أمين حوتب
★الحلقة الخامسة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
قبل ما اي حد يقراء الحلقة دي. الحلقة ممكن بكون فيها حاجات بتقرف. بس الغرض الهزار وبس. فاللي مش حابب يقراء ما يقراش علشان ما يتاذيش بسبب لفظ او موقف بسببي
كنت نايم عادي وفجاة صحيت لقيت نفسي علي سرير ابيض في فوشيا. لون غبي كدة. ونسواني الاربعة واقفين قدام مني وبيقولو في صوت واحد
ايه يا امينه هاتفضلي نايمه كدة.
امين بنرفزه
ماتقوليش يا امينه دي خالص انا امين وها فضل امين
ام بركات
علي خيبه ايه ده انت بقيت زي اختي
امين
وبعدين معاكي يا وليه بقي لمي لسانك مسيري ارجع زي الاول
ام بركات
يا شيخ اتنيل. انا عملنالك عملية وخلينا النص اللي فوق يمشي مع النص اللي تحت
وبصيت لقيت بروز طلعت لي من عند الصدر وشعر مدلدل صدري وهنا بقي كان لازم اخد موقف وصرخت وقولت
انا امين مش امينة انا امين مش امينة
وصحبت لقيت نفسي كنت بحلم وانا راقد في مستشفي ولابس جلبية والواطي بركة قاعد عند اول الجلبية وبيرفعها بشويش وبببص من تحت لتحت ضربته برجلي زقيته وقع علي الارض وقولت
بتبص علي ايه يا واطي
بركه وهو واقع علي الارض
انت طول ما انت في غبيوبة وانت عمال تقول راح. راح. قولت ابص اشوف ايه اللي راح منك
امين
وانت مال امك انت بالي راح مني
بركه وهو بيقف وبينفض هدومة
خلاص حقك عليه انا كنت عايز اساعدك
امين
مالكش دعوي بيا. دي لعنه وهتعدي
ام بسبوسه
لعنه ايه يا خويا
امين
انا قولت لعنه
ام بسمه
اه قولت لعنه
امين
يا وليه يا كدابه انا ماقولتش كده واسكتي بقي سيبني في حالي
ولقيت اللي يتخفي اسمه بركه بيرفع الجلبية تاني وبيبص من تحت لتحت فقولت بعصبية
ماتلم نفسك يا ابن الحمار. ولا اقوم اكسر عضمك
بركه
اموت واعرف ايه اللي راح
بركات
باين كده،،،،،.
وبص بركات تحت فقال بركة ل بركات بشويش
لا بجد يعني بابا بقي ماما
كنت هموت واسمع قالو اية لكن اللي علي راسه بطحه فقولت بعصبية
خدوا ولاد الكلب دول واطلعوا بره
بركه وهو بيمسك ديل الجلبية بتاعتي
طيب اقعد معاك انا
رفست ايدة برجلي وقولت
لا انت بالذات لا.
وخرجوا كلهم وسابوني لوحدي عمال افكر وبقول في سري
وبعدين يا امين الدهب عليه لعنه فعلا وانا هاعيش كده ولا ايه نص راجل ونص ست انا لازم اشوف حل للعنه دي،،،،،
وقومت لبست هدومي وشيلت كل الاجهزة اللي موصلني بيها وخرجت من المستشفي وسمعت راجل ملزق بيقول
يا جميل انت يا ابو رجل مقلوظة
لقيت نفسي بلف بغريزة الانثي وبقول له
لم نفسك يا حيوان
لقيت الراجل اصلا مش باصص ناحيتي وماشي وراء واحدة تانية برقت وقولت
في اية دي احسن مني ذوقك بلدي
حطيت ايدي علي بوقي وقولت لنفسي
لا. دة انا هرموناتي بدات تقلب. يادي الفضايح انا لازم اتصرف ،،،،،،،،
ومن جوة محل بركه يقعد بركه وكان بيتفرج علي المصارعه وقدام منه فوطه معفنه خاصه بالحلاقه وحاطت عليها طبيخ وبباكل بطريقه بشعه فيدخل عليه بكاتوني وبركات ويقول بركات
تعالي كل
بركه
ياريت ينفع الاكل علي قدي والله
بكاتوني
ايه العفانه دي
بركه وهو بيشيل الاكل بسرعه وبيحطة تحت الكنبه وبيمسح أيده وبوقه في الفوطة المعفنه وبيقول
نعم خير جايين ليه الساعه دي. والمحل ضيق ما ينفعش ياخدنا احنا التلاته بعدين نتحشر
بكاتوني
بركات ظبط لنا مشوار مع نسوان وجاءنا عشان ناخدك معانا
بركه فرحا
نسوان
ويقوم من علي الكنبه وهو يقول
طيب يالا
بركات
طيب اهدئه طيب لسه فاضل ساعتين
بكاتوني
وعقبال الساعتين دول مايعدوا احلق لي
ويقعد بكاتوني علي كرسي الحلاقه ويقول بركه
تحب اعمل لك قصه مين
بكاتوني
اي حد بس اطلع عايش من تحت ايدك
فيجيب بركه الفوطه اللي كلها طبيخ وكان لسة بياكل عليها ويلفها حول رقبه بكاتوني اللي شم ريحة الفوطه اتغيرت ملامح وشه وقال
مافيش فوطه غير دى. كلها طبيخ
بركه
ماعنديش غير اتنين واحده باكل عليها والتانيه اللى انا بخش بيها الحمام لما تكون الميه مقطوعه اجيب هالك
بكاتونى
يا ابن المعفنه. ريحه الطبيخ ارحم من الريحه التانيه احلق واخلص يابركه
ويجيب بركه ماكينه الحلاقه ويحطها على راس بكاتونى ويشغل بركه الماكينه ويمشى بها على شعر بكاتونى فيتوجع بكاتونى اوي ويقول
بالراحه يا بركه او اما ادينى بنج
بركه
حاضر هاشتغل بالراحه
ويمشى بالماكينه مره تانية على شعر بكاتونى فيتوجع بكاتونى تاني ويبعد عنه وهو يقول
ياعم انت بتشيل الشعر بالجلد ليه
بركات
هاتموت الواد الله يخرب بيتك ماتخف ايدك يابركه. انت مالك انت بالحلاقه ماتفتح فرنه احسن
بركه لبركات
أسكت انت ايش فهمك فى الحلاقه
بركات
لا انت اللي بتفهم في الحلاقه
بركه
لا. بس عندى محل حلاقه
فيمشى بالماكينه على شعر بكاتونى فيقوم بكاتوني من علي الكرسي وهو بيقول
بس حلو كده يا بركه تسلم ايدك هو باب المحل فين
بركات
انت مش شايف الباب يابكاتونى
بكاتونى لبركات
تخيل انا اول مره احلق شعرى عينيه توجعنى انا حاسس انه قطع عرق النظر اللى فى المخ
بكاتوني ل بركة
الله يخرب بيت ايدك بصراحه انت صانيعى أيدك تتلف فى حديد
بركه
طيب اقعد اقول لك
فيجرى بكاتونى خارج المحل فيبص بركه ل بركات فيجرى بركات خارج المحل هو كمان فيقول بركه وهو بيبص عليهم
هو ايه اللى حصل لده كله،،،،
ومن جوة تاكسي في المقطم يقعد بكاتوني وبركات وبركه مع فتاتين الاولي تدعي نهله وهي جميله جدا والثانيه تدعي ناهد وكانت ناهد مش حلوه بعض الشي
فيميل بركات علي بركه ويقول له بصوت واطي
بقول لك ايه احنا نقضي الليله مع نهله ونسيب ناهد لبكاتوني
بركه
احسن بردو احنا نقضي الليله مع القمر دي
ويقنع بركات بكاتوني ان يقضي الليله مع ناهد وينزل بكاتوني مع ناهد من التاكسي ويبص بركات ل نهله وبركه يقرب من نهله ويقول وهو يحسس علي شعرها
انتي بتحلقي فين
نهله بدلع
بحلق في البيت
وتضحك نهله فيضحك بركات وبركه ويقتربوا الاثنين منها مره واحده فتبتعد نهله وهي تقول
حيلكم ايه انتوا الاتنين مع بعض ما ينفعش كده
بركات. لبركه
هي بتتكلم صح يالا انزل
بركه
نعم واشمعني انا اللي انزل. انزل انت
بركات بغضب
انت هتخليني أقول لك كلمه بطاله أنا اللى لازم أبدا علشان انا اللي جيبت نهله
بركه
نعم ياروح امك. طيب أنا مش موافق انت ياعم بلطجى عليه ولا أيه أنا اللى هابدا الاول وده كلام نهائى
بركات
لا انا الاول أنا ماحبش أخد حاجه بعد ماحد يفعص فيها
بركه
يعنى كده طيب أنا نهله تخصنى ومش هاتقرب منها الا بعدي انا
بركات بغضب
طيب ايه رايك بقي انها كبرت في دماغي وانا الاول
بركه
أرجع يا بركات عن اللى فى دماغك علشان ماتزعلش ونهله دى ليا أنا
بركات
مش راجع وهات اخرك
بركه
كده طيب ماتزعلش بقي من اللي هايحصل.
ويمد بركه ايده ناحية عصير برتقال كان معه وضغط علي ازازة العصيرة غرق وش نهله كله. وهو بيقول
ادينى بوظت لك وشها ورينى بقى هايجى لك نفس ازاى تبوسها فى خدها. وانت اصلا ما بتحبش البرتقال
نهله وهي تمسح وشها بمنديل وتقول
أنت مجنون اية اللى أنت عملته ده
بركات وهو مش ضايق ريحة البرتقال
انت عيل معفن اوي.
ويمسك عصير المانجا اللي كان معه ويغرق وش نهله بعد ما كانت مسحت وشها من البرتقال وقال بركات
وانت ما بتحبش المانجا وريني بقي هتبوسها ازاي
بركه ببرود
انا مش محتاج وشها في حاجة.
بركات بغيظ شديد
صحيح ما انت حلاق وبارد
وينزل بركات من التاكسي وهو مش ضايق ريحة البرتقال فبصت نهله لبركة وقالت
ايه القرف اللي انتو عملتو ده علشان خاطري بلاش حركات معفنه تانى انا اصلا بكره العفانه
بركة
ومين سمعك.
واول ما يمسك ايدها يسمع صوت ريح. فيبص ل نهله ويقول
سلم يارب سلم أيه الصوت الخبيث ده
و تتغير ملامح وشه ويقول
وايه الريحه الرمه دى
نهله
معلش ده تنفيس بسيط
بركه
تنفيس ايه بس انا قاعد مع منظم انبوبه
فيصدر نفس الصوت من نهله فيحط بركه ذراعه علي مناخيره ويقول وهو يبتعد عن نهله
وبعدان بقى فى ايه يانهله انتى واكله بيض ممشش ولا ايه. افتحى الشباك اللى جنبك يانهله هاعيط من الريحه
فتصدر نهله نفس الصوت فيصرخ بركه ويقول
كفايه بقى الله يحرق ريحه امك نظرى هايروح يابعيده واحده فس تانى من دى وهاتولعى فى التاكسى ايه يانهله انتى شايله القولون وحطه مطرحه شكمان
نهلة
معلش خلاص مافيش تانى يالا بقى حبني
قالت كدة وبركة كانت دماغه برة التاكسي بيشم هواء وبيقول
حب ايه بقى ده انتى خلتيها صرف صحى. وكنتي قرفانه من شوبة عصير جم علي وشك. وانتي بتزرعي كاكا
نهله
دخل راسك يا بركه خلاص الريحه راحت
فيدخل بركه راسه ويقول
خلاص وعد مافيناش من فيس تانى وعلشان خاطرى اقفلى باب الحمام اللى اتفتح عندك وراء ده
فتصدر نهله نفس الصوت فيعيط بركه وهو يقول
يابنت الكلب يامعفنه نظري راح
وكان بركات بيبص علي التاكسي اللي اتملي دخان وقال
يا بختك يا بركة زمانه عايم في المهلبية
ويفتح بركه باب التاكسى وينزل منه ويقع علي الارض ويمشي زي الاعمي وهو بيقول
بركات يا ولدي. انت فين
راح له بركات وقال له
مالك يا بركه
بركه
عامتني عامتني بنت المعفنه
ثم تبدا مناخير بركه في النزيف فيبص بركات ل الدم اللي نازل من مناخير بركه ويقول بركات
ايه الدم ده
بركه
البت بتفسى نووي. دي ما ينفعش معها الا البردعي،،،،،،،،
واخيرا وصلت فيلا همام بعد 10 ساعات في الموصلات ما عرفش لية. ورنيت الجرس لقيت عيل عنده سنتين تقريبا بيفتح الباب بعد ماجاب الكرسي ووقف عليه وقال اول ما شافني وبصوت همام
امين كويس انك جيت. دة انا قالب الدنيا عليك وموبيلك مقفول
استغربت وقولت
انت همام انا مش قادر اصدق عينية
عيط العيل الصغير وقال
لا صدق. انا نمت همام عادي صحيت لقيت نفسي كدة وكمان شخيت علي نفسي.
وعيط همام فشيلته من علي الارض وخده في حضني وفضلت اطبطب عليه وهو يقولي
اتصرف يا امين
امين
حاضر والله. وماتعرفش صالح حصل في ايه
في الوقت دة يظهر سفير وفي ايدة برواز وجوة البرواز يقف صالح واول ما صالح شافني قال
الحقني يا امين وخرجني من هنا انا تعبت من الوقفه دي
امين
هاخرجك ان شاء ومش هاسكت غير لما افك اللعنه دي
همام
بس مش غريبه يعني كلنا حلت علينا اللعنه الا انت
فضحك سفير. لان الواطي عارف باللي حصل لي فبص همام لسفير وقال
سفير بيضحك لية
امين
اصل اللعنه حلت عليه انا كمان
صالح
حلت عليك ازاي وانت واقف قدامنا كويس اهو
سفير
اصلها جت له في ال،،،،،،،،
ضربته برجلي في قصبة رجله اتوجع وقال
جت في التعويرة
امين
اسكت يا ابن المشمومه
سفير وهو بيدعك في رجله
ليه بس كده يا عمي
امين
سفير انا هرموناتي دلوقتي هرومانات واحدة حامل بلاش تخليني انكد عليك. وقولي نفك ازاي اللعنه دي
سفير
ما فيش غير ام لهب
وحضر سفير السلسة اللي فيها صورة ام لهب اللي كانت قاعدة جوة الصورة بتلقي بطاطس فبصيت لها وقولت
والله العظيم انا لو عايش جوة فيلم كرتون هيبقي واقعي اكتر من كدة
وسمعت ام لهب بتقول
تش.
بصيت لسفير وقولت
اية تش دي
سفير
اصل الطاسة اللي بتقلي فيها من الرخيصة جبتها من غير التش فكل ما تقلي بطاطس تخاف الزيت ما يكونش سخن فتقول تش هي. بدل الزيت
كنت حاسس ان عرق الهطل عندي بدأ يطول فقولت ل ام لهب
ام لهب عايزك
بصت لي ام لهب وقالت
عيون ام لهب اكل لقمه بس واكون معاك عشان انا علي لحم بطني من امبارح
امين
لا معلش خليكي معايا لثواني وارجعي بعد كده للبطاطس اللي انتي بتعمليها دي
ام لهب
مش مهم البطاطس هو انا يجي لي اعز منك خير يا خويا مالك
همام باستغراب شديد قالي
خير يا خويا. ازاي يعني هي مش دي المفروض من الجن
بصت له وقولت
خير يا خويا هي اللي ضيقتك وانها بتقلي بطاطس جوه صوره عادي معاك سيبني في اللي انا في والنبي
ورجعت بصيت ل ام لهب تاني وقولت
حلت علينا لعنه رع مون
فتضحك ام لهب وتقول
ما أنا عرفت وعرفت انك بقيت نص ونص
بصيت ل سفير وقولت
يا ابن الفتانه
سفير وهو يضحك قال
اصل ام لهب كانت هاتعرف هاتعرف لانها بتشوف اي حد عريان
امين
عريان
ومسكت همام وحطيته علي حجري وقعد وانا مكسوف وقولت
ام لهب ممكن ما تبصيش تحت
ضحكت وقالت
مش قادره والله
امين بنرفزه
ياووووووووو بقي هاسيبكم وامشي
ام لهب
لا خلاص ما تزعلش. فك اللعنه دي
وسكتت ولقيتها بتبص تحت وهي بتقول
طيب اتصور معاك وانت كده. انت اللي زيك قليلين اوي
امين
ام لهب لمي نفسك بقي
ام لهب
طيب خلاص. لازم عشان تنفك اللعنه توصلو لمومياء رع مون وتاخده الزيبق اللي جوه المومياء وكل واحد منكم يشرب جرام من الزيبق وبكده ترجعوا زي ماكنتوا
امين
وفين مومياء رع مون
ام لهب
كانت في المقبره قبل ما ينقلها هلاك من مكانها
امين
ووداها فين
ام لهب
في قصر مهجور في طريق السلوم بس خلي بالك اللي يقدر يوصل لمومياء رع مون اتنين من دمكم يعني حد من ولادكم
همام
واحنا مانقدرش نوصل للمومياء ليه
ام لهب
عشان عليكم اللعنه وحتي لو المومياء قدامكم عمركم ماهتشوفوها
امين
ومين بقي الاتنين دول اللي يفكوا عننا اللعنه
سفير
همام وماعندوش عيال وصالح ولسه ماتجوز مافيش غيرك
انت اللي عندك اتنين ومن دمك
امين
تقصد مين
سفير
بركه وبركات
ضحكت وقولت
لا بجد. ده كده هايبقي بدل اللعنه لعنتين
سفير
عندك حل تاني
عيط علي حالي ربنا حوجني لاثنين متخلفين وقولت
لا ماعنديش،،،،،
ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام
تحفه
ردحذففظيعه اقسم بالله
ردحذف