الوش الثاني
★الحلقة السادسة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ويجري زين ناحية المطبخ بمنتهي السرعة وعلاء وراء منه بيحاول ان يلحقة ويفتح زين احدي ادراج المطبخ ويخرج ساطور ويمسك الساطور بايدة الشمال ويحط ايدة اليمين قدام منه ونزل بالساطور علي ايدة اليمين وبمنتهي السرعة وهنا يسحب علاء ايد زين. لكن الساطور ينزل علي صباعين الوسطي والسبابة ويقطع عقلة من كل صباع فيمسك علاء احدي فوط المطبخ ويكتم بيها الدم اللي بينزل من زين ويقول علاء لزين
انت اتجننت رسمي
زين وهو يبعد علاء عنه يقول
ماهو انا فعلا مجنون اية الجديد في اللي انت قولته
علاء وهو بياخد الساطور من ايد زين. ويفضل ضاغط علي الصباعين المقطعوين علشان يوقف الدم وكان بيقول
لازم بسرعه نروح لاقرب مستشفي
زين وهو بيتالم
سابني انزف وجسمي كله يتصفي من الدم. يمكن اموت وارتاح. قبل ما اكون السبب في موت مراتي وابني
علاء
ما ينفعش تكون يأس كدة. يالا بينا نروح لاقرب مستشفي
وبسرعه، ،،،،،،،،،
وبعدها بشوية ومن جوة مستشفي يتم خياطة الجرح لزين اللي كان باين علية الاستسلام بشكل غير طبيعي وعلاء بيبص له وبيقول
زين لازم تكون اقوي من المرض اللي عندك لازم تقدر تعدي
الايام الصعبة اللي انت فيها
فيبص زين لعلاء ويقول
انت بتقول كدة علشان برة الحكاية لكن تقتكر لو انت المريض بالمرض دة كنت قولت كدة
فيسكت علاء للحظات ثم يقول
مش هاقدر اقول لك اني هاكون سوبر مان وبطل من حديد بس. انت في ابتلاء ولازم ترضي وتحارب علشان تعدي وتفوت وترجع زين اللي انا اعرفه اشطر مفتش مباحث اشتغلت معه
زين
مابقاش باين لها رجوع انا خلاص وصلت لنقطة النهاية وطلعت خسران
علاء
طيب قوم معايا اروحك
زين
عايز اروح لحنان اطمئن عليها
علاء
الوقت اتاخر دلوقتي دة خلاص الفجر قرب ياذن. خليها بكرة الصبح
زين
علي رايك زمانها نايمة بلاش اصحيها دلوقتي، ،،،،،،
وفي نفس الوقت ومن جوة شقة نعيم جوز القتيلة ولاء تقعد بنته واسمها خلود علي الموبيل بتاع امها ولاء فيقف قدامها نعيم ويقول لها
مش كفاية بقي موبيل وتقومي تنامي
خلود وهي بتعيط
ماما واحشتني اوي وكنت بتفرج علي اخر فيديو ليها
فيمسك منها نعيم الموبيل وهو بياخدها في حضنها وبيطبطب عليها
ماما واحشتنا كلنا ادعي لها ربنا يرحمها. ودلوقتي بقي نقوم ننام علشان ماينفعش نسهر اكتر من كدة
ويشيلها نعيم ويدخل بيها اوضتها ويحطها في سريرها وتنام خلود ويخرج من الاوضة ويمسك الموبيل علشان يقفلة وهنا يقع عينه علي الفيديو اللي كانت مشغله خلود وهو فيديو لولاء وهي بتركب القطر وبتقول لخلود
خلود ممكن تفقلي الكاميرا دي. ماما مش طايقة نفسها
خلود
ماما انتي عارفة اني بحب اصورك
ولاء
مش دلوقتي يا حبيبي. وهاتي الموبيل دة
وهنا يظهر في الكاميرا وهو يركب القطر زاهر الفيشاوي
فيصدم نعيم ويقول
عمي زاهر. ركب معانا القطر. طيب لية
ويقلب في كل الفيديوهات يمكن يلاقي اي فيديو يخص اليوم ده لكنة ملاقاش اي جديد. فدخل اوضتة ولبس هدومه وخرج من شقته بسرعه ،،،،،،،،،،،
ومع شروق الشمس ومن جوة دوار زاهر الفيشاوي يقف نعيم قدام زاهر وكان بيقول
وبعد ما شوفت الفيديو. ممكن اعرف لما انت ركبت القطر معانا ما عرفتنيش لية
زاهر بعصبية
انت بتقول اية. انا ليلتها كنت مشغول بالتجهيز لعزاء بنتي يبقي ازاي كنت معاكم في القطر
نعيم بحدة
اومال مين اللي كان في الفيديو دة خيالك
زاهر بعصبية
ماتتكلم عدل معايا يا نعيم ولا انت خلاص اتجننت
نعيم
ماهو انا لازم اتجنن. لما اشوفك في فيديو بتركب القطر معانا يبقي لازم اتجنن واشك فيك كمان انك ممكن تكون انت اللي رميت ولاء من القطر
زاهر وهو بيضرب نعيم بالقلم يقول
هي حصلت يا ابن دسوقتي تتهمني باني رميت بنتي من القطر
فيمسك نعيم خده ويبص له بمنتهي الغضب ويخرج من الدوار وهو في منتهي العصبية وزاهر بيبص لي وهو هايتجنن وندهه باعلي صوت عنده وقال
يا سميرة. انت يا ولية
فتاتي سميرة مسرعه وتقف قدام زاهر وتقول له
خير يا يا حاج زاهر
زاهر
يوم ما ماتت ولاء بنتي انا مش كنت هنا في الدوار طول الليل
سميرة
ايوة كنت موجود.
زاهر
اومال ازاي اكون هنا وفي نفس الوقت اكون في حتة تانية
سميرة
يكون اخوك التؤام جابر
زاهر باستنكار
اخويا جابر اية يا ولية يا خرفانه انتي جابر محجوز في العباسية من 20 سنه ومرضة ملهوش علاج
سميرة
برضو لازم تروح تشوفه هناك ولا مش هناك وبالمرة
وتقترب سميرة من زاهر وتوطئ صوتها
تشوف مشوار حنين دة اللي رجعت سيرتها في الدوار تاني بعد ماكنا خلاص خلصنا منها
زاهر
ايوة والله صحيح كنت ناقص كمان حكاية حنين دي وقال اية تبقي بنتي
سميرة
لية لا. مش ممكن تكون بنتك فعلا
زاهر
بنتي اية يا ولية يا خرفانه انتي. هو انا اقعد مع امها الا ساعه زمن واحدة
سميرة
بيحصل
زاهر
ممكن تسكتي.
سميرة
ما انا قولت لك بلاش تخفيها من البلد
زاهر بغرور وتعالي
كنت عايزاني اعمل اية. حنان بنتي كانت بتحب زين وزين كان بيحب حنين كنت لازم اعمل كدة علشان بنتي حنان تتجوز اللي بتحبه اومال اية. بنات زاهر الفيشاوي لازم لما يطلبو حاجة تكون تحت رجليهم.
سميرة
تقوم تخطف حنين وتحرمها من اهلها. تخطف بت ممكن تطلع في النهاية بنتك.
زاهر بحده
مش بنتي ومش كل شوية تفكريني هي اصلا كانت ليلة غم ومش عايز افتكرها تاني خالص وغلطة بدفع ثمنها لغاية دلوقتي واهو خسرت اتنين من بناتي والتلتة مابقتش مصدقة اني ابوها وجوز بنتي بيشك اني قتلت مراته
سميرة باستغراب
نعيم يشك فيك انت
زاهر
تخيلي. ماهي ناقصة بلاوي. المهم انا هاخد العربية وهانزل بيها مصر دلوقتي واروح اشوف جابر
سميرة
طيب ما تغبش
زاهر
مسافه السكة.
سميرة
وبالمرة اتاكد ان حنين لسة في مكانها. وكنت عايزا اعرف منك ازاي حنان مش فاكرة حنين
زاهر
ماعرفش بس اخلص مشوار القاهرة دة وبعد كدة اشوف مشوار حنان دة
كل هذا الحوار كان يدور وحنان واقفة وراء احدي الابواب وسمعت كل اللي اتقال ،،،،،،
وبعدها بساعه ومن قدام المديرية تقف عربية ملاكي وينزل من العربية نعيم ويدخل الي المديرية بمنتهي السرعه ويسال عن مكنب زين ويصل الي المكتب ويسال العسكري اللي واقف قدام المكتب ويقول له
زين موجود
فيقول العسكري
لا مش هنا
فيخرج نعيم الموبيل الخاص به ويتصل بزين مسرعا فيرد زين قائلا
ايوة يا نعيم
نعيم
زين انت فين
زين
انا كنت في مشوار وراجع علي شقتي
نعيم
طيب تمام روح وانا هاحصلك علي الشقة
زين بقلق
خير يا نعيم في حاجة حصلت
نعيم
لما اشوفك يا زين علشان مش هاينفع في الموبيل ،،،،،،،،
وبعدها بكام دقيقة يقعد نعيم قدام زين وعلاء في شقة زين والثلاثة يشاهدوا الفيديو باستغراب شديد فيقول علاء
كدة بقي يبقي في كلام جديد يتقال
زين
كلام اية بس مستحيل يكون عمي ركب القطر علشان يقتل بنته
علاء
طيب تفسر باية انه كان في القطر وماقالناش وشهادة عم صالح بتاع مدرسة نعمه اللي انت حكيت لي عنها واللي قال فيها انه شاف راجل كبير في السن صابغ شعره ونعمه مشيت معه وهو بيضحك
زين
ماعرفش بس برضو انا مش مصدق انه ممكن عمي يعمل كدة في بناتة وهايقتلهم لية
علاء
دة بقي اللي لازم نعرفه. بس في الاول احنا محتاجين نفتش اوضة عمك حته. حته ونرفع البصمات ونقران بينها وبين البصمات اللي علي جثة نعمه وولاء
زين
نروح انا وانت ونرفع البصمات
ثم يبص زين لنعيم ويقول له
وانت يا نعيم روح لعيالك زمانهم قربو يصحوا واوعي حد يعرف انك كنت عندنا،،،،،،،،
وبعدها بكام دقيقة يدخل زين وعلاء للدوار ويسلم زين علي سميرة ويقابل حنان اللي بصت له وعيونها كلها دموع واترمت في حضنه وقالت
اهون عليك يازين تسيبني دة كله
زين
دول هما يومين مش كتير.
حنان
بالنسبة لي سنين
زين
حقك علية مش هاتتكرر تاني. بس قبل اي حاجة قالك اية المجنون بخصوص حنين ولية انتي تنكري انك تعرفيها وكل اللي في الدوار انكره معرفتها ليهم
حنان
انا فعلا ما عرفش حد اسمه حنين انما اللي في الدوار يعرفوها كويس ومش عايزين يقولو اللي يعرفو
زين باستغراب
انتي كمان تعرفيها دة كانت صاحبتك وزي اختك
حنان باستغراب
انا. ما حصلش.
زين
حنان. انتي بتنكري لية معرفتك لحنين
حنان
علشان هي دي الحقيقة
زين
مصدقة نفسك. ولا انتي لسة مش قادرة تنسي الحب اللي كان بيني وبين حنين
علاء
زين ممكن نخلي الكلام دة لبعدين
زين
معاك حق.
ويبص زين لحنان ويقول
عمي فين
حنان
سمعته بيقول نازل مصر
زين
طيب انا وعلاء هانطلع اوضة عمي علشان هانتكلم في الشغل
حنان
طيب ما تطلع الاوضة بتاعتنا
زين
لا. اوضة عمي بعيد عن الشارع وهدوا. واحنا محتاجين هدوء
ويسيبها زين هو وعلاء ويطلعو اوضة عمه وحنان بتبص ناحيتهم وفي عيونها اسئلة كتير ، ،،،،،،
ومن جوة اوضة زاهر يبدا زين وعلاء البحث في كل درج من ادراج الاوضة وكل طرفة دولاب ووسط ملابس زاهر لغاية ما وقعت عينهم علي مطواة عليها دم فيبصو الاثنين للمطواء وهما مصدومين ،،،،،،،
يارب تكون الحلقة عجبتكم. مستني رايكم.
👍🏻👍🏻👍🏻👍🏻👍🏻👍🏻👍🏻
ردحذفروعه
ردحذفكتير هايله تحياتي
ردحذفابدعت حقيقي بس ممكن اقول راي خليك فكتابه الروايات المثيره الرويات الكوميدي مش قد كدا انت ممتاز بالروايات الاكشن والاثاره تحياتي
رووووووعة
ردحذفمذهله جدا
ردحذفروعة جدا جدا جدا
ردحذفتم
ردحذفتسلم أناملك
ردحذفروعه اوووووووووي اوووووووووي وتحفه جدا جدا جدا
ردحذفروعه وابداع
ردحذف