل أيه مع دي. يعني ايه باظت الليله واحده معفنه والتانيه حامل
بركات يقول لرباب
روحى يارباب مش عايزين النهارده
رباب بصعوبه
يعنى أيه أنا مش هاخش طيب قورني بعتنى ليه هنا
بركات
أنتى أصلا مالكيش خروج اليومين دول العيل اللى فى بطنك ده ممكن يقع فى اى وقت ده ممكن يقع وانتى
شغاله
ويقفل الباب فى وشها فتصرخ رباب فيقول بركه ل بركات
أنت قفلت على صبعها ولا أيه
بركات
لا ..
بركه
قمال بتسرخ ليه بنت المفضوحه دي. أفتح ياعم هتفضحنا بصوتها ده
فيفتح بركات الباب بسرعه وتبص له رباب وتقول بصعوبه
الحقنى الطلق جالى
بركه يقول وهو بيستخبى وراء بركات
طلق أيه هو فى حد بيضرب عليكى نار
بركات
ياخى بتتكلم على طلق الولاده
ويبعد بركه عنه فتتوجع رباب وتقول
ألحقونى أنا بولد وبسرعه علشان القرن طش
بركه
قرن ايه انت حامل فى جدي
رباب
الحقونى أبوس أيدكم مش قادره اقف
ويسندها الاثنين. ويدخلوها لغاية السرير ويحطوها علي السرير ويقفلو الباب وراء منهم وبمجرد ما يحطوها علي السرير تبدأ المية تنزل منها فتصرخ وهي بتقول
ألحقونى هاموت
بركه
الحق ياه دى بتجيب ميه
بركات
وده معنى أيه
بركه
اكيد ماسوره الصرف اتكسرت
بركات
ماسورة صرف اية. هي حمام. انا هاروح اجيب دكتور بسرعه
رباب
مش هاتلحق الواد خلاص بينزل أنا حاسه بى. دي الولادة العاشرة ليا. أنا بس محتاجه حد يسحبه
بركه
انا معايا رقم ونش.
بركات
يا متخلف هي عطلانه علي الدائري
بركه
ممكن عطلانه علي المحور اشمعني قولت الدائري
بركات
علشان رقم الونش انا عارف انت جايبة منين
صرخت فيهم رباب وقالت
بس. أنا هاقول لكم تعملو اية
وبصت ل بركات وقالت
انت باين عليكي ناصح شوية عن التاني. تعالي انت اسحب
وبصت رباب ل بركه وقالت
وانت روح هات مية سخنه
بركه
حاضر يا مدام
وخرج من الاوضة ورباب قالت ل بركات
ودلوقتي هات ملايه وحطها فوقيه
عمل بركات اللي هي قالت عليه وقال
وبعدين
رباب
حط ايدك من تحت الملايا واسحب العيل
بركات
لازم اسحبة بايدية. ما ينفعش ملقاط
رباب
مش وقته. المية بتنزل من حوالين ابني وكدة ممكن يموت
بركات
يا دي الليلة. اللي ملهاش ملامح
ويبص بركات للملاية بتردد شديد وهو مابين خايف وقلقان لكن رباب قالت
ابني هيموت ابوس ايدك
وعلشان خاطر الواد رفع بركات الملايا وحط ايده وبدأ يمدها لغاية ما مسك شعر فقال
وصلت للشعر الراس
وهنا صرخت رباب وقالت
انت ماسك شعر راسي انا
بص بركات لقي نفسه بيشد شعر رباب فساب شعرها وقال
معلش
وركز بركات المرة دي ومسك راس الواد وقال
ده فعلا راس الواد فى أيدى اهه اعمل أيه تانى
رباب
أسحب وانا هساعدك
فتحزق رباب بشده فيدخل بركه للاوض ومعه كوبيه شاى وبص ناحية بركات وقال
بتعمل ايه يا بكاتونى
فتبص رباب ل كوبيه الشاى الموجوده فى أيده وقالت
فين الميه السخنه الواد هاينزل
بركه
مالشاى ده معمول بميه سخنه. اصلى ماينفعش اول مره تيجى عندنا اخش عليكى بميه سخنه بس تقولى علينا ايه
بركات بعصبية وهو بيحاول يسحب الواد
كان بيت امك اللى انت بتضايف فى الناس ده روح هات ميه سخنه يابركه فى حاجه كبيره شويه
ويخرج بركه من الاوضة فيبص بركات ل رباب ويقول
الواد ده راس بس ولا ايه. ما فيش اعضاء تاني بتنزل. اوعي يكون الحمل دة كذاب
فتصرخ رباب وتقول
كذاب اية بس. وراس العيل في ايدك
بركات
حد قال لك أحملى ماكنتى ركبتى الهوهب اللى بيقولو عليه ده
في الوقت دة يدخل بركه وهو شايل السخان وييقول
ميه سخنه كتير اهه
ورجع بص بركه ل بركات وقال
اموت واعرف انت بدور على ايه تحت الملايه
بركات بعصبية
أسكت انت دلوقتى مش نقصاك كفايه اللى انا فى لم نفسك لغايه الواد ماينزل
بركه
ولو جت بت أيه المشكله انت تعرف ان العيل لو طلع واد او بت فده بيرجع للجد مش للراجل ولا للست
بركات
أسكتي يا خالتي
وينزل العيل ويخرج بركات أيده من تحت الملايه وفيها العيل ومربوط في الحبل السوري فيقول بركات
عيل زى القمر جاى ومعه لفه منبار
بركه
نحشي رز بقي
فتبص لهم رباب وهي خايفة من غبائهم وتقول
هات الواد دة لبعدين يلقط منكم.
وخدتها ابنها في حضنها وكانت عماله تبص لهم وهي خايفة منهم، ،،،،،،،،،،،،،،،،
ونرجع لشقة امين وامين كان قاعد وسط نسوانه الاربعه وحكي لهم كل الحكاية اللي تخص لعنه المقبرة وبعد ما خلص قال
هي دي كل الحكاية من اول مانزلت المقبره لغايه النهارده ومستني بركه وبركات عشان هما اللي في ايديهم فك اللعنه دي من عليه
ام بركه
يا عيني يا خويا كل ده حصل لك
امين
الحمد لله علي كل حال
حضنوني بناتي الاثنين وقالت بسبوسه
ما تستنهاش بركه وبركات انا هاروح اجيب لك الزيبق ده ولو كان في بوق الاسد
طبطبت علي ايد بناته الاثنين وقولت
حبيبتي يا بسبوسه انتي وبسيسه
ويتفتح باب الشقة ويدخل بركة وبركات واول ما شوفتهم قولت
كنتو فين يا ولاد الكلب
بركه
كنا في فرح واحد صاحبنا
امين
وفي فرح في الدنيا يخلص 5 الصبح
بركات
اصل الناس راحت وجت والدي جي اشتغل وخلص واللي روح روح واللي رجع رجع واهو الفرح خلص. يالا تصبح علي خير
وسابني ابن المتخلفة وراح ناحية اوضه ووراء منه اخوة هنا بقي كان لازم اخد موقف فقولت
اقفوا يا ولاد الكلب انا بكلمكم لسة
لكنهم دخلو اوضهم وسابوني فقولت وانا هاين عليه اعيط
يارب اهون عليك تحوجني لدول ،،،،،،
ومع اذان العصر كنت قاعد مع بركه وبركات وحكيت لهم كل الحكاية فقال بركه
احنا مش هانعرف نجيب لك الزيبق ده
امين
يعني ايه.
بركات
يعني شغل جن وعفاريت ومومياء احنا اتفهه من كده ومانقدرش ده انا لو شوفت عفريت ممكن يغمي عليه
امين
يعني هاتتخلو عني في الوقت اللي انا عايزكم تكونو جنبي
بركه
ما حدش قال لك تفتح مقبره وتسرق دهب
امين
انا عملت كده عشانكم
بركات
بقول لك ايه العمر مش بهزقه وانا مش مستغني عن حياتي
بركه
وانا كمان رايي من راي بركات
امين
يعني ده اخر كلام عندكم
بركات
اه.
بركه
ايوه اخر كلام
وقفت وانا متحسر وقولت
ماكنش العشم
ومشيت ناحبة باب الاوضة فجريوا الاثنين وراء مني وقال بركه
انت صدقت ولا ايه
بركات وهو يبوس ايدي قال
ده احنا نموت وانت تعيش يا حج
امين ضاحكا
يعني هاتروحه معايا المشوار ده
بركه وبركات في حس واحد
لا طبعا
واترموا في حضني وهما بيضحكوا وانا بقول لهم
اه. يا ولاد الكلب
بركه
هو انت ياحج علي كده بطلت تطرطر
بركات
هايتطرطر ازاي بس ده خلاص بقي ماما
ضربتهم وانا علي اخري وبقول
انا ماعرفتش اربي يا تربيه وسخه منك له
قالو الاثنين وهما في حضنيد
صحيح مافيش احسن من حضن بابا ماما ،،،،،،،،،،
وجه الليل وروحنا القصر اللي في مومياء رع مون وبدات اعرف بركة وبركات علي همام اللي في صورة العيل الصغير فقولت
احب اعرفكم بهمام بيه بس بعد اللعنه
ضحكوا جوز المتخلفين فقال همام بعصبية
جري اية يا امين ما تلم عيال
امين باحراج
معلش يا همام بية
وبصت ليهم فبطلو ضحك لكن بركات قال وهو بيشيل همام من علي الارض
يا ختي بطة. انتي كلبة تعرفي تقولي بابا
همام بعصبية
امين لتاني مرة بقول لك لم عيالك
ضربت بركات في رجله وقولت
بس يا تربية وسخة
بركات
حاضر بابا
ومسكت البرواز اللي في صالح وقولت
وده بقي صالح بردو بعد اللعنة
فيمسك بركه البرواز وهو في شده الاستغراب ويقول
اية اللعنه المتخلفة دي. انتو فتحتو مقبرة عند اليس في بلاد العجايب
بركات وهو بببص ل صالح
ولا يا بركة انت بتتكلم فيديو.
بركة
لية بتقول كدة
بركات
اصلي شايف واحد بيتحرك جوة اهو
سفير وهو بيميل علي امين
عيالك طالعين سكر زيك
امين
اتلم
سفير
يا عم رووووح. شوف اللي وقع منك
بصيت ل سفير بغل وقولت
وحياة امك ل ارجع زي الاول واربيك يا سفير الزفت
وخرجت السلسه اللي فيها صورة ام لهب واديتها ل بركة وقولت
خد خلي السلسه دي معاكو هاتنفعكوا وام لهب هتساعدكم في اي حاجه هاتحتاجوها
فيبص بركه ل ام لهب الذي كانت بتلقي بذنجان ويقول
دي اسمها ام لهب
تقول ام لهب
تش. ايوه يا ابن الغالي
بركات
هي ليه كل حاجه بتتكلم هو احنا في فيلم كرتون
امين
هو فيلم كرتون. وخشوا بقي القصر وماتطلعوش من غير الزيبق
فيدخلو القصر وتظهر عيون هلاك في السماء وهو بببص للقصر وبيضحك ضحكة خبيثة ،،،،،،،،،
ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام
جميله اوي اوي اوي اوي
ردحذف