هي الببجي عايزا مني اية
★الحلقة السادسة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وتضحك الست اللي في الصورة وفجاة يفتح باب سري اسفل ياميش وشفيع ويقعوا الاثنين وهم يصرخون ويتزحلقوا الاثنين بداخل ماسورة لكن الغريبة انهم بيتزحلقو لفوق وكان المكان دة ما فيهوش جاذبية او الماسورة راكبة غلط المهم احنا مش هانسيب القصة وكل الخيال اللي فيها ونركز ازاي الماسورة بتطلع لفوق. انتو اكبر من كدة.
نرجع للماسورة اللي خلصت عند اوضة شبة العيادة وفي وسط الاوضة دي يقف دكتور عابدين شعرة منكوش وباين انه مجنون ومش طبيعي ويقع من سقف الاوضة. دي ياميش وشفيع فيبص لهم الدكتور ويقول
زباين. اخيرا.
ويساعدهم عابدين علي انهم يقفوا ويقول
معانا ومعاكم الدكتور عابدين القرني المسئول الاول والاخير عن العمارة دي ودلوقتي احب اعرف انتو عايزين عادة ولا مستعجل
فيبص ياميش لشفيع مش فهمين يقصد اية فيقول
عابدين مرة تانية
عادة ولا مستعجل
فيميل شفيع علي ودان ياميش ويقول له بصوت واطي.
دة باين علية مخابرات ومتنكر زي ما قالت لنا دوددا لازم نسمع كلامة. عشان ما يشكش فينا
ياميش
انت صح.
ياميش للدكتور
عادة.
عابدين
انتي يا ناهد عرفتي طريق العادة دة منين
ياميش
انا راجل علي فكرة واسمي ياميش
عابدين وهو بيبص للجلبية المحزقة ام ترتر
بتهزر
فيقلع ياميش الجلبية ويرميها علي الارض ويقول
ادي الجلبية اللي مخلياكم شايفني نتاية
عابدين
طيب روق مالك عصبي لية كدة
ياميش
اصلي تعبت اوي يا باشا. هو انت اسمك اية
عابدين
عابدين ظافر
ياميش
عاشت الاسامي. ما تعرفش فين سامي
عابدين
هنا مافيش سامي في ست الستات. بس قبل ما تخشوا عليها لازم اكشف عليكم انتو عارفين بقي الكورونا ما بتخليش
فيميل شفيع علي ياميش ويقول بصوت واطي
بيقول لك مافيش سامي. اختك اديتنا عنوان غلط ولا اية
ياميش
وانا اعرف منين بس.
شفيع
طيب اتصل بيها
فيبص ياميش في موبيله فيلاقي ما فيش شبكة فيقول لشفيع
مافيش شبكة
شفيع
طيب نعمل اية ندخل لست الستات دي ونسالها عن سامي ولا نمشي
وهنا يسمعوا صوت عابدين بيقول
اية. اكشف ولا تمشوا
ياميش
لا نمشي ازاي دة اختي هتسلخ فخادي لو ماعملتش اللي بعتتنا علشانه
عابدين
خلاص اقعد وريح علي السرير خليني اكشف عليك
فينام ياميش علي السرير فيقعد عابدين قدام منه وبحركة مفاجاة يمسك عابدين ودانه ويسحبها في ايدة فيصرخ ياميش من المنظر فيقول عابدين
وبعدين.
ياميش
ودانك طلعت في ايدك عادي وعامل تسحب فيها زي الموتزريلا بتاعت البيتزا. ومش عايزني اصرخ
عابدين
عادي انا جسمي مطاط.
ويحط عايدين ودانه علي صدر ياميش ويستغرب عابدين اوي ويقول
اية دة. قلبك بيدق وكان في حد بيخبط عليك
ياميش
ويخبط لية بس ما الجرس شغال
ويضحك ياميش. فيبص له عابدين وهو مضايق فيسكت ياميش خائفا منة ف يمسك عابدين ذراع ياميش ويقول
أنت مالك طري كدة لية. انت اللي كانت بترضعك واحدة ست
ياميش وهو يبعد ايد عابدين عنة ويقول باستغراب
اية الغريب ان اللي ترضعني واحدة ست. هو انت ابوك اللي كان بيرضعك.
شفيع لياميش
أهدئة دي الحكومة
عابدين
انت مالك زعلت لية كدة.
ثم يمشي عابدين ايدة علي ذراع ياميش وهو يقول
الله يرحمك يا ناهد.
ياميش وهو يبعد الدكتور عنه
يا عم. حتي بعد ما قلعت الجلبية لسة شايفني ناهد. ومين ناهد دي
عابدين
جوزي.
ياميش باستغراب
جوزك. احية. هو انت راجل ولاست
عابدين
أنا عابدين
ياميش
اية دة. انا مبسالش علي اسمك بسال علي نوعك
عابدين
اة. نوعي عابدين. وانت
ياميش بزهق
نوعي. يا ميش
عابدين وهو يحضنة يقول
ولا بعودة الايام ليك واحشة يا رمضان
ياميش وهو يبعدة عنة بحدة
متزهقناش زهوقة بقي
شفيع لياميش
اوعي تزعلة دة الحكومة
ياميش بعصبية وهو بيقوم من علي سرير الكشف
وهو علشان حكومة يتحرش بيا. انا خلاص نويت اكون راجل. و دة هايخرجني من الدور
شفبع
دي الحكومة يا ولد
ياميش وهو يبعد شفيع عنه
يا عم اسكت. الله يخرب بيت اللي رماك علية
عابدين وهو يسحب ياميش من رجلة
ارجعي معايا وأنا هاكتب العيال باسمك
ياميش وهو يبعد رجلة عن عابدين
اومال انت كنت كاتب العيال باسم البواب.
فيرفع عابدين بنطلون ياميش ويمسك رجلة ويبوسها وهو يقول
احب الكوارع
فيبعده ياميش بزقة من رجله وهو يقول
كوارع أية يا منبار انت
عابدين وهو يمسك رجل ياميش مرة تانية
انا مش منبار انا عابدين.
ياميش بعصبية
عابدين اهلك يا عم
ويدعك عابدين رجل ياميش وهو يقول
فاكرة يا ناهد لما كنت برمي ليك الورقة تحت السرير وانتي بتكنسي وانزل انا اجيبها
ياميش
دة اية المتعة في كدة. ياعم البلاص انت
في الوقت دة تدخل امراة لعوب وهي ست الستات وكانت غير الصورة الموجودة في مدخل العمارة فهي طخينة جدا جدا فيبص لها شفيع ويقول لياميش
ألحق الرواتر العمومي جه
ياميش وهو مش مستوعب حجم ست الستات
دي مش رواتر عمومي دي الماسورة الام اللي بيطلع منها الستات كلها
ست الستات تبص لعابدين وتقول
عابدين قاعد لية علي الارض كدة
فيقف عابدين مسرعا ويقول
ست الستات جائنا زباين وكنت بكشف عليهم
فتضحك ست الستات ضحكة خليعة ترج العمارة فيقول ياميش
سامحها يارب فانها جاموسة
وتروح ناحية شفيع وتبص لة وتقول
انت مش صغير علي اللي انت جاي تعملة دة
وتضحك في وش شفيع فيخاف شفيع ويحتمي في ظهر ياميش وياميش يقول له
دي الحكومة عادي لما تتكرع في وشك
وترجع تبص ست الستات لعابدين وتقول بدلع يرعب
كشفت عليهم
عابدين
حصل يا معلمة. وطلعوا نضاف
ست الستات
ولو وسخين. انا من ساعة ما البلد اتحولت ببجي والناس مش فاضية الا للقتل وبس وانا قاعدة من غير شغل لما زهقت
ياميش
وهو انتي ما بتلعبيش ببجي لية
ست الستات
لا. انا احب العب اوي كندي كرش
وتضحك بمنتهي الدلع فيقول عابدين
ادخلك الاثنين مع بعض ولا. تخلصي علي واحد واحد
ياميش
ندخل فين بس احنا مستعجلين خلوها مرة جاية. احنا بس عايزين سامي علشان نمشي
ست الستات
ما يحصلش تكونو في عمارة ست الستات وتخرجوا من غير ما تخدوا واجبكم. ولو علي سامي اول عيل اخلفه منكم اسمي سامي
فيميل ياميش علي شفيع ويقول
سمعت الجاموسة دي قالت اية
شفيع
ماخدتش بالي
ياميش
احنا في عمارة ست الستات. مش ست ستات
شفيع
ودي هاتفرق في حاجة
ياميش باستهزاء،
لا. خالص احنا بس. في عمارة غلط.
شفيع
يعني المفروض نعمل اية دلوقتي
ياميش
نجري
ويجري ياميش وشفيع ناحية باب العيادة ويخرجوا جري وست الستات تقول لعابدين
هربوا لية دول. اكيد خافو من شكلك
عابدين
انا بردو. انا ميت مرة اقول لك ما تخشيش علي مرة واحدة
ست الستات
كدة طيب انت بقي زبوني الليلة
عابدين وهو يعيط
لا. حرام مش كل يوم انا بقي
ست الستات وهي تحمل عابدين
مش كل يوم واحنا داخلين الاوضة تعيط. انت كبرت علي كدة، ،،،،،،،،،،،،،
ومن قدام عمارة ست ستات يقف شفيع وياميش ويقول ياميش في الموبيل
ايوة يا دوددا احنا قدام العمارة اهه
دوددا بعصبية
واية اللي اخركم دة كله
ياميش
اصل احنا اتشفطنا في عالم افتراضي بتاع ولية شبه،،،،،،،
فيضربه شفيع في ذراعه ويقول له
اخلص وبطل رغي
ياميش
اخلصي وقولي اعمل اية بقي
دوددا
اطلعو الدور التاني او التالت واسالو عن سامي
لكن في الوقت دة يقف سامي وراء منهم ويقول
مين عاوزني
فيتخض ياميش ويبص لسامي اللي كان مسبب شعره وباين عليه انه نحنوح وقال ياميش
انت سامي
سامي
أنا
شفيع
وعرفت ازاي اننا بندور عليك
سامي
انا مراقب اي مكالمة بتم قدام عمارتي.
شفيع
طيب احنا عايزينك، ،،،،،،،،،
ومن جوة شقة شربات يقعدوا كلهم وزاد عليهم سامي اللي كان بيبص ويقول لهم
وانتم بقي عايزين تهكروا اللعبة
دوددا
اة. شغلك بقي وانت شاطر في
سامي
بس دة هيكلفكم كتير اوي
دوددا
ولا. هتعملها لوجه الله
وتمسكة دوددا من التيشرت وتقربه منها اوي وتقول له
ولا انت عايز تقول لا. مثلا
سامي بخوف شديد
انا خدامك يا جتعه بس بلاش تاكليني والنبي
دوددا
طيب قول نهكر ازاي اللعبة
سامي
هحتاج اثنين يوصله للرواتر العمومي اللي في الدور 50. ما يكونوش لعبه ببجي خالص
فتبص دوددا لشفيع وياميش وتقول
موجودين
فيعيط ياميش ويقول
يارب اموت وانا واقف علشان لما اقعد ما عرفش اني موت،،،،،،،،
وبعدها بساعه ومن جوة الشقة تقعد دوددا ونسمة في اول الاوضة. وشربات تقعد قدام سامي اللي قاعد علي اللاب بتاعه وهو لابس نظارة شمس وبيجهز لتهكير اللعبه وبيبص لشربات وفي ايدة موز وبيقول بمحن
كلتي موز
شربات بدلع
لا. ما حبوش
ودوددا تمسك الموبيل وتتصل بياميش ولكنة لا يرد فتبص نسمة للي بيحصل بين سامي وشربات وتقول ل دوددا
وبعدين
دوددا
ما انا بتصل اهو والحيوان مش عايز يرد
نسمة
انا ما بتكلمش علي ياميش انا بتكلم علي النحنوح دة. اللي بيشقط امك
وتبص ل سامي وهو بيقشر موز وبياكل شربات فتنفعل دوددا وتروح ناحية سامي وتسمعة بيقول
الموز حلو. ومافيهوش بزر
دوددا وهي تقف قدامه وتقول
سامي لم نفس اهلك دي امي اللي انت عايز تشقطها دي
وتبص لشربات وتقول
وانتي يا شربات. من امتي بتكلي موز
شربات
ما هو طلع من غير بزر
دوددا
والله. شربات ابعدي عن الواد دة احسن لك دة كان زميلي في الكلية وانا عارفة اصلة وفصلة
شربات
خلاص بقي هو انا عملت حاجة. واعملي حاجة بقي خلينا نطلع من اللعبة دي قبل ما نموت
دوددا
اعمل اية اكتر من اللي انا بعملة
شربات
اتصلي باعطال الكهرباء وعرفيهم اننا اتشفطنا
دوددا وهي حاطة الموبيل علي ودانها ومستنيا ياميش يرد تقول لها
بس يا شربات والنبي
ويرد ياميش ويقول
الو.
دوددا بعصبية
جك الو في عينيك وعين اللي خلفتك
شربات بحدة
بت انا اللي خلفتة
دوددا
معلش يا شربات كان لازم يتشتم
ثم تقول لياميش
بتصل بيك بقالي كتير ما بتردتش لية
ياميش
روحنا العمارة ولقينا الاسنسير عطلان كنا بنطلع ال 50 دور
دوددا
يعني وصلته للرواتر العمومي
ياميش
احنا قدام منه اهو
دوددا لسامي
سامي. ياميش وصل للرواتر العمومي
سامي
خلي ينزل الدور التسعه واربعين شقة 3.
دوددا باستغراب
اشمعني
سامي
محتاج حاجة من الشقة دي
دوددا تقول لي ياميش اللي قاله سامي. فينزل ياميش للشقة اللي قال عليها سامي ويقف قدام الباب فيقول سامي
خلي يخبط
فيخبط ياميش ويفتح الباب رجل في التسعينات من عمرة يدعي زغلول فيبص لهم ويقول بصعوبة. لانه مش قادر يقف
نحم حايزين أية
ياميش
اية دة انت كنت ميت وصحيت
ويقول ياميش لدوددا
فتحت لينا مومياء من بتوع الفراعنه اعمل اية تاني
سامي يقول لدوددا
خلي يتف علية
دوددا باستغراب
يتف علية
سامي
اة.
دوددا لياميش
تف علية
ياميش باستغراب
لية
زغلول
نحم حايزين اية
ياميش
اصبر. يا عم المرحوم. علشان في نيلة جاية علي وشك. ممكن تجيب اجألك
دوددا لياميش
اعمل اللي بيقول علية سامي هو عارف بيعمل اية
فيتف ياميش علي وش زغلول. فيقول سامي في الموبيل
ياميش افتح الاسبيكر عشان في رسالة لزغلول دة
زغلول وهو يمسح التفة بصعوبة وفي حالة غضب شديد ياميش يفتح الاسبيكر بتاع الموبيل وسامي يقول
أنا كدة خد حقي منك. يا زغلول يا معفن
زغلول
انت مين
سامي بغل
ارجع بذكرياتك لوراء وافتكر 3/4 فصل ابتدائي مدرسة جمصة الثانوية بناتين انت كنت بتفتف علي مين وانت بتشرح الدرس يا حيوان
زغلول
انت سامي. اللي كان بيقعد في اول صف عندي صح
ويخلع سامي النظارة ويقول
ايوة سامي افتكرتني دلوقتي
فتضربة دوددا علي قفاة وتقول
انت بتقلع النظارة لية هو شايفك
سامي وهو بيلبس النظارة مرة اخري
لا. بس المشهد كدة هايبقي احلي
نسمة وهي بتصوت
يا لهوووووووي. هو دة يا دوددا اللي هايخرجنا من ببجي. قولت لك بلاش سامي. دة مجنون
ياميش في الاسبيكر بتاع موبيل دوددا
دوددا. هي دي خلاص الحلقة الاخيرة. من مسلسل
تفة سامي
دوددا
لا.
ياميش
طيب التفة دي ليها علاقة بالرواتر
دوددا لسامي
ارد اقول له اية دلوقتي
سامي
دة حقي وكان لازم اخدة
دوددا
طيب ما تفتش علية انت لية
سامي
ماقدرش اتف علي الراجل اللي علمني
دوددا
انما تبعت حد يتف لك علية عادي
ياميش
سامي. انت بقالك كام سنة سايب جمصة الثانوية بناتين. اللي فيها فصول ابتدائي. دي
سامي
حوالي 25 س
ياميش
وبعد 25س. فاكر تاخد حقك يا ابن الجذم. من راجل ميت
سامي
انا كنت ناسي ولسة فاكر ودة حقي وكان لازم اخدة
ياميش بغضب
شوف انا ماعرفكش ومش عايز اعرفك وعندي استعداد اسامحك. بس لما اعرف اية جمصة الثانوية بناتين دي
سامي
دي مدرسة مشتركة بنات وبنين
ياميش
فانت روحت مدخل بنات في بنين طلعت بناتين انت برنس الجذم. دوددا. خلي القنفد اللي عندك دة يقول هنعمل اية في الرواتر العمومي وخلصينا من المشوار الحزين دة
سامي
ما فيش حاجة اصلا اسمعها رواتر عمومي انا كنت بنخع علي اختك هو انتم عبط في حاجة اسمها رواتر عمومي انا وديتكم العمارة علشان كنت عايز اخد حقي من استاذ زغلول وخلاص. خدة. ممكن تركب تاكسي وتيجي علي عندي عادي انا خلاص هكرت اللعبة وكلها لحظات ويتم حذف كل ملفات اللعبة
فيقول ياميش
اةةةةةةةةةةةةةةة. يا ابن الجذمة، ،،،،،،،،،،
ومن جوة معمل فريسكا كان فريسكا بيدوس علي زرار في الكمبيوتر بتاعه وبيقول
حمار مين بيحاول يهكر اللعبة. اهو جاب عليها وطيها وهيخلي البلد كلها تتحول لزون واللي الزون هيلمحة هيمرجحة 🤣🤣🤣🤣،،،،،،،،،
ومن جوة التاكسي اللي كان راجع في ياميش وشفيع يشوفوا السماء بتحمر رغم اننا بالليل وكان الشمس بتطلع
وفي دائرة حمراء كبيرة بتلف زي الاعصار واي حد بيدخل جوة منها بيموت وبدأ الهرج والمرج وناس بتجري جنب التاكسي وقدام التاكسي فقال سواق التاكسي وهو بينزل من التاكسي
التاكسي مش عايز يدور وكله بيهرب من الزون ولازم تنزلو بسرعه من التاكسي وتهربو قبل ما نموت
شفيع
بس احنا ما بنلعبش ببجي يعني الزون دة المفروض ما يعملش فينا اي حاجة
ياميش وهو بيبص لمنظر الناس اللي بتموت قال
ما افتكرش ان المرة دة اللي بيتاذي هما لاعيبة الببجي وبس كله بيموت. واحنا لازم نهرب وبسرعه
ويحاولو يفتحوا باب التاكسي علشان ينزلو لكن تدافع الناس واللي زاد بطريقة مخيفة خلاهم مش عارفين يفتحوا الباب وقرب الزون اكتر واكتر وبدأ يحرق مقدمة التاكسي وتسرب الخوف لياميش وشفيع وهما بيحاولو لسة يخرجوا لكن الموت كان قرب اوي وبقي اقرب من اي وقت فات، ،،،،،،،،،،،،،
استنوني بكرة باذن الله والحلقة الاخيرة من. هي الببجي عايزا مني اية
إرسال تعليق